ارشيف الاستراحة 2010

[Toyota Corolla]

(متقلش ادينا ايه لمصر قول اخدنا ايه من مصر)
اخدنا على قفانا

بهزر مش أكتر , احنا طبعا الحمد لله احسن من غيرنا بكتير و حكومتنا أحسن من حكومات تانية مع انى اشك D: هههه
ده كفاية اننا عندنا نيل و عندنا برده يوسف بطرس غالى ربنا يخليهولنا اللى احنا مش عارفين نفتكرلوا جميل من كتر الجمايل اللى قدمها (اوعى تفتكرونى بتكلم بجد هههه)
و أ حمد عز و ناس طيبين كتير

[احمد بدر1978]

1 . انت استفدت ايه من مصر بالمقارنة بالدول الاخرى بتعمل ايه لشعوبها ؟

استفدت كتير بقى عندى ضغط

2 . انت راضى عن نظام الحكم فى مصر او لآ ؟
طبعا لا
3 . انت ممكن تعمل ايه علشان تغير من الوضع الحالى ؟

ادينى بعمل اللى عليا وبصوت فى الانتخبات بالصوت الحيانى

4 . اكيد مصر بلدنا مش هتفضل كده على طول ولا ممكن تفضل ؟
ان شاء الله حتتغير بس الله اعلم للاحسن ولا للاسواء
5 . انت قدمت ايه لمصر ؟
ولد وبنتين
6 . ارجو من كل عضو التكلم فى الموضوع بجديه لآن ده بجد موضوع شاغلنى اوى ان احنا نفضل على حالنا ده كتير
وشاغلنا كلنا والله مش انت لوحدك

7 . انا وصلت لمرحلة انى بدأت اكره مصر و اللى جايبنها و اللى ماسكنها
انظر لنصف الكوب الممتلاء وعيش مع نظرية الكوز بتاعة ظاظة

8 . كنت عايز اعرف ان الحالة دى عندى انا بس ولا فى ناس تانية كتيرررررررررررررر
كلنا فى نفس الحالة وحياتك انا لو اتحبست حجيبك من اول قلم

[sad-bird]

اكيد طبعا دخل القناه هيتأصر حتى وان كان تأثر موسمي في فصل الصيف بس لكن اللي فهمته من الخبر من اكتر من موقع ان علشان تعوض تكاليف تشغل الخط ده هيتم تكثيف النقل في فترة الصيف ويتم عمل محطات شحن وتفريغ اكثر بحيث ان في فترة الصيف يتم استغلال الموضوع ده اكبر استفاده وبالتالي يقل الاعتماد على خط القناة حتى في الشتاء يكون للضرورة وبالنسبة للغاز الطبيعي فسيتم عمل مستودعات لتخزينه في الصين او في منتصف الطريق


اما عن ان الخط ده خاص بروسيا بس فده كلام غير صحيح على الاطلاق لان اللي بدأ الكلام ده كانت المانيا على سبيل التجربة وبعد نجاحها قامت روسيا بالتجربة وفي الحالة دل لو الموضوع ده نجح هتبقى كل دول شرق اوروبا ووسط اوربا اللي بتتعامل مع دول جنوب شرق اسيا هتنقل خطوطها البحريه للخط الجديد خاصة ان الموضوع سهل بالنسبالهم لان عندهم خطوط حديدية تنقل كل حاجة لاقصي الشرق وفي الحالة دي وقت اسرع من السفن واعادة الشحن مرة اخري على السفن في بحر البلطيق


بالاضافه ان السيناريو ده هيتكرر ويزيد كل سنة عن اللي قبلها نظرا للحتباس الحراري المتزايد وارتفاع درجة حرارة الارض وازن حرايق روسيا السنة دي ابرز مثال على الموضوع ده

بالاضافة لكده كمان
ان احد سيناريوهات علاج مشكلة رفع منسوب ماء البحر بعد انهيار الجليد في القطبين بعد حوالي 10 سنوات نتيجة للأحتباس الحراري السيناريو بيقول ان دول منطقة البر الابيض المتوسط ممكن تتعاون وتغلق مضيق باب المندب الفاصل بين القارة الاوربية والافريقية وبالتالي حركة السفن من وإلى الامريكتين وغرب اوربا ستتدهور ايضا اللهم الا اذا تم عمل محطة تفرغ في الغرب ونقل الحاويات للشرق بطريق البر واعادة الشحن مرة اخدى في الشرق واعتقد هذا امر مكلف وشاق مقارنة باللجوء لطريق رأس الرجاء الصالح مرة اخري

[sad-bird]

المشاركة الأصلية كتبت بواسطة حازم شاهين إيه علاقة السؤال ده بالموضوع أصلا ؟ و هو المفروض إن إيرادات الدولة تتوزع على المواطنين و ﻻ إيه ؟ منكرش إن المحا سيب و أصحاب النفوذ عمالين يقسموا بينهم ثروات (أراضى و إحتكرات) مصر كإنها ميراث أبوهم الله يلعنهم .. و أنا ضد ده طبعا لو تقصد كده يعنى إنما أنا كان كل قصدى إن فيه ناس كتير فاهمة إن إيراد قناة السويس بيروح لرئيس الجمهورية يصرف منه زى ما هو عايز و ده مش صحيح فى النهاية يا جماعة لو مش عاجبكم كلامى كل واحد حر فى رأية

