تركيب تكيف ساندن يابانى للشاهين 1300 CC و تعليقى على ادائه و سعر خاص لاعضاء مصر موتورز

[ahmed_rahem]

شرح وافى وممتاز، انا معايا جولف 2 موديل 90 1300 سى سى، الموتور كويس، مفيهاش تكييف، اذا كان ممكن تسألى ينفع اركبة، ولو كان ينفع ممكن رقم التليفون والعنوان

ولك الشكر

[محمد خيرى السيد]

ياريت رقم التليفون والعنوان لو سمحت

[Islam abu rahmah]

المشاركة الأصلية كتبت بواسطة sayed2077 بالنسبه للتكيف فهو يركب كويس جدا عند حضرتك بدون ادنى مشاكل ويالنسبه لان يكون فيه منافذ هوا امامية وخلفيه ديه بصراحه مقدرش افيد حضرتك فيها واللى يفيد فيها حضرتك الاسطى احمد نفسه وهو فى محافظة القاهرة فى المعادى ويستاهل السفر فعلا من اى مكان وعموما الوحده اللى بتركب زى التكيف الاسبليت فى السيارة اللى انا مصورها ديه قوية جدا لدرجة ان الناس اللى ورا فى الكنبه بيبقى وصلهم الهوا كويس جدااا بدون مشاكل وبعت الرقم لحضرتك تقدر تكلمه وتستفسر منه على كل شىء ان شاء الله

شكرا جدا يا برنس..................... .

[Islam abu rahmah]

المشاركة الأصلية كتبت بواسطة sayed2077 الف مبروك ياباشا على التكيف وفعلا الاسطى احمد راجل بيتقى الله بجد وقليل اوى لما تلاقى صنايعية زيه علشان كدا الوحيد اللى بتكلم عليه من بين الناس اللى بتعامل معاهم هو لانه فعلا بيتقى الله والله يباركله بالنسبه لدرجة الحرارة 90 فديه درجة الحرارة المثالية لحرق البنزين واستهلاكه وحتى لو اشتغلت بيها 100 ساعه على درجة حرارة 90 متقلقش لان ديه اصلا المفروض انها درجة الحرارة المثاليه لحرق البنزين وطبعا متنساش صيانات التكيف المعتادة انك كل شهر تجيب خرطوم ماية وتغسل سربنتينة التكيف والردايتير بالمياه وفى الشتا كل اسبوع شغل التكيف ربع ساعه او نصف ساعه و كل سنه تروح تنضف الثلاجه الداخلية وتعمل فحص على دورة التكيف بالكامل لضمان افضل اداء والف مبروك مره اخرىيا

سربنتينة التكيف يترمى هواء ساخن جدا على الردايتير بتخلى العربية تسخن اكثر لما تيجى تمشى و المروحة شغالة دون توقف حتى بحس المروحة مش ادرة تنزل درجة الحرارة. ولكن بحس بالفرق لما السيارة واقفة درجة الحرارة بتنزل.... فأكيد درجة حرارة الموتور بتزيد لما تمشى لان سربنتينة يترمى هواء سخن على الرداتير........... ممكن يكون مروحة سربنتية ضعيفة.

[sayed2077]

المشاركة الأصلية كتبت بواسطة Islam abu rahmah سربنتينة التكيف يترمى هواء ساخن جدا على الردايتير بتخلى العربية تسخن اكثر لما تيجى تمشى و المروحة شغالة دون توقف حتى بحس المروحة مش ادرة تنزل درجة الحرارة. ولكن بحس بالفرق لما السيارة واقفة درجة الحرارة بتنزل.... فأكيد درجة حرارة الموتور بتزيد لما تمشى لان سربنتينة يترمى هواء سخن على الرداتير........... ممكن يكون مروحة سربنتية ضعيفة.

لا هو عموما لو حضرتك مركب مروحة شاهين يفضل تشيلها وتركب مروحة الاوبل الاتنين سرعه كله جربها و بيشكر فيها جدا لانى مروحة الشاهين للاسف ضعيفة شوية مع التكيف فالافضل حضرتك تركب مروحة اوبل بس لو درجة الحرارة مش بتزيد عن 95 يبقى خلاص مالهاش لازمه ولو المروحة حصلها حاجه يبقى حضرتك هات مروحة الاوبل الاتنين سرعه الكل بيشكر فيها وصحيح حضرتك مقولتلناش ايه رائيك فى التكيف دلوقت وايه الاخبار غير مشكلة الحرارة