|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#6
04-07-2012, 09:10 PM
|
||||
|
||||
رد: الحرب القذرة
موضوع رائع و يكشف الكثير من الغموض عمت كان يحدث فى الجزائر
__________________
|
|
#7
04-07-2012, 10:21 PM
|
||||
|
||||
|
رد: الحرب القذرة
شكرا يا أبونورا أنا هشارك بشوية كتب
وياريت لو أي حد يعرف طريق كتاب كويس يشاركه معانا كتاب الأمير - ميكافيلي  http://www.4shared.com/office/jrUmtRJN/__-_.htm
__________________
|
|
#8
04-07-2012, 10:35 PM
|
|||
|
|||
|
رد: الحرب القذرة
أولاً يا ابو نورا يسلم بقك
شوية كلام فى الجون وثانياً أحب أطمنك إحنا مش الجزائر ولا أى بلد فى العالم مع كامل إحترامى لجميع الدول العربيه إحنا (د’رَة التاج) وعلى فكره كل من اقابله لا يقتنع بما يحدث ويعرف جيداً من وراء هذه الاحداث والشعب إن شاء الله مع الشرعيه والشرعيه مع مرسى وأحب أطمن من يعتقدون أنهم الاعلى شعب مصر شوكه فى حلق من يريد يأكلها والله العظيم ماتخافوش
|
|
#9
05-07-2012, 05:41 AM
|
||||
|
||||
رد: الحرب القذرة
بناء على اقتراح Explorer
تم تغيير اسم الموضوع ليصبح مكتبة ثورية للكتب والدراسات التى اتمنى ان نشارك جميعاً فى جمعها وتقديمها وبالطبع نسعد بمناقشه محتوى ما نتشاركة من الكتب 
|
|
#10
05-07-2012, 07:34 AM
|
||||
|
||||
|
رد: مكتبة الحرية - لن تكتب حتى تقرأ
نحو بناء ثقافة سياسية سليمة نسبة كبييييييييييييرة كده من المصريين دلوقتى بقو سياسيين سياسى يعنى مشارك فى الفعل السياسى بتشارك فى التصويت علشان تقرر مصير بلدك بتشارك فى الحوار المجتمعى عن اهم القضايا العامة عضو فى حزب سياسى او عمل عام او وظيفة عامة كل دول على الاقل تشملهم المسئولية الديموقراطية المتمثلة فى المشاركة السياسية يعنى باختصار الواقع ان بقى فيه حياة سياسية وليدة بشكلها الطبيعى الشكل الطبيعى ده ان الناس تشارك فى السياسة وده حصل طيب الحمد لله بقينا زى الفل اهوه  لاء لسه طبعاً لان اغلبنا ولا استثنى نفسى انحشر فى السياسة لدوافع مختلفة لكن مش كلنا عندنا ثقافة سياسية سليمة او كافية واحد بيقول ايه لازمتها ديه اصلاً ؟ ياعم احنا عندنا وقت نقراء الجرايد اصلاً ده الواحد بقى يكتفى بمتابعة الاخبار بسرعة على النت وبليل برامج التوك شو ومية مية خلاص اقولة ده اكبر غلط واكبر مؤثر ومسبب لحالة التوهان اللى بقى اغلب الناس فيها دلوقتى واقوله ان .. الثقافة السياسية السليمة هى مرجعية الفعل السياسى السليم يعنى بالبلدى لما تبقى فاهم ايه الحكاية تعرف تتصرف صح تخيل خناقة قامت فى الشارع ينفع تخش تنحاز للطرف ده او ده من غير ما تعرف ايه الحكاية ومين عمل ايه ومين معملش ايه ؟ بغض النظر عن ان بعضنا ممكن يتحشر فعلاً وينحاز من غير ما يفهم لكن الصح اننا دائما نفهم وبعدين نقرر وهو ده المطلوب بالظبط اننا نفهم طيب فيها ايه يعنى لو مفهمناش اولاً هنسمح لتدخلات غير موضوعية تاثر على فهمنا وقراراتنا وواقعنا ومستقبلنا ايه الكلام الكبير ده واحدة واحدة طيب يا سيدى يعنى مثلا من غير ما نفهم هيبقى ساعات تاثير الانتماء الدينى او العرقى او العائلى او او يبقى هو المؤثر الوحيد فى قراراتك بشكل ممكن يخليك فى الاخر تعمل عكس اللى يحقق اهدافك طبيعى اللى مش فاهم بيغلط اكتر ومش بس كده ده احنا بعدم سعينا (المستقل ) للفهم بندى فرصة كاملة للاعلام الغير منضبط والمسيس تماماً فى انه يحشى ثقافتنا بعلومات مضللة توصلنا فى الاخر لحالة التوهان اللى بقى يعيشها اغلب الناس وغالباً ما بيكون التشتيت والتضليل هدف لخداع الناس فى الاساس وغالباً ما بتوحى انظمة دعاية واعلام الحكومات ان السياسة شأن كهنوتى لاهوتى مقدس لا يمكن للعامة ان يفهموه بمفردهم لتستمر فى اداء دور الوصى على عقول الناس واحد من تطبيقات واثار استخدام سلاح الجهل طبعاً السياسة سهله جداً جداً لان كلنا بنمارسها فعلاً بينا وبين بعضينا وبين وبين زوجاتنا او ازواجنا واولادنا وبنتانا وفى الشارع والبيت والحارة وعلى النت وفى كل مكان الفرق بس فى السياسة العامة انها اكثر تعقيداً و(غلوشة) ومواربة وتضليل من السياسة الطبيعية اللى احنا بنمارسها فعلشان تبعد عن التضليل والتشويش لازم تفهم بنفسك وتجتهد ولما تقرا وتفهم هتقدر تكتب وتتكلم وتعبر ولما تناقش هتقدر تفهم وتشرح وتقارن وتناظر خلاص اقتنعت ... تعالى بقى نشوف محتاج تقرا وتفهم ايه علشان تبقى عندك ثقافة سياسية سليمة تخليك قد مسئولية المشاركة السياسية رفوف فى مكتبه عقلك لابد ان تملائها - دراسة التاريخ التاريخ هو قاعدة اساس الواقع واى واقع سياسى حالى مبنى على تاريخ دايماً بنقول احداث ومواقف غيرت التاريخ لكن الصحيح ان التاريخ مش بيتغير هو بيتكتب فلازم تعرف ايه اهم الاحداث الاقليمية والعالمية اللى كتبت التاريخ وحددت معالم الواقع الحالى - دراسة المسائل الفكرية العامة والهامة التاثير وفى مقدمتها الاديان والعقائد السماوية او الوضعية والمذاهب والفرق والنحل ومن ثم المدارس الفكرية والفلسفية بما يشكل نظرة عامة على النتاج الفكرى البشرى واثارة على السياسة والاجتماع وشتى مقومات الحياة - المام بامهات الكتب الادبية وخاصة تلك التى عبرت عن واقع الشعوب والاحداث التاريخية وبشكل اشمل تعد الاعمال الادبية التقليدية والسينما والمسرح فى التاريخ الحديث انعكاسا لحضارة الامم وثقافتها ومكونتها الفكرية ورصداً مميزاً لواقعها وتاريخها بل ونافذه على مستقبل الحضارات والامم - دراسة العلوم الاجتماعية وتاريخ الحركات الاجتماعية وانعكاساتها على السياسة فالحركات الاجتماعية غالباً ما تكون نتيجة اجتهاد فكرى او واقع اجتماعى وتاريخى معين يؤدى بالناس للقيام بحركة اجتماعية الثورة نموزج على الحركة السياسية الاجتماعية وفيه نماذج زى مارتن لوثر كحركة اجتماعية ودينية وسياسية انتجت المسيحية البروتاستنيه والاصلاحات الكبرى والمراجعات على دولة الكنيسة الرومانية اللى هيمنت لقرون على اوروبا وممك الحركة الاجتماعية تاخد بعد قومى زى الناصرية او النازية او بعد حقوقى زى حركة الحقوق المدنية فى امريكا - دراسة مسائل اقتصادية المال والاقتصاد من اهم المؤثرات على السياسة بل ان السياسة (علم السلطة) والاقتصاد (علم الثروة) وجهين لعملة اسمها القوة والنفوذ مينفعش اتكلم عن علاقة السلطة بالثروة لانهم زى ما قولت وجهين لعملة واحدة او زوجين لكيان اشمل ولا يمكن تخيل واحدة منعزلة تماماً من غير التانية فى تصورى الشخصى الاتنين عاملين زى فردتين الجزمة بعض الانظمة (الاشتراكية) بتلبس الفردتين شمال وتدمج الثروة بالسلطة وبعض الانظمة ( الراسمالية) بتلبس الفردتين يمين فى اتجاه رؤس الاموال والكيانات الاقتصادية الكبرى (الشركات العملاقة متعددة الجنسيات ) وبعضن الانظمة زى عندنا بيلبسو الفردين مكان بعض (عكس عكاس) فلا هو راسمالى ولا اشتراكى لكن يظل لابس شقلوب !! - دراسة العلوم السياسية العلوم السياسية هى محصلة كل ما سبق وتأصيل وتصنيف لخبرات التاريخ ونتاج العمل والفكر الاجتماعى فيما يخص الشئون السياسية وادارة الامم والشعوب العلوم السياسية تشمل الاقتصاد كما تشمل التاريخ والفكر والفلسفه كما تشمل فنون وخبرات البشر فى الممارسة السياسية كالعلاقات الدولية والنظم السياسية والقوانين الدولية وزى ما قولت انا بعتبر العلوم السياسية فى قمة هرم المعرفه والثقافة السياسية لمن شاء التخصص وزى ما بنقول دايماً المعرفة هى ان تعرف شىء عن كل شىء وكل شىء عن شىء فلازم كلنا نعرف ما تيسر من العلوم الاجتماعية ديه للنهوض بمجتمعنا بجد ولنبذ الجهل السياسى والفكرى اللى معشش فى عقولنا واللى مش محتاج مننا بس غير اننا نقراء والشعوب الغربيه اللى نبذت العنصرية الفكرية واسست اوطانها على الديموقراطية وتوافق الاراء وتعددها معملتش كده غير بالعلم والتثقيف انا عارف ان فيه ناس مبتحبش تقراء بس معلش وحياة العشرتاشر سطر اللى نا كتبتهم دول تتعب نفسك وتقراء بدل الوقت اللى بتضيعة قدام برامج التوك شو او فى الرغى ع القهوة وفى التليفون بس خلاص التعديل الأخير تم بواسطة AbOnOrA ; 05-07-2012 الساعة 07:40 AM
|
|
|
|
