ماسبب اشتعال الاحداث فى التحرير ومصر كلها فى رأيك؟

[amrmohamed1975]

يا جماعة عايز اسأل سؤال
مصر عندها اربع مصادر رئيسية للدخل القومي و هي بالترتيب من حسب حجم الدخل كالتالي :-
1- السياحة ( بـــــــــح كان زمان )
2- تحويلات المصريين من الخارج ( اللي معاه جنيه بره استحالة يبعته جوه دلوقتي لانه غالبا لو يعرف يطلع اللي جوة لبره مش هيتأخر عشان مش عارف البلد رايحة على فين
3- قناة السويس ( ابتداء من امبارح اغلب التوكيلات الملاحية و الشركات المالكة ابتدت تخلي السفن المملوكة ليها تاخد طريق راس الرجاء الصالح طبقا لمصادر عديدة
4- البترول و الغاز و طبعا مش هيلاحق على كل اللي عندنا
السؤال بقي ايه العمل فى اللي احنا فيه حسبي الله و نعم الوكيل فى كل من ساهم فى الحالة اللي احنا فيها بدافع مصلحة شخصية او طلبا لسلطة او بغير وعي او لتصفية حسابات

[sam ram]

المشاركة الأصلية كتبت بواسطة amrmohamed1975 يا جماعة عايز اسأل سؤال مصر عندها اربع مصادر رئيسية للدخل القومي و هي بالترتيب من حسب حجم الدخل كالتالي :- 1- السياحة ( بـــــــــح كان زمان ) 2- تحويلات المصريين من الخارج ( اللي معاه جنيه بره استحالة يبعته جوه دلوقتي لانه غالبا لو يعرف يطلع اللي جوة لبره مش هيتأخر عشان مش عارف البلد رايحة على فين 3- قناة السويس ( ابتداء من امبارح اغلب التوكيلات الملاحية و الشركات المالكة ابتدت تخلي السفن المملوكة ليها تاخد طريق راس الرجاء الصالح طبقا لمصادر عديدة 4- البترول و الغاز و طبعا مش هيلاحق على كل اللي عندنا السؤال بقي ايه العمل فى اللي احنا فيه حسبي الله و نعم الوكيل فى كل من ساهم فى الحالة اللي احنا فيها بدافع مصلحة شخصية او طلبا لسلطة او بغير وعي او لتصفية حسابات

انا معاك يا استاذ عمرو ان حصل تدمير و دخلنا في نفق مظلم
لكن الثوره قامت ليه
مش علشان ان مصادر الدخل دي بتضيع على الناس و بيستفيد منها منتفعين
مش علشان الفساد و الفقر و الجوع
مش علشان الانتخابات المزوره
فين التعليم المجاني الحقيقي
فين التأمين الصحي
فين رغيف العيش
فين ... فين .. فين
يبقى مصادر الدخل اللي حضرتك بتقول عليها دي بتروح فين ؟؟

طيب لو احنا النهارده الحاله من سيئ لاسواء ...
يبقى نسكت و ادينا عايشين و خلاص وكل واحد في حاله طالما احنا معنا عربيات وعندنا شغلنا و فلوسنا و ربنا ساترنا ... و اللي يولع يولع
والا نتكاتف كلنا و نقف قصاد الفساد ... حتى لو اتأذينا شويه او الحال ضاق علينا شويه ... بس على الاقل عارفين ان النفق المظلم ده له اخر ... واننا لو مشينا فيه للاخر حنطلع للنور ...
وحيكون المكان الجديد احسن من اللي كنا فيه ...
وساعتها السياحه ترجع احسن من الاول
والناس بدل ما تحول فلوس من بره تجري تشتغل في مصر لان المكسب فيها احسن من بره
الغاز ؟؟ ... يعني حضرتك مبسوط بالغاز اللي بيتصدر لاسرائيل ؟؟

