ارشيف الاستراحة 2009

[محمد عبد النور]

وهو بس الاعلان ده انت تشوف اللزمات اللى بتتقال فى الاعلانات ولاداعى لذكرها فالكل يعرفها قمة السفالة وللعلم فانه يوجد بعض الاعلانات قد منعت من العرض فتخيل حضرتك ان الاعلان اللى بيتعرض حاليا محترم مابالك باللى اتمنع من العرض

انا كنت منتظر ان يكون فيه اعلانات عن غرز البانجو والحشيش بعد كده

[alshura]

الزفت قانون المرور الجديد اسمه ارهاب دوله يا ناس و الله راح احكى لكم حكايه و انا صادق
كنت فى امريكا سنه 2005 و انا مقيم فى شيكاغو و لى صديق حميم فى ديترويت و كنت متعود على زيارته و كانت العاده انى بامشى من شيكاغو حوالى الساعه 5 مساءا بعد ساعه الدروه و كنت داهب الى ديترويت بسياره صديق فوصلت ديترويت الساعه 11 مساءا و كنت متعود على النزول بفندق جنب مطار ديترويت بينه وبين الطريق السريع حوالى 2 كيلو فى الصباح حوالى الساعه 10 خرجت من الفندق قاصدا الطريق السريع و لكن يومها معرفش ازاى مدخل الطريق السريع فته و فجاه لقيت امامى اشاره و كانت حمرا حاولت ارجع تانى بعمل يو ترن فى الاشاره الحمرا ودا ممنوع لانك بتعمل يو ترن من احمر لاخضر ودا غلط المهم بعد حوالى 50 متر لقيت عربيه شرطه بتوقفنى و سالنى عن الرخصه اعطتهاله و شاف ان الرخصه طالعه من الينوى و قالى عارف عمل ايه قلت له عارف ثم قالى رخصتك سليمه فقلت له نعم اخد الرخصه وراح يكشف عليها و بالمره كشف على نمره العربيه ثم قام بالاتصال مساعده من زمايله ظنا منه اننى يمكن يكون مشتبه بى و فى ظرف 5 دقايق لقيت 5 عربيات تانيه جايه انا فضلت فى العربيه اراقب الموقف من المرايه الشمال و بعدين الشرطى حضر اليه و قال لى كل شيء تمام بس انا مش لاقى نمر العربيه دى على الكمبيوتر و سالنى معاك تسجيل العربيه قلت لا معاك تامين قلت لا قال امال معاك ايه قلت له المفتاح قالى طيب و اخد نمره الشاسيه و ضربها على الكمبيوتر ثم عاد بعد ان دهبت سيارات الشرطه الاخرى التى استدعاها و جالى من ناحيه الشباك اليمين و قال بكل ادب سيدى ممكن اعطكيك لحد 7 مخالفات و ممكن احبسك و اخد العربيه و لكن رحله سعيده و لما ترجع شيكاغو شوف ايه مشكله العربيه و حلها طبعا كل دا وانا شاكلى من الشرق الاوسط وكمان اسمى محمد فهل ممكن الناس بشر واحنا لا والا ايه و كام مره الشرطه توقفنى و انا مخطأ و الشرطى يتركنى بدون مخالفه معقول اشوف فى مصر كده قبل ما اموت الغريب ان الثوره اعطتنا دفعه ووقود زياده واى شيء اصبح مش مستحيل و شكرا وتحيه و الف رحمه وسلام للى دفعو حياتهم تمن حريتنا

[mesho70]

- انا ممكن ادخل موسوعة جينز فى المخالفات اللى اخدتها سرعة على الطرق الصحراوية
- واقسم ان اغلبها افتراء لمجرد وجود كمين رادار يبقى لازم تدفع المخالفة
- معى صورة ايصال سحب لسرعة 62 داخل المدينة والقصوى 60كم/س !! والطريق كان صحراء ولا توجد يافطة توحد ربنا
- لا لافتات ولا طرق سليمة و لافتة تقولك هنا اتجاة واحد وفى نهاية الطريق تلاقى شرك وليس كمين
- دانا مرة اتعملتى مخالفة " الدخول على الكمين برعونة " حد سمع عنها و شوف قلة الادب وكان سببها انى دخلت الكمين ومنور الشبورة لان الكمين كان والله فى الجبل والنور طافى وامين الشرطة بينور علشان يشوف الرخص بالموبايل ولما نزلت سألت الضابط وقلتلة اللى فرض قانون انى اطفى النور فالكمين كان يفترض ان النور عندك منور ومش المفروض انى امشى فى الظلام مع كل المطبات والبراميل وحديد الحواجز وثاقب الكاوتش اللى فى الارض ومش ملموم كويس وكان رد سعادتة انها " مخالفة بسيطة متقلقش "
- ياراجل دة انا ..... و مرارتى اتفقعوا

[Bendary]

تحية لكل فكرة جديده من شاب عربى طموح
بالتوفيق .

[sawy22]

هانت وقربت لحظه تحريره بامر الله الفساد العربي قرب يخلص واحده واحده وبعدها محدش هيعرف يوقف الناس تاني ولا يخرسهم