ادى الحقيقة ولا عزاء للمكابرين - حقائق عن شهداء وضحايا الثورة

[MmFFoR]

الموضوع بيفرض حقائق
و ثم الموضوع بكل بساطة عن ملخص تقرير النيابة - يعني حقائق
كون ان المشاركات قد ينجم عنها خلاف يبقى ده راجع للمشاركين و ليس الموضوع
و ثم طبيعي ان الخلاف وارد ما دام ليس فيه اهانة
يا ريت نتعود ممارسة الديموقراطية -

[ابوسهيلة]

المشاركة الأصلية كتبت بواسطة hyundai2005 يا جماعه والله انا متابع الموضوع من اوله ومش عايز اشارك لان الموضوع زايد قوي عن حده برجاء حذف الموضوع والغاء قسم 25 يناير نهائي احنا موقع مصر موتورز متخصص فالسيارات مش فالسياسه وارجو ان ثورتنا اللي حققت احلامنا متبقاش سبب نخسر بيه بعض الثوره خدت لنا حقوقنا المسلوبه باقي الحقوق اللي علينا تجاه بلدنا وطبعا كان في كلام عشان مصر فري فياريت يتنفذ ونستأصل السياسه خالص من مصر موتورز لانها سبب فكتير من المشاحنات والمشاكل بغض النظر عن اختلاف وجهات النظر وفي الاخر كلنا تقبلوا كلامي بصدر رحب

اكيد يا احمد لازم نتقبل كلامك بصدر رحب

ولكن مش الحل ان احنا اي حاجة فيها اختلاف نقوم نلغيها
لأ اعتقد من وجهة نظري ان احنا لازم نناقشها ونوضحها لبعض ونتقبل اراء بعض لو في اختلاف
المهم ما يكونش في اعتداء من احد علي الاخر لا اعتداء فكري او لفظي

وبعدين كلنا بدأنا دخول المنتدي كمنتدي سيارات
لكن الموضوع معانا اكبر من منتدي سيارات ده بقي بمثابة البيت الثاني للكتير مننا

تقبلوا حبي الخالص لكم

[amrmohamed1975]

ارجو ان تسامحوني على مداخلاتي و لكن ارجو ان تقرأوها جيدا
إن الاختلاف في الرأي ليس هو المشكلة التي أود طرحها، فالاختلاف عادة يفتح آفاق رحبة للحوار المتزن والفكر المتدفق ويفتح أبواباً للنقاش الحضاري الجاد، لكن مشكلتنا هي تحول الاختلاف إلى خلاف شخصي بين أصحاب وجهات النظر المختلفة، مما يفضي إلى العداوة والبغضاء، وينشغل الكل بالانتصار للأنا بدلاً من الانتصار للفكر، وهنا تكون خسارتنا الحقيقية، لأن الفكر الملتصق بالأنا لا يمكن إلا أن يصنع الأنا نفسها، بينما صناعة الفكر الذي يصنع المجد والرقي والحضارة لن يصنعه إلا أولئك الرجال الذين تنكروا للأنا، وجعلوا من الاختلاف في وجهات النظر نقطة انطلاق تقودهم إلى آفاق المعرفة والابتكار.

ولذلك فأنا أعتبر الاختلاف في الرأي ثقافة، أستطيع أن أطلق عليها ( ثقافة الاختلاف )، فمن يعرف كيف يبني علاقة ود مع مخالفيه، والاستفادة من أرائهم المخالفه واستثمارها، في توجيه فكره وتهذيبه وتصويبه، كان أكثر تطوراً، وأسرع ارتقاءاً لقمم الفكر الشاهقة من مخالفيه، بينما الذين تفرغوا للخلافات سيراوحون محلهم دون أن يتقدموا قيد أنملة.