قناه السويس ؟؟ طيب و دخل قناه السويس اساسا بيروح فين ؟؟

انا معاك ان في منتفعين و ناس كتيره حتحاول تتسلق للسطه و المناصب
بس زي ما وقفنا للسلطه الفاسده .. حنمنع اي حد فاسد من الوصول .. حنتكاتف كلنا كشعب واحد و نجيب ناس كويسه مننا تقوم بالبلد وترفع راسنا و ترجع كرامه المصري جوه مصر وبره مصر
اكيد التنميه مش حتيجي في يوم وليله
اليابان اتدمرت ... لكن رجعت اقوى من الاول ...
على الاقل انا بحلم بمستقبل اولادي .... يكون احسن من الايام اللي شوفتها
ولا احنا نسينا اللي احنا فيه ...
قانون طوارئ
فساد رجال اعمال
تزاوج سلطه بالمال
جهل ... اميه .. فقر ... اكيد انت عارف وكلنا عارفين البلد فيها ايه و عامله ازاي .. مش محتاج احكي ...
يا رب احفظ مصر ... و احفظ شعبها ... يا رب اشوف اولادي عايشين في بلادي فخورين بيها وباللي عملوه ليها

يا استاذ اشرف الناس هناك مش هتمشي حتي لو حسني مبارك تنحي وهقولك ليه علشان خايفين من حاجه اسمها امن الدولة واعوان الحزب الوطني وانهم شايفين ان اللي هيعدل الدستور مجلس شعب باطل بالكامل

شكلنا مش هنعرف ننزل شغلنا تاني

[amrmohamed1975]

المشاركة الأصلية كتبت بواسطة sam ram انا معاك يا استاذ عمرو ان حصل تدمير و دخلنا في نفق مظلم لكن الثوره قامت ليه مش علشان ان مصادر الدخل دي بتضيع على الناس و بيستفيد منها منتفعين مش علشان الفساد و الفقر و الجوع مش علشان الانتخابات المزوره فين التعليم المجاني الحقيقي فين التأمين الصحي فين رغيف العيش فين ... فين .. فين يبقى مصادر الدخل اللي حضرتك بتقول عليها دي بتروح فين ؟؟ طيب لو احنا النهارده الحاله من سيئ لاسواء ... يبقى نسكت و ادينا عايشين و خلاص وكل واحد في حاله طالما احنا معنا عربيات وعندنا شغلنا و فلوسنا و ربنا ساترنا ... و اللي يولع يولع والا نتكاتف كلنا و نقف قصاد الفساد ... حتى لو اتأذينا شويه او الحال ضاق علينا شويه ... بس على الاقل عارفين ان النفق المظلم ده له اخر ... واننا لو مشينا فيه للاخر حنطلع للنور ... وحيكون المكان الجديد احسن من اللي كنا فيه ... وساعتها السياحه ترجع احسن من الاول والناس بدل ما تحول فلوس من بره تجري تشتغل في مصر لان المكسب فيها احسن من بره الغاز ؟؟ ... يعني حضرتك مبسوط بالغاز اللي بيتصدر لاسرائيل ؟؟ قناه السويس ؟؟ طيب و دخل قناه السويس اساسا بيروح فين ؟؟ انا معاك ان في منتفعين و ناس كتيره حتحاول تتسلق للسطه و المناصب بس زي ما وقفنا للسلطه الفاسده .. حنمنع اي حد فاسد من الوصول .. حنتكاتف كلنا كشعب واحد و نجيب ناس كويسه مننا تقوم بالبلد وترفع راسنا و ترجع كرامه المصري جوه مصر وبره مصر اكيد التنميه مش حتيجي في يوم وليله اليابان اتدمرت ... لكن رجعت اقوى من الاول ... على الاقل انا بحلم بمستقبل اولادي .... يكون احسن من الايام اللي شوفتها ولا احنا نسينا اللي احنا فيه ... قانون طوارئ فساد رجال اعمال تزاوج سلطه بالمال جهل ... اميه .. فقر ... اكيد انت عارف وكلنا عارفين البلد فيها ايه و عامله ازاي .. مش محتاج احكي ... يا رب احفظ مصر ... و احفظ شعبها ... يا رب اشوف اولادي عايشين في بلادي فخورين بيها وباللي عملوه ليها

