دليل الاعطال و الاصلاحات للفيرنا

[khorshed4u]

عندى مشكلة بسيطة فى الفيرنا 2008 العربية ديه انا عامل بيها فى سنة واحدة 70 الف كيلو متر سفر , العربية ممتازة جدا بس فيها حبة عيوب عن تجربة شخصية
1- العربية زى ما كله عارف مش ثابتة بعد ال120 ك/م الحل الجنوط انا لسه جايب بيها من اسبوع 200 ك/م على طريق العين السخنة العربية زى الفل
2- ساعات بسمع اصوات شخللة من الناحية اليمين بس مش فى المطبات مع العلم انى بعمل الصيانة فى التوكيل و لما جيت سمعتهم الصوت قالى المهندس عادى هى ديه الفرنا
3- المشكلة الاهم عندى فى الترصيص العربية فيها رجة خفيفة من ال120 حتى 130 و عملت ترصيص فى كل مكان مع العلم ان الجنوط و الكاوتش جديد بس نفس المشكلة من ساعة ما استلمت السيارة
عموما العربية محترمة جدا بس عايزا عناية و صيانة دورية فى التوكيل

[AHMEDCAR]

اولا بالنسبه للثبات الحمد لله انك عرفت الحل
ثانيا بالنسبه لصوت الشخلله اتاكد ان التابلوه فاضى هو و الدرج الجانبى و شيل كل حاجه ممكن تكون بتعمل صوت فى العربيه و جرب بعد كده لو لقيت الصوت لسه موجود يبقى ممكن البلاستيك الموجود فى القوايم

ثالثا الترصيص حاول تترصص على الحصان ده احسن شى بس احب اعرف حاجه الرعشه بتيجى لما بتدوس فرامل و لا وانت ماشى ديركت

[khorshed4u]

المشاركة الأصلية كتبت بواسطة AHMEDCAR اولا بالنسبه للثبات الحمد لله انك عرفت الحل ثانيا بالنسبه لصوت الشخلله اتاكد ان التابلوه فاضى هو و الدرج الجانبى و شيل كل حاجه ممكن تكون بتعمل صوت فى العربيه و جرب بعد كده لو لقيت الصوت لسه موجود يبقى ممكن البلاستيك الموجود فى القوايم ثالثا الترصيص حاول تترصص على الحصان ده احسن شى بس احب اعرف حاجه الرعشه بتيجى لما بتدوس فرامل و لا وانت ماشى ديركت

على فكرة التبلوه كان فاضى و صوت الشخالة جاى من الناحية اليمين من عند الكبوت من تحت
الرعشة و انا ماشى ديركت و الموضوع ده مزهئنى اوى اوى

[AHMEDCAR]

يبقى لازم تقولهم عليها فى التوكيل انا مش هاقدر افيدك غير على الاقل لازم اشوفها

[koty]

شكراا جدا على كم المعلومات الموجود عن الفيرنا وهي فعلا ثابتة وجودها في السوق خصوصا انها الأكتر طلبا في كل معارض مصر ....وممكن أرد على موضوع الشخلله انت محتاج تتأكد من الجزء اليمين كله في العربية من عفشة العربية والمساعدين والكبالن وبعدين انت بتقول انك ماشي بيها 70000 كيلو طبعا لازم عيوب العربية تظهر وبالنسبه لموضوع الرعشه فهو موجود في كل الفيرنات بعد سرعة 120 لأن موتور العربية قوي جدا لكن البودي بتاع العربية مش مناسب خالص عليه فلازم الرعشة