ارشيف الاستراحة 2010

[احمد بدر1978]

المشاركة الأصلية كتبت بواسطة sad-bird الجبن سيد الاخلاااااااااااااااااق هههههههههههههههههه بلاش تبقى تعمل السبع رجاله في بعض وانت عامل فيها قطة دلوقتي

ههههههههههههههه لا هى عارفة بس الموضوع ما يبقاش عينى عينك كدة دى تبقى بجاححة

[sad-bird]

رقم 6
رقم 6 دي كانت زميلتي في الشغل وكانت بنت م الاخر كانت جدعه جدا وبتخدم قوي بس فيها عيب سوسوة قوي بتدي اسافين كتير ( اكتشفت بعد كده انها بتتعامل بتلقائية والللي بيسألها عن حاجة بتجاوبة ومتعرفش انه اللي بتقوله بيضر حد تاني )
كانت بنت امورة ما شاء الله وعسولة ودمها خفيف وبصرحاة كنت معجب اكتر بامها ( لأنها كانت ارملة ومعاها 3 بنات وهيا اللي ربت النبات لوحدها معاها ربنا وبعدين اخواتها ومرضيتش تتجوز بعد جوزها والبنات كلهم ماشاء الله كويسين مفيش واحده فيهم و لا كده ولا كده لكن لاصغيرة كانت شقية حبتين لكن كنت بديها على دماغها انا واختها مراهقة بقى )
المهم
البنت كانت معايا في الشغل ومكنتش بفكر فيها لاني كنت خاطب لكن كان اي مشكلة تحصل ولاني اكثر الناس حيادية في الشغل ومبجيش على حد لحساب حد فكانت بتلجألي كتير واهلها يعرفوني وعلى اتصال بالبيت كأخ اكبر ليهم
بعدين فركشت خطوبتي
وقعدت افكر فيها لكني مأخدش قرار وكانت لسه رقع 4 مظهرتش كلاكيت تالت مرة
هووووووووووووووووب
كرسي في الكلوب
رجعنا من اجازةالاخر الاسبوع انا فتحتي اتقرت امبارح والشبكة الخميس الجاي وعقبالكم جميعا
وكله كوم والا انها عاوزاني اروح اقف معاهم في البيت يوم الشبكة كوم ( باعتبار اني زي اخوها وانهم محتاجيني جنبهم يومها ، منا عبيط مكنتش قلتلها حاجة بقى وبصراحة اكتر واحده زعلت عليها )
المهم
ظهرت رقم 4 تالت مرة وقعدت تقرفني وقلت مبدهاش بقى وانتو عرفتو التفاصيل قبل كده

وبعدين رقم 6 بدأ يحصل خلافات بينها وبين خطيبها وانا كل شوية ادخل في الخلافات دي واقولها تعمل ايه ( عبيط بقى بساعدها تحل خلافتها مع غريمي اللدود ) وبعدين فجأتن قررت تلبس النقاب وبصراحة انا هنا كنت اموت واتجوزها انا اصلا بحترمها من قبل القرار ده فما بالكم بعد القرار ( لكن لا يحل لاحدكم ان يخطب على خطبة اخيه فسكت )
بعدها الخلافات زادت قوييييييييييييييييي وخلاص الموضوع اتفركش خلاص
بس هو يجي ياخد حاجته او يبعت حد ياخد حاجته
وهنا بقى انا اتكلمت معاها وكانت صدمة ليها لكنها تقبلتها وتعاملت معايا عادي وكلمت امها وخلاص هنشوف الامور ايه بس على الاجازة
هوووووووووووووب
عيلة خطيبها كلها اجمعت على انه غلطان وكلهم غلطوه وجابوه من قفاه يصالحها وساقوا طوب الارض عليها علشان توافق وترجع تاني
ولقيتها باعتالي رسالة كل شيء نصيب وياريت اسمع اخبار عنك حلوة وانا عارفه انك تقدر تتجاوز الازمة دي كويس لكن الضغوط عليا كتير وياريت متحاولش تتصل بيا لاني مش عاوزة اكون مقصرة في حق جوزي وانت عارف انا بعزك قد ايه
كانت رسالة طويييييييييييييييييييييلة اطول رسالةموبايل ممكن حد يقراها في حياته

