ارشيف الاستراحة 2010

[ahmed_menaiem]

المشاركة الأصلية كتبت بواسطة احمد بدر1978 ياباشا تنور اسكندرية بس انت تعالى واحلى اكلة سمك تتعمل

تسلملى حبيب قلبى عارف انك قده انا احتمال ربنا يسهل فى العيد ان شاء الله هكون فى مارينا اتمنى اقابل حضرتك هناك

[alymonir]

موضوع جميل جدا
اعذروني لتأخر الرد بس لإنشغالي الشديد ( رمضان + الشغل ) كل سنة و أنتم طيبين
بس أنا لسة ماكملتش قراءة الموضوع لأنه ماشاء الله 17 صفحة لحد دلوقتي بس قريت تخاطيف منه
أنا عندي كلام كتير جدا عن الجواز حاحاول أكتبه قريب بس لما أفضى شوية و أتمنى إن الموضوع مايكونش نااااام
على فكرة
اخر تحذير لأحمد بدر و كروسير
كفاية احتلال المواضيع هو مافيش غيركم في المنتدى ولا ماوراكوش شغل؟؟؟؟
ههههههههههههههههههههه

المشاركة الأصلية كتبت بواسطة احمد بدر1978 السبب التانى مغالاة اهل العروسة فى الطلبات زى 1 الشبكة حصلت مع واحد صاحبى اتصل بيا وقالى انا نازل اشترى الشبكة وهو يتيم ومقطوع من شجرةوقالى تعالى معايا روحت معاة واحنا فى السكة بسالة انت عامل رنج كام قالى امها قالتلى الشبكة دى هدية منك لبنتى اللى تجيبة قلتلة حماتك دى ملاك روحنا قابلنا العروسة وامها وخالتها وبنت خالتها واختها وبنت عمتها وعمتها واللى ساكنة قدام عمتها تقريبا كانت مظاهرة دخلنا المحل بتاع واحد صاحبى يعنى حيعمل واجب الكلام دة سنة 2000 المهم عايزين شبكة للعروسة طب عايزيين اية قالولة غوايش ماشى طلعلهم الغوايش واحدة من اهلها معرفش دى ميين لا ورينا الانسيلات واحدة تانية كانت عايزة كولية التالتة عايزة السلاسل المهم انا لقيت العملية بتوسع قوى واوزن دى ودى ودى انا اخدت صاحبى العريس قلتلة انت معاك كام قالى 2500 جنية المهم الصايغ عمل الحسبة 7500 يعنى تلات اضعاف اللى معى صاحبى دة من غير مصنعية والكلام دة واجب منة ليا المهم قلت لصاحبى خد خطيبتك واتفاهم معاها طبعا الكلام دة معداش على حماتة راحت رايحة وراهم وطبعا معداش عليا الحركة دى رغم انى كنت مركز مع بنت عمتها المهم سبتها وطلعت وراهم لقيت حماتة بتقولة لا مش حجيب لبنتى حاجة اقل من بنت عمتها التانية مش اللى انا كنت مركز معاها المهم صاحبى دة غلبان جدا جدا ومقطوع من شجرة وعشرة عمر المهم اتدخلت فى الكلام وقلت ياطنط (لازم احترمها) الشبكة دى هدية من العريس للعروسة ملناش دعوة ببنت عمتها قالت لا والله ماجيب اقل منها المهم اخدت صاحبى على جنب قلتلة عندك استعداد تدفع انا ممكن اضمنك عند الصايغ وتطلع عنتلر زمانك وانا بينى وبين نفسى نفسى ادى طنط حماتة 100...... قالى انا معييش يكمل ومش حدفع اكتر من اللى معايا بكتيرى حدفع 3500 رحت لحماتة وقلتلها الشبكة فى حدود 4000 قلت انقط صاحبى عشرة عمرى قالتلى بالنص لا اللى ماعوش مايلزموش بالصوت الحيانى طبعا هو سمع الكلام دة وشة احمر وقالى يلا بينا اخدتة على جنب وبهدى فية قالى لو انا اتنازلت مرة حفضل اتنازل على طول طبعا انا عارف الكلام دة بس قلت اهدى النفوس بصراحة يابنى يهديك يرضيك من هنا لهنا وصلت معاة ل 4500 بنقطتى 5000 روحت اقولها قالتلى نفس الكلمة طبعا انا ما قديرتش امسك نفسى رحت طايح فيها وهو كمان وصاحب المحل طحنا فيهم كلهم والعريس نفس النظام وطلعنا ركبنا العربية وانا ماشى لقيتهم قدام العربية بالصدفة رحت خابط حماتة بالرفرف الحمد لله محدش لقط رقم العربية وهى ما كنتش عارفة ان انا اللى سايق بعدين بنت عمة العروسة اخدت بالها لما ركبت معايا هى والعروسة والعريس واحنا بنتفسح من ورا امهاتهم وصاحبى اتجوز واحدة تانية انا اللى رشحتهالوا ذات دين وادب وجمال

ههههههههههههههههههههههههه ههههههههه

بتخبط حما الواد بالعربية يا قلبك يا ابو حميد وكمان كنت حاطط عينك علي قريبة البت خطيبة الواد ده انتا عينك تدب في رصاصه انا هاخف اعزمك في فرحي افوجء بيك واخد اخت المدام وقاعد جنبي في الكوشه وتبقي ليلتنا ما يعلم بيها الا ربنا

[ahmed_menaiem]

انا نفسى اعمل continue الى الامام لا تبك على اللبن المسكوب . فكر انت ممكن تعمل ايه تحسن بيه من نفسك

المشاركة الأصلية كتبت بواسطة احمد بدر1978 انا غلطان ان انا مجبتش بلطى حقك عليا يا ابو حميد العملية مش عملية واجب والكلام دة احنا اخوات انت وخالد نورتوا اسكندرية واخدت ثواب انى فطرتكم

ههههههههههههههههههههههههه هههه


ماشي يا ابو حميد هتتردلك كبده ومخ من عند الشرقاوي حبيبك