المشاركة الأصلية كتبت بواسطة مهند سالم
خلاص يبقى نلغي قسم الاستراحة وننتهي، ولا لما ييجي موضوع رايق وظريف وعاجبنا حتى ولو كان بعيد كل البعد عن السيارات نتركه، ولما ييجي موضوع...... ننادي بالحذف...... طبعا لأنه ما لوش علاقة بالسيارات.
أنا أعتقد إن حجم المواضيع إلا مالهاش علاقة بالسيارات في المنتدى لا يقل عن 40 في المائة.
الموضوع ده فكرني بزميل في المنتدى مرة عمل موضوع كان واقف فيه مع البرداعي، فتم حذف الموضوع على أساس إننا منتدى سيارات وما لناش دعوة بالكلام ده، أما لما عضو بارز عمل موضوع كبير انتقد فيه البرادعي وبشدة تم ترك الموضوع دون أن ينبس أحد ببنت شفة.
وأنا على فكرة لا مع ولا ضد، ولكن عايزين نشوف العدل والإنصاف بق في حياتنا، في أي حاجة في حياتنا، مش هيبقى حتى النت إلا الناس بتفرج فيه عن نفسها شوية برده هيدخله الظلم والكيل بمكيالين، وشكرا للجميع
|
الكلام ده نصه مظبوط و النص التانى مش دقيق قوى
فعلا كان فيه عضو عامل موضوع للدعاية للبرادعى و أنا إللى حذفته بدعوى إننا مش منتدى مخصص للدعوة لحزب أو جهة أو جماعة ما على حساب جماعة أخرى
لكن بعديها بفترة مؤسس الموقع عمل موضوع تانى للدعوة للتوقيع على بيان التغيير و تم ترك الموضوع دون أن ينبس أحد ببنت شفه، فعلا
انا مش جبان وقعت على البيان
لكن لو حضرتك لاحظت الموضوع ده مفيهوش هجوم على البرادعى و لا حاجة بل بالعكس ، بس يمكن حضرتك بتتكلم على موضوع تانى أنا مش فاكره
كمان عايز أفكركم بموضوع عن رئيس الجمهورية القادم كان عامله العضو إيجبت فارمر و كان موضوع ناجح جدا رغم إنى كنت مش موافق على الموضوع و قولت رأيى ده فى مشاركة فى الموضوع لكن فى النهاية الموضوع لم يحذف برضه
من هو الرئيس القادم فى مصر
الخلاصة
مفيش مانع من تناول مواضيع سياسية أو إنتقاض أوضاع سياسية خاطئة أو إن أى حد يعبر عن رأيه بكل حريه ، لكن أنا شخصيا عندى إعتراض على تبنى رأى أو حزب أو تيار سياسى و الدعاية ليه بمعنى واحد يعمل مثلا موضوع فى حب الحزب الوطنى أو للدعاية لحزب الغد (أو حتى اﻷهلى أو الزمالك أو اﻹسماعيلى ) مثلا فده هو إللى أنا محبش إنه يكون موجود فى المنتدى بتاعنا منعا للتحزب و الشللية فقط لكن فى النهاية كل واحد حر فى رأيه طالما لا يحجر على أراء اﻷخرين
بمعنى أنى ضد المواضيع إللى من نوعية "وقعت على البيان" ده.
30-08-2010, 04:18 PM
رد: مصر كانت أمى بس دلوقتى................... .
