ما هو رايك في خطاب الرئيس وخطاب نائبه ...؟؟

[_amr.mostafa_]

المشاركة الأصلية كتبت بواسطة AboNoRa يا جماعة الشارع بيغلى بدايه الخطاب الميدان كان يتسمع فيه دبه النملة وكل اتنين او تلاته بيسمعو مع بعض الراديو او الاذاعة لحد نص الخطاب كان الناس رفعت الجزمة وبداء ناس تهتف " بالجزمة ... بالجزمة "" وبعدين الناس تزعق استنو لما نسمع للاخر يقول كلام تانى على نفس الوتيره يطلع واحد يسب وينعل والناس تسكته لحد التلت الاخير من الخطاب اتفرق الناس مابين اللى جايين باسرهم بداو يمشو مطئطئى الرؤس ومابين شباب فى قمه الانفعال وهتاف وسب ومابين هرجله وناس بتجرى بكراسى ودكاترة بتجرى على العيادات عرفنا بعد كده ان فيه ناس كتير جالها اغماء الخطورة ان الناس منقسمين فى الهتاف مابين ناس لسه بتقول مش هنمشى ومابين ناس بتقول ""رايحين القصر بعد العصر"" وانتهاء الى "" ع القصر رايحين شهداء بالملايين """ حاله الانهاك مع الاثارة ثم الاحباط ثم الغضب كل ده عامل كوكتيل مرعب مش ممكن تخيل ابعادة الاخطر ان فيه مسيرات فى اتجاهات متعددة وصلت العباسيه من دقائق ويمكن قدامها دقائق وتبقى فى محيط القصر الرئاسى بس لو اليله فاتت على خير بكره معتقدش هيبقى سهل ابداً لاسف خطاب || خازوقى || جديد فى وقت غلط كالعادة ربنا يستر

يارب يستر ..يعني الناس اللي خرجت ديه دلوقتي رايحه القصر

ربنا يستر وما تبقاش مدبحه هناك ...وحضرتك ناوي تعمل او تروح

فين الان

[AbOnOrA]

ابقى فكرنى يا حازم طيب لما يبقى فيه وقت افهمك يعنى ايه قانون الطوارى علشان تعرف ان كلنا بنتعرض ليه ومتأثرين بيه
ياريت بلاش جدال ملوش قيمة ولا وقت الشارع بيغلى والخطاب الزفت ده هيعمل انقسام اكبر وهيولد تعصب اشد يعنى اللى بيتكلم فى امان مصر وبر السلامة فجر براكين الغضب جوه الشباب والشباب مش هياكل معاها كلام القهاوى ده بقولكو دقائق وهيبقى فى مصر الجديدة وفيه انباء متواتره على القنوات انه دخل مصر الجديدة فعلاً يعنى بالكتير بالكتير بكره الضهر هنسمع ضرب نار حوالين القصر
هو ده تصرف العقلاء والحكماء ؟
وبيقولك عودو الى دياركم ...؟ معندهومش كاميرا ولا اى بنى ادم جوا التحرير وفى الشوارع تنقله وقع الخطاب على الناس قد ايه كارثى
الناس كانت خلاص بتحتفل وبتحلم ببكره
مهما وصفت مش هقدر اوصفلكم حجم الغضاب ومقدار الغليان اللى الناس فيه دولقتى وبالاخص ميدان التحرير والمناطق المحيطة بيه
حد فاهم بقول ايه؟؟

[_amr.mostafa_]

رد شباب التحرير على الخطاب

[ahmed1981]

الرئيس عليه من الله ما يستحق

المهم الشباب الغضب الآن لابد من تعقيلهم

يا جماعه الحرس الجمهوري على القصر معندهم مشاكل لقتل الناس
الجيش يحمي الشعب
الحرس الجمهوري يحمي الرئيس

اللي يقدر يعقلهم يا ريت قبل ما تحصل أحوال مؤسفة

أنا غضبان وبغلي
لكن
التراب اللي شباب التحرير بيمشوا عليه برقبة مبارك عندي
وسلامتهم همي الأول

ربنا يحفظهم ويعقلهم

بلاش الحركة بالليل والحرس الجمهوري عميل للنظام بلا تفاهم

بلاش تسرع

[karem ali]

هل تعتقد انه بيداعب الشعب المصري على وتر العاطفه ؟
انت قولت الاجابه الصح
و بردو نفس الى انا قولته من شويه الخبر ده صح ولا غلط
الخبر اهو و هو (منقول)
في أول رد فعل بعد خطاب الرئيس مبارك بدقائق قليلة، قام بعض المسلحين المجهولين بالهجوم المسلح على مبنى قطاع الامن المركزي، بحي الاحراش بمدينة رفح .
وقام المسلحون بقذف المبنى بالاسلحة المعروفة بالجرانوف و الـ "ار بي جي"، ويقوم المسلحون بالالتفاف حول المبنى وضربه من جميع الجوانب.
وسادت حالة من الذعر بين الاهالي بسبب المعارك الضارية، واختلفت الروايات حول أسباب هذا الهجوم، هل هو رد فعل احتجاجي على خطاب مبارك؟، بما ان الجميع كان ينتظر التنحي، أم ربما هناك جماعات جهادية لها فكرها الخاص تقوم بالرد على هذه الخطاب بهجوم ضاري ؟ .
يذكر أن الرئيس مبارك قد وجه خطابا للأمة، مساء الخميس، أعلن فيه تفويض سلطاته إلى عمر سليمان نائب رئيس الجمهورية للقيام بمهام الرئيس وفقا للدستور.
وأضاف مبارك في خطابه الثالث منذ اندلاع مظاهرات 25 يناير، أنه استجابة لمطالب الشباب المصري، وحفاظا على مصالح الوطن قرر تفويض نائب الرئيس.