ارشيف الاستراحة 2009

[pro mada]

تسلم ايدك يا صلاح باشا

[pro mada]

المشاركة الأصلية كتبت بواسطة Romeeoo برو مادا الموضوع ده انا عامله ليك http://www.masrmotors.com/vb/showthr...552#post106552

شوفته امبارح و هو لسه طازه و اديت حضرتك شكرا عليه
و منتظر باقي الموضوع بفارغ الصبر
و تسلم ايدك يا روميو باشا

[dreamer lover]

السلام عليكم ورحمة الله وبركاتة

احبائي واخوتي في الله مرتادي منتديات مصر موتورز لكم مني ارق واحسن سلام

من غير مقدمات كثيرة ساسرد لكم قصة هزتني كثيراااااااااا جدا حدثت منذ ايام قليلة

لي

ولعل السبب الذي دفعني لاسردها لكم حتي ازيح حملها عن قلبي وقد يستفيد منها البعض

والاهم والذي اريدة واتمنة من كل عضو يقرا ماحدث ان يبدي رايية بموضعية ليخبرنا

مالذي كان سيفعلة هوة في هذا الموقف

في تلك اليلة كنت انا وصديق لي داخل سيارتي باحد احياء القاهرة بجوار احد محلات

الاكل السريع ركنت هناك سيارتي لكي احضر سريعا لي ولصديقي شئ ناكلة كما

هي العادة الشوارع مزدحمة ولايوجد مكان لاركن به السيارة فاضضطررت ان اقف

صف ثاني مع السيارات الاخري وبالفعل حدث وذهبت لاحضر شئ لناكلة وانا داخل

هذا المطعم وجدت صديقي بالسيارة يتصل بي قائلا تعالي بسرعة جدا في واحد مستعجل

وعايز يطلع عربيتة ولازم انتة تيجي علشان تشيل عربيتك من وراة ...ساعتها كنت مدي

الكاشير بتاع المطعم 200جنية ومستني الباقي شوف الظروف سبحان الله يوم ماتخطط

وتتكتك والله بتكون اعظم من اي تخطيط ..المهم اخبرت صديقي قل لهذا الشخص انا

قادم وانتظرت بالتحديد دقيقة لاخذ باقي نقودي عندها تحدث صديقي قائلا

تعالي بسرعة الراجل المجنون عايز يكسر العربية بعربيتة عندها اندفعت كالمجنون

خارجا لاري ما يحدث عندما وصلت لباب المطعم لاخرج واذا بي اسمع صوت زعيق

كبير لشخص وكانة سيد زيان زمانة واجدة يزق السيارة ليبعدها عن طريقة بقوة

وعنف وللعلم صديقي غير قادر علي التحرك لتركيب 3شرائح بظهرة اثر عملية من

شهر لن يستطيع المشي لمدة 8 اشهر بسببها

عندما ركضت الية كان قد قد ركب السيارة وهي جيب شيروكي ذو اكصدامات وكانها

من الفولاذ عندما وجدتة ركب وسيرحل لم اعط للموضوع اهمية بالغة رغم

سماعي للناس يستهزاون لانفعالات هذا الشخص وذهبت لاطمئن علي السيارة والحمد

لله وجدتها سليمة لكني وجدت صديقي من السيارة يقول بصوت عالي لهذا الشخص

يارب تلبس وانتة ماشي عندها شعرت وان شئ كبير قد حدث بل تاكدت عندما رايت

ذلك الشخص يعود بسيارتة بعد سماعة لما قال صديقي قائلا له انتة مفكرني من

شيراتون انا اصلي من الوراق يلة ياابن ال... ونزل ليهم من سيارتة ليضربة

مهدد انة سيقوم حتي بتكسير السيارة لان صديقي طلب منة ان يا خذ بالة عندها فكرت

في السيارة وفي صديقي الذي لا يحرك قدمية او ذراعة ان اي شئ قد يادي بة

للشلل وعندها وجدت من يخرج من السيارة شخص مثل عنتر ابن شداد صدقوني

كل هذا ليس مهم المهم الحالة المزاجية التي نزل بها والاغتياظ الشديد الذي كان

علية هذا الشاب لدرجة ان البزاق كان يتطاير منة في كل اتجاة

وعندما نزل كان يقول هتبقة انتة وابوي كمان علية يا كذا ويا كذا عندي حالة

حرجة مع اني مش عارف ازاي حالة حرجة وابوة في خطر ويقول كدة وكمان يبقة

عندة وقت يتخانق ويرجع

ساعتها حاولت ان اهدئ منة واخذت اقول لة معلش انا الغلطان مش هوة ياجدع

كل سنة وانتة طيب ولكن لا حياة لمن تنادي واقترب بعنف وحاولت ان امنعة من ان ياتي

لصديقي ولكنة حقيقة ثور وهائج كمان ففتح الباب بعنف وقلة ميهمنيش ضهرك انا ممكن

اموتك هنا كل هذا وانا ممسك بة قدر المستطاع وهو يحاول يخبط بسقف السيارة

وتهديداتة انة ممكن يكسر مش عارف دين ..اية العربية وصاحبي فيهه حقيقة

في ظل ما رايتة من استبياع لاي شئ فقلت بقرارة نفسي اية اخرت اني استفزة

نضرب ونهزا بعض في الشارع هوة يكسرلي فنوس وانا اكسرلة فلوس

كل الموقف الذي اتخذتة هوة اني اهدئ من هذا الفحل الهائج وابعدة عن صديقي

ولكم ان تتخيلوا كم تحملي لشتائمة البغيضة وفي قلب الشارع وامام الناس

الا ان اخذ سيارتة ورحل وهو يهم شتمني انا ايضا وهو داخل سيارتة بسب

بشع جدا الا ان رحل

عندها اطمئنيت ان صديقي والسيارة ومعهم انا بسلام ولكن حقيقة الذي لم يكن

بخير او حتي بسلام هو نفسيتي انا وصديقي لقد حزنا كثيرا لدرجة اننا روحنا

كل واحد لبيتة من شدة القرف رغم اننا كنا متفقين نخرج ونكمل السهرة مع بعض

ولكن الثور الهائج عكر يومنا ولكم ان تتخيلوا اخوتي في الله انة قبل هذا اليوم

طوال حياتي لم اتشاجر واتشابك مع احد بالايدي او حتي الشتائم ولم يحدث

يوما ان اغضبت احد مني بهذة الصورة وانا الا25سنة فتخيلوا كم المفاجئة علي

بالتاكيد انا مخطئ بسبب اني صف ثاني وهذا ما لن افعلة ثانية ابدا ليس بدافع

الخوف علي سيارتي او اي شئ قدر نقطة احترام النفس رغم ان الجميع قد يفعل

ويركن صف ثاني انا نفسي اكثر من مرة انتظرت اشخاص اغلقوا علي الطريق

لوجودهم صف ثاني وكنت اتحدث معهم بمنهي الاحترام لدرجة انهم كانوا يحرجوا

بسبب موقفي المهذب معهم

وعندها تذكرت كلمة لجورج برنارد شو قائلا :

اياك ان تتشاجر مع خنزير اولا لانة خنزير وستتوسخ معه ثانية لانة سيسعد بذلك كثيرا

ولكني متاثر لا اخفي عليكم الامر وياتي بنفسي صدي صوت قائلا يحرق ام العربيات

علي المرض مفروض متسكتلوش تتكسر العربية واتكسر انا وصاحبي يتشل بس

مسبش حيوان حقير يغلط فية كدة قدام الناس وفية حاجة الشعب المصري مبقيش واللة

زي الاول الناس اتلمت علشان تتفرج علينا محدش فكر يهدئ بطل كمال الاجسام العجل

معاية بل بالعكس كنت بسمعهم بيضحكوا علي شكلوا وهوة قادر وبيقولوا لبعض

خلاص اهو الفنوس قرب يطير مش عارف اية هيتكسر وكانهم هيكونوا فرحانين

وهمة بيشوفة بيكسر عربيتي وساعتهه لو حصل كدة كنت هعمل معاة واحدة بواحدة

فنوس بفنوس قزاز بقزاز والناس تحس انهه كانت هتكون مبسوطة بكدة

حقيقي مش هركن صف تاني بس افرض دة حصل غصب عنك مرة بقول

لنفسي افرض الي كان جوة العربية مراتي وانا متجوز ساعتهه مثلا ايوة ساعتهه مكنتش هعمل حساب

