|
#456
18-08-2010, 07:36 PM
|
||||
|
||||
رد: أدب الرحلات
أيام فى الحجز
عبده المجنون ده واد فعلا فعلا فعلا مش مجنون لان المجنون واحد مخه بايظ لكن ده من غير مخ اساسا طول النهار يعمل ازايز حلاوة طحينيه يعنى ايه يجيب زجاجة المية الكبيرة ويملاها ميه ويدوب فيها الحلاوة الطحينيه ويرجها جامد لحد متبقى سائله خالص ويشربها ومفيش فايدة ويعمل غيرها ماله ده ياجماعه ده مأنبل يعنى ايه يعنى جايب اقراص مخدرات ولاففها فى سيلوفان ولاسع السيلوفان علشان يقفل عليها فتبقى شبه الامبول وبعدين يااما بيدخلهم فى نفسه من ورا فى فتحة الشرج و دى بتبقى سهلة فى الخروج او بيبلعهم ودى بتبقى صعبه فى الخروج وبتحتاج ازايز الحلاوة و ليه الدوشة دى كلها بزهق / علشان القرص بيتباع بما يعادل 10 جنيه فى السجن وهو تمنه جنيه بما يعادل يعنى ايه هو فى السجن عملة تانية ايوه ايه هيا بغيظ / السجاير ازاى معلش اتحملنى اخوك جديد ولاقديم ولاحاجة ضحك وقال ماشى افهمك السجاير هيا عملة السجن وعلبة السجاير الكليوباترا دى (ام علبة بيضا ء =1 جنيه(وقتها كان تمنها اعتقد 175 قرش او جنيه ونص مش فاكر والسوبر جنيه ونص ) والموضوع عجبنى فاتعدلت فى قعدتى وسالته وبعدين شخط فيا / وبعدين ايه انت شايفنى ابله فضيلة (مذيعة بتحكى حواديت للاطفال فى الراديو 10 الا ربع صباحا من ايام قدماء المصريين) معلش والحلاوة بقى لازمتها الحلاوة بتعمل اسهال اومال الريحة الزفت دى جاية منين مهو بسلامته بيشرب ازازة الحلاوة ويروح يتنيل طيب مهو هينزلو فى المجارى ياعم انت عايز تشلنى مهو بيعملها بره مش فى الحمام يخر ب بيتك ياعبد ه وعيل معدته بنت كذا شرب ييجى 50 ازازة حلاوة والامبولات مش عايزة تنزل منها وكان عبده ده طويييييييييل جدا وطول النهار يضحك ويهرج وقبل مايشرب ازازة الحلاوة لازم يضحك ضحك عالية جدا مش فاهم ليه وفى يوم زهقو منه واتلمو عليه واتخانقو معاه وقالو له بطل الحلاوة دة احنا طفشنا خلاص وتعبنا وجاله مغص وجابو له الدكتور وكانت المفاجأة تلبك معوى (من الحلاوة ) طب يادكتور دور كده مفيش حاجة تانى فقال معدته زى الحديد الله يخرب بيتك ياعبد عمال تشرب حلاوة وقارفنا وان تبطنك مفيهاش حاجة اصل الواد حموءة ضحك عليا اقنعنىانه بيأكلنى امبول وهو ماكلنيش مين حموءة نسيبى انا هموته ده احنا اللى هنموتك ونزلو فيه ضرب لحد م جه المأمور وكانت ليلة م ايعلم بيها الا ربنا 
|
|
#457
18-08-2010, 08:18 PM
|
||||
|
||||
|
رد: أدب الرحلات
أيام فى الحجز(هما كلهم 3 ايام )
الشاويش حمادة للاسف كان مفروض اتكلم عليه فى الأول قبل اى حد انسان محترم وطيب ومؤدب وم يمدش ايده ابدا ولما يلاقى واحد ابن ناس يحاول يخدمه اول يوم وصلت شافنى جرى عليا تهمتك ايه امن دولة راح مدخلنى الحجز وقال بصوت عالى ياولاد كذا الراجل ده معرفة فلان بيه واللى هيكلمه هـــ ............. وكان دائما يقوم بخدمة اى حد يحس انه ابن ناس او مظلوم او كده وتوطدت العلاقة بيننا وبقينا اصدقاء وبقى احيانا يشترى لى اكل على حسابه وخصوصا اهلى م كانوش يعرفو طريقى وراح لهم المحل بتاعنا وقال لهم انا فين ولما روحت شقته بعد م خرجت لقيته شقته ضيقة جداااا حوالى 50 متر وعفش بسيط جدا رغم انه ممكن يمد ايده ويبقى حاجة تانية خاااااااالص لكنه انسان شريف ومن الناس اللى اعتز بصداقتها حقيقى
|
|
#458
