B M W قبل و بعد ....!!!!

[toyota2010]

العربيات الالماني عربيات محترمه جدا واكيد الي عنده مقدره انه يشتري مرسيدس او بي ام مش هيفكر بعد كده في تمنها لما يجي يبعها لانه لما يجي يبعها برضه هيركب الماني

[agamemnon]

شكرا على الموضوع

[ياسرأبوعاصي]

المشاركة الأصلية كتبت بواسطة BmW MeRo الخليج ثقافتة غلط فى غلط اصلا مع احترامى لخلايجة كلهم وانا شاهد على كدة معقول التويوتا الكامرى الى دخليتها كلها بلاستك فى بلاستك ولا عربيات الامريكانى الكتير منها شكلة معاق بذات الى قبل 2002 تباع بتمن محترم وعربية زى البى ام والمرسيدس برخص التراب اولا وللمعلومة قطع البى ام والمرسيدس متوفرين واسعارهم مش حراقة اوى زى مابتقولوا تانى حاجة القطعة ام 5000 بتمن 10 قطع من التويوتا ولا 20 هيونداى ب500 يعنى عمر القطعة الالمانى عشر مرات من اليابانى ولا 20 من الكورى فهتلاقى السعر هو السعر وقلى بالله عليك الاوربى غالى فى اية دة الهيونداى سوناتا عندكم فى مصر معدية 380 الف جنية يعنى تمن بى ام 330 ولا مرسيدس c300 ولا هنا فى الخليج عربية زى الجنينس ولا ايكوس من الهيونداى تبقى تمنها تمن الفثة الخامسة من البى ام ولا E من المرسيدس انا جربت اللكزس ودى قمة الصناعة اليابانية بغض النظر عن الانفتنى الى تقدمت بروح الاوروبية ليها من الرينو اللكزس عربية يابانى بيور من تويوتا عربية اة السفتى عالى ومريحة بس ملهاش روح خلاص عربية خنيقة بعديها جربت البى ام 760 لا دى حاجة تانية رغم ان اللكزس بتاعة والدى انباعت بتمن حلو والبى ام جبتها بنص تمنها بس البى ام بى ام وركبت المرسيدس برضة عربية ليها روح لكن شدنى فى البى ام انها اثبت عربية فى الكون واتحدى الى يقولى غير كدة وعربية سريعة ومتجاوبة فيها روح الاسبورت عالى اكتر من المرسيدس الى فيها روح الكلاسيك عربية تنزل بيها مصر وترجع متقلش لا حمالة اسية مدام ماحفظ عليها الاكس 5 معايا عربية قمة الجمال قارنتها بلاند كروز الاند صفر على الشمال غير انى مش هلاقى لاند كروز بتمن الاكس 5 2002 الاند معدى كتير لعشق الناس هنا لية

قلت اللى انا عايز اقوله انا عايش في الخليج وكلامك صح يكفي بس التويتا الكامري ازاى الشباب ببيعوا فيها من تانى سنة بعد حوادثها الخطيرة وموت اهليهم فيها من اقل حاجة ...
ياراجل دى بلاستيك
وقطع الغيار رخيص بس ملوش عمره
تعال على الالماني اسد الصحراء ... عابرة القارات .. افتح الطريق وانا اقلك الفرق .. تويوتا لعبة بلاستيك على الطريق ..الالماني دبابة منطلقة ... والغالي تمنه فيه واللى معوش مليزموش ..ادينى بي ام او مرسيدس او حتى سكودا وانا اوصلك المغرب لو طالع من البحرين بدون شكوي .. وتعال انت بتوياتا .. وان شاء الله مش هتعدى الخُبر او الاحساء لو وصلت سيناء .. يبقي كتر خير الدنيا ..
في زيارة لاعضاء المجالس المحلية وخبراء السيارات في البحرين لمراكز نيسان وتويوتا في اليابان وتايون اعترف المدراء زاصحاب المصانع انهم يركبوا الالماني والصور تثبت كلامي ... لانهم زي ماقالوا نحن لم نصل لدقة ومتانة وسلامة الالماني .. ابحث عن زيارة اعضاء المجالس المحلية بالمحرق والمنامة لليابان لمصانع نيسان وتويتا وانت تعرف

[اسد]

اشتريت موتور مرسيدس استيراد مو 73 يعنى ماشى قرابة الاربعين سنة قولت قبل مااركبه فرصة افتحه اجدده فوجئت ماشاء الله عليه زى الفل من جوة ومااحتاجش الا حاجات بسيطة جدا كان ممكن ما تتعملش بس برضه قولت اعملها بالمرة اربعين سنة يا مؤمنين والموتور اول مرة يتفتح بس اعتقد ان الكلام ده مش مقياس للمواتير الجديدة اللى اختلفت عن القديم بتغيرالزمن

[bahaaeldeen158]

وأحب أضيف شىء يا جماعة اليابان مهتمة جدا فى سياراتها بالراحة والرفاهية والتسارع لاكن ده كله على حساب توازن السيارة على الطريق انته مش هتحس بأى شىء لاكن فى نفس الوقت السيارة من الخارج مش متزنة وأنا كانت معايا تويوتا يارس واكتشفت الكلام ده كله فيها بس بعد إيه ....دى صورتها بعد الحادث مع العلم بأنى كنت ماشى بيها على 100وبفادى عربية لقيتها اتقلبت وأنا من جوه حاسس ان العربية متزنة وتمام