احداث رياضية لاعوام 2008 2009 2010 2011

[Etsh]

السلام عليكم يا جماعة.....بصو بقى أولا أنا من أكثر الناس تشائما من نتائج المباريات الخاصه بمنتخب مصر ولكن.......ينتابنى إحساس غريب مش عارف سببه أيه إن إحنا هانفوز على الجزائر ....ليس تفائلا و ليس لأن إحنا نستحق الفوز ....لا لا لا ...لكن لأسبا ب أخرى و أغلبها نفسى و هى كالأتى
1- رغم إرتفاع المعنويات لدى الجزائريين و فرق الأهداف و النقاط و الإستماته من أجل الصعود لكأس العالم المفقودة منذ فتره و رغم أن الجزائرين مدربون جيدا على الحرب النفسيه و الضغط الذى سوف يضعهم فيه المنتخب و الجماهير النفسيه إلا أنى أرى أن ثقتهم و طمأنينيتهم لفرق الأهداف سوف يأتى بنتيجه عكسيه عليهم

2- من يظن أن الجزائريون هايموتو الماتش و ينامو عليه غالطان ...الجزائريون هايهجموا لأسباب عده ....هدف و احد فى مرمى المنتخب يجعل المنتخب فى أزمة الحاجه ل 4 أهداف لأن نتيجة 3 إلى 1 لصالح الجزائر عشان الأنذارات لديهم أقل من مصر و اللى هاتكون الفيصل فى حال نتيجة 3 إلى 1

3- المصريون هايموتو نفسهم فى الماتش ده لأن هدفين كافيين للصعود للحلم كأس العالم لهذا الجيل الواعد و عشان كده أنل أوعدكم أن شاء الله هاتشوفوا منتخب تانى خالص فى مباراة الجزائر وبقوا قولوا أتش قاااال هاتشوفو

4- هدف واحد فى الجزائر كفيل بقلب جميع الموازين و لخبطة الجزائريون و خروجهم عن أعصابهم عشان كده أنا أتوقع ضربة جزاء للهدف الثانى

5- الجزائر دفاعيا أخر بهدله و انا أتوقع أن حسن شحاته هايرجع زيدان للمنتخب بعد إقصاءه من القائمه و برضوا أبقوا قولو أتش قاااال....ووجود زيدان فى حد زاته هايل لأن ماعندناش حد بيخلص قصاد المرمى أو مهارى يلم اللعيبه حوله و يفضى مساحات لزملاءه و ده دور زيدان

6- الجزائريون حتى الأن مجرد روح عاليه و كذلك هجوم جيد و يفتقدون خط الوسط و الدفاع نهائيا بينما المنتخب المصرى أفضل فى وسط الملعب و بعودة زيدان تستقيم أمور الهجوم و ربنا يستر فى الدفاع ...ربنا يوفقك يا حضرى

أخيرا ......................... .وطبعا كل شىء بمشيئة الله إحنا منتخب دعى الوالدين ....صدقوتى و يارب لا يخيب الله ظنى صعودنا للكأس رغم أنه سيكون عن غير إستحقاق .......مؤكد بأذن الله ....و متسألونيش إذاى بس ده إحساس و أنا عمر إحساسى ما خيب

طبعا لو فشلنا فى الصعود لا قدر الله ....الناس هاتقولى إذاى الحال و حال أحاسيسك أه ....طبعا أنا ولا أعرفكم و لا كأنى قلت حاجه و هاقولكم أنا قلت كده ...ده مش أنا ده أخويا الصغير....ههاهاهاهاهاهاه
يا مصريون خليكوا أكثر ثقه فى أنفسكم حتى فى أحلك المواقف لأن الثقه بالنفس هى الدافع فى حد ذاته أما إذا كان الأخوه الجزائريون بيشتمو أو بيقولوا كلام مالهوش لازمه عن مصر ف "الكلاب تعوى و القافله تسير" و أن كان ما يقال بهتانا و ظلم و لم يخرج على لسان الجزائريون ف"يا أيها الذين أمنوا إذا جاءكم فاسق بنبأ فاتبينوا" و لا داع للوقيعه أكثر بين العرب كفايه اللى إحنا فيه ....مش الكوره كمان اللى هاتخللى العرب فى فرقه أكثر و أكثر

وربنا يقدم اللى فيه الخير

[Ahmed Anwer]

يا رب احساسك ميخيبشي المرة دي

[horas3000]

فى عضو فى منتدى كوره الف موضوع عن ان ساركوزى بيصلى ليل نهار عشان الجزائر ما تتأهلش لكاس العالم لانهم بيحتفلوا بهمجيه ومبيخلفوا وراهم اطنان زباله والمهم نزل فيهم شتيمه وطبعا المقال دا صاحبنا المصرى فى المنتدى هو الى مألفه وكاتب ان المصدر الموقع الفرنسى الرياضى sefon sport

والى يهلك من الضحك ان الخبر الجرائد اعتبرته صادق ونشروه فى جرنان جزائرى فى الصفحه الاولى وجريده اليوم السابع المصريه دا غير كمان انه اتكاتب فى موقع يلا كوره الى بيقولوا انهم اكبر موقع رياضى فى الشرق الاوسط
شوفتوا هبل الاعلام والجرائد واحد قدر يضحك عليهم دا لو كانوا بس دخلوا على جوجل وبحثوا عن سيفون سبورت دا مكانوش هيلاقوه لكن هما انسخ علطول
دت غير ان مدحت شلبى اتكلم عن الخبر فى مودرن وعاملينلى محللين والله الناس دى طلعت مسخره يا جدع على راى عادل امام والسفاره الفرنسيه عملوا مؤتمر ونفوا الكلام دا والدنيا ولعت بسبب الاعلام الاهبل










ودا بقى الجرنان الجزائرى النكته بقى





منقووووول للكوميدية

[AbOnOrA]

فعلا تحفه يلا خليهم يتعلمو

[abdoon16]

المصري مفيش اده ف الحورات اهو اشتغل العالم كله ربنا يستر ف اللي جاي.