ارشيف الاستراحة 2009

[Romeeoo]

بسم الله الرحمن الرحيم
معركه 15 فبراير 1973
2 ميج 21 مصري امام 6 فانتوم إسرائيلي
لمده ثلاث عشر دقيقه كامله
ابطالها الطيارين
احمد كمال منصوري

حسن لطفي

معركه لم اكن اعلم عنها شيئا حتي يوم الجمعه 19 ديسمبر 2008 ، معركه طويت احداثها سريعا بسبب توقيتها ، فهي قبل حرب اكتوبر بعشرة اشهر تقريبا ، وغطت احداث الحرب عليها سريعا.


أقسم بالله لمن يقرأ تلك السطور انني لم اكن لاصدق سرد تلك المعركه لولا انني سمعتها من فم اللواء طيار احمد كمال منصوري وهو بطلها ، ربما يظن البعض سريعا ان الرجل يحاول تمجيد نفسه ، لكن الرجل ظل صامتا صمت ابا الهول خمس وثلاثون عاما وعشر اشهر كاملين لا يتحدث ولا يمجد نفسه حتي وصلنا اليه لنحاول ان نبعث تلك المعركه مرة اخري من ظلمات التاريخ المصري الناصع والذي حكم عليه بالقتل عمدا.


الجميل ان من دلنا علي هذا البطل الصامت هو قائده اللواء تميم فهمي قائد السرب 49 مقاتلات في حرب اكتوبر ، وعندما تحدثت مع اللواء تميم عن رغبتنا في نقل بطولته الي الورق ليعرفها الاجيال الحاليه والقادمه رد علينا متهكما ((عايزين قصه بطل ؟ اسألوا عن الطيارين المصريين كلهم ، كلهم ابطال لكن ابدأوا مع منصوري فقد قام باعمال يشيب لها شعر الطفل الرضيع )) لاحظ كلمه ابدأوا .


ايعقل هذا في هذا الزمن الوقح ؟ هل مازال هناك انكار للذات وتقدير للبطوله من رجل لاخر تحت قيادته ؟


كان من الممكن ان ينسب اللواء تميم تلك البطولات لنفسه وننشرها نحن ، ونحن لا نعلم الحقيقيه مثل ملايين اخرين ينسبون لانفسهم فضل ومكانه لا يستحقونها ، لكن الرد الصادق ارسلنا الي البطل الحقيقي في نظرة ارسلنا الي اللواء منصوري الذي قال عن قائده تميم ابيات من الشعر تقال الان لمن هم في اعلي المراكز فقط رغبه في كسب الود وانتهاز الفرص ، لكن الاثنين علي المعاش الان وليس بينهم غير كل صداقه وود واحترام والاهم من ذلك زماله الحرب التي نحتاج مثلها امصال وامصال لكي يلقح بها الجيل الحالي ، قال في حقه انه كقائد سرب كان يطير مثلهم ويربط في الطائرة لساعات مثله مثل اصغر طيار ويعلمهم كل ما يعرفه وينقل اليهم خبراته ، مشاعر طيبه تكاد تندثر الان في مجتمعنا

اما المقاتل الشرس احمد كمال منصوري فحكايه من حكاوي الاساطير التي لو لم تكتب وتمجد الان لربما تضيع في ادراج التاريخ المتخمه بأوراق وبطولات اخري مماثله .


هذا الرجل اوصي بدفن وثائقه معه عندما يموت لانه لم يكن يعلم ان بمصر رجال ونساء شباب واطفال يتعطشون لتلك البطولات كتعطش التائه في الصحراء لجرعه ماء .


فما هي وثائقه التي اكدت قصته وجعلته يلاحظ ان شعر رأسي وقف عندما اطلعت عليها، نعم شعر رأسي وقف بالفعل من الدهشه من الكنز الرابض امامي وايضا احتراما واجلالا وتقديرا وخشوعا لتسجيلات صوتيه من كابينه طائرته وبين برج المراقبه فيها سرد موثق وواضح لسير المعركه التي دامت ثلاث عشر دقيقه ، خشوع وتقدير للحظات يقاتل فيها اثنان من الطيارين المصريين اثني عشر طيارا اسرائيليا بمفردهم، لحظات فيها ثماني واربعون صاروخ اسرائيلي جو جو واكثر من ثلاثون الف طلقه تواجه اربعه صواريخ مصريه واربعمائه طلقه فقط والاهم من ذلك لحظات ذٌلت فيها الفانتوم الاسرائيليه بطياريها الاعلي في العالم امام الميج المصري بطياريها الابطال .


ان هذه المعركه تجعل الفرد منا يحس بضأله حجمه مقارنه بهؤلاء الابطال العظام ويجعلنا نتسأل ما الذي نستطيع ان نقدمه لديننا ولبلدنا لكني يعودوا كما كانوا ، ففي البدايه او النهايه المنصوري رجل عادي مثلك انت ، ومثلي انا لا يزيد عنا بشئ غير الايمان المطلق بالله وبمشيئته ، فعندما قابل طائرات العدو المتفوقه كما وكيفا وكل شئ ممكن في ذلك ، الوقت لم يفكر الا في شئ واحد ونقلا عن لسانه اقوله مرة اخري


(( كنت احافظ علي عذريه مصر من الاسرائيليين ، مش معقول يهود يخشوا يغتصبوا امي امامي واقعد ساكت )) ساترك للقارئ تقدير تلك المقوله ومقارنتها بما يحدث الان .


كان الحديث ملتهبا بحماس هذا الرجل والذي يفوق حماسا وحبا للوطن عن حب الابن لامه ، وبعد دقائق من الحوار فتحت موضوع كثيرون يعرفونه ومستأيين منه الا وهو الفيلم الذي انتجته قناه متخصصه في القتال CRAZY EGYPTIAN PILOTتحت اسم YOUTUBEالجوي وتم وضعه علي موقع


والذي يصور معركه جويه حدثت في اكتوبر 73 بين طيار مصري واخر اسرائيلي وقام الطيار المصري بمناورة جريئه جدا طبقا للوصف الاسرائيلي لكنها فشلت ومات الطيار في النهايه لتحسب انتصارا للطيار الاسرائيلي ، وأذ باللواء المنصوري يضحك بسخريه ويسالنا هل تودون مقابله الطيار المصري الذي شارك في تلك المعركه ؟؟؟ سؤال صدمه ما بعدها صدمه لنا .


فانا واحد من الذين انبهروا بدقه اخراج هذا الفيلم وعرضه علي موقع عالمي واسع الانتشار بالاضافه الي ان شهاده الطيار الاسرائيلي بجرأه الطيار المصري وكفاءته كانت عاليه لكن الطيار الاسرائيلي كان الافضل ولدت لدينا احساس بان القصه حقيقيه حتي النخاع .