سامح باشا انا معاك و اكيد فى كتير زي متأكدين من كل الكلام اللي انت قلته بس الفكرة اللي انا بتكلام عليها ايه البداية نسيب فرصة للوزارة المؤقتة انها تبداء الناس تتحرك تروح اشغالها مفيش بني ادام بعد النهاردة هيقدر يقول كلمة و ما يعملهاش او يرجع فيها الناس حاجز الخوف اللي جواها راح لازم نبتدي نتحرك على الاقل نسيب لنفسنا فرصة و لو صغيرة نتعلم الديمقراطية اغلب اللي بيحصل فى الشارع دلوقتي ملوش اي علاقة بأي نوع من اي ديمقراطية ندي نفسنا فرصة نتعرف على الناس اللي ممكن تمثلنا او اللي ممكن تحكمنا الفترة اللي جاي و الا هنلاقي نفسنا على الاقل متأخرين اربع او خمس سنين كمان لو اخترنا واحد غلط بدون ما نعرفه صح و نعرف نواياه و دوافعه و ماذا يريد ان يحقق لنا مثلا لو دلوقتي حالا تمت انتخابات لمجلس الشعب هنقدر نحكم على المرشحين و نختار الصح منهم فى 5 او 6 ايام او حتي شهر و كذلك منصب رئيس الجمهورية متنساش ان فى ناس كتير جدا متسلقين و اصحاب مصالح و مدعين علم و معرفة فى الاخر كلنا لنا مصلحة واحدة و هي مصر و ابني و ابنك بس الاختلاف فى طريقة التنفيذ

[sam ram]

المشاركة الأصلية كتبت بواسطة amrmohamed1975 سامح باشا انا معاك و اكيد فى كتير زي متأكدين من كل الكلام اللي انت قلته بس الفكرة اللي انا بتكلام عليها ايه البداية نسيب فرصة للوزارة المؤقتة انها تبداء الناس تتحرك تروح اشغالها مفيش بني ادام بعد النهاردة هيقدر يقول كلمة و ما يعملهاش او يرجع فيها الناس حاجز الخوف اللي جواها راح لازم نبتدي نتحرك على الاقل نسيب لنفسنا فرصة و لو صغيرة نتعلم الديمقراطية اغلب اللي بيحصل فى الشارع دلوقتي ملوش اي علاقة بأي نوع من اي ديمقراطية ندي نفسنا فرصة نتعرف على الناس اللي ممكن تمثلنا او اللي ممكن تحكمنا الفترة اللي جاي و الا هنلاقي نفسنا على الاقل متأخرين اربع او خمس سنين كمان لو اخترنا واحد غلط بدون ما نعرفه صح و نعرف نواياه و دوافعه و ماذا يريد ان يحقق لنا مثلا لو دلوقتي حالا تمت انتخابات لمجلس الشعب هنقدر نحكم على المرشحين و نختار الصح منهم فى 5 او 6 ايام او حتي شهر و كذلك منصب رئيس الجمهورية متنساش ان فى ناس كتير جدا متسلقين و اصحاب مصالح و مدعين علم و معرفة فى الاخر كلنا لنا مصلحة واحدة و هي مصر و ابني و ابنك بس الاختلاف فى طريقة التنفيذ

يعني حضرتك موافق ان المجلس الحالي المشبوه في شرعيته حيكون احسن من مجلس منتخب ؟؟!!
عايز تنتخب الرئيس الجديد من خلال الدستور الحالي ؟؟!!