هااااااااااااااااااااااام مشيت علي 150 علي طريق العلمين الساحل الشمالي ثم ؟؟؟؟؟؟؟؟

[mohamedwasel]

المشاركة الأصلية كتبت بواسطة احمد على 1999 الشاكمان ؟ .............

والله يا استاذ احمد انا شاكك في موضوع الشكمان عشان صوتة ماكنش عاجبني من فترة فيه زي صوت ترتلة مسموعة بشكل ملحوظ فممكن يكون منه وربنا يستر

[mohamedwasel]

المشاركة الأصلية كتبت بواسطة مصطفى-حسن لو صوت الموتور عالى بس يبقى جوان الفرن بتاع الشكمان او الشكمان نفسة لكن لو صوت خربطة وترزيع يبقى حاجة تانية

لا هو الصوت الحمد لله مش خربطة وترزيع زي ماتكون بتحرق غيار ياعني مثلا ماشي علي خمسين و جايب الغيار الثاني

[mohamedwasel]

المشاركة الأصلية كتبت بواسطة AbOnOrA كل شىء وارد بس ان شاء الله تكون حاجة بسيطة بس المهم توضح لنا شوية طبيعة الصوت يعنى حتى حاسة جاى من الموتور نفسه بصفه مستمرة ولا فى اوقات او مواقف معينة ولا عالى ازاى بالظبط وعموماً فيه احتمال وارد انك مع الجرى لمسافات كبيرة يكون الزيت حل او كفائته قلت جامد او مبقاش ليه اللزوجة الكافية فراجع على الزيت ولو قديم غيرة انا دائما لما كنت بطلع بالعربيه مشوار طويل اسكندرية مثلا او مطروح والساحل واو المشاوير اللى بتعدى رايح جاى 1000 كم اغير زيت وفلتر لانه عادة فى المشوار ده كله وبالجرى على سرعات كبيرة اكيد الزيت بيكون شرب كل شوائب ووساخة الموتور ممكن ميكونش الكلام ده نظرياً دقيق اوى بس انا بحس بكدة

والله ياباشا ابص علي الزيت ولو كويس اشوف الشكمان ويارب يستر و تيجي علي قد كدة

[يسري أبو الخير]

و الله يا صديقي نفس الموضوع حصل معايا تماما .. كنت رايح مطروح من 10 أيام باللانوس 99 .. و كنت مغير الزيت و مضبط الكاوتش و مغير الرشاشات و كله تمام .. و كانت سرعتي لا تقل عن 140 ل 150 كيلو / ساعة و العربية محملة شنط و افراد اسرتي كمان ثلاثة .. لكن زي حضرتك ما بتقول بعد عودتي عندي احساس ان صوت الموتور عالي شوية .. و مش عارف من أيه ؟؟؟

[casper35]

حضرتك دى ماكينه يعنى لما تخليها تلف على اخر سرعه فى ترسها وحركتها الميكانيكيه طبيعى جدا جدا انها تعمل معاك كده لفتره من الزمن
انا فى الغالب فى سفرى اللى هو كل يوم العداد مش بيقل عن 140 وانت طالع بحس بنفس اللى بتقول عليه دة حتى لو لسه مغير زيت بس بعد ما اول المكان وامشى خفيف اللى هو الطبيعى العربيه ترجع تانى زى ماهى كانت ..فيه حاجات كده لازم تبقى معود نفسك عليها