لكني وقعت فريسه لاله الاعلام الصهيونيه مرة اخري وتناولت السم في طبق الحلوي كعاده المسلمين والعرب .


ضحك الرجل من انبهارنا بسؤاله وانطلقت اسئلتنا سريعا لكن خفف من سرعتنا بضحكه متواضعه قائلا


(( الطيار المجنون ده اللي في الفيلم اسمه حسن سالم الرافعي وهسمعك صوته بعد قليل ، وانا كنت قائده في الاشتباك ده ، حسن طار معايا 52 طلعه عمليات في حرب اكتوبر ومازال حي يرزق حتي الان ))


ثم استطرد غير مبالي بدهشتنا البالغه مما نسمعه


(( المناورة دي احنا اخترعناها وتدربنا عليها كتير جدا جدا ، وبنستخدمها لما يكون الموقف صعب ومش قادر تفلت من الطيار الاسرائيلي ، في الاشتباك ده يوم 24 اكتوبر 73 كنا فوق الثغرة والطيارة اللي في الفيلم خذ بالك من المثلثات البرتقاليه اللي علي الجناح ، دي علامات جنوب افريقيا – المهم ان المناورة دي لها ثلاث نتائج محققه اولها ان الطيار الاسرائيلي يرشق في الارض او ان الطيار المصري يفلت من الطيار الاسرائيلي ويركب ذيله او ان الطيار المصري يرشق في الارض ، لكن اللي الاسرائيليين لم يعرفوه اننا تعلمنا من الطيارين الباكستانيين في سوريا تكتيك الطيران بسرعه صفر وده هما فوجئوا بيه في حرب اكتوبر وعملنا بيه نتائج كويسه جدا جدا ، المناورة دي كنا مسمينها في السرب مناورة الموت وكنا متدربين عليها كويس جدا جدا لدرجه اننا كنا بنفذها ليلا يعني والدنيا كحل ومحدش شايف حاجه ، وحسن الرافعي عايش ويقدر يحكي لكم عليها بالتفصيل ))


الرساله واضحه وضوح الشمس فالمناورة مصريه وليست مناورة يأس كما صورها لنا الفيلم والطيار المصري حي يرزق وقد استمعت الي صوته يصف تلك المعركه في تسجيل صوتي من عام 1973


ولم يمت كما صور الفيلم .


لقد استمعنا الي تسجيلات معركه 15 فبراير 1973 بكل دقه ومعها ترجمه لما يتعذر علينا فهمه من اللواء منصوري ، واعتقد انه من الواجب بل من الحتمي علينا ان ننقل تفاصيل ما سمعناه لك حتي لا تضيع تلك المعركه وسجلها واسماء ابطالها في ادراج النسيان .

اتمني ان استطيع ان اقدم للاسلام ولمصر ولو مثقال ذرة من الانتماء الذي يملئ المنصوري

