المشاركة الأصلية كتبت بواسطة rom
لوسمحت عاوز اشتري انا كمان من بنك ناصر ايه الشروط برجاء للاهميه
|
شكرا للجميع على ردودهم على موضوعى وانا بالفعل مش ناوى اسيب حقى انا فى البدايه احتسبته عن الله والموضوع ده زى ما هو تنبيه للناس عن الاعيب التجار هو كمان دعاية سيئة ليهم ولافعالهم وشوف بقى ممكن يصرفوا كام علشان يضيعوا أثر الدعايه السيئة بتاعتهم اللى هما عملوها لنفسهم
وبالنسبة لشروط بنك ناصر - انا ها اقول اللى اعرفه وهو شروط التعامل مع موظفين الحكومه لانه هو ده اللى انا اهتميت بيه لانى موظف حكومه
فى البدايه انا روحت اخدت مفردات مرتب ليه ولضامن من الشغل عندى مختومه طبعا بختم النسر ووديتها البنك ومها 5 صور بطاقه ليه وللضامن ووصل نور او ميه ليه وللضامن وصورة شهادة ميلاد ليه وللضامن وارقامنا التامينيه وطبعا عرض سعر بتاع العربيه اللى انت عايزها من المعرض اللى انت ها تحدده - يقوم البنك مدينى ورقه موافقه للتحويل المرتب بتاعى على البنك وتحويل مرتب الضامن عند طلب البنك - يعنى لو انا ما سددتش - وروحت وديتها مقر العمل اخدت موافقته على التحويل ووديتها البنك قام مدينى طلب تخصيص للمعرض انا بصراحه بعته للمعر ض بالفاكس وهما بعتوا رقم شاسية وموتور للبنك بالفاكس - اخدت الموافقه من البنك فرع النصر اللى هو اول مكرم عبيد بعد ما دفعت المقدم طبعا وشويه مصاريف تانيه 40 جنيه استعلام بنك مركزى 10 جنيه فتح حساب 130 جنيه وثيقة ومش عارف ايه - ده اللى انا فاكره ولو فيه حاجه تانى ها تبقى بسيطه جدا كلها ارقام ب 3 تعريفه - وبعد كده روحت ختمت الورق من فرع البنك الرئيس فى شارع قصر النيل - ووديته المعرض الكلام ده خلص كله فى يوم بعد الشاسيه والموتور - بس كان يوم خميس فالمعرض قالى تعالى بقى يوم السبت استلم عربيتك وها نكلع معاك مندوب ل مرور 6 اكتوبر علشان تجيب شهاده بيانات وبعد كده تتطلع على المرور بتاعك علشان ترخص ومعايا المندوب بصراحه سهلى حاجات كتير جدا فى المرور اه كله بثمنه بس على الاقل خلصنا كل حاجه فى يوم واحد بما فيهم 6 اكتوبر - وبعد كده المعرض اخد منى اصل الرخصه علشان يويرها للبنك وانا يومها مشيت بصوره فى العربيه وربنا ستر - واخدجت منه اصل الرخصه بعده بيومينز
الحسبه أزاى بقى
اولا البنك بياخد منك مقدم على الاقل 15% من ثمن العربيه وممكن تزوده زى ما انت عايز - والباقى من المقدم بياخد عليه فائده 6% فى السنه وممكن تقسط لحد 7 سنوات ونصف يعنى 90 شهر - بس طبعا الفائده بتبقى ساعتها 45% والقسط ممكن يكون 100% من المرتب وديه ميزه جامده جدا فى البنك كل البنوك تقولك القسك ممكن يكون 30 او 40 فى الميه من المرتب وده بيحجمك فى عدد السنوات ونوع العربيه طبعا - طيب وبعد كده البنك حسب 1% مصاريف إداريه على المبلغ المتبقى وقسمها على عدد الشهور - والميزه الجامده جدا مع بنك ناصر طبعا غير انه فائدة اقل من اى بنك تانى فى مصر - انه معمليش تأمين على السيارة وطبعا ده بخبرتكم بيتكلف فى حدود من 3 ل 4 فى الميه من ثمن السياره كل سنه يعنى رقم وقدره برده بيضاف عليك وده ممكن يوصل لحد 10 او 15 الف جنيه زياده لكن عملى تامين على الحياة علشان يسدد قيمة العربيه لو حصلى حاجه وده كلفنى تقريبا فى حدود 730 واتقسموا برده على عدد السنين يعنى قيمة 10 جنيه فى الشهر ولا حاجه وديه حاجه جامده جدا من وجهة نظرى - ثانيا وده الاهم انا اصلا كنت رافض لفترة دويلة تقسيط العربيه لانى باستحرم موضوع التعامل مع البنوك والتقسيط والفوائد وكده - لحد ما اكتشفت ان بنك ناصر يعتبر بيت مال المسلمين وهو وريث من ليس له وريث وليه نسبة من الزكاة وبيعمل مشاريع وقروض حسنة كتير بدون فائدة بس بيتضاف عليها مصاريف إداريه اللى هى تكلفة موظفين البنك - فطبعا احنا كمسلمين لينا فيه حقوق وانا هنا مش بحلل ولا احرم التعامل مع البنوك انا بس بقولكم انا فكرت ازاى ساعتها فقولت مادام ده بديل بيت مال المسلمين وديه شروطه فيبقى انا ها اتعامل معاه ولو فيه شبهه ربويه يبقى المسئول عنها مش انا - لانى مش مسئول عن قواعد وحسابات البنك وثانيا اغلب الشيوخ حللوا تقسيط السلع - والاختلافات كانت فى القروض والبنك بيسميها تقسيط سيارة حتى مش قرض سيارة - فاعتمدت على الله واستغفرته ان كان فيه شبهه وعملت كل اللى انا حكيتلكم عليه وانا معنديش مانع من اى استفسار فى التعامل مع البنك لانه سهل جدا واجراءاته لو ها تعرف تكمل اجراءاته بسيطخ جدا وسريعه جدا انا بقولك لما خلصت ورقى استلمت الموافقه فى نفس اليوم اللى وديت فيه رقم شاسيه وموتور ومن غير واسطه ولا حاجه - بس فعلا عرفت ان فرع النصر اللى فى اول مكرم عبيد سريع فى تعاملاته لانه فرع جديد ولسه معندهوش عملاء كتير عوما الفروق بتبقى برضه قليله انا ليه واحد صاحبى اتعامل بردوه مع المركزو الر ئيسى واخد تقريبا كله على بعضه اسبوع
وديه نمرة تليفونى للى عايز يستفسر عن اى حاجه 0106072166
11-08-2010, 12:59 PM
رد: تجربتى مع تقسيط سيارة ومعرض شيرين كار
