ارشيف الاستراحة 2011

[ahmad_mowafy]

ياريت حضرتك متسكتشي
ولو عايزني معاك في حاجه ياريت
لاني من الناس الي جالها التهاب قولون وجالي ضعف في حركه القولون وماذالت مستمره من اسبوع بسبب اني قعدت اسبوع كامل مكلشي غير لانشون لاني كنت في سفريه ومكنشي في اي اكل متوفر بالنسبالي غير اللانشون لاني كنت جايبه معايا من هيبر
المهم انا بأأكد ان فعلا اللنشون ده زباله اساسا وكان حلواني علي فكره
وبسببه حصل لغبطه كبيره في حركه القولون عندي
ومنهم لله بقي كل يوم فيما يعادل 6 ساعات الم رهيب ربنا ما يوريك وبتوصل اني بقعد اقطع في اي قماش عندنا بسبب الالم لاني ممنوع من المسكنات علشان عمليه في المخ
المهم كلام حضرتك صح وانا مصدقه وكذا واحد شغال في الشركه دي كموصل بيقولي انصحك يابني متكلشي لانشون خالص دي كلها لحوم فاسده وانا مكنتش بصدق
وبجد لو عايز حد يشهد معاك ومثال حي لواحد تعب بسبب القرف ده انا مستعد
وربنا يجزيك خير بجد لو بلغت عن الشركه دي ويراقبوهم حتي ويعرفوا بيجيبوا اللحمه منين مينفعشي كده كلنا بنتسرطن
يكفي اني اقولك ان شلل حركه القولون ( الله اعلم بقي مؤقته ولا دائمه ربنا يسترها يارب ) احدي اسباب السرطانات القولونيه
وربنا يعفينا بقي

[BASSEM BESO]

المشاركة الأصلية كتبت بواسطة مهند سالم هو مبدئيا أنا مصدق حضرتك وعارف إن الحاجات دي بتتعمل من أزبل أنواع اللحوم، بس بصراحة ما اتخيلتش إنها توصل للحيوانات الميتة، عموما برده كلام حضرتك محتاج لتوثيق أكثر من كدة ، وياريت لو حضرتك تقدم بلاغ للنيابة وتشهد إنت والسواق إلا معاك على الكلام ، وتدلوهم على المكان إلا ركبتوا الراجل ده منه، وهم إن شاء الله هيعملوا التحريات اللازمة؛ لأنك ببساطة مش هتقدر توصل النصيحة إلا لأعضاء المنتدى بس، ويمكن مش كلهم كمان، فلازم نوصل المعلومة وتكون موثقة لكل الناس.

والله يامهند الحكايه حكايه ضمير اكتر منها توثيق واتهام لأن بأختصار وبساطه شديده جدا ممكن اما ابلغ يقول انا ولا اعرفهم ولا عمرى شوفتهم فملقتش حاجه اعملها غير انى انشر القصه بالكامل عشان النصيحه والتوعيه من السموم دى وللأسف انا واحد من اللى كانو بيكلو الحاجات دى كتيير

المشاركة الأصلية كتبت بواسطة karem ali يا راجل حرام عليك على كده با انا واكل حمير كتير اوى ماشى يا باسم

وياترى عجبوك ياكيمو هههههههههههه وانا اسف جدا انا عارف ان الكلام ده مقرف ومقزز لأبعد حد فأعذرنى

المشاركة الأصلية كتبت بواسطة مهند النجار ما حدش هيصدق الكلام دة ولو حاولت تثبته مش هتعرف وانا هبقي اعمل حوار البسطرمة دة يا رب تطلع غلطان و لو مطلعتش غلطان يارب الشركة دي تولع مش تقفل

ياريت يامهند حد يصدق وياريت اتمنى انى اطلع غلطان عشان انا كنت باكل من الحاجات دى كتيير

[mesho70]

أرجو أن تكون هذه القصة موقظة لمن يقرؤها من الآباء والأمهات، والمعلمين والمعلمات، والأصدقاء والصديقات.
- وانا ارجوا ذلك ايضا ً
وشكرا ً استاذ نبيل

[_amr.mostafa_]

انا اوافقك بس اشمعنى لم ابلغ 18

[BASSEM BESO]

المشاركة الأصلية كتبت بواسطة مهند سالم هو بصراحة في حاجة أنا أخذت بالي منها دلوقت: حضرتك بتقول إن الحصان الميت ثمنه 3000 جنيه، بس يكون في نفس اليوم. الكلام ده مش منطقي؛ لأن ببساطة اصحاب الحصان هيرموه للكلاب كدة أو كدة فإزاي يطلبوا فيه المبلغ الضخم ده، هذا شيء لا يصدق، ده لو اداهم فيه خمسين جنيه يبقى مية مية، بدل ما يتبهدلوا على ما يلاقوا حتى يدفنوه فيها. بصراحة أنا مش مصدق النقطة دي.

لأ منطقى جدا يامهند واسأل عن اكل الأسود والنمور لحديقه الحيوان بيكون ازاى ومش شركه حلوانى بس ده معظم او كل شركات اللحوم دى على نفس السواء

المشاركة الأصلية كتبت بواسطة semo99 يا جماعه الحاجات دي بتحصل كتير ادامي والناس معدش عندهم ضمير http://www.masrmotors.com/vb/showthr...t=50262&page=2

ولسه فى ناس مش مصدقه ياسيمو

المشاركة الأصلية كتبت بواسطة نبيل عبدالرحمن والله يا جماعة الواحد مش عارف يصدق الكلام ده ولا يكدبه ، بس المشكلة إن الواحد كان بيثق جداً فى منتجات هذه الشركة ، أمال بقه منتجات شركة فرج الله مثلاً نقول عليها ايه ؟

كلهم على نفس الطريق وحسبى الله ونعم الوكيل