وهي قصه حقيقيه 100% وصورها ايضا تخص اللواء المنصوري شخصيا

معركه الدقائق الثلاث عشر

كنت اجلس مربوطا الي كرسي طائرتي ضمن اربع من طياري الحاله الاولي في قاعده بني سويف الجويه ، كان الجو صحوا وشمس الشتاء تشع نورها علي فترات ، كنا علي اعتاب فصل ربيع عام 1973 فشهر فبراير مازال في منتصفه ، وبروده الجو تظهر علي فترات لتذكرنا بفصل شتاء قاس مر بنا .
بينما اجلس داخل طائرتي واحزمه الكرسي تشدني بقوة الي الطائرة وكأنني جزء لا ينفصل من اجزاءها، تطلعت ببصري لاطمئن علي رفاقي ، ثلاث من طياري المقاتلات يقبعون داخل طائراتهم المسلحه انتظارا لاي طارئ لينطلقوا خلفي الي السماء مدافعين عن قاعدتهم ووطنهم وبلدهم ـ كلما انطلقوا انطلق معهم ملك الموت ، فهذا الملك مصاحب لنا في كل طلعه نكاد نحس به ونراه اثناء القتال الجوي المتلاحم مع العدو وحتي اثناء التدريبات ، فقد مات من الطيارين الشباب اثناء التدريبات اكثر ممن ماتوا خلال النكسه وحرب الاستنزاف وهو دليل علي وحشيه التدريب وقوته .
أحسست بالملل يتسرب الي بدون ان أشعر ، فدوري في الحاله الاولي يستمر لمده ثلاث ساعات طويله ومؤلمه ، هربت من الملل بتذكر ابني عمرو فأحسست بالالم فجأه ففي اخر مرة كان معي بالمطار ، كنت مربوطا الي مقعدي في الحاله الاولي كما انا الان ، وانطلقت الخرطوشه الخضراء في سماء المطار ، معلنه حاله طوارئ واقلاع طائرات الحاله الاولي فورا ، كان عمرو علي رجلي داخل كابينه الطائرة يتعلم مني الطيران نظريا ونلهو قليلا ، لكن الخرطوشه الخضراء تعني لي ان مصر في خطر ، مصر تنادي علي ان احميها ، فما كان مني الا انني القيت بابني من الكابينه في رد فعل تلقائي وغريزي لكي اقلع في اسرع وقت ، واقلعت سريعا لدرء الخطر عن مطاري وعندما عدت الي المطار ، وجدت ان رجل ابني قد ُكسرت ، فأحسست بالالم رهيب ومازلت احس به كلما تذكرت تلك الذكري ، لكني اعود واوقول لنفسي ان الموقف لو تكرر لاتخذت نفس الموقف ، فما وزن ابني فلذه كبدي مقارنه بمصر ؟ لا وزن له نهائيا فكل شئ فعليا يهون في سبيل مصر ، وما حدث لي كرد فعل تلقائي أكد ذلك وادركت بعده أن مصر قد استولت علي تماما ، ولم يعد هناك حتي لابني مجال للمنافسه امام حبي لمصر .
لقد اثرت فينا نكسه يونيو 67 تأثيرا عميقا وادت الي وجود عقده نفسه لدينا ، عقده جعلتنا نهرع الي الصعود للجو كلما لاح في الافق شبه خطر ، فلم نعد نطيق ان نظل علي الارض وطائرات العدو تعربد في السماء منتهكه سمائنا وارضنا
فأصبح الاقلاع الفوري جزء من تدريبنا وتطورنا في ذلك التدريب لنصل لمستوي راق جدا أثار دهشه الخبراء السوفيت أنفسهم ، فالثانيه تصنع فارق رهيب بين طائرة تصوب نيرانها علي ، او ان اصوب عليها أسرع منها ، فالثانيه دهر في عالم الطيران ، ثانيه واحده تضعني في موقف المطارد بدلا من الطريد ، ثانيه تعيدني حيا لمطاري او تعيدني الي خالقي
احسست بغصه في حلقي عندما تذكرت نظرات لوم ابني لي وهو يتألم من رجله المكسورة عندما عدت من الاشتباك ، وظلت نظرات الالم تطاردني في كل مكان وانا اتذكرها لكنني طردت تلك المشاهد من عقلي عندما تناهي الي اذني صوت تلبيغات من قواعد جويه ومحطات رادار مختلفه برصد تشكيل معادي يقترب من قطاع الجيش الثاني ، يا له من شعور قاس مرير ، قطاع الجيش الثاني علي مسافه مائتي كيلو من مكاني وهناك بدل المطار ، اثنين وثلاث واربع ، بل اكثر من خمسه مطارات أقرب مني الي هذا التشكيل وتمنيت لو كان هذا التشكيل المعادي قرب مطاري ، لو كان قريبا لكنت ...... و ...... و....
نظرت الي رفاقي فوجدتهم متابعي التبليغات علي اللاسلكي بأهتمام بالغ ، لا استطيع ان اصف ما يحس به هؤلاء الرجال الذين لم يبلغوا منتصف عقدهم الثاني بعد ، شعور مرير استمر لسنوات ثلاث بعد وقف اطلاق النار عام 70 واصبحنا نمضي في التدريب وقتا ومجهودا اكثر مما نمضيه في اي شئ اخر في الحياه ، تدريب فقط منذ ثلاث سنوات حتي الان ، واصبح الشوق لقتال العدو يمثل شوق الجائع لوجبه دسمه ، لكن التعليمات الصادره هي تجنب الاشتباك مع العدو قد الامكان ، وهي تعليمات زادت من القيد المفروض علي اعناقنا بجانب قيد اللاسلم واللاحرب .
كان من الصعب علي كقائد تشكيل ان اكبح جماح رجالي معظم الوقت ، فهم شباب وملئ بالحماس والعزة والكرامه وحب الوطن ، وكان وجودهم علي الارض خطرا كبيرا مع مرور الوقت ، فانا اعيش معهم تماما كل يوم وكل ساعه وكل دقيقه واعرف ماذا يفكر فيه هذا او ماذا يريد ذاك ، لقد انصهرنا منذ مده في بوتقه واحده تسمي السرب 49 قتال واصبحنا عائله واحده ومنزلنا المطار ، فكان طبيعي ان اتعرف علي ما يفكر فيه اي من الطيارين الثلاث وهو يستمع الي تبليغات غرف العلميات بمسار التشكيل المعادي ، والذي اتضح لي من مسارة انه تشكيل استطلاع اسرائيلي ، فهم يتجولون في سمائنا بكل حريه كأنها بيتهم ولا حق لنا في طردهم بناء علي اوامر القياده .
تابعت التبليغات بكل انتباه ، فطائرات العدو اخترقت خطوط قواتنا شمال فايد واتجهت جنوبا لاستطلاع الجيش الثالث بكامله وكانت بذلك تقترب من السويس والمسافه تقل بينها وبيننا ، وبنظرة سريعه مع الطيارين اعطيتهم أمرا بالاستعداد ، كان الدم يغلي في عروقي بشكل رهيب ، فقد خيل لي ان تلك الطائرات تدخل محاوله اغتصاب امي مصر ، ولابد لي ان احافظ علي شرف أمي ولا يجب ان اسمح لتلك الطائرات بان تستمر في تلك المهمه بدون ان نعترضها .
كانت الاوامر المعروفه هي ترك طائرات الاستطلاع المعاديه تقوم بمهامها في الاستطلاع بدون التعرض لها حتي عمق ثلاثين كيلو متر من خط القناه وفي عمق دفاعاتنا ، وكان تكتيك القياده العامه غير مقبول بالنسبه لنا كطيارين شباب متحمس او كما كان يقول عنا الرئيس عبد الناصر شباب متهور ، فقبلنا الامر الواقع ونفذنا التعليمات علي مضض وكلنا نكتم غيظنا ونتمني ان يصدر لنا الامر بالاشتباك .
استمرت الطائرات المعاديه في تحركها تجاه الجنوب ومرت فوق السويس وكان اتجاهها مستمر في الجنوب وكانت مستمرة في الاقتراب من انتهاء مهمتها .
نظرت الي الطيارين الثلاث ووجدت الغضب يجتاح الملامح والاعين تطلب الاشتباك ، وفي لحظه ما لم اتمالك نفسي وانا استمع الي بلاغات غرف العلميات وقدرت الموقف سريعا ووجدت انني ارفض ان تنتهك بلدي بالقوة واظل علي الارض، واتصلت بضابط العمليات الطيار كسيبه في برج المراقبه وطلبت منه ان يضرب خرطوشه اقلاع لاربع طائرات من المطار (فنجر فور- اربع طائرات ) فأطلق الرجل خرطوشه اطلاق طائرتين بالخطأ ، وعلي الفور انطلقت بطائرتي ومعي الطيار حسن لطفي ، بينما انتظر الطيار صفاء الدين مصطفي كامل ومعه الطيار حسن الرافعي الامر بالاقلاع .
وفور الاقلاع وفتح اللاسلكي للاتصال بغرفه علميات المطار لاخذ التوجيهات بالاتجاه والارتفاع من الموجه الارضي رفعت الجمل ،و فور بدء عمل اللاسلكي بدأت اسمع صوت الموسيقي الجنائزيه علي موجه الاتصال الخاصه بنا والتي تعود الاسرائيليين ان يبثوها علي تردداتنا اللاسلكيه للشوشرة والتشويش علي اتصالاتنا والتي يقوم رجال من الخبراء السوفيت لدينا بتبليغها للاسرائيليين اول بأول وكنا نعلم ذلك ونتفاداه ، وكان الهدف من هذه الموسيقي هي بث موجه من الاحباط في نفوسنا ، لكننا تعودنا علي نقل موجه الاتصال الي موجه اخري تبادليه يعرفها المصريين فقط ونحتفظ بها سرا لانفسنا ونغيرها بأستمرار
أقلعت ومعي حسن لطفي واشرت له باشارة فور بدء اقلاعنا بأننا داخلين علي اشتباك مع العدو ولن يكون الامر كما تعودنا من قبل مجرد تحرش وتهويش ، وكنت اعرف ان حسن مثلي تماما يسعي للشهاده بكل قوة
وبدأت اطلب التعليمات بالاتجاه والسرعه من الموجه الارضي ، وبدأ الموجه الارضي اعطائي شرح كامل لموقف العدو – وكان اسم مطار بني سويف الكودي هو صفوان واسمي الكودي جاجوار ليدر
(قائد الفهود السوداء)
من صفوان الي جاجوار ليدر (( تشكيل العدو عبارة عن فينجر فور ماشي وسط خليج السويس و سيكش غرب الزعفرانه بـ اربعين كيلو )) اي ان عدد مقاتلات العدو سته طائرات
جاجوار ليدر (( اوكي دخلني عليه علي طول ))
صفوان (( اتجه اتجاه 150 درجه وارتفع الي ارتفاع 4 كيلو، ارتفاعات المعادي 4 كيلو و 3 كيلو ونص ويتجه للشرق))
جاجوار ليدر (( دخلني عليه علي طول ))
صفوان (( مش هنحلق ))
جاجوار ليدر (( هافتح الافتر برنر )) – اي زياده سرعه الطائرة للسرعه القصوي
كان الملاحظ لي فور اقلاعي ان الموجه الارضي ينفذ التعليمات الصادرة له بتجنب الاشتباك وظهر ذلك جليا بانه يخبرني بأنني لن الحق بطائرات العدو رغم ان المسافه بيننا 150 كيلو فقط وفي اتجاه متقابل ، اي انني يمكن ان اشتبك معها بسهوله ، ولم يكن احد غير الله وحسن لطفي يعلم بنيتي في الاشتباك الفعلي ، لذلك توقع الموجه الارضي انني ساظل اناور بعيد عن الطائرات المعاديه طمعا في ان تخاف وترتد لكنني كنت قد حزمت امري فور الاقلاع بانني مقلع للاشتباك مع العدو وليكن ما يكون حتي لو ادي ذلك لنشوب الحرب .
وفتحت السرعه الي السرعه القصوي وعلي يساري حسن لطفي ، وبعد ثوان اقلع حسن الرافعي ومعه صفاء الدين خلفنا لكنهم لم يعرفوا اتجاهنا ومكاننا بعد واسمهم الكودي جاجوار 3 و 4
صفوان (( الهدف بدأ يتجه لليمين المسافه 150 كيلو الساعه 11 بالنسبه لك ))
توضيح من الكاتب
الساعه 11 – ضع نفسك مكان مركز عقارب الساعه ستجد علامه الساعه 11 امامك الي اليسار قليلا
جاجوار ليدر (( اوكي ))
صفوان (( جاجوار 3 اتجه الي اتجاه 150 كيلو ارتفاع 4 كيلو ))
بدأ الموجه في بني سويف حشد الطائرات لكي يستعرض القوه امام قوه العدو الجويه لكنه لم يكن بنيتي في الاشتباك وعدم تنفيذ تعليماته الملاحيه
جاجوار ليدر (( صواريخ اون )) اي تسليح الصواريخ
جاجوار 2 (( روجر )) اي علم وتم تسليح الصواريخ وهو اخر احساس اقوم بتوصيله لزميلي عبر اللاسلكي الا وهو اننا داخلين للاشتباك الفعلي
صفوان (( جاجوار ليدر – موقف العدو كالاتي فيه فينجر فور معادي شرق الزغفرانه مسافه 20 كيلو ارتفاع 5 كيلو ويتجه شمالا ))
ولم ارد علي الموجه الارضي وقتها فهو يقوم بتوجيهي علي الابتعاد عن العدو بينما اخبرت صفاء في اللاسلكي انه هو جاجوار ليدر لكي ينفذ تعليمات الموجه الارضي ، وبدأ تشكيل صفاء والرافعي في الدوران لتنفيذ تعليمات الموجه لي انا ، وقد قصدت بذلك ان ابعد الموجه عني وان يستمر في الحوار مع صفاء وهو يظن ان يحدثني انا ، وعندما ظهر له علي الرادار ان هناك طائرتين تقتربان بسرعه كبيرة من تشكيل العدو ولا ينفذ التعليمات ، اصدر الموجه تعليمات بأقلاع فينجر فور من مطار بير عريضه واسم المطار الكودي هو الربيع بينما التشكيل اسمه الكودي ليدر 1
وبدأ الموجه اعطاء تعليمات لتلك الطائرات بقياده قائد السرب كمال فخر الدين بتدعيم تشكيل طائرتي لكي يظهر لليهود ان سته طائرات مصريه وخلفهم طائرتين خلفهم تقتربان منهم فيقوموا بالغاء مهمه الاستطلاع
لكن ما حدث غير ذلك .
فقد استمر جاجوار 3 بتنفيذ تعليمات الموجه لي انا ، فظل يدور في دوائر حول المطار بينما الموجه يحاول باستماته ان ينفذ تعليمات الاشتباك بعدم الاشتباك
صفوان (( ليدر 1 انت طالع من الربيع ؟))
ليدر 1 (( ايوة ))
صفوان (( اتجه اتجاه 180 ))
وكان الموجه في حيرة كبيرة فانا لا انفذ التعليمات الصادرة وأستمر في الطيران باتجاه مستقيم بينما ينفذها تشكيل صفاء والرافعي والفارق بيننا يزيد باستمرار والمسافه تقل باستمرار بيني مع تشكيل العدو
صفوان (( ليدر 1 هتخش علي جاجوار 1 عشان تكونوا تشكيل واحد))
المنصوري (( بس دخلني علي الناس اللي هناك )) اقصد الاسرائيليين
صفوان (( الناس اللي هناك لسه علي مسافه 120 كيلو )) لم يكن ذلك صحيحا ففي نفس الوقت كنت اري العدو بالعين المجرده ففي تلك الثوان رصدت اربع طائرات معاديه (فينجر فور) بينما هناك طائرتين (سيكشن ) يطير علي ارتفاع منخفض جدا فوق سطح الماء ، وهو تكتيك اصبحنا نحفظه تماما ، فالهدف مما يقومون به هو ان ارتفع للاشتباك مع الطائرات الاربع التي اراها جيدا ، في تلك اللحظه تطبق علي الطائرتين اللتين تطيران علي ارتفاع منخفض وتطلق النار علي في مقتل ، وانا متأكد تمام التأكد ان قائد هذا التشكيل عندما رصدنا في البدايه تأكد انه بصدد مقابله طيارين هواه ومجانين ، فطائرتين ميج 21 مسلحتين بأربع صواريخ واربعمائه طلقه ككل تدخل في مواجهه ست طائرات فانتوم مسلحه ب ثماني واربعين صاروخا وما يزيد عن ثلاثين الف طلقه .
لذلك كنت اكاد اري ابتسامه السخريه علي وجه قائد التشكيل الاسرائيلي وهو يعطي اوامرة بنصب كمين لهؤلاء الهواه الذين يدخلون النار ، لكنهم يقينا لم يكن يعلم انه امام طياري مصر الذين يطلبون النصر والشهاده معا واننا كنا ندخل هذه المعركه بدافع النصر وليس الانتحار، فلدينا من الثقه في أنفسنا ومعدتنا اكبر من ان ننتحر .

