|
#41
10-08-2009, 10:32 AM
|
||||
|
||||
رد: مشكاح وريما 2009
-17-
ما أن خرجت الزبونة من عند الشيخ قرد الشهير بمشكاح حتى فوجىء بزبادى المحامى !! -أزيك يا مشكح أيه الحلاوة دى؟ أيه يا واد ده أيه اللى انت عمله ده؟! -أهلا زبادى بيه -مكنتش أعرف أنك متعدد المواهب كده صحيح انت واد ابن جنيه00 تصدق لايقة عليك قال مشكاح بجفاف: -شكرا يا سيدى -عايزك يا مشكح فى عملية كده قال قاطعا حاسما: -بطلنا -أنت أغتنيت بقى -مش الفكرة لكن أنت خدت حقك وخلصنا يا عم سكتك كلها مصايب -الله00كده برضة يا مشكح وانت بقى سكتك أيه؟ -كله لوجه الله -يا مشكح احنا دافنينه سوا بلاش اللّوع -يا بيه قلنا بطلنا -واد يا مشكاح بلاغ صغير تلاقى نفسك كلابوش -أيه؟ -أيوه يا ناصح 00فتح مخك00وشوف مصلحتك فين -عملية أيه دى بقى ونفضها قصة؟ -ح تسافر أسكندرية وتنزل فى فندق باسم المعلم سيد كلاوى يوم بليلة وأنفضت القصة -بس كده -أيوه ياعم فسحة وقرشين حلوين -طب وأيه الغرض؟ -بدأت تسأل وأنا محبش الاسئلة مجرد اثبات حالة لزوم قضية يا مفتح -ماشى أنا موافق بس نفضها سيرة بعد كده -ماشى يا عم الشيخ 00000 هوه أنت غيرت أسمك ولا00 -لا هوه هوه -فيه حد يبقى اسمه الشيخ مشكاح؟ صعبة قوى ومش لايقة نظر الى القرد وقال ضاحكا: -والقرد ده المساعد بتاعك عندها هب القرد فى وجه زبادى كأنه وحش مفترس فسقط زبادى بكرسيه على الارض فى زعر -الله يخرب بيتك00 قرد ده ولاّ أسد ميعادنا بكره يا مشكح متنساش خرج زبادى ودخلت ريما ساخطة: -هوه أبو قردان ده ح يدنوا يتنطط لنا كتير!! -شورتك يا ريما 00 مش انتى اللى بليتينا بيه -طب وبعدين معاه؟ -ح نشوف له صرفه بكره جهزى نفسك ح نروح اسكندرية نصيّف لنا يوم -صحيح يا مشكوحتى؟ -طبعا احنا بقينا م الاعيان ولازم نرفه عن نفسينا -تعيش لى يا مشكوحتى نظر جانبا وهو يهمس: -وربنا ياخدك وأخلص منك تتبع
__________________
|
|
#42
11-08-2009, 05:05 PM
|
||||
|
||||
|
رد: مشكاح وريما 2009
-18-
مشكاح متأبطا زراع ريما ويدخل للفندق دخول الفاتحين00 -والنبى يا أخ فيه حجز بأسمى وبعد التأكد جاء الخادم لحمل الحقيبة الصغيرة اليتيمة وصعد بهما الى غرفتهما00 أخذت ريما تقفز على الفراش الوثير: -يا حلاوة يا مشكوحتى 00 ريش نعام -أمال 00الوجاهة ليها ناسها -يخليك ليا يا سبعى يا مهنينى00 ما نقعد لنا كام يوم يا مشكوحتى -أنتى أتخبلتى أنا رجل بسنس ورايا شغل -حد يسيب الجنة دى ويروح للقرد والعفاريت -بلاش بتر 00هما دول اللى رفعوا من مستواك المنحط -طب أحنا ح نعمل أيه دلوقتى -نتعشى طبعا -ح نتعشى فين؟ -الاكل ح يطلع لنا هنا يا جاهلة -يا حلاوة00 ونطلب أى حاجة -طبعا لبن العصفور يجيبوه لو طلبتيه -تعرف أنا نفسى ف أيه؟ -أكيد كرشة ولا لحمة راس 00 حاكم أنا عارفك وليه بيئة وتفضحى -لا لا لا00 أنا نفسى فى فسيخ ناولها مشكاح بوسادة فقفزت ريما كالنسناس وتفادتها فى رشاقة قال منفعلا: -يا وليه يا عره00 عايزة تفضحينا00 فسيخ ف اللوكاندة الابهه دى00 هوه أحنا ف لوكاندة الزفر اللى فى كفر البهايم الناس تاكل كباب وكفته ورمى وحمام نجرسكو وفيليه وبانيه وانتى عايزة فسيخ!! -ايه نجرسكو دى؟ أنت بتلغ من ورايا يا طفس 00 آه بتاكل بره المستورد وحارمنى وطار خلفها مشكاح كى يفترسها00 لكنها هربت وتفادته بمنتهى الرشاقة والخفة وقفت قباله وأخرجت له لسانها: -الفيل عمره ما يطول الحمامة -حمامة؟!!! يا بنت نفوسة دا أنا واخدك على عيبك قفة عضم ولا بيبان عليكى أكل عايشة ف عز وبتاكلى زى القطر ومعرفش بيروح فين!! -وأنا طايله منك حاجة يا سفاح -زى القطط صحيح تاكل وتنكر!! وحضر الطعام والرجل ينظر اليهم فى ريبة فلايعقل أن يكون هذا عشاء لفردين وهو الذى يكفى لاطعام قبيلة أنكب مشكاح على الاكل يلتهمه وبعدما فرغ تاركا فتات العظم قربع زجاجة بيرة وتجشأ بصوت رج أركان الفندق00!! قالت ريما: -الله يخرب بيتك صحيت العالم اللى نايمة!! وفى الصباح نزل مشكاح وريما الى الشاطىء 00 تتبع
__________________
|
|
#43
12-08-2009, 10:35 AM
|
||||
|
||||
|
رد: مشكاح وريما 2009
-19- ريما تخاف من الماء فلم يتوانى مشكاح عن حملها ثم الالقاء
بها فى الماء00 صرخت ريما صرخة فزعت كل المصطافين ومشكاح يتقدم نحوها يشق الماء فى قوة كأنه صخرة تكسر الامواج!! قامت ريما من سقطتها فى فزع وهى تحاول أن تقف على قدميها وفى كل مرة تأتى الموجة فتنكفىء على وجهها ومشكاح يقهقه ويضحك فى سعادة حتى سقط فى نقرة وأختفى تحت الماء فضحكت ريما قبل أن يقوم ويغطسها فى الماء حتى كادت روحها أن تطلع وهى تصرخ صرخات مكتومة!! تركها مشكاح ودخل فى عمق الماء يرد الامواج بكرشه الضخم ويتحدى البحر كانت ريما تراقبه بعد ان خرجت سالمة من الماء وسقط مشكاح فى دوامة وأشرف على الغرق00 رأته ريما وهو يصارع الموت فى لحظة فصرخت تقدم نحوه الرجال لانقاذه00 أخرجوه من الماء بصعوبة لثقل وزنه وكان فى حالة أعياء شديد00 حملوه الى الفندق00 أستقر على فراشه وهو يلهث شاحب الوجه قالت ريما: -سلامتك يا سبعى -تسلمى00 الواحد مننا يابت يا ريما هايف قوى ممكن يضيع ف لحظة -شفت كنت عايز تغرقنى قام ربنا وراك -شمتانة فيا يا بنت نفوسة -أنا ؟ لا والنبى -يابت ده أنا كنت بهزر معاكى -هزارك رخم زيك يا مشكوحتى -متشوفى لنا حد يجيب لنا أكل أصلى جعان قوى يابت -أنت ليك نفس تاكل؟ -أنا ميت م الجوع -يا ساتر يارب00 حاضر يا حبيبى خفافى ولا زى ليلة أمبارح -لا لا00 حاجة خفافى جوز فراخ وشوية ريش كده نقزقزهم كلها ساعتين ونتغدى تتبع
__________________
|
|
#44
19-08-2009, 10:52 AM
|
||||
|
||||
|
رد: مشكاح وريما 2009
-20-
عاد مشكاح من الاسكندرية لممارسة عمله مرة أخرى00 وكان البيت يعج بالزبائن00 أستبشر مشكاح وارتسمت ابتسامة واسعة على شفتيه الغلظيتين وهو يدخل لحجرته دخول الفاتحين! ودخل الزبائن الواحد تلو الآخر حتى كان هذا الشاب قالت والدته: -بقاله سنه على دا الحال يا سيدنا الشيخ لا بيتكلم مع حد ولا بيرد على حد وساعة ما تجيله الحاله بيقى عامل زى التور الهايج وبيكسر كل اللى قدامه نظر مشكاح فى عينىّ الشاب بتحدى00!! كان الشاب ضخم الجثة مفتول العضلات كالمصارعين يفوق مشكاح نفسه ضخامة00 اقترب منه مشكاح ووضع السماعات على أذنيه وشغل شريط الرعب ولكن الفتى استمع اليه فى هدوء تام ولم يحرك ساكنا وبدا على وجهه علامات اللامبالاة!! أغتاظ مشكاح من الشاب جدا وبدأ يتوتر00 نزع الشريط ووضع بدلا منه قرآنا ولكن لا جديد الشاب ساكن هادىء لا يتحرك ولا تبدو عليه أية ردة فعل!! ضرب مشكاح لخمة وبدأ حنقه يزيد والدقائق تمر بلا جديد جاء دور القرد علّ وعسى يتسبب بفزعه وتحريكه نظر مشكاح للقرد نظرته المعتادة فاذ بالقرد يهجم على الشاب ويحاول عضة00 عندها قام الفتى كالوحش الكاسر وأمسك بالقرد كقطة وطوح به فى الهواء ليرتطم بالحائط ويسقط بلا حراك!! صرخ فيه مشكاح: -قتلت القرد يا بن ال0000 وهجم الشاب على مشكاح ليصفعه على قفاه فبلغ بمشكاح الغضب حد الجنون00 أشتبك مع الشاب القوى البنيان جدا!! ودارت المعركة حامية بين جثتين من أضخم ما يكون وأنتهى صراع الديناصورات بأن صرع مشكاح الشاب أرضا وأوسعه ضربا!! ألتفت مشكاح ليتفقد قرده الذى بدأ يستفيق من غيبوبته وسط صراخ والدة الشاب وريما وما كاد مشكاح يلتفت حتى كان الشاب قد قام من رقدته وتناول زجاجة كبيرة وهشمها على رأس مشكاح لتسيل منها الدماء غزيرة ويسقط على الارض كجبل ينهار!! ولم تمض ثوانى من الذهول وفى وسط صرخات ريما المدوية كان القرد قد حمل عصا غليظة وطار فى الهواء ليسقط بها على رأس الشاب فيخر هو الآخر مضرجا فى الدماء00!! وهكذا أنتهت الجلسة بمعركة وفيضحة مدوية للشيخ قرد بالاضافة الى عشر غرز فى رأسه وارتجاج بالمخ!! تتبع
__________________
|
|
#45
29-08-2009, 03:24 AM
|
||||
|
||||
|
رد: مشكاح وريما 2009
فى انتظار الباقى يا دكتور تامرptmnlo123per122
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
 |
|
|
