ارشيف الاستراحة 2010

المشاركة الأصلية كتبت بواسطة sad-bird امال يا خويا عاملي فيها 7 رجاله في بعض ويقولي ولا وحده تملي عيني وانا اهبل علشان واحده تحكم فيا وهيجيب واحده تاني تونس الفيرنا بس سودا علشان نكتب عليها بالطباشير او كوريكتور وبلاي ستيشن 3 وهيحط كمبيوتر في فيفي علشان ميحتاجش للبيت خالص وعارض شقة اكتوبر اللي كان المفروض يتجوز فيها للبيع علشان لو حد كلمه يقوله معنديش شقة

انتا عمال تلازقلنا تهم علي الفاضي وهتودينا في داهيه وبعدين انا هغير الفيرنا خالص علشان اخلص من المشوار ده وهرجع لل 128 بتاعتي الحمرا علشان ترتاحو

المشاركة الأصلية كتبت بواسطة احمد بدر1978 مفيش واحد مش عايز يتجوز بس تلاقية خايف من المسئولية

ما احنا بنتعلم منك يا خبرة

[ahmed_menaiem]

المشاركة الأصلية كتبت بواسطة corsair ايه يا زعيم الكلام الكبير ده كل ده من اكلة السي فود اللي كانت هتموتنا انا وخالد خليفة اكيد

انا نفسى فى اكلة سمك اسكندرانى جامده من اللى بتتكلموا عليها . و مشكور يا استاذ احمد على المجهود الرائع

المشاركة الأصلية كتبت بواسطة sad-bird طيب اكيد فيه سكرتيره او عميله مع الشركة دي لما بتدخل الشركة ايه اللي بيحصل فكرتني بمصنع كنت شغال فيه وكان كله رجاله وكلهم مخهم اقفاااااااااااااااااااااا اااااال بجد ويوم الخميس ده كان يوم القبض وكانو كلهم يجوا يتخانقوا علي نص جنية وربع جنية وبريزة فمرة كان واحد اقترح على صاحب الشركة انه يجيب سكرتيره قاله هتتعمال ازاي مع دول اذ كان محمد مش قادر عليهم قاله بالعكس بقى كل المشاكل دي هتروح لكن هيجي بدالها مشاكل تانية ازاي بقى قاله 1. ولا واحد من دول هيجي يعلي صوته كلهم هيجوا مؤدبين ومحترمين ويتكلموا بهدوء وبأدب ومفيش حد فيهم هيزفر لسانه 2. مفيش حد فيهم هيجي يتخانق ولا يزعق علاشن ربع جنيةو نص جنية ولا 10 جنية، كلهم هيعملوا فيها اصحاب اطيان ومش لازمهم فلوس 3. بقى ان مش هتشم ريحتهم المعفنه دي وكل واحد قبل ما يجي ناحية الادارة هياخد دش ويحط ريحة ويجي 4. هتلاقيهم كلهم من اصغير عيل لاكبر واحد جاي كل يوم الصبح يتحايل عليك علشان ينضف المكتب بدل ما تطلب منهم كل شوية ويقولوا ورانا شغل المشكلة الجديده و الكبيرة بقى ان مفيش انتاااااااااااااااااااااا اااج هيطلع من المصنع لان كلهم هيفضلوا لازقين في الادارة تحت اوامر الهانم

ههههههههههههههههههههههههه ههههههههههه

يا عم اسكت الله يرضي عنك خليني ساكت ده اليوم اللي الشركة بتطلب فيه مواظفين مبيعات تلاقي 99% من اللي بيتصلو بنات واللي تقولك علشان خطري ماشيلي الموضوع ده واللي تقولي كلملي صاحب الشركة وانا محطوط في موقف زبالة لو عليه مش هخلي في الشركة راجل واحد بس هعمل ايه حكم القوي علي الضعيف صاحب الشركة عارف ان المشروع لو دخل فيه واحده ست او بنت بيخرب علي دماغ صحابه وبيني وبينك عنده حق

[احمد بدر1978]

المشاركة الأصلية كتبت بواسطة sad-bird كويس اديك قلت سبب من اسباب العزوف عن الزوج كمل بقى