ورغم نداءات الموجه الارضي لي المتكررة وقائد تشكيل بير عريضه للانضمام الي التشكيل فلم ارد لانني
HIGH SPEED ATTACKبدأت بالفعل تنفيذ عمليه هجوم سريع
كنت اهدف الي الارتفاع خلف الطائرات الاربع الطعم لي ، ثم التف في مناورة مفاجئه الي الطائرتين اللتين في الخلف لاهاجمهم بقوة ومفاجئه وجها لوجه مستغلا المفاجئه
صفوان (( جاجوار ليدر حدد مكانك ))
لا رد من المنصوري والموجه يكرر النداء وبعد فترة صمت
المنصوري منفعلا (( رصدت طائرتين علي وش الميه )) واشرت الي حسن لطفي بمكان الطائرات ورد علي بالاشارة بانه رأها .
كانت حاله التخبط تشمل تشكيل صفاء والرفاعي وتشكيل مطار بير عريضه فهم يحاولون الانضمام لي وهم لا يعرفون مكاني والموجه يقوم بتوجيه طائرات صفاء الذين يستخدمون اسمي الكودي ظنا انه يوجهني
فالمسافه بيني وبينهم اكبر من 150 كيلو والموجه يعتقد انني وسطهم .
TURN TO THE LEFT صفوان (( جاجوار ليدر ابتعد تجاه اليمين ))
المنصوري (( انا شايف فينجر فور امامي وسيكشن داخل علي ))
يبدو ان حاله التخبط التي حدثت للموجه الارضي نتيجه عدم تحكمه في التشكيل قد ادت الي دخول موجه اخر وهو طيار قديم اسمه عثمان ذهني وهو طيار قدير جدا وحالت حالته الصحيه دون استمراره في الطيران ، فتم اسناد مهام التوجيه الارضي له لاستغلال خبرته الجويه الواسعه ، وتدخل عثمان ذهني في الحوار باسم صفوان 2 وكان صوته هادئا جدا وواثقا بدرجه كبيرة اراحتني كثيرا في الاشتباك
صفوان 2 (( احنا شايفين فينجر فور امامك علي ارتفاع 5 كيلو بس مش شايفين السيكشن ده ، تأكد من مسارك واتجه تجاه الساحل ومتعديش الخليج))
ويظهر صوت الموجه الاول مستخدما ميكرفون اخر صائحا في ذعر

