ارشيف الاستراحة 2009

[MaXx]

المشاركة الأصلية كتبت بواسطة AboNoRa والله يا باشا الموضوع ده حارق دم الناس كلها ومولع الدنيا فى كل المنتديات الحوارية والسلوك دخلت فى بعضها والناس مبقتش طايقة نفسها فعلاً ومش ناقصة استفزاز من اليهود كمان بس خلينا نفكر تانى او مش تانى هو اولانى لاننا مفكرناش فى الخبر اول مرة بشكل منطقى وموضوعى خلينا مرة نرمى العاطفية اللى عندنا ديه على جمب زى ما رمينا حاجات كتير ونفكر بشىء من البرجماتية ونعيد استقراء الاحداث والتاريخ خلينا نسأل نفسنا يعنى هو ليه بقينا كده ؟ ليه بعد ما كانت مصر ام الدنيا وام العرب والناصرة والرائدة والمنارة بقت تتشم وتتزقل بالطوب والحجارة تفتكر علشان اسرائيل سمت شارع باسم السادات ؟؟ طب ما سمو مراكز ابحاث باسمة وادولة جائزة نوبل مناصفة مع بيجن للسلام تفتكر ايه اللى يخلى شعب يوقر ويكرم شخصية تسببت فى اول واكبر هزيمة عسكرية فى تاريخ اسرائيل ؟ فكر كده بجد وهتعرف اذا كانت حرب تحرير ولا حرب تحريك على فكره انا مقاطع الجزيرة من ساعة احداث الجزائر ومش عارف ايه اللى اتقال بالظبط وكان ايه سياقه بس انا قولتها من حوالى 3 سنين على المنتديات برضو ان حرب اكتوبر مش زى ما كنا فاكرين سيبك منى ومن كلام من تصفهم بالعمالة وشوف كلام قادة الحرب http://www.youtube.com/watch?v=owY09Hge1Xo - (( لا يمكن لاى حرب ان تحسم قضية )) - التفاوض - احنا خدنا قضيتنا - ارضنا بالحرب - بهدف الايه - الحل السلمى - وتفاوضنا ... الحرب محلتش القضية ..... وقولنا نقعد نتفاوض بقى الصحفى الاسرائيلى : - لما كنت سيادتك قائد سلاح الجو فى 73 كان فى ذهنك ان بعد اربع او خمس سنوات بعد الحرب ديه هتحصل معاهدة سلام ؟ - اه طبعاً متوفع ان لازم نحل ... والا اذا مكانش فيه معاهدة سلام يبقى الامخاخ كلها مش نافعة !!! اظن الكلام واضح وكلام التحرير يختلف عن كلام التحريك خالص واسمع باقى الفيديوهات وشوف اخبار الحصار فى مجالات الدنيا ومغامرات الشرطة المصرية ومطاردتها للخرفان المهربة لفلسطين فى العيد الاضحى واخبار الجدار الفولازى والجدار العازل وتعليقات الناس عليها وانت تعرف ليه بقى اسمنا مصرائيل وليه بقينا نتسب ونتشتم ونتهم بحبس وحصار اخوانا الفلسطينين بينما الاعلام المصرى يتحدث عن اختراق الفلسطنين للسيادة المصرية بحفر الانفاق http://www.youtube.com/watch?v=iioCJntaknI

هبدأ بالرد علي الفيديوهين بالترتيب و بعدين كلام حضرتك ,,,

الفيديو الاول بتاع الريس ,,,

حضرتك لو تركز ان دي ميديا و بتتنقل ,,, في فرق بين كلام الميديا و الكلام اللي بجد ,,,

1.و لو تاخد بالك المذيع في الاخر كان بيقوله حرب 73 كانت مصيبة و كارثة علي الاسرائيلين و انتصار للمصريين ,,,
2, طالما في سلام مع اسرائيل يبقي لازم و انت بتتكلم قدام الميديا و العالم كله هيشوفك تبين انك مع السلام و انك بتنبذ العنف ,,,
3. الحرب مش بتنهي القضية لسبب ,,, ان علشان تخرج كل الناس من مكانها لازم تبقي حرب ابادة ,,, علشان كده القادة بيتكلموا عن انتصار حربى يعقبه اتفاقية انسحاب للخاسر في الحرب ,,, زي ما احنا لما خسرنا في 67 انسحبنا و بدون اتفاقية ,,,
4. التهكم في لهجة الريس لما المذيع كان بيعمل عبيط و بيقوله علي الضربة الجوية الاولى كان ابلغ رد علي المذيع
5 . انا لا ادعم الرئيس ,, ولا عاجبني الريس ولا الحكومة ولا المعارضة حتي ,,,


