خطاب متظاهر في التحرير! (اهم من خطاب الرئيس)

[مهند سالم]

المشاركة الأصلية كتبت بواسطة mmffor يا عم بالا مظاهرات بلا قرف.عايزين ناكل عيش.أقعد فى البيت يا جدعان كفايه مظاهرات ماهو عين نايب وغير شوية وزرا.حلو مش وحش يا شباب العيش والخضار غلى وعايزين ناكل ونروح نشوف مصالحنا ... فى ناس هو ده مبدئها فى الحياه.ادينى جبنه وعيش وسيب الحكومه تعيش صحابى اللى عايشين بره بيقولوا ان الغرب بيقول علينا شعب سلبى وبتاع بطنه تسمعوا عن غاندى؟ عمر المختار؟جيفارا؟ ايوه هوه اللى صورته على الحيطه تعرف يعنى ايه طموح؟ دفع الظلم؟ الساكت عن الحق شيطان؟ شعب متحضر بيتظاهر سلمى؟

ما بيقولش الكلام ده غير طبقة البسطاء وقليلو التعلم والثقافة؛ هذه الطبقة التي استعبدها وأذلها هذا النظام، وأصبح لا هم لها إلا توفير لقمة العيش.
وده يرجعنا لنقطة مهمة جدا،وهي إن كل الأنظمة القمعية التسلطية دائما ما تهمل التعليم؛ لأن أي شعب مثقف متعلم سقف مطالبه عالي، وما بيرضاش بأقل من الحرية والعدالة، أما الشعب الجاهل فيرضى فقط بلقمة العيش.
حماكي الله يا مصر وسائر بلاد المسلمين وجعلك زخرا للعلم والأمن والأمان.

[MmFFoR]

لما حد بيقوللي: البورصه قفلت, الشركات الاجنبية قفلت! السياحة قفلت! مصالحنا وقفت! كفاية كده! حرام! يحضرني سؤال واحد
حرام على مين!!! لما 8 مليون نزلوا الشارع يطلبوا طلب واحد و في مقابل شخص واحد طيب بلاش شخص واحد.. شخص و حكومتة 30 واحد!
بلاش 30 واحد.. كل اعضاء مجلسه 400 يعني كلهم 500 واحد و نقول قرابيهم و مؤيديهم و البلطجية اللي عرفوا يلموهم من العشوائيات يبقوا على بعض 10 الاف واحد ( اغلبهم من المجرمين و المنتفعين و الفاسدين) و هما اللي شفناهم في الشارع ككل!
في وقت المظاهره المليونيه امس الحزب الوطني نجح بصعوبة في تجميع الفين مؤيد فقط في المهندسين !!! و في تجميع 50 شخص امام المنصه! في الوقت اللي اكثر من مليون في التحرير راحوا من نفسهم و محدش لمهم زي البهايم او اداهم فلوس او وجبات!!!
هما بيقولوا ال 8 مليون متظاهر يوم الثلاثاء لا يمثلوا ال 85 مليون مصري!!! امال الالفين واحد اللي نزلوا يؤيدوا هما اللي بيمثلوا مصر؟
اعضاء الحزب الوطني بكل طوائفهم (و انا للاسف منهم) بيمثلوا مصر؟ تعداد جميع اعضاء الجزب الوطني شامل غير الفاعلين و الفاعلين و من جميع المحافظات و منهم اعضاء جمعية شباب المستقبل لا يتخطوا ال 600 الف مصري ! 8 مليون قصادهم بيقولوا لأ!
نسمع مين! فعلا مصر فيها 80 مليون! يعني 70 مليون منزلوش الشارع! نسبة الاطفال فيهم 40% 28 مليون تحت سن 12 سنه!
42 مليون فيهم مرضى سرطانات و فشل كلوي و كبد وبائي تجاوزوا ال 4 مليون ( يصاب بالكبد الوبائي فقط 100 الف سنويا في مصر) نقول 2 مليون مريض!
مفيش كبار السن و العجزة؟ بنسبة 20% مثلا؟ 14 مليون تاني! 26 مليون باقيين.. في 40% مواطن تحت خط الفقر يعني مش عارف يأكل عياله .. في ناس سلبية.. في ناس مثقفة و مؤيده لاسقاط النظام بس خايفة! في سيدات ازواجهم رفضوا تماما انهم ينزلوا في مظاهرة بالعدد ده و الزحام ده لعاداتنا و تقاليدنا (ممكن يكون الزوج نفسه نزل يقول لأ!)