استاذ حازم رأيك سليم فعلا ان مش المفروض ان الدولة بتوزع الدخل على المواطنيين
لكن المفروض انها بتقدم خدمات بالدخل ده للمواطنين
وللأسف اللي بيحصل ان فيه سوء توزيع في الدخل وفي الخدمات المقدمة للمواطنين وبالتالي بيحصل اللي الناس بتقصده مع الاختلاف في الطريقة وهو ان دخل البلد مش لكل اللي فيها دلخ البلد لناس معينة فيها

وزي ما حضرتك قلت كل واحد بيقول رأيه وكل واحد حر في رأيه

[sad-bird]

المشاركة الأصلية كتبت بواسطة ahmed_menaiem اوعوا تتفتكرونى اخوانجى او تبع اى حزب معارض او حتى حزب وطنى الموضوع مش محتاج انك تكون اخوانجي او من حزب معارض الموضوع محتاج انك تكون مصري 1 . انت استفدت ايه من مصر بالمقارنة بالدول الاخرى بتعمل ايه لشعوبها ؟ استفدت اني لحقت شويه في بقايا نظام التعليم استفدت اني اتعلمت في جامعة وحصلت على مؤهلا جامعي حتى وان كان دون المستوي الذي يليق ولكن في النهاية مؤهل جامعي والكلام ده ببلاش قبل ما التسعيره ترفع في الحكومي والخاص استفدت شرب مياه من النيل نضيف حتى حييييين الله اعلم بكره هنلاقهيا والا لأ استفدت طيب وحب الناس ( الكلام ده طبعا بدأ يقل لكناهو على الاقل نصبر نفسنا ونقول موجود) 2 . انت راضى عن نظام الحكم فى مصر او لآ ؟ رضيت ام لم ترضي هو قائم والعيب ليس في النظام العيب في تطبيق النظام والحلقات المفقودة في السلسلة ( وبعدين انت شكلك جاي تسخن الناس علشان يروحوا مارينا ) 3 . انت ممكن تعمل ايه علشان تغير من الوضع الحالى ؟ بروح ابوظ صوتي في الانتخابات علشان ميتزورش ابوظ صوتي يعني اعلم على اكثر من واحد يبقى صوتي باظ ومليش الحق في لاتصويت لاني وبصراحة شديدة مش شايف اي حد في دايرتي بيعمل حاجة لينا علشان اروح اديله صوتي ولا حزب وطني ولا وفدي ولا اخوان ولا مستقل كلهم زي بعض 4 . اكيد مصر بلدنا مش هتفضل كده على طول ولا ممكن تفضل ؟ الله اعلم دي حاجة في علم الغيب ولكني على أمل اني الحق اشوف الافضل ده قبل ما اموت والامل ده استشهادا بحديث المصطفي صلى الله عليه وسلم عن عمر بن العاص حدثني عمر أنه سمع رسول الله يقول: (إذا فتح الله عليكم مصر بعدي فاتخذوا فيها جنداً كثيفاً، فذلك الجند خير أجناد الأرض) قال أبو بكر: ولم ذاك يا رسول الله؟ قال: (إنهم في رباط إلى يوم القيامة). هذا الجزء منقول 5 . انت قدمت ايه لمصر ؟ لا زال عندي امل في التغيير للأفضل ولم اتوقف عن الامل والاستعداد للتغير بالعلم ، ثم ان كل واحد فينا بيعمل اللي عليه بيقدا شيء لمصر اللي بيشتغل صح بيقدم مجهوده اللي بيقفل حنفية مفتوحة من غير لازمة بيقدم مياه ضايعة اللي بيقفل النور المفتوح بدون داعي بيقدم طاقة اللي بيذاكر بيقدم مستقبل اللي بيزرع بيقدم اكل اللي بيحفر للبترول بيقدم طاقة كل واحد فينا وله دول اي نعم ادورانا صغيرة ومش باينة في وسط اخطاء كبيرة من الناس خصوصا كابرة السياسيين لكن خلينا في الأمل 6 . ارجو من كل عضو التكلم فى الموضوع بجديه لآن ده بجد موضوع شاغلنى اوى ان احنا نفضل على حالنا ده كتير انا كمان الموضوع ده شاغلني فوق ما تتخيل خصوصا اني كنت بفكر في الهجرة ومشيت في الاجراءات فعلا لكن توقفت 7 . انا وصلت لمرحلة انى بدأت اكره مصر و اللى جايبنها و اللى ماسكنها انا وصلت للمرحلة دي قبلك لكن سألت نفسي انت بتكره مصر والا مساويء الناس في مصر 8 . كنت عايز اعرف ان الحالة دى عندى انا بس ولا فى ناس تانية كتيررررررررررررررر

يؤسفني ابلغك الخبر






















زي مقالك احمد ممدوح بمشاركتك دي انت بقيت رقم 70000000 مش 79 زي مقالك علشان فيه نسبة اصلا مستمتعين وهانئين البال وقريري العين ممكن نحسبهم 10 % من الشعب ونخليهم على جنب