ارشيف الاستراحة 2010

[إيمي]

والاجمل هو مرورك ابو نورا

اشكرك ابو نورا على التعقيب الجميل

خالص تحياتي لك ,,,

الله عليك يا ابو مروان يا شاعر يا كبير

[Bendary]

يمكن يكون هذا التقرير بدرى شويه عن ميعاده ، لكن تقديم معظم المدارس فى مصر يبدأ بين شهرى مايو ويونيو وبعض المدارس الدوليه واللغات تبدأ فى اواخر مارس . لذلك اسمحولى ان اضع بين ايديكم هذا التقرير من واقع تجربتى الشخصية (المرادى تقرير مش منقول ) وارجو ان يكون فيه افاده لكل اب وام يفكرون فى موضوع المدارس . fficeffice" />

>> ستلاحظون ان بعض اسماء المدارس المتداولة فى التقرير هى فى نطاق منطقة شرق القاهرة ، بحكم موقع سكنى .

نتكلم عن التعليم فى مصر :

أولا: مستوى التعليم الحكومى العربى سواء المدارس الحكومية المجانية ام تلات تعريفة او المدارس الخاصة العربى التى تصل مصاريفها بين 1500 - 2000ج ، اصبح هذا المستوى عديم الفائدة بالرغم من انه يستحوذ على العدد الاكبر من شريحة المجتمع ، 50-60 طفل فى الفصل ويمكن اكتر ومرتبات المدرسين تحت مستوى الفقر ، فمن اين تاتى النتيجه ؟؟!! وعجبى
ولكن بالرغم من كده فى مدارس معقولة وبتعمل نتايج كويسه مثل جابر الانصارى ومودرن سكول ، انا هنا باتكلم عن نتيجه مدرسة فقط ولست اتكلم عن مستوى تعليم لاحظوا الفرق . وللتوضيح اقدر اقول : ان بعض وليس كل المدارس تعتمد على اسلوب التلقين والحفظ ، او ارضاء الموجهين ومشرفين الوزاره عشان نتيجه المدرسة تطلع كويسه ناهيك عن التغشيش الجماعى فى لجان امتحانات اخر السنه . الا من رحم ربى .

ثانيا : المستوى الهاى كلاس والتى تبدأ مصاريف الحضانه من 10 الاف ج واحنا طالعين وحتى 30 الف فى السنه وفى حاجات بالدولار مثل الشويفات الدولية وفى بالاسترلينى مثل المدرسة البريطانية ، والمستوى المتوسط فيها هى : راجاك ، BBC ، نفرتارى ، جرين فالى ، وكل مانشاهده على طريق الاسماعيلية الصحراوى او التجمع الخامس وغيره ، وطبعا فى منها تطبق مناهج اللغات العادية مع فرق المستوى طبعا وفى اخرى تطبق مناهج الدبلومة الانجليزية او الكندية او الامريكية .

ومن هذه الشريحة ايضا مدارس المستقبل الخاصة واسمها Future Tech. ( بتاعت د/ نرمين اسماعيل مش سوزان مبارك - فى فرق - ) ودى تقريبا 7 مدارس فقط على مستوى الجمهورية منها واحده فى مساكن شيراتون وتعتبر من ارخص المدارس فى هذه الشريحه حيث تبدأ من 8000ج فقط وكفاية اقول ان التعليم فيها يعتمد على الانترنت ، كمبيوتر كل طفل فى الكلاس (لازم اقول الكلاس مش الفصل ) ومن خلال النت تقدر تدخل على موقع المدرسة وتعرف ابنك اخذ ايه انهارده ولعب ايه من خلال جداول المناهج و الاشد من كده كاميرات داخل الفصول تشوف ابنك وانت فى البيت !!!!!!!!!!!!!!!!!!!!!!!! فخفخينا
وفى تلك المدارس تعليم بجد : يوم دراسى كامل ، نشاطات ، معامل ، مدرسين على اعلى مستوى ومرتباتهم كمان على اعلى مستوى واعتماد النظام على التفكير والابداع وليس الحفظ ، وحاجات تانية كتير اوى . وكله بتمنه ياباشا .