18-08-2010, 08:51 PM
|
||||
|
||||
|
رد: أدب الرحلات
أيام فى الحجز(هما كلهم 3 أيام)
حمادة الحرامى ده ولد كان يدخل اى شقة متفهمش ازاى وبدون م يكسرها وكان يزعل جدا من كلمة حرامى ويقول انا مش حرامى اومال انت ايه حلالى ؟ يضحك ويقول لا اصل السرقة تخصصات النشل ودول بنى أدمين زبالة (كان بيحتقر النشالين جداااااا لانهم بينشلو الغلابة فى المواصلات مع ان المفروض يتسرق الأغنياء مش الفقراء) شوف المنطق ؟؟ طب و المفروض ان محدش يتسرق خالص ليه السرقة الاغنيا بيسرقو فلازم يتسرقو مين قال المنطق ده ؟ ده منطق معروف طيب كمل انواع السرقات الهجام و ده ايه ده كمان حرامية الشقق زيــى كده (ويشاور عل نفسه بفخر ) وحرامية السيارات وحرامية أجزاء السيارات ازاى يعنى / كاوتش /انذار / كاسيت كده يعنى وايه كمان اى حرامى هجام لازم يكون معاه واحدة تغطى عليه اشمعنى واحدة قال هو كده وانا خمنت ان الستات صعب حد يشك فيهم فى موقع الجريمة (مين هيشك ان واحدة متشيكة اخر شياكة ولابسه على احدث موضة ممكن تكون شريكة الحرامى وغالبا هتقول انا شفت واحد بيجرى من هنا وتشاور يمين وهو جرى شمال) وحكى لى موقفين اعجب من بعض الاول دخل شقة فى مصر الجديدة شقة فخمة جدا لكن بيدور فيها ملقاش اى فلوس او دهب او غيره وكان هيمشى ولقى درج مدورش فيه فقال افتحه لو ملقيتش حاجة امشى انا / وبعدين قال / فتحته لقيت باكو 10الاف دولار وبعدين مشيت واتقبض عليا بعدها بكام يوم وفوجئت بأيــه بأيــــه الشقة اللى سرقتها شقة رئيس نيابة مصر الجديدة اللى بيحقق معايا هههههههههههههههه وطبعا انطصيت محضر تحقيق محترم اخدت فيها سنة هههههههههههه تستاهل يعنى ملقيتش غير شقة رئيس النيابة وانا هعرف مين مكتوب على الباب وهو انا بدخل من الباب ياذكى ولما بدخل من الباب بتبقى عينى على الكالون اتعامل معاه ازاى مش على اليافطة والتانى ده موقف عجيب جدا ليه نطيت من شباك شقة فى فيصل و اول م دخلت فوجئت بصاحب الشقة وعيلته قاعدين بياكلو ههههههههههههههههه وعملت ايه ابدا اتسمرت مكانى ولقيته بيقول لى تعالى ياابنى واخدنى على غرفة الصالون وجهز الحمام واتوضينا انا وهو وصلى بيا ركعتين امام وانا مأموم وبعدين جاب لى اكل فخم اوى كلت كويس وانا خارج ادانى 500 جنيه وقال لى انا محلى فى عابدين من محلات بيع السى دى ومستلزمات الكومبيوتر تعالى لى فى اى وقت وانا اديك اللى انت عايزة بس تبطل سرقه وقلت له ايه حاضر طبعا ومرضيش يمشينى غير لما اخد عليا عهد انى ابطل سرقة وبطلت ؟؟؟؟؟؟؟؟؟؟؟؟؟؟؟ (سؤال ذكى جداااااااااااا) ولما انا بطلت اومال انا هنا بعمل ايه ؟؟؟؟؟؟؟؟ ههههههههههههههههههههههههه ه
|
|
#459
18-08-2010, 09:33 PM
|
||||
|
||||
|
رد: أدب الرحلات
أيام فى الحجز (هما كلهم 3 أيام)
ابراهيم بودرة ده واد كان تاجر هيروين وكان بيحتقرهم كلهم لانه مبيشتغلو فى الكيف المعفن(كيف الغلابة يعنى / البانجو والحشيش وغيره) ازاى يعنى يقول كل بتوع الاصناف دى عيال فشلة ياسلااااااااام ازاى انا كان يجينى الواد من دول راكب عربية فخمة وينزل ويقول لى /عمو ادينى 2 جرام ويحط ايده فى جيبه ويطلع ال1000 جنيه وياخد ال2 جرام ويمشى وانت طبعا تديهومله جرام ونص حد الله بينى وبين الغش الغش حرام لا ياشيخ أيه الأمانة دى ضحك وقال / انا مش بضرب حد على ايده هما بييجو يطلبو البضاعة وانا بديهالهم ده الواد من دول احيانا أمه كانت تتصل بيه وتقول /معلش يامعلم اديه 3 جرام وانا هديك حق جرام بكرة( باعتة معاه الفلوس ناقصة) وانت كنت بترفض لأ طبعا دى زبونتى هيا وابنها هما ال2 ؟؟؟ وابراهيم ده كان متطرف فى كل شىء يعنى ساعة الصلاة كنت انا أأذن واجمعهم للصلاة وكانو بياخدو منى مجهود وصعبت عليه فقال استنى انت ياعم الشيخ وراح باصص لهم وقال انتو ياولاد ............... اللى مش هيقوم يصلى دلوقت هطلع تلاتة .............. ايه ده ياابراهيم مش كده الصلاة مش كده قال / احنا لميناهم فىدقيقتين الاول كل واحد كان بيتلكع شوية وبناخد وقت على م يتوضو ويصلو السنة شغلانة ياراجل ومرة اتخانقت مع سمبل لانه حس انى فى 48 ساعة لطشت منه الرياسة وجالى ومعاه مفك وعايز يضربنى وفوجئت بابراهيم سحب مطوة ومعاه 3 من رجالته وقال اللى هيمس الشيخ يبقى كانه مسنى انا شخصيا وهطلع تلاتة............. ورجع سمبل مقهورا ياعينى وفى يوم جات ام ابراهيم بتزوره فلانة ولدت بفرح والله بتتكلمى جد اه والله والواد اهو طبعا باين اوى ان ده ابنه مش هيهديك ربنا بقى ان شاء الله ياامه ادعيلى ربنا يهديك ياابنى بعد ممشيت انا /الف مبروك ياهيما هتسميه ايه لسه مش عارف اظن تسمع كلام الوالدة وربنا يهيدك بقى انت فاكرها بتدعيلى ربنا يهدينى على ايه انك تبطل تجارة الهيروين علشان ابنك اللى جه لا ياعم ده هيا يتقول ربنا يهدينى علشان اتجوزها تتجوز مين ام الواد ده هو مش ابنك ابنى بس انا متجوزتهاش اصل دى عشيقتى يادى النيلة هيا حياتك مفيهاش خرم ابره صح والله بفكر اصلح نفسى طيب ومستنى ايه مستنى اغير العربية اركب حاجة فخمة شوية بدل ال128 تاجر هيروين وراكب 128 الطم على وشى ومقبوض عليها بره كمان ؟؟؟ مخصوم منك سنتين ضحك المهم وانا خارج جه المأمور بنفسه يشوف الواد اللى خلى العيال دى تصلى وفتحو الباب ونادو اسمى خالد محمود خليفة ايوه تعالى كلم الباشا انت خالد ايوه والله ياابنى انا نفسى متروحش العيال دى انصلحت فى 3 ايام قعدتهم معانا ضحكت وقلت / خلاص ياباشا اقعد والداخلية تصرف على العيال ضحك وقال لا ياعم انت مكانك بره مش هنا يالا علشان تروح حاضر اجيب شنطتى بس ماشى روحت اجيب الشنطة وحصل موقف محزن سلام عليكم يارجاله اصوات مختلفة هتوحشنا مع السلامة وواحد قال / خليك متمشيش وابراهيم راح له ميمشيش ازاى ياابن كذا انت عايزه يقعد جنبك ولقيت المأمور بيقول ايه ياعم هتقعد كتير؟؟؟؟خلاص خليك معاهم طراااااخ وراح قافل الباب استنى ياباشا استنى ياباشا والحجز كله بقى ينادى ياباشا ياباشا ياباشا ياباشا واللى يطبل على الباب وقلبوها ملاهى وجه العسكرى وامناء الشرطة جرى بس ياد انت وهو خرجت لقيته عايزنى روحت له مكتبه قال بقى انا مستنيك تقوم تعمل كده عشرة بقى ياباشا والعشرة متهونش ضحك دول 3 ايام معلش بس لما تعلم ناس حاجة وتلاقى ثمار تعليمك ليهم ابتدت تظهر ده شىء بيسعدك والا ايه قال عندك حق ربنا يكرمك ويوفقك وبطل شغب فى القطارات تانى وخليك فى حالك هههههههههههه تانى تصدق نسيت اناا كنت جاى ليه هههههههههههههههههههههه
|
|
#460
18-08-2010, 09:35 PM
|
|||||
|
|||||
فعلا فى الحبس تشوف العجب
كنت خليك معاهم كنت حتكسب حسنات كتير جزاك الله خيرا كفارة ياعم خالد
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 04-11-2010 الساعة 05:04 PM
|
 |
|
|
