الاوتوماتيك لبسني في الحيط

المشاركة الأصلية كتبت بواسطة acounter01 اعزائي واصحابي اعضاء المنتدي الكرام انا اشتريت نوبيرا مو 2003 من حوالي اسبوعين والحمد لله والعربية كانت زي الفلين مش فل واحد والعربية بصراحة كل ال يشوفها يشكر فيها جدا لاكن ما حدث اليوم مأساه محيراني ومزعلاني وقدر الله وما شاء فعل سمعت صوت غريب زي صوت كركره بيجي لما اضغط علي دواسة البنزين وطبعا الصوت مستمر طوال ما انا ضاغط المهم الصوت ده قلقني جدا جدا جدا فرحت لمحمد هاشم الميكانيكي ال في بين السرايات وطلع جرب معايا العربية صدمني وقالي ان العربية جابت فتيس بصراحة مقتنعتش بكلامه رحت لواحد بتاع فتيسات طلع جرب العربية قالي الفتيس فيه حاجة اسمها المجموعة الشمسية دي عاوزة تتغير اما بالنسبة للكركرة فدي من قلب الفتيس بس المشكلة يا جماعه ان العربية بتسحب معايا اه الغيار كاتن بيأخر وظبته من سلك الكيك داون لاكن العربية سحبها معايا انا بقول انه عادي جدا قلولي الحل ايه دلوقتي اجيب فتيس جديد ولا اجيب اخر الفتيس ال في العربية وبعد كده اجيب واحد استيراد ولا اعمل ايه

there are alot of parts from pegouet automatic gearbox can fit as well with your car gearbox
almost you can say
it is the same parts but not all
collection
!!!!!!!!!!!!!
504
505
405
automatic
حاول إصلاح الفتيس
ميكانيكى فيتسات اوتوماتك
فى واحد كويس بعد كوبرى السيده عائشه الشارع ال جنب نادى او مركز شباب عين الصيره اسمه عصام فتيس
!!!!!
الفتيس الأوتوماتيك مش فاشل بس طريقة استخدامه و صيانته غلط.
المشكلة انك تسقط زيت الجيربوكس بالكامل و تجيبله زيت جديد و كمان تجيب فلتر زيت الجيربوكس جديد.
و عمر الزيت في الجيربوكس الأوتوماتيك 60000كيلومتر في الطوالي و 50000كيلومتر وسط البلد"بسبب قلة تبريد الجير و حرارة الزيت المرتفعة خصوصا مع المرحلة الأولي و الثانية من الغيار" .
لما توصل للكيلومتر المكتوب فوق ،لازم تنزل كل الزيت من الجير و كمان تغير الفلتر اللي جوا الجيربوكس. و تحاشى تماما انك تزود الزيت دانتا كده بتموت الجيربوكس و بتكتم كل مراحله لأن الزيت محتوي على شوائب مع العمل و كمان تركيبه بيتحلل مع العمل و السخونة الزائده فيؤدي الي زيادة سخونة الجير وقلة تبريد الزيت للجير وصعوبة وصول الزيت للمراحل العليا"ثالث و رابع" و اختناق العربية اثناء التسارع و ارتفاع دوران المحرك للوصول لنفس السرعة ونقل الغيارات عند سرعات اعلى للإنتقال لكل مرحلة في الغيار، بعدها العربية تبدأ تجمع و الموتور صوته عالي لأن سحب طلمبة زيت الجيربوكس مكتوم مؤديا لنقص كمية و ضغط الزيت في كل مرحلة التي تظهر علي هيئة رجه و تسارع مكتوم.

: 14369D~149:

[ahmed1981]

المشاركة الأصلية كتبت بواسطة acounter01 الف شكر بس ال بيصلح فتيسات مانيوال غير ال بيصلح اوتو

أنا مقلتش إنه بيصلح فتيسات مانوال فقط

[medoelsoni]

فى واحد فى شارع أحمد سعيد عند الكنيسة الى فى أول الشارع ...الراجل دة جامد جدا بس هو غالى شوية وكمان هو فية ميزة انو بيديك ضمان على الى عملة بس نصيحة لو قالك تعالالى بعد فترة تانى بعد ميصلحها لازم تروح لأنو بعد مبيخلص لازم تروحلو يغيرلك زيت الفتيس والفلتر لو مرحتش ممكن يرجع العيب تانى وساعتها تيجى تروحلو يقولك دبعا معرفكش لأنك مجتش زى مقلتلك وشكرا

[moko_2004]

سؤال مش انت عارف تتعايش مع العربية بالفتيس الحالي ؟
رأيي بطل مصاريف بقي و حوشها لما الفتيس يجي اجلة خالص ابقي سقط واحد استيراد
لكن تقعد تصرف يمين و شمال هتلاقيك كملت تمن فتيسن تلاتة علما الفتيس يجي اخره
ومتستعجلش و تجيب فتيس تاني دلوقتي معروف ان كل ما الحاجة ما تقدم سعرها بينزل يعني لو الفتيس السنة اللي فاتت كان 2000 السنادي بقي 1500 و السنة الجاية هيبقي بكام
تعايش مع الوضع وريح دماغك عشان ترتاح مش كل مسمار في العربية يرن نقعد نصرف الافات

[محمود زيزوو]

اخى اكونتر باشا صباح الفل اولا بص يا باشا دلوقتى مدام السحب كويس فى النقل ماعدا موضوع الكركرة دة بسيط ان شاء اللّة انا كان عندى موضوع الكركرة دة بس مانيوال وكان بيجى على الثالث وبعد كدة بقى بيجى على التانى وطبعا لفيت والموضوع كلة طلع بتاعة اسمها غورابة كان فيها بوش وطبعا الميكانيكية بصراحة فى منهم ناس زى الزفت خلونى اصرف وخلاص والموضوع اتحل وبقى زى الفل روح لواحد محترم وشوف هيقولك اى ومتجبش دلوقتى اى فتيس استيراد وربنا معاك