ثالثا : شريحة الوسط :
هى المدارس الخاصة لغات : وهى كثيرة جدا ومنتشرة فى جميع المناطق خاصة مصر الجديده ، مدينة نصر - المعادى - الدقى والمهندسين والهرم
ومصاريفها تكون فى مستوى 3000- 8000ج من الحضانه للاعدادى
(علما بأن زيادة المصاريف من الحضانه للابتدائى او الاعداى تكون فى حدود 1000-2000ج للمرحلة ) على سبيل المثال : مدرسة النزهة للغات -ميدان الحجاز - مصاريف حضانه لغات 3500 بدون الباص والزى ، ابتدائى يزيد 1000ج يعنى يبقى 4500ج والاعدادى يبقى 5500ج كده يعنى (( اما الباص والزى المدرسى تقريبا 1500-1750ج ثابت لكل المراحل ))
والقبول فى هذه المدارس يكون من اول سن 3.6 سنوات (طبعا عشان كل الناس تقدم طمعا فى ان اولادها سيتم قبولهم وخد بالك اقل مدرسة ملف التقديم فيها ب 30ج شوف بقى بيلموا كام من ملفات التقديم ) وبعدين الواقع انهم بيقبلوا حسب السن وحسب الكثافة المطلوبة للفصول ، ومن هنا نجد ان اقل سن تم قبوله فى 2008 لا يقل عن 4 سنين و 7 او 8 شهور وفى مدارس بيبقى عليها ضغط شديد مثل مدارس الفاروق الاسلامية لغات بياخدوا اقل سن خمسة ونص ومصاريفهم حوالى 8000ج شامل الباص .

رابعا : مدارس المستقبل التجريبية المتكاملة للغات :
- هى مجموعة مدارس هايله جدا نظرا لحداثة انشائها والاهتمام بها من حيث المبانى والتجهيزات والمعامل والملاعب وخلافه
- مصاريفها فى السنه حوالى 950ج وقد تصل الى 1250 بعد اضافة النثريات والذى منه
- مشكلتها عدم انتشارها فى جميع المناطق
- هى مدارس جديده لكن مش السنادى يعنى بنتكلم فى سنتين تلاته او يمكن اقدمهم مجمع الملك فهد بالحى السادس مدينه نصر من حوالى 5 سنين .
-- ولكن المشكله فى هذه المدارس هى السن : العام الدراسى 2008/2009 اخدوا 5 سنين وشهرين ده اقل مدرسة فيهم ، وفى مدرسة تانية اخذت 5.8
- سيبك من موضوع اختبار الاب والام ده كله روتين ، لكن لازم يكونوا الاب والام مؤهلات عليا علشان يعرفوا يتابعوا الطفل بعد كده
وكمان يتم اختبار الطفل اختبار جامد ( ابنى خاض كل هذا الحمدلله ولكن كان العائق هو السن بالرغم من انى كنت جايب وسايط كتير جدا لكن قالوا ده نظام المدرسة ولايوجد اى استثناءات وانا بصراحه احترمت ده جدا وحسيت بانهم بيعملوا تكافؤ فرص ).

خامسا : مدارس الحكومة التجريبى :
هى مدارس كمان كويسه ولكن اللغات الخاص غطى عليها شوية ، بالنسبة لمصاريفها مش عارف اوى بس هى مش غالية خالص ممكن فى حدود بضع مئات من الجنيهات ، ولكن المشكله العويصة هى المربع السكنى (لازم بطاقة الاب تكون من نفس المربع السكنى ) لو الاب يقدر يضرب بطاقة يبقى ممتاز ، او يأجر شقه ايجار جديد ( او يضرب عقد ايجار ) ويعمل تغيير محل السكن فى بطاقة الرقم القومى ( من غير ضحك هى بلدنا كده ، انا مش شرير ولا حاجه هى دى مصر ياعبلة
خد عندك بقى :
عبدالعزيز ال سعود التجريبية - ميدان المحكمة - ادارة النزهة
الجيل الجديد التجريبيبة - ميدان ابن سندر - يمكن ادارة القبة مش متاكد
ام كلثوم التجريبية - بجوار قسم شرطة عين شمس - ادارة عين شمس
كلية السلام التجريبيبة - ش جسر السويس - اعتقد ادارة الزيتون
النقراشى التجريبيى - بجوار المخابرات / قصر القبة - ادارة حدائق القبة
دول اللى فاكرهم دلوقتى .

سادسا : المدارس ذات الطابع الدينى :

(6-1) طبعا فى المقدمة التعليم الازهرى : وهو معروف بدون شرح
(6-2) الازهرى الخاص : وهو بعض المدارس الخاصة التى تلتزم بمنهج الازهر واشراف من الازهر ولكن يكون الالتزام بالقرآن فقط ولا يتم تدريس مناهج الفقه والشريعه وغيره من المناهج الاسلامية او قشور منها .