.....................
الفيديو التاني ,,, لو تركز هتلاقي ان الست الاسرائيلية كانت بتقول شكرا لامريكا و لمصر و بعدها قالت السلام ,,, يعني هي بتشكر امريكا و مصر علي محاولتهم لعمل سلام بين فلسطين و اسرائيل مش علشان مصر حبست الفلسطنيين في غزة وقت الضرب ,,, ولا علشان اي حاجة تانية ,,,
و اللي فهمته من كلامها ان الفيديو متصور في المكان ده علشان هجوم بالصواريخ ( ضعيفة ) علي مستوطنات اسرائيلية و قالت مش خايفين و شكرا امريكا و مصر ,,, السلام ,,,

الفيديوهين عاملين بالظبط زي اللي سايب معني الحوار و ماسك في كلمة واحدة ,,,

او زي ما هقولك ,,, تخيل انك ماشي في الشارع و اتنين يعدوا من جنبك يعني مش سامع الحوار من الاول ولا هتسمع الحوار للاخر ,,, بس سمعت و هما معدين كلمة زي ( الاسلام السياسي ) تقوم مستغرب للمصطلح ,,, ( حصلت معايا )

حضرتك انا هتكلم شوية عن حرب اكتوبر ,,, الحرب اللي اسرائيل بتحاول تشكك فيها ,,, تفتكر لو كانت تحريك كانت اسرائيل تسيب سينا ليه ؟
ليه لو هي تمثيلية يموت اكتر من 5000 اسرائيلي
اتفرج علي اليوتيوب علي يوم كبر وار او بالعربي حرب يوم الغفران واتفرج علي التعليقات الاسرائيلية

اغلب التعليقات ( انتوا كسبتوا لانكم جبنا و ضربتونا يوم عيدنا ,,, انتوا كسبتوا لان الجبهه مكانش عليها غير 500 جندي ,,, و اللي بيقول انهم ما خسروش الحرب اصلا ,,, و يرد واحد منهم يقول خلينا نكون صادقين مع انفسنا احنا خسرنا الحرب دي بس دي هتكون اخر حرب نخسرها ضد العرب )

عزيزي ابو نورا ,,, اتحدث الان عن عائلتي علي سبيل المثال ,,, رزق الله جدي اطال الله في عمره 6 اولاد ,,, 3 كانوا بالجيش وقت حرب 73 ,, 1 مجند ( كان من الموجودين في لسان كبريت و اكيد حضرتك عارف القصة الشهيرة ) ,, و الاخرين مهندس مدرعات و الاخر مهندس طيران بالجيش ,,,

لطالما سألتهم عن الحرب و عن الفترة التي طالت في انتظار عمي الاكبر حتي عودته سالما من لسان كبريت ,,,

لطالما كنت اري سعادة و فرح عندما يتذكرون ايام الانتصارات في اعينهم ,,,

هل تظن ان هؤلاء كانوا يحلمون ؟


الحرب لم تكن تحريكا ,,, و لم نبالغ في وصفها انتصار بل هي فعلا انتصار ,, و تلي ذلك الجسر الجوي الاميريكي لدرجة انهم كانوا يقومون بأسر دبابات جديدة تماما ,,, يعني الدبابات دي اتعملها اسقاط علي الجبهه


و طلع السادات و قال انا بحارب اسرائيل مش امريكا ,,,

اسرائيل بتحاول طمس اي شئ ضد تاريخ انتصاراتها ,,, و بتحاول تضيف اي شئ لتاريخها ... ولا ناسي موضوع الاهرامات ؟؟؟ بتاعتهم دي كمان ولا ايه ؟


العرب بقوا يكرهوا المصريين و احد اهم اسبابهم ان المصريين عندهم احاسس زايد بفضلهم علي العرب ,,, حتي لو كان ده صحيح ما يصحش ابدا تعاير حد بأنك ساعدته

زي ما اسلف حد فلوس ولا حاجة ,,, و افضل طول عمرى افكره حتي لو ردلي الجميل ولا ما ردش المفروض اني ما افكروش ,, والا هيقول كان يوم اسود يوم ما سلفتك ,,,

العرب اللي بيتكلموا و يقولوا فلسطين ومصر ساكتة ,,, الريس قال اللي عايز يحارب يجي بجيشه علي ارضنا ,,, و كله قفل بقه بعدها ,,, شوف هما بقوا فين دلوقتي و احنا بقينا ايه بسبب الحروب ,,, مش بس الحرب بس اللي اخرتنا بس اكيد بتأثر جامد ,,,

يعني مثلا هل دولة بعيدة عن منطقة الصراعات بتكون استعدادتها العسكرية و كمية و تكلفة المعدات زي دولة علي الحدود مع دولة معادية ؟! مؤخرا السعودية و الامارات اكتر المتسوردين للاسلحة من الولايات المتحدة الامريكية ,,, ربنا يديهم يا رب كمان و كمان ,,,


بس مش هيحاربوا بولادنا بس ,,, مش تسخني و ادخل انا اتخانقلك ,,, و انت تعد تتفرج علي و مش خسران اي حاجة ,,,

فكرة تانية ,,, ليه مصر تعمل نفسها كبيرة المنطقة العربية ؟ هو انا كدولة ناقصني ايه دراع ولا رجل ,,, دا احنا حتي اغنى منهم و هما ( المصريين بيجوا يشتغلوا عندنا )

ولا عايزني اصدق واحد طرد ابوه من البلد و استولي علي الحكم ( بتاع قطر و مش هقول اسمه لاني بقرف و اللي قطري و زعلان مني اقوله في فرف بين الشعوب العربية و الحكومات العربية و ليك مني كل احترام و حب طالما بتحترمني و تقدرني )

الكلام كتير ممكن اعمل بيه موضوع ,,,

بس بجد الاعلام في اي قناه ليه اتجاه ,,, اعلامنا خاطئ و اعلام العرب ايضا خاطئ ولا يوجد اعلام يقدم صورة بدون توجه ,,,

المشاركة الأصلية كتبت بواسطة ramy hassan والله بلدنا لسة بخير و خلينا متفائلين أن بعد العسر يسر وان غدا لناظرة قريب و أن شاء الله اللى جاى أفضل من اللى رايح و الدليل على كدة ....الصحوة الدينية المنتشرة بين الشباب و الفتيات ف مصر أكتر من دول الخليج برمتها الحمد لله

ان شاء الله الحال هيتحسن ,,, بس احنا نحسن نفسنا الاول ,,, و للاسف كتير من الصحوة دي ,, مظهرية ,,, و في بعض الاحيان الاخرى ,,, عادة و ليست عبادة ,,, يعني بيصلي زي ما بياكل بدون احساس بقيمة و معني الصلاة ,,, ( هي خطوة و احسن من اللي مش بيصلي خالص ,,, بس برضو بيفقد معناها لان من لم تنهاه صلاته فلا صلاه له .

و اكره ما علي ان اري رجل دين يسعي الي السلطة فهي تفسد الدين ,,, و ايضا رجل دين يسعي الي الشهرة و المال ,,, فهذا يفسد الدين ,,,

ربنا يهدينا اجمعين ,,, و لما نبقي كويسين احنا الاول ,,, هيطلع مننا حاكم كويس ,,,

[hazem_khidr]

هو الموضوع طلع من اسرائيل و دخل في نصر اكتوبر 73
و مش حسمي المعركه دي غير نصر اكتوبر
لانه نصر لينا فعلا رغم كل المشككين له

[MaXx]

يا استاذ حازم انا مكنتش اقصد ادخل الموضوع في السكة دي خالص ,,, بس انا كنت بشرح فكرتي ل أبو نورا ,,, و اتمني اكون قدرت افهمه قصدي ,,,

اخيرا كان في مقال لاستاذ ابراهيم حجازي و طبعا معروف مين ابراهيم حجازي و انه كان من قوات المظلات ...

ان شاء الله الاقيه و اجيبه في موضوع لوحده هنا و اتمني كل اللي يقدر ينشره ينشره ,,, علشان الاجيال اللي جاية ما يبقاش عندها شك في تاريخ بلدها ( اللي للاسف مبقالناش غيره )

[amorroma]

أين الردود

[waelfarid]

عفوا نسيت أشكر صاحب الموضوع الاصلي shooter123 اللي خلي الكلام يجيب بعضه بأخبار حلوة من أبو نورا مشكور طبعا