(( متعديش الخليج – متعديش الخليج ))

وبدأت الاشتباك مع الطائرتين اللتين كانا ينصبان كمينا لي وفي اقل من ثلاثين ثانيه أستطعت بتوفيق الله ان اسقط طائرة فانتوم بصاروخين متتاليين عندما فوجئت بمناورتي انا وحسن تجاهها واعطتني تلك المناورة الافضليه في هذا الاشتباك ، فأطلقت صاروخين متتالين هما كل ما املك من صواريخ ، اول صاروخ اطلقته من مسافه كيلو ومائتي متر اصاب جناح الطائرة والصاروخ الاخر انفجر بها ، لتنفجر الطائرة ويتناثر حطامها علي مياه الخليج ، بدون ان ينجو اي من الطيار او الملاح

صفوان 2 (( جاجوار ليدر كومبانت تيرن واطلع الي 4 كيلو )) اي ناور وارتفع
جاجوار ليدر منفعلا (( كومبانت ايه ، انا مشتبك دلوقت مع طيارة معاديه ))
صفوان 2 (( متخشش وراهم ارضهم خليك فوق الخليج ))
كانت المعركه تجور رحاها بيني انا وحسن وبين طائرة فانتوم اخري بينما بقيه الفانتوم التي كانت طعم لنا تعود لنجده الطائرة المنفرده
صفوان 2 بصوت هادئ (( جاجوار ليدر–فيه فينجر فور معادي ارتفاع 4 كيلو مسافه 20 كيلو جاي وراك))
وهنا بدأت خطورة الموقف ، فطائرات العدو أستيقظت من الهجوم المفاجئ لي وبدأت تتعامل معي بينما الموجه الاول يحاول حشد الطائرات تجاهي لدعمي سريعا لنجده الموقف
ولم يكن هناك شيئا ممكن ان اقوم به سوي استمرار المناوره مع الطائرات المعاديه وكنت اعتمد علي صوت عثمان ذهني في النفاذ من طائرات العدو الاربع المقبله علي باقصي سرعه فصوته ياتي الي وكانه داخلالكابينه معي وليس علي مسافه 150 كيلو مني ،وكانت توجيهاته المستمرة لي باقتراب التشكيل المعادي تدريجيا وبسبب خبرته العاليه ومعرفته بي وباسلوب طيراني سببا في افلاتي من الطائرات الاربع .
فمع اقتراب الطائرات الاربع الاسرائيلي الاضافيه كنت قد استخدمت انا وحسن صواريخنا وطلاقات مدافعنا كلها في اسقاط الطائرة الاولي ومحاوله اسقاط الاخري .
صفوان 2 (( ليدر 1 اتجه الي منطقه 65- عشان تغطي جاجوار ليدر وهو راجع )) محاولا تصحيح مسار طائرات بير عريضه تجاه مكان المعركه لنجدتنا
صفوان 2 (( جاجوار ليدر – خلي بالك من المعادي وراك خليك جواه علي طول لو بتلف وراك اقطع عليه ))
الموجه يستمر في توجيهي خلال المعركه ناصحا بان اكون في موقف احسن من طائرات العدو
صفوان 2 (( ليدر 1 خش علي الخليج باتجاه 030 افتر برنر اون ))
وبدأت حفله من الطائرات الخمس الاسرائيلي علي طائرتينا ، فصواريخ الفانتوم وطلقاتها انطلقت علينا بغزارة لا حصر لها ، ولولا توفيق الله والتدريب العالي والثفه المتبادله بيني وبين حسن ما كنا نجونا من تلك الحفله ، فبدات انا وحسن نناور لتخليص كل مننا الاخر من طائرات العدو المتفوقه علينا عددا وتسليحا وكيفا ووقودا .
وينفذ حسن مناورة رائعه ليفلت من فانتوم في ذيله
جاجوار ليدر (( فري نايس يا حسن))
صفوان 2 (( المعادي بالنسبه لك الساعه 8 مسافه 6 كيلو خش عليه – خش عليه ))
جاجوار ليدر ((كومبانت يسار ))
صفوان 2 (( ليدر 1 خش عليه برنر اون ))
ليدر 1 (( اوكي – ارتفاعنا 7 كيلو اتجاه 060 افتر برنر اون ))
صفوان 2 (( جاجوار ليدر – الموقف عندك عامل ايه ))
جاجوار ليدر منفعلا (( مستمر في الاشتباك – شد يا حسن – شد يا حسن فوق ))
صفوان 2 (( جاجوار ليدر خلي بالك من الطائرات المعاديه ))
صفوان 2 ((ليدر 1 الموقف دلوقت طياراتنا مشتبكه مسافه 30 كيلو اتجاه 090 وراها طيارات معاديه مسافه 10 كيلو منها ))
صفوان 2 (( كمل علي اتجاه 270 يا جاجوار ليدر ))
فكلما بدأ صاروخ في الانطلاق من طائرة فانتوم كنا نطير تجاه الصاروخ لكي نسبقه قبل ان يبدأ جهاز توجيه الصاروخ في العمل ، ولا اعتقد ان هناك ثقه فيمن معك اكبر من انك تطلب منه ان يطير تجاه الصاروخ المعادي المنطلق نحوة لكي ينتحر الصاروخ ولا يتم توجيهه نحونا ويقوم زميلك بتنفيذ المناورة وينجو منها ويقوم هو بنفس الشئ معي ، فكأنما تراقص الاسرائيليين علي انغام مناوراتنا طوال ثلاث عشر دقيقه كامله لم تستطع اي طائرة اسرائيلي ان تصيب اي منا ، لدرجه انهم احسوا باليأس منا ، فما لدينا من وقود معروف لهم تقديرا وعودتنا الي اي مطار اصبحت مستحيله ، فمصيرنا الموت او علي الاقل سنخسر طائرتين مصر في امس الحاجه لهم .
ليدر1 (( جاجوار ليدر انت لسه مشتبك لسه ؟؟))
صفوان 2 (( ليدر 1 الاشتباك قدامك جري لك ايه ؟))
ليدر 1 (( انا مش شايف الاشتباك ))
صفوان 2 (( جاجوار ليدر الطائرات بتاعتنا داخله عليك كومبانت تيرن ))
صفوان 2 (( ليدر 1 الاشتباك بالنسبه لك الساعه 12 المسافه 25 كيلو اطلع لارتفاع 6 كيلو ))
ليدر 1 (( مش شايف حاجه ابدا !!!!!)
صفوان 2 (( ليدر 1 الاشتباك قدامك ارتفاع 4 كيلو ))
جاجوار ليدر (( الاشتباك مستمر – فين طياراتنا ))
صفوان 2 (( جاجوار 2 طياراتنا الساعه 9 عندك خذ بالك ))
صفوان 2 (( ليدر 1 شفت الاشتباك ؟؟!!))
صفوان 2 صائحا بعنف (( ليدر 1 اعمل كومبانت تيرن وارجع الاشتباك وراك مسافه 5 كيلو، اشتغل بقه ))
جاجوار 1 (( الفورميتر معايا ومعناش الا 200 لتر بس)) وكلمه فورميتر تعني الطائرة رقم2اي حسن لطفي
صفوان 2 (( محدش يعدي الخليج ))

