تابع موضوع سيارة خالد الله يرحمه

المشاركة الأصلية كتبت بواسطة احمد بدر1978 احمد ممكن تجيب سمكرى من عنك يكون ثقة لان الكلام دة انا مش هاضمة 22000 دة كتير قوى

وهو انا يعني اللي هاضمه يا احمد اانا اتصدمت جدا لما سمعت المبلغ اللي بيتقال

يا ريت لو حد يعرفلنا سمكري كويس يقولي عليه وانا مستعد اروح اخده واوديه لمكان العربية ويشوف الدنيا هتمشي ازاي لان انا شايف ان القوايم سليمه ومش محتاجه غير ربع خلفي ورفرفين وكابوت واكصدام امامي

المشاركة الأصلية كتبت بواسطة Elbossahmed2008 من صور العربيه العربيه دي تتصلح و متكلفش ال 5000 جنيه و ترجع احسن من الفبريكه اولا العربيه مفيهاش حاجه عاوزه تتغير غير ممكن الربع الوراني دل لو مش حيتزرجن صح و في ناس ممكن ترجعو زي ماكان من غير ما يتغير و من قدام عاوزه رفرفين و كبود طبعا بلاش الاستيراد عشان ميبقاش اسعار عاليه و بس و الخبطه اللي في الباب تترد علي البارد و لو متحاجه زرجنه تتعمل في سمكري اعرفو في طنطا استاذ بالمعني دا بيرجع الحاجه زي الفبريكه كان واحد صاحبي معاه عربيه لانسر فيها خبطات اشد من دي كانت دخلت في سوبر ماركت و عملها كلفتو حوالي 3000 سمكره و ظبط هوه الباقي السمكري دا قبل مدخل طنطا بعد البهي بتاع قطع الغيار علي الطريق السريع هوه كل تخصصو العربيات اللي زي دي ممكن لو حد هنا من طنطا يبقي يروح له و يشوف الدنيا

تسملي يا غالي علي الكلام الجميل ده اللي اداني امل كبير في ان الموضوع ده هيتحل بأذن الله وبأذن الله الموضوع يتحل بالتصليح

المشاركة الأصلية كتبت بواسطة mrastra بس غريبة ان العربية عليها اقساط وما فيش تامين شامل ازاى دى وكمان المفروض يكون فى تامين على الحياة برضة لازم نشوف الموضوع دة

العربية يا بشمهندس كان في مشاكل بين خالد والبنك لان خالد اتأخر في سداد القسط 4 شهور ولما راح يسدد ال 4 شهور كلهم مره واحده قالوله لا انتا تسدد مبلغ العربية بالكامل ومن ساعتها ولحد دلوقتي خالد مكنش مجدد العربية في المرور ولا كان بيعملها تأمين لان كان مأمن قبل كدا ولما عمل حادثه المركز بتاع التامين وداله العربية مركز صيانه بهدله العربية اكتر وركبوله حاجات مش حاجتها وغررقوهاله معجون علشان كدا حلف ما هيأمن تاني

المشاركة الأصلية كتبت بواسطة عبدالله منصور كتير اوى موضوع 22 دا ياريت حضرتك تستنى رد منى النهاردة بليل اكملك الخبراء الى اعرفهم ولو لقدر الله معرفتش ادخليل بليل ياريت حضرتك تتصل بيا 0100993599 ان مكنش يبقى هتلاقينى مبلغك بكل شئ بكرة ان شاء الله

تسلملي يا استاذ عبدالله وان شاء الله تكون جبتلي الخبر الياقين النهارده وجزاك الله كل خير وربنا يجعله في ميزان حسناتك

[lover4ever8989]

هوا قال المبلغ ده على اساس انو هيجيب عربيه كامله نفس اللون على نصين وتتجمع مش هتصرف كتير بس اهم حاجه يجيب عربيه نضيفه يعنى متكونش راشه عشان تتباع على اساس انها فابريكه وبلنسبه للمتور انا متهيتالى انو مافيهوش شغل كتير يعنى هيجيب النصين من غير موتور هيبقى ارخص شويه ولما قاله انها مش هاتجيب فلوس هوا كدا عاوز يعمل عليهم شغل عشان ييشتريها منهم برخص التراب ويشدها ويبيعها واى استفسار فى الحاجات دى كلمنى وانا هفيدك ان شاء الله

تسلملي يا ابو حميد بس انتا بعد ما شوفت الصور هل العربية فعلا محتاجه نصين

[lover4ever8989]

المشاركة الأصلية كتبت بواسطة corsair تسلملي يا ابو حميد بس انتا بعد ما شوفت الصور هل العربية فعلا محتاجه نصين

هيا مش عاوزه نصين بس عشان تبيعها فابريكه برا جوا لو عاوز تفصيل اكتر كلمنى على افيس بوك وانا اشرحلك كل حاجه