الحكومة مش واخده بالها ان لما 8 مليون نزلوا يقولوا لأ دول مش 8 مليون! دول بيمثلوا اهلهم اللي سمحولهم أو ايدوهم! بيمثلوا زوجاتهم! بيمثلوا اطفالهم! بيمثلوا ابوهم و امهم كبار السن اللي مقدروش ينزلوا بحكم السن! بيمثلوا اي فرد في اسرتهم مريض دعالهم و قالهم ربنا معاكوا و يحميكوا كان نفسي اكون معاكوا و لكن منه لله مبارك اللي سياسته تسببت في مرضي الخبيث! بيمثلوا جيرانهم اللي مش عارفين اساسا معناها ايه مظاهرات بسبب سياسة الكبت و القمع على مدار 60 سنه منذ الثورة و ليس فقط 30 سنة هم اسوأهم! بيمثلوا اللي مش فاهمين حاجة نتيجة سياسة تجهيل الشعب المصري و لفظ الطلبة من المدارس و زيادة نسبة الامية الى 40% لا يعرفوا القراءة و الكتابة فما بالك بالسياسة او النت!
ال 8 مليون بيمثلوا فعلا 80 مليون! و مبارك فعلا بيمثل 10 الاف بلطجي و حرامي و فاسد ( و اسرهم ايضا التي قد تعلم او لا تعلم عن فساد اربابها!)
كفاية

[NASERELFHHAM]

انا لله وانا اليه راجعون

[zizoo21]

يا شباب 25 يناير العظيم ... أنا لا يهمنى ان البلد واقف حالها 12 يوم طالما سوف نعيش فى ديمقراطية للابد ولا ان الشعب مش لاقي أكل فى البلد و لو لاقاة بيبقى بضعف السعر طالما سيتوفر لنا عيشة كريمة و لا ان فى شباب كثير فقدوا ارواحهم و اعمالهم لان لكل ثورة او حرب خسائرها و لكن ......

لى بعض الطلبات من الشباب العظيم

1- التعهد بأنكم تنهوها سلمية كما بدأتموها سلمية.
2- التعهد بعدم تدخل أى طرف غير مرغوب بة او جهة اجنبىة لتقفز فوق ظهوركم للوصول للحكم.
3- التعهد بأصلاح جميع ما تم تدميرة من ممتلكات عامة و خاصة.
4- التعهد بان ينزل اولادى الى الشارع بدون حماية ممن هربوا من السجون.
(يعنى من الاخر اللى عرف يحضر العفريت لازم يعرف يصرفة و إلا .....
سنعيش فى فساد حكومات اجنبية او لها اتجاهات معينة فى دولتنا تسعى للسيطرة على الحكم بكل قوتها.
سنعيش فى عدم أمان طول الوقت بسبب المجرمون الذين يتجولون فى الشوارع بكل حرية

أقسم بالله انكم اذا لم تستطيعوا التعهد بكل ما سبق ستكون العواقب وخيمة سيتذكركم الناس بكل سوء و سوف ينسون ما بدأتموة طالما انتهى بغير ما أردتم.

لا أريد ان احبط احد و لكنى ارى ان ما بدأتموة عظيم ... دعونا ننتظر النتائج .. و كما يقول البعض " الميدان ليس ببعيد"

[MmFFoR]

المشاركة الأصلية كتبت بواسطة zizoo21 يا شباب 25 يناير العظيم ... أنا لا يهمنى ان البلد واقف حالها 12 يوم طالما سوف نعيش فى ديمقراطية للابد ولا ان الشعب مش لاقي أكل فى البلد و لو لاقاة بيبقى بضعف السعر طالما سيتوفر لنا عيشة كريمة و لا ان فى شباب كثير فقدوا ارواحهم و اعمالهم لان لكل ثورة او حرب خسائرها و لكن ...... لى بعض الطلبات من الشباب العظيم 1- التعهد بأنكم تنهوها سلمية كما بدأتموها سلمية. 2- التعهد بعدم تدخل أى طرف غير مرغوب بة او جهة اجنبىة لتقفز فوق ظهوركم للوصول للحكم. 3- التعهد بأصلاح جميع ما تم تدميرة من ممتلكات عامة و خاصة. 4- التعهد بان ينزل اولادى الى الشارع بدون حماية ممن هربوا من السجون. (يعنى من الاخر اللى عرف يحضر العفريت لازم يعرف يصرفة و إلا ..... سنعيش فى فساد حكومات اجنبية او لها اتجاهات معينة فى دولتنا تسعى للسيطرة على الحكم بكل قوتها. سنعيش فى عدم أمان طول الوقت بسبب المجرمون الذين يتجولون فى الشوارع بكل حرية أقسم بالله انكم اذا لم تستطيعوا التعهد بكل ما سبق ستكون العواقب وخيمة سيتذكركم الناس بكل سوء و سوف ينسون ما بدأتموة طالما انتهى بغير ما أردتم. لا أريد ان احبط احد و لكنى ارى ان ما بدأتموة عظيم ... دعونا ننتظر النتائج .. و كما يقول البعض " الميدان ليس ببعيد"

طلبات الشعب كله هو الحصول على حياة كريمة للمواطن بغير اهانة او تعذيب و بحقة في حرية الرأي و التعبير!
طلبات الشعب كله توضيح ان الرئيس ليس اله ولكنه موظف في الدولة وللشعب الحق في تقييمه
طلبات الشعب كله انتخابات رئاسية حرة و ديموقراطية و انتهاء عهود الحكم حتى الموت!
لو طلبات الشباب اتحققت مفيش حد سيقفز على الحكم فوق اكتافهم لان الشعب هو من سيختار من سيحكم!
لو طلبات الشعب اجيبت حتى لو قفز شخص للحكم و اتضح ان اجندته فاسدة سيتم انتخاب غيره في الفترة التي تليها!
هذا ما يسمى الديموقراطيه!