|
#466
20-08-2010, 03:16 PM
|
||||
|
||||
رد: أدب الرحلات
واضح ان الناس كلها النهاردة في الافطار وشكل انا قاعد في الموقع لوحدي
عموما انا مستني الاخبار متنساش يا احمد سلملي على كل الرجالة اللي هناك
__________________
ولا نقول إلا ما يرضي ربنا إنا لله و إنا إليه راجعون
|
|
#467
20-08-2010, 03:38 PM
|
||||
|
||||
|
رد: أدب الرحلات
ههههههههههههههههههههههههه مش عارف اقول اية.................
ممتاز ههههههههههههههههههههههههه هههههههههههه
__________________
I do not like driving a fast but I love fly slowly
|
|
#468
21-08-2010, 03:37 AM
|
||||
|
||||
|
رد: أدب الرحلات
اعتذر اليوم عن عدم حضور عزومة الأفطار حيث كان عندنا هجوم صعيد ى شر س ولا الهكسوس ايام الجدع اللى اسمه احمس
وطبعا لم يتركو اخضر ولايابس فى البيت من اكل ولاشرب ولا اجهزة ولا اى شىء فالاطفال كالتتار لاتستطيع ان توقفهم عن التخريب والكبار يغضبون اذا نهرت الأطفال ( شخطت فيهم ) والناتــــــــج اصبحت الشقة مثل مدينة بورسعيد بعد العدوان الثلاثى بساعة والمدام وسلمى لديهم اكثر من 48 ساعة لازالة آثار العدوان ونستأنف مسيرتنا وقطار رحلاتنا ان شاء الله بعد التقاط الانفاس
|
|
#469
21-08-2010, 05:19 AM
|
||||
|
||||
|
رد: أدب الرحلات
جرجا (بكسر الجيم وسكون الراء الأولى وفتح الجيم الثانية)
وجرجا مدينة فى صعيد مصر بعد سوهاج ب35 كيلو متر وتبعد عن القاهرة 502 كيلو متر (بالقطار طبعا) مدينة بسيطة مثل باقى مدن الصعيد لكنها من حيث الجو والطقس المعتدل ياسبحان الله هى قطعة من اسكندرية وسط الوجه القبلى ولما بحثت عن السر وجدت انها عبارة عن شبه جزيرة يحيط بها نهر النيل من 3 جهات وهى خريطتها تشبه جدا خريطة محافظة سينا ء او قريبة الشبه بها وعندما تتوغل الى قرية الابيض (بضم ألالف )او القيرية (القرية التى بعدها / الجيرية بالصعيدى) وهم يقع بهم مستعمرة مصنع السكر فعلا ستكتشف انك فى الاسكندرية ولكن بديكور صعيدى اهلها يغلب عليهم الطابع الدينى اكثر من مراكز كثيرة فى الصعيد وهناك فارق بين الطابع الدينى والقبلى لدى الصعايدة وتجد اسماء الشوارع جميلة وذات طابع دينى بحت شارع الامام ابو حنيفة النعمان / شارع الامام بن كثير / شارع عمر بن الخطاب وهكذا ولكن كمعظم اقاليم مصر يوجد شارع اسمه شارع بورسعيد ولااعرف لماذا بورسعيد م حدش يقول علشان المدينة الباسلة والعدوان الثلاثى والكلام ده طب مهى السويس انضربت والاسماعيلية انضربت وابو زعبل (منطقة بعد المرج ) اول القليوبية من ناحية شرق القاهرة)انضربت ومش فاهم لها تفسير الحقيقة همس فى أذنى احد اصدقائى فى يوم وقال عايز تعمل شغل كويس فى الصعيد قلت / طبعا قال /انزل جرجا وهات من الأخر معاهم ههياخدو منك كويس وبيدفعو نقدى وركبت القطار وانا أمنى (بضم الهمزة) النفس بشغل كويس وممتاز وبعد رحلة مرهقة بالقطار الاسبانى الذى لايتوقف الا فى اسيوط استمرت 7 ساعات ونصف وصلت جرجا ياللهول (يوسف وهبى للمرة الرابعة ) عند دخول القطار الى جرجا فوجئت بهرم من الزبالة ضخم جدااا داخل السكة الحديد (بيفكرنى بمدينة المحلة اول م اشوف كوم زبالة ضخم جوه السكة الحديد افهم ان باقى على محطة المحلة حوالى 300 متر فاقوم من على الكرسى واستعد للنزول ) وطبعا هرم الزبالة يدل على مدينة بلا اى خدمات لكن قلت ياواد زى بعضه ماهى المحلة كده لكن تخرج من المحطة تلاقى بره حاجة تانية ودخلنا محطة جرجا ولكن ياللهول (للمرة السبعين ) دى محطة لم يقترب منها اى حد من مسئولى السكة الحديد من ايام الملك عفروتو الخامس وقلت ياواد مش مهم المهم بره المحطة وخرجت بره ولقيت الميكروباس عبارة عن العربيات الفورد القديمة او الفوكسهول او الباكار برضه بتاعة يوسف بك وهبى وانور وجدى والعربية ماشاء الله وزنها 7 طن لكن حمولتها 4 فقط وبيحشروها بحيث تبقى 6 والعربية اللى ركبتها كانت 8 لان فى 2 ركبو على الاكسدام فقلت يادى النيلة طب السكة الحديد وقلنا ماشى لكن المستوى المادى لازم يبان على الافراد وقلت مش مهم كده كده انا هزور خالتىفى مستعمرة مصنع السكر وكان الجو حر نار لكن داخل جرجا حسيت ان درجة الحرارة اقل وحين توجهت الى مصنع السكرو جدت نسمة هواء جميلة ولطيفة اتحشرت فى الفورد وفوجئت بايد تدخل من الشباك ونظرت فأذا بسلامته راكب الاكسدام بيدفع الاجرة وقلت للسائق 2 ورا فقال 2 ورا والا 2 بره فقلت /اما انا مغفل صحيح هما 2 بره ماشى انت رايح فين مصنع السكر ربع جنيه لحد الباب 40 قرش جوه ماشى ياعم خش بس انا بقوللك علشان منزعلش مع بعض الحنطور اهو ب3 جنيه ياعم خش ميهمكش (الاسعار دى 2001) اتفرج على الشوارع وانا مصدوم بقى دول هيشترو بضاعة بآلاف الجنيهات ونقدى كمان بس اما اشوفك يافلان (صاحب الشورة دى) محلات اقل من العادية لاتجد محلا كبيرا الا قلة كأى مركز من مراكز قبلى تجد محل او 2 كبار والباقى كومبارس وغالبا فى مجالات غير العطور والوجوه وجوه صعيدية بحتة يبدو عليها الطيبة فعلا لكن لايبدو عليها اى مظاهر ثراء وانا قلت ياواد احتسب المشوار لله زيارة عائلية وصلة للرحم لعل الله يتقبل ونزلت عند خالتى سلمت عليها وعلى العائلة ثم فتحت البلكونة لاجد أجمل منظر طبيعى يمكن ان تقع عليه عيناى نهر النيل يحيط مصنع السكر من جهتين وفى الثالثة الحقول الخضراء (الغيطان) والجبل الغربى من وراء الجميع سألت خالتى / انتى قافلة البلكونة ليه مع ان الجو جميل واجابت اجابة صعيدية جميلة لاتخلو من الهزار وهى ناظرة المدرسة الاعدادى الصارمة التى لاتعرف الهزار / ياولد اختى المراوح هتبوظ من جلة(قلة) الشغل وزوجها رئيس قسم المعمل هناك / يضحك ويقول / بذمتك ده تفكير واحدة ناظرة مدرسة وضحكنا ونظرا لان امثالى من سكان القاهرة محرومون من الهواء النقى الجميل صيفا