(6-3) الازهرى الخاص لغات : وذلك هو الافضل على الاطلاق ، حيث يكون منهج ازهرى كامل من اولى حضانه حتى الثانوية العامة وتطبيق اعلى مستويات التعليم الخاص لغات مع الاهتمام بمادة اللغة العربية والدراسات الاجتماعية مما يجعل العملية التعليمية متوازنة بشكل كبير ،،،، ولكن هذا المستوى التعليمى غير منتشر وغالى جدا ، حيث يوجد يمكن مدرستين او ثلاثة فقط منهم الغد المشرق و معهد تاجان والاتنين فى القاهرة الجديده ومصاريفهم حوالى 10.000 ج للحضانه .

(6-4) المدارس القبطية : مثل القديس يوسف وكلية رمسيس و راهبات الارمن ، سان جورج ، وغيره منتشرين فى مناطق كتيره .
وهذه المدارس القبطية مشهود لها بالادارة الرائعة حيث انها فى الاساس ادارة راهبات ، ومستوى تعليمى جيد جدا وتقبل اولاد المسلمين بدون قيد او شرط ( مش كلهم ) فقط الشروط العامة مثل السن ، ويتطلب احيانا واسطة جامده (قسيس كبير مثلا ) عشان يقبلوا حد تحت السن .

واخيرا اعلم ان اختيار مكان مناسب تضع فيه ابنك او بنتك ليتلقى فيه العلم والتربيه الصحيحه هو قرار غايه فى الصعوبة وفيه جانب كبير جدا من المسئوليه
حتى وان كنت تستطيع ان تتحمل اغلى المصروفات فى المدارس الدولية على سبيل المثال ، فان هذا لا يمنع دورك كأب ودورك كأم فى التفتيش عن الجو المحيط بالعملية التعليمية (حيث تتجه معظم الاساليب الدولية الحديثة لالغاء الجانب الدينى من العملية التعليمية )
و انا شخصيا كمسلم لا احب ان ينشئ ابنى فى هذا الجو ، صحيح مستوى ادارة مدرسة رائع وتعليم هايل ونظام ونظافة ، لكن لا اضمن بصراحة حشو الدماغ وغسيل المخ ، حتى لو ده مش موجود فان الطفل المسلم سيبتعد عن تعاليم دينه خطوة خطوة ويكون لا يعرف من دينه اكثر من كلمة مسلم فى البطاقة او ما يعلمه له والداه وطبعا ده محتاج مجهود فوق الطاقة لانه يستوجب فرمتة المخ كل يوم وتستيب ويندوز اسلامى برده كل يوم .


>> ارحب بكافة الاراء وفى انتظار اقتراحات من تجاربكم ، وكل من لديه ابناء فى التعليم يتفضل بابداء رايه فى مستوى المدرسة ومدى الاستفاده .
أرجو ان يكون هذا التقرير شافى وكافى ودعواتى بالتوفيق


Mohamed Bendary

[Dr. Bolbolan]

المشاركة الأصلية كتبت بواسطة saif el din هل دة ممكن يحصل فى السيارات نتيجة طلب المستهلك الى عربيات رخيصة بالمكانيات كويسة يقوم يحصل الموضوع دة مش شرط يكون المنتج صينى ممكن يكون اى حد تانى ودة يكون نتيجة طلب المستهلك منتظر اراكم ولسة الموضوع مفتوح

ما هو ده ابتدأ فعلا بحكاية " المواصفات القياسيه المصريه للسيارات " !

هوه احنا عندنا مواصفات قياسيه ؟؟ ما فيش غير وشك للحيط....و قفاك ليه !! هههههههههه

Dr. Bolbolan ptmnlo123per1106

[Dr. Bolbolan]

المشاركة الأصلية كتبت بواسطة dr.amr ههههههههههههههههه انا نجحت ولا لسة ______________________ حضرتك نسيت حاجه من اهم الشروط اللي هي فاكر كل الدول بتحبه لغداية ما اتفقع في الجزائر وفاكر دول الخليج بيموتو فيهم ...!!!ptmnlo123per144

هههههههه لســه ختم النســر يا باشــا ! ptmnlo123per1106
Dr. Bolbolan