لاي حاجة بس برضو هتبقة حاجة وحشة ان كلب واطي ممكن يتعرضلك انتة

او مراتك بالسب او حتةانك تمسك في خناق واحد ومراتك تفضل تصوت

والناس تتفرج

حقيقي يا جماعة الموضوع مش مين يضرب ومين يضرب الموضوع مين هان

انسانيتة وكرامتة

اتمني من كل عضو محترم هنا واغلب الاعضاء هنا ليهم خبرتهم في السواقة والتعامل

مع المواقف المشابهه لهذا الموقف انة يعطينا راية الاول هوة شخصيا كان هيعمل اية

والتصرف الامثل اية؟

يمكن شخص يقرة الموضوع ويستفاد وميتحطش في نفس موقفي ابدا تاني يارب

العالمين ويقابل عنتر الهايج ...قولوا امين يارب

شكرا واسف لازعاجكم

[king mimo20]

انا عن نفسى حصلى موقف مشابه واحد سواق تاكس قام خبطنى من وراة طبعا مش انا اللى سايق ولا حتى عربيتى دى بتاعت ابن عمتى (ظابط )
نزلنا نشوف فى اية لاقيناة بيشتم وبيزعق تخيل التاكس 504 واحنا راكبين اوكتيفيا لسة بكياسها
المهم هو محصلوش حاجة
المهم مينزلش يعتذر مثلا دا نازل يشتم ما كان غير ابن عمتى اللى وراح جاب الراجل وضرب لغاية مهفت وانا اضرب والناس تضرب معانا تخيل محدش حاش غير لما هفتانا والله حاجة مستفزة مجرد انك تبص فى شكلة تتنرفز ما الك دا غلطان وجاى يشتم مش يعتذر

[bmkbmk]

السلام عليكم ....
انا اسف جدا يا باشا على الموقف اللى حصل لك ده
والحيوان اللى فاكر نفسه جامد ده و بيقول هيعمل و هيسوى لو شاف واحد اجمد منه هيبقى قدامه فرخة و لو كان معاك مثلا 2 او تلاتة اصحابك فى العربية من عينة جسمه كان بقى فى منتهى الذوق و الاحترام .. فالاشكال دى ماتزعلش منها ولا عليها لأنه اجبن من ان يكون راجل اصلا ....و الناس اللى فى الشارع يا سيدى لا انت تعرفهم ولا هما يعرفوك,, عادى يعنى ماتزعلش على كلام اتقال لك قدامهم... دول حتى ماحولوش يساعدوك .. مش عارف ايه اللى جرالنا ..دا احنا اصل الرجولة .... و الراجل اللى بجد (الصرعة) هو اللى بيملك نفسه عند الغضب زى ماقال رسولنا الكريم عليه الصلاة و السلام
و لو كان لمسك أو لمس عربيتك بس خد رقم عربيته و اعمل له محضر اعتداء شخصى أو اعتداء على ممتلكات ..و بهدل اللى جابوه و هييجى يبوس ايدك بعد كدة ...... هى سايبة ولا ايه ..
انت بتفكرنى بموقف حصل لواحد صاحبى زى ده بالظبط بس الزيادة بقى ان الحيوان جاب سلسلة من عربيته و كسر لصاحبى الزجاج الامامى و الحيوان اتضرب علقة تمام واتاخد على القسم و اتعمل له محضر و دفع تمن الزجاج و من التوكيل 3500 جنيه .......
المهم ان من جواك متكونش خايف من اى حد ولا اى حاجة وواثق من نفسك و يا عم كبر دماغك و صدقنى و الله ربنا هيوقعه فى شر اعماله