وشتاء ففتحت جميع شبابيك البيت واغلقت المراوح فى عز الحر النااااار لكن هناك الجو مختلف وجلسنا نتحدث البلد دى بيقولو عليها تجارية وانا مش شايف كده زوج خالتى / مين قال كده ده كل سوهاج ومعظم مراكز قنا بييجو يشترو من جرجا عجيبة الا ماباين حاجة على المحلات الديكور والمنظر مش مهم عندهم اهم حاجة البيت المبنى كذا دور والطيـن( الأراضى الزراعية) قلت / يامسهل اهى ابتدت تنور اهى ونزلت تانى يوم وقلت ياواد فوت على اى حد عاطل فى باطل علشان تجيب مصاريف الرحلة ووقفت عند كشك صغير الشركة العربية للعطور اهلا بيك اتفضل وجاب كرسين وجلسنا ورينى اللى معاك ضحكت من الاسلوب ووريته العينات وقائمة الاسعار وفوجئت بيه طلب طلبية ب5000 جنيه تعجبت وبصراحة خفت يكون نصاب فقلت له / نقدا بلهجة صعيدى / نجدى (نقدى) طبعا اومال ايه احنا مبنبجوش افلوس (يعنى مش بيبقى فلوس عليه) مشيت وانا مندهش دخلت بعدها على محل ملىء بالتراب والبضاعة مرمية فى كل حتة والزباين ماشاء الله كثيرة ودخلت سلام عليكم عليكم السلام الشركة العربية للعطور اهلا بيك كرسى ياواد وجاب كرسى واجلسنى عليه وهو جاب صندوق بيبسى واوقفه وجلس عليه لان المحل فيه كرسى واحد فقط ايه عنديك (عندك ايه ) وريته طلب طلبية ب10000 جنيه فقلت نقدا نجدى طبعا تعجبت ومشيت ووجدت محل شيك ومحترم ومليان بضاعة وجلست معاه وكانت النكتة طلب طلبية ب500 جنيه وهيدفعها على 4 مرات ضحكت وقلت ماشى يعنى المحل الوحيد الشيك يطلع غلبان ؟؟؟؟؟؟ ههههههههههههه بعد ذلك بعدة سنوات نزلت جرجا اختفت السيارات الفورد والاوبل القديمة والفوكسهول وحل محلها التوكتوك ولكن بصورة بشعة لم اجد مثلها فى محافظة اخرى او مكان اخر تحس فعلا ....توكتوك لكل مواطن ولاتستطيع السير فى الشوارع من كثرتهم لكنها فعلا بلد مهمل وان كان جوها جميل وبلد اقتصاديا كبير ويسمونها بلد البضاعة المحروقة مزنوق فى قرشين ومعاك شوية بضاعة تنزل تبيعهم هناك اقل من تمنهم نقدااا لكن من أظرف ماقابلتهم فى جرجا شاب ظريف ولذيذ اهلا بيك اهلا يابوى اتفضل بتشتغل فى ايه فى العطور وانت ؟ فى التصدير وبتصدر ايه بصدر ضفادع مندهشا /ازاى يعنى بنزل الغيطان والبرك والمستنقعات واصطاد الضفادع واصدرها فرنسا مندهشا /فرنساااااااااا؟؟؟؟؟!! بيعملوبيها ايه ؟؟ بياكلوها وبينى وبينكو يومها نفسى اتسدت ومكلتش خالص فرنسا ايه ونيلة ايه ومدينة النور ايه بس التعديل الأخير تم بواسطة خالدخليفة ; 21-08-2010 الساعة 05:31 AM
|
|
#470
21-08-2010, 05:40 AM
|
||||
|
||||
|
رد: أدب الرحلات
الحمد لله خالد باشا نجى من الهجوم الصعيدى وبيحكى كمان, بمناسبة الهجوم, أدعوا لشهداء العاشر من رمضان بالرحمة ياجماعة.
بس جرجا باين عليها كانت جميلة أوى, أنا تخيلت الحتة بتاعت مصنع السكر وحسيت أنى فى الجنة, كمل ياخالد باشا متابع مع حضرتك  .
__________________
|
 |
|
|
.