السبب التانى
مغالاة اهل العروسة فى الطلبات زى
1 الشبكة
حصلت مع واحد صاحبى اتصل بيا وقالى انا نازل اشترى الشبكة وهو يتيم ومقطوع من شجرةوقالى تعالى معايا روحت معاة واحنا فى السكة بسالة انت عامل رنج كام قالى امها قالتلى الشبكة دى هدية منك لبنتى اللى تجيبة قلتلة حماتك دى ملاك روحنا قابلنا العروسة وامها وخالتها وبنت خالتها واختها وبنت عمتها وعمتها واللى ساكنة قدام عمتها تقريبا كانت مظاهرة دخلنا المحل بتاع واحد صاحبى يعنى حيعمل واجب
الكلام دة سنة 2000 المهم عايزين شبكة للعروسة طب عايزيين اية قالولة غوايش ماشى طلعلهم الغوايش واحدة من اهلها معرفش دى ميين لا ورينا الانسيلات واحدة تانية كانت عايزة كولية التالتة عايزة السلاسل المهم انا لقيت العملية بتوسع قوى واوزن دى ودى ودى انا اخدت صاحبى العريس قلتلة انت معاك كام قالى 2500 جنية المهم الصايغ عمل الحسبة 7500 يعنى تلات اضعاف اللى معى صاحبى دة من غير مصنعية والكلام دة واجب منة ليا المهم قلت لصاحبى خد خطيبتك واتفاهم معاها طبعا الكلام دة معداش على حماتة راحت رايحة وراهم وطبعا معداش عليا الحركة دى رغم انى كنت مركز مع بنت عمتها المهم سبتها وطلعت وراهم لقيت حماتة بتقولة لا مش حجيب لبنتى حاجة اقل من بنت عمتها التانية مش اللى انا كنت مركز معاها المهم صاحبى دة غلبان جدا جدا ومقطوع من شجرة وعشرة عمر المهم اتدخلت فى الكلام وقلت ياطنط (لازم احترمها) الشبكة دى هدية من العريس للعروسة ملناش دعوة ببنت عمتها قالت لا والله ماجيب اقل منها المهم اخدت صاحبى على جنب قلتلة عندك استعداد تدفع انا ممكن اضمنك عند الصايغ وتطلع عنتلر زمانك وانا بينى وبين نفسى نفسى ادى طنط حماتة 100......
قالى انا معييش يكمل ومش حدفع اكتر من اللى معايا بكتيرى حدفع 3500 رحت لحماتة وقلتلها الشبكة فى حدود 4000 قلت انقط صاحبى عشرة عمرى قالتلى بالنص لا اللى ماعوش مايلزموش بالصوت الحيانى طبعا هو سمع الكلام دة وشة احمر وقالى يلا بينا اخدتة على جنب وبهدى فية قالى لو انا اتنازلت مرة حفضل اتنازل على طول طبعا انا عارف الكلام دة بس قلت اهدى النفوس بصراحة يابنى يهديك يرضيك من هنا لهنا وصلت معاة ل 4500 بنقطتى 5000 روحت اقولها قالتلى نفس الكلمة طبعا انا ما قديرتش امسك نفسى رحت طايح فيها وهو كمان وصاحب المحل طحنا فيهم كلهم والعريس نفس النظام وطلعنا ركبنا العربية وانا ماشى لقيتهم قدام العربية بالصدفة رحت خابط حماتة بالرفرف الحمد لله محدش لقط رقم العربية وهى ما كنتش عارفة ان انا اللى سايق بعدين بنت عمة العروسة اخدت بالها لما ركبت معايا هى والعروسة والعريس واحنا بنتفسح من ورا امهاتهم وصاحبى اتجوز واحدة تانية انا اللى رشحتهالوا ذات دين وادب وجمال

المشاركة الأصلية كتبت بواسطة sad-bird بالنسبة لي اكبر مشكلتين عندي اني كل ما افكر في موضوع الجواز يا اما يحصل حاجة يعني يحصل مشاكل في الشغل تحصل ازمة ماليه يحصل ظروف وفاة في الاسرة ( لأننا اسرة كبيرةو لاننا بنخاف على مشعار بعض بنفضل لو حد عنده مناسبة زي كده ياجلها لفترة لما الامور تهدي شوية ) يا اما البنت اللي انوي عليها يجيلها عرسان كتير وتحتار ومتلاقيش خيرا طبعاااااااااااااااااااااا ااا وخوفا من ان الفرصة تعدي وان الفرص مبتقش بالساهل فبتروح تتجوز على طول بلا ادني تفكير هههههههههههه وانا اقعد اغني ظلموه مع ابو دنيا

ههههههههههههههههههههههههه ههههههههههه

انتا بتفكرني بالحلقة بتاعت امبارح في مسلسل عايزه اتجوز وضيف الحلقة كان احمد رزق كان طالع في الحلقة باسم شرارة الوحيد اللي راح يتقدم للبت بس كان نحس كانت حتة حلقة تهلك من الضحك انا حاسس انك كنت بطل الحلقة ديه هههههههههههههههههه