واحترمت رغبتها جدا ومسحت كل ارقامها من عندي علشان شوشو ميجيش يوسوس لي بس سيبت رقم البيت علشان اتصل عليهم اطمن عليهم لانهي فعلا كنت حاسس اني واحد منهم خصوصا اني البنتين الاصغر كانو بيقولولي ابيه وانا كنت فرحان بالموضوع ده قوي
اصل كان نفسي طول عمري يكون ليا اخت بنت اصغر
وفضلت على اتصال بالبيت كل فترة اطمئن على والدتها واخواتها واقفل
لغايه لما جيت مناقشة الماجستير وجيت اعزمهم امها اللي ردت عليا
بتقلي مين
مينايه يا طنط مش عارفاني
لا مش واخده بالي
والرد ناشف
انا فلان
مين فلان معرفش حد بالاسم ده وقفلت السكة في وشي
اتصلت بيها تاني قلتلها انا فلان يا طنط وصفتي كذا وكنت بتصل بيكم علشان اعزمكم على مناقشتي وكنت فرحان كاني بتصل بحد من اهلي لكن للأسف ظني مش في محله
وقفلت انا السكة في وشها قليل الذوق انا عارف



بس بيني وبينكم جميعا
مش عارف رد فعلي ممكن يكون ايه لو البنت دي بقت قدامي النهاردة

[sad-bird]

المشاركة الأصلية كتبت بواسطة احمد بدر1978 انا اساسى معايا على الفطارطبق الفول بالطحينة وعلية توم وكمون وكل ياباشا

نسيت اللمون والشطة والبصلة

[sad-bird]

المشاركة الأصلية كتبت بواسطة احمد بدر1978 الحق يا عم خالد الموضوع قلب من ادب رحلات لمطبخ بدريى الحق الموضوع بدل ما يبقى مايطلبة المستمعون او 100 طريقة لعمل الفول

ههههههههههههههههههه
مين ده اللي يلحق
ده اول واحد هيحط طريقته في عمل الاكلا
بس على فكرة انا مبعرفش اعمل الفول ب 100 طريقة هما تقريبا 7 او 8 بس

[sad-bird]

رقم 7
رقم 7 واحده جارتنا لكن اصغر مني بشوية
وكنت فكرت فيها بعد ما الخطوبة اتفكرشت ورقم 6 مفيش ونويت وعزمت النية على خير وكلمت الحاجة وامها كانت عارفه وابوها كان حاسس
وبعدين في يوم من ذات الايام
لقت الشارع وبيتهم متعلق عليه زينة ونور وحاجات كده
ايه ده في ايه
الشارع كان هوس هوس كان الصبح بدري وانا اقول الشارع ساكت ليه
مفيش حد ظاهر في الشاره ولا حركة وسكون
والوقت بيعدي تقييييييييييييييييييييييي يييل مش عاوز يعدي
اتاريه كان يوم جمعة ومفيش حد لسه صحي ولاني بصحي بدري فمبخدش بالي لكن كنتي هموت واعرف فيه ايه
ملقتش حد يومها يقولي لاني مش هروح اسأل
تاني يوم وحد جارنا وقفني وانا رايح الشغل وبيكلمني في كذا حاجه وام البنت دي معديه
مبروك لفلانه
الله يبارك فيكي
عقبالك يا محمد
ان شاء الله في حياتك

بعدها اتجوزت
وبعدها كانو محتاجين شقة فبقول للراجل منا قلتلك اشقة عندك فوق اهي لومحتاجاها افتكرني بقوله منا قلتلك عليها اخدها على (البنت يعني ) قالي خلاص بقى اللي سبق اكل النبق انا عرفت انك كنت عاوزها لكن النصيب بقى
تنحت واتصدمت لانه مش من طبعي اني اعمل او اقول حاجة زي كده
فقلتله اولا واخيرا دول اخواتي الصغيرين ان كانت هيا ولا اخواتها الولاد
وبعدين رديت عليه انا بقولك خد الشقة فك بيها ازمة مقصدش حاجة تاني


كان هيبقى موقف سخييييييييييييييييف
لكن الحمد لله عدي على خير