ولأن الكثير من الناس لا يعرفون كيفية استثمار الآراء المخالفة، ولأيمانهم بأن الاختلاف في الرأي سيصل حتماً إلى حد الخلاف الشخصي فإنهم غالباً ما يذيلون اقوالهم بالعبارة الأشهر في العالم العربي وهي عبارة ( الاختلاف في الرأي لا يفسد للود قضية ) بينما الحقيقة هي أن هذا الاختلاف الذي وصل حد الخلاف هو ما أفسد جميع قضايانا وليس قضية الود فقط، ولست أدري من اخترع هذه العبارة التي يعترف قائلها بأن الاختلاف في الرأي يفسد المودة مع المخالفين، وكأني بقائلها وقد خشي على علاقات وده مع من يخالفهم أو يخالفونه الرأي، فأراد إحراجهم بتلك العبارة التي أعتبرها استجداء رضا المخالفين

[MmFFoR]

اعتبر ان انا مؤيد لبقاء مبارك
او زعلان ان مبارك مشي
او رافض لاهانته او محاكمته

ماذا يمثل لي مبارك اكثر مما يمثله لي احمد عز؟
ماذا يمثل لي مبارك اكثر مما يمثله لي فتحي سرور؟ او احمد نظيف؟ او عاطف عبيد؟
كل دول كانوا موظفين في الدولة و كانوا رموز - من امين سياسات الحزب الحاكم - الى رئيس مجلس الشعب لمدة 20 سنة - الى رئيس وزراء حكم لمدة 9 سنوات!!!!
لما طلعوا فاسدين وجبت محاكمتهم و محدش اعترض
ليه بقى الاعتراض على مبارك؟
الحرب؟ انا قلت قبل كده ان فيه فعلا مليون و ميتين الف شخص حاربوا في اكتوبر و كل واحد فيهم كان ليه دور تحت قيادة الشاذلي

تحسين الاقتصاد؟ انا لسة كنت بتابع برنامج اقتصادي كان بيقول ان فعلا الاقتصاد المصري بيزداد فيه النمو بنسب تصل الى 7% سنويا و لكن توزيع الثروات غير عادل و معدل التضخم اعلى من معدل النمو
يا فرحتى.... لما الدخل العام بيزيد مليار و المليار يتوزعوا على الاثرياء اللي مش محتاجين اصلا بينما الفقراء بيفقدوا مصادر دخلهم!!!
لما مرتب الموظف يزيد 20% يقابله زيادة المواد الغذائية 300%
لو حنقول ان الدخل زاد 20% اقول يبقى انتوا مش عايشين في الدنيا او بتقولوا يا ايها الذين امنوا لا تقربوا الصلاة
انظروا للاقتصاد من منظور شمولي - نسبة الفقر - معدل التضخم - فرص العمل - الحد الادنى للاجور - الدين العام المحلي و الدولي - توزيع الثروة
و بعدين الملخص النهائي يحدد الاداء الاقتصادي لحقبة مبارك الفاشلة
عمل ايه كمان ؟

[مهند سالم]

المشاركة الأصلية كتبت بواسطة sam ram ادوني جزا و لا ايقاف 10 ايام انا كمان الواحد يريح اعصابه شويه

مفيش أي مشكلة:
إنه في يوم الإثنين الموافق الخامس والعشرين من إبريل، وفي يوم عيد تحرير سيناء تقرر:
بالنيابة عن نفسي
وبالأصالة عن شخصي
وبالتفويض الموكل إليا مني
أقرر إيقاف حضرتك
طبعا مش بمعنى إنك ما تخشش المنتدى تاني
لأ طبعا فده مش اختصاصي
لكن بمعنى إنك تكتب كل مشاركاتك من هنا وجي وإنت واقف
ماليش دعوة تخش من كمبيوتر ، أو لاب توب، أو حتى موبايل
المهم تبقى واقف
واعتبر نفسك واقف حداد على أرواح أي حد (اختار إنت مفيش مشكلة) المهم تقف
لطفوا الجو بق يا جماعة، مال الموضوع بق حزايني أوي كدة