كان تشكيل الدعم القادم من مطار بير عريضه غير متمكن ان يدخل الي المعركه بسبب السحاب الكثيف فلم يتمكن من رؤيه المعركه للدخول في الاشتباك رغم توجيهات الموجه الارضي ، لكن الطائرات الاسرائيليه المزوده برادارات مستقله رصدت هذا التشكيل وتوقعت اشتراكه في المعركه في اي لحظه
كنت ادعو الله ان ينجينا مما نحن فيه ، فمنذ اقلعت انا وزميلي كنا في يدي الله تصويبنا بقدرته ، وحياتنا بمشيئته ، ونجاتنا بقدرته .
وفجأه تتخلص الطائرات الاسرائيليه من الاشتباك ، وتخلصنا نحن من الاشتباك ايضا ، وبدأنا نتجه غربا للعوده الي فوق الاراضي المصريه ، فالاشتباك كله دار فوق مياه خليج السويس .
ويظهر صوت قائد السرب49 المقدم تميم مخبرنا في اللاسلكي بتعليمات صارمه
تميم (( كل التشكيلات ترجع للقاعده)) ويكرر الامر
ويرد كل قاده التشكيلات الطائرة بالعلم فيستطرد المقدم تميم
تميم (( جاجوار ليدر ارجع للقاعده ))
جاجوار ليدر (( وجهني علي بير عريضه انا علي حافه الخليج )) رغم ان وقودي لا يكفي الا لاقل من دقيقه لكني رغبت ان اقترب من اتجاه اي مطار مصري بقدر الامكان
ويخبرني حسن بعوده الطائرات الاسرائيلي خلفنا مره اخري ، ويقول لي ان ما لديه من وقود هو 200 لتر فقط اي ما يسمح بالطيران لمده دقيقه واحده فقط ، فأشير اليه بالاشتباك مع طائرات العدو التي تفاجئ بنا نعود للاشتباك مرة اخري رغم وضعنا ، فلا وقود لدينا ولا سلاح ، فماذا نكون سوي مجانين تسعي الي الموت سعيا ،
جاجوار ليدر (( ورايا طائرات معاديه ))
صفوان 2 (( دي طياراتنا احنا ))
جاجوار ليدر (( بقولك ورايا طائرات معاديه ))
صفوان 2 (( كل الطيارات ترجع بير عريضه ))
صفوان 2 بصوت حاسم (( اللي معاه طيارات معاديه يشتبك علي طول ))
كنا نحاول ان نصطدم بطائرات العدو لتدميرها ، وعندما أيقن اليهود انهم امام طيارين من نوع اخر غير معهود لديهم ، تخصلوا من الاشتباك مرة اخري وهو ما يعتبر في عرف الطيران هزيمه لهم
وانسحبوا .
وبدأنا نتجه تجاه الساحل وانا معي 100 لتر فقط من الوقود باحثا عن مكان يصلح للهبوط السريع ، واذا بي افاجأ بمدفعيات مضاده للطائرات تنطلق نحونا من احد الوحدات الارضيه (اللواء الاول ميكانيكي )

صفوان 2 (( كل الطيارات تنزل بير عريضه ))
جاجوار ليدر (( معايا 100 لتر يا جدعان ))
تميم صائحا في صفوان (( بيقولك وجهني علي بير عريضه ))
ليدر 1 (( في طيارةهيلكوبتر بتلمع علي ارتفاع منخفض جدا الساعه 1 عندي ))
وكانت تلك طائرة هيلكوبتر اسرائيلي تطوف الخليج بحثا عن ناجيين من الفانتوم المحطمه
ويتدخل صفاء الدين في الحوار معلنا بهدوء وضعه من الوقود ومكانه
جاجوار 3 (( معايا 1600 لتر وانا فوق مطار بني سويف ))
تميم (( فيه 12 طيارة في الجو دلوقت ))
ونظرا لسوء موقفنا فلم يكن لتلك المضادات الارضيه اي فارق علي حالنا ، مجرد انهم صعبوا علينا الامر اكثر ، فقمت بالاتصال بقاعدتي وابلغتهم بانني ساهبط علي الطريق واخبرتهم بمكاننا لارسال طائرة هيلكوبتر لالتقاطنا .
وبعد ان قمت بالدوران للهبوط وجدت تشكيل يقوده زميلي سيد رزق أسمه بلاك ليدر يقترب مني ويخبرني انه سيقوم بحمايتي حتي اهبط ليحدد مكاننا بدقه للانقاذ القادم لنا
تميم (( اللي عايز ينزل علي الطريق ينزل ))
وأخبرت حسن ان يكون اعلي مني لكي اختار مكانا اهبط عليه اولا لكي اختبرة فأن مت يختار هو مكانا اخرا يهبط فيه ، وبدأت الهبوط علي الطريق الذي يحدوه الجبال من الطرفين بينما ساحل البحر خلفه كأصعب ما يكون الهبوط ، وفجأه يتوقف محرك الطائرة ، وكانت تعليمات الخبراء في كتيب الصيانه ان الطيار يقفز فور توقف المحرك لان جميع اجزاء الطائرة تعمل بالهيدروليك وتتوقف تماما عن العمل فور توقف المحرك، مما يعني انعدام التحكم بالطائرة
وتم الاستعانه الكامله بالله واخذ القرار بالهبوط لانني كنت اريد ان يكون انتصارا كلاملا حتي النهايه ، فلا يجب ان يفوز الاسرائيليين بأي شئ في هذا الاشتباك ولو حتي تدمير طائرة لنا لان وقودها قد انتهي .
ولمست عجلات الطائرة ارض الطريق بعد متر او اثنين متر من حافه الطريق لتندفع الطائرة علي سرعتها لافاجئ بعربه مقطورة امامي يقفز ركابها منها فزعا ويتركونها امامي علي الطريق
فرفعت مجموعه العجلات الخلفيه فورا ليبدأ باطن الطائرة في الاحتكاك بالارض وتتوقف الطائرة فورا وسط الرمال علي جانب الطريق.
اما حسن لطفي فقد خانه تقدير بدايه الطريق ، وعندما بدأ الاقتراب النهائي للهبوط ، لمست عجلاته الخلفيه
حافه الطريق البارزة ما بين الاسفلت وبين شاطئ الخليج ، لتنقلب طائرته وتنفجر ويستشهد حسن لطفي بعد ان ادي واجبه كاملا ، ويزف الي الجنه في اجمل واطهر ما يكون اللقاء .
هبطت من الطائرة ساجدا لله لتنهار قواي وانا ساجد ويغمي علي ، لتبدأ الاصوات تعود الي ببطء علي صوت طائرة هيلكوبتر اسرائيلي تقترب مني محاوله ان تأسرني ، نفس الطائرة التي ابلغ عنها ليدر 1 ، لكن المضادات المصريه طردتها بسرعه ، وايقن رجال اللواء المصري ان الطائرة الاسرائيليه تبحث عن طيار اسرائيلي كعادتهم دوما، فتوجهوا نحوي واسروني اوسعوني ضربا وانا مغمي علي ولا اقوي علي الكلام وسببوا لي كدمات في العمود الفقري .
فقد كان رجال هذا اللواء المعزول علي ساحل الخليج عرضه لالاعيب العدو الشيطانيه ، فكانت طائرات الهليكوبتر المعاديه تطير فوقهم ليلا وتلقي معلبات الاكل والعصائر ، فيظن الجنود انها هليكوبتر مصري خاصه وان الجو ليلا والرؤيه صعبه ومن في الطائرة يتحدث العربيه .
وفور تجمع الجنود حول امدادات الغذاء يتم القاء براميل نابالم عليهم وحصد ارواحهم حرقا، فكان حقد جنود هذه الوحده المعزوله علي الاسرائيليين وخاصه الطيران الاسرائيلي عظيما ، وعندما وجدوني لم ينتظروا اي يتعرفوا علي .
وصلت طائرة هيلكوبتر مصري لالتقاطي وبها عدد من الفنيين للاطمئنان علي طائرتي يقودها الطيار عمر لطفي والذي كان في دهشه مما يراه ، فلاول مرة يشاهد طيار مصري طائرة مقاتله تهبط علي طريق وتظل سليمه خاصه طريق بهذا السوء ملئ بالحفر ، فما كان منه الا انه اكتفي بترديد سبحان الله وهو مندهش.
وعدت الي مطار بني سويف ، وتم وضع شباك تمويه علي الطائرة لحمايتها واخفاءها
في ذلك الوقت كان اللواء طيار حسني مبارك في زيارة الي ليبيا فاعطي تعليمات بان تظل تلك الطائرة علي الطريق حتي الصباح التالي حيث ان الطريق يؤدي الي الكريمات ثم حلوان حيث ورشه اصلاح الطائرات والتي بدورها ارسلت سيارة نقل وجرار قطر طائرات لشحن الطائرة .
المفاجأه ان طائرة هيلكوبتر اسرائيلي هبطت ليلا لقطع الطريق علي سياره النقل التي من المفترض انها تجر الطائرة لكن قرار اللواء مبارك بتاجيل نقل الطائرة ادي الي تفادي الوقوع في هذا الكمين بعنايه الهايه عجيبه ، وفي الصباح التالي عثرت دوريه من حرس الحدود علي اثار تلك الطائره وبقايا معلبات اسرائيلي بجوارها .
عدت الي قاعدتي لاجد اللواء نبيه المسيري اركان حرب القوات الجويه منتظرني في المطار لكن الفنيين والجنود والطيارين زملائي الذين علموا بتلك المعركه حملوني علي الاعناق والهتاف بحياه مصر لانال اعلي تقدير معنوي اناله في حياتي من احد .
وتمت مناقشه نتائج المعركه مع اللواء المسيري فورا بعد ان تلقيت منه التهانئ ، وتلي ذلك تكريم من اللواء حسني مبارك ثم من المشير احمد اسماعيل ثم من الرئيس السادات نفسه حيث اخبرته انه لو عاد بي الزمن لقمت بنفس العمل لان كل شئ يهون في سبيل مصر وكرامه مصر
وبسبب هذا الاشتباك نلت وسام الشجاعه ووسام النجمه العسكريه ، وحاليا ترقد طائرتي التي شاركت في هذه المعركه وبعدها في حرب اكتوبر ببانوراما حرب اكتوبر وارقامها 8040 .

المنصوري امام طائرته الميج 21



الفانتوم الثانيه تناور داخل دائرة قتل طائرة المنصوري ويلاحظ في اسفل الصورة بقعه الزيت الخاصه بالطائرة المنفجرة الاولي


http://up.almsloob.com/uploads/image...a2f00ab926.jpg

منقول من منتدى ساحات الطيران العربى
http://www.4flying.com/showthread.ph...E3%CC%E4%E6%E4

[مظهر صفوت]

شكرا استاذى العزيز على المعلومات القيمة التى ترد على الالة الاعلامية الصهيونية التى تدارى خيبة جنودها المخنثين باختلاق الاكاذيب وتصوير المقاتل المصرى بالمتهور المجنون المندفع الذى نهايته مهما فعل ستكون الموت على يد الجندى الحكيم المتدرب جيدا الاسرائيلى.وده شغل دعايةقذرة لكن على مين؟؟؟ برضه فى الاخر هاننتصر وده وعد الله.

[pro mada]

المشاركة الأصلية كتبت بواسطة AHMEDCAR هو فى ايه ؟؟؟؟؟

و حياتك يا ابو حميد معرف

[Romeeoo]

سلامو عليكو
يا جماعة الموضوع ده حايبقى موضوع طويل على حلقات ان شاء الله
الموضوع معتمد على ترجمات من كتب تنمية بشرية أجنبية مترجمه ومنشورة ف منتدى شهير بإسم تظبيط وتم اغلاقه من فترة طويله

الحلقة الأولى قوانين للتعامل:
ملحوظة:ياجماعة كل القواعد المذكورة او بعضها عارف ان فيه ناس حاتختلف عليها وتشوف انها لا اخلاقيه من الوهلة الأولى فياريت ياجماعة نعرف ان الأساليب دى ممكن تكون صح او غلط حسب استخدامك ليها وانته المسئول الأول عن استخدامها
فياريت تبقى المناقشة بموضوعية وبدون شخصنه والا مش حاقدر اكمل الموضوع

القانون الاول: اوعى تسرق الاضواء من الريس بتاعك
دايما خلى الى اعلى منك مطمنين من انهم احسن منك. بمعنى انه موش علشان تبسطهم وترضيهم تزودها فى استعراض مهارتك علشان كده انتا هتوصل معاهم للعكس, هتخليهم يقلقو منك ويحسو بالنقص. كل ما تحسسهم اد ايه هما جامدين كل ما انتا هتعلى فى نظرهم.


القانون التانى: متحطش ثقة اكتر من حدها فى اصحابك واتعلم ازاى تستفاد من اعداءك
خلى بالك من اصحابك, مكن يكونو اول ناس يخنوك علشان هما ممكن يغيرو منك بسهولة. هما ممكن سعات مدلعين ومستبدين فى قرارتهم معاك, لكن لو رجعت تتعامل مع واحد افشت عليه زمان هيبقى مخلص ليك اكتر من صاحبك, علشان فى حجات كتير هو لازم يثبت ليك انها اتغيرت فيه, الخلاصة حرص من اصاحبك اكتر من اعداءك, لو انتا موش ليك اعداء دلوقتى, اخلق شوية هينفغوك قدام

القانون التالت: خبى دوافعك
خلى الناس فى حيرة وبعيد عن النور, بمعنى انك عمرك ما تقول ايه هو الهدف من تصرفاتك. طول ما هما موش عارفين انتا ناوى على ايه, موش هيعرفو يحضر دفاع او رد فعل. توهم وخليه يفكرو فى الاتجاه الغلط. لما يجى الوقت الى يفقسوك يكون الوقت ده متاخر اوى

القانون الرابع: دايما اتكلم اقل من الازم
لما تحاول تبهر الناس بكلامك, كل ما ترغى وتلك وتعجن اكتر كل ما تبان انك شاب عادى فى نظرهم, وبيقل تحكمك فى الموقف. حتى لو كان الحوار الى بتحكى فيه غريب. هيبان الذ بكتير طول منتا مخلى الموضوع غامض ونهايته مفتوحه ويحير حبتين. الشخصيات القوية بتبهر الناس بكلام قليل بس تقيل. كل ما ترغى اكتر كل ما بيزيد الاحتمال انك تعك

القانون الخامس: حجات كتير معتدمة على سمعتك وبرستيجك, احميهم باى طريقة
البرستيج هو اساس قوة الشخصية, عن طريقة السمعة بس ممكن تكسب فى مواقف كتير, لكن لو سمعتك بقت فى الارض, موقفك هيبقى ضعيف وهتلاقى الف كلب بيحاول يعض فيك. احمى سمعتك بجدار من فولاذ. خليك صاحى لاى محاولة ولو صغيرة لتضيع البرستيج بتاعك وافكسها قبل ما تكبر. فى نفس الوقت اتعلم ازاى تشيل اعداءك من الصورة عن طريق فتح اخرام صغيرة فى سمعتهم, بعد كده اقف بعيد وخلى الناس هيا الى تسلخ فيهم

القانون السادس: خليك ملفت للانتباه تحت اى ظرف
معظم الناس بتحكم بالمظهر, الى حاجة الى موش بتبقى واضحة بتطير من الحسبان. اوعى تخلى نفسك تتوه فى زحمة الناس. ميز نفسك وخليها ملفتة للانتباه, خلى عيون الناس عليك, امشى فارد صدرك, لبسك جرىء حبتين, عامض شوية موش زى بقية الناس



القانون السابع: خلى الى حوليك يعملو ليك الشغل بتاعك, بس انسب الفضل كله ليك
استخدم حكمة وخبرة ومجهود الناس الى حوليك لتحقيق اهدافك انتا, لانك لو عملت كده موش هتوفر وقتك ومجهودك وبس, دا نتا كمان هتبان كانك معدى جدا فى المهارة وسرعة الانجاز. فى الاخر الى ساعدوك هايتنسو وانتا بس الى الناس هتفتكرك. اوعى تعمل حاجة بنفسك طول ما فى حد غيرك ممكن يعملها ليك.

القانون التامن: خلى الناس هيا الى تيجى ليك, عشمهم بحاجة لو كان ضرورى
لما بتجبر حد تانى هو الى يتصرف, بتبقى انتا متحكم فى الموقف. الاحسن دايما انك تخلى عدوك هو الى يجى لعندك, وينسى مصالحه هو. عشمه واقنعه انه مصلحته معاك, بعد كده اتحرك ضده. الكروت كلها بقت فى ايدك انتا

القانون التاسع: اكسب بافعالك وتصرفاتك موش بالجدل وكتر الكلام
اى انتصار لحظى انتا حققته فى جدل او نقاش هو فى الحقيقة انتصار وهمى: الكره والرفض لشخصك الى حصل نتيجة كده هيعلم فى دماغ الناس دول اكتر من اى تغير مؤقت فى وجهة نظرهم. تاثيرك على الناس اقوى لو خلتهم يتفقو معاك فى الراى لما يشوفو افعالك, من غير متقول ولا كلمه. وريهم طريقتك شغالة ازاى موش تعد تديهم محاضرة

القانون العاشر: ابعد عن الناس الكئيبة و النحس ممكن يعدوك
بسهولة ممكن يتقضى عليك من كائبة واحد انتا تعرفه, المشاعر معديه زى الامراض بالظبط, ممكن تحس انك بتساعد واحد بيغرق بس انتا فى الحقيقة بتعجل بخراب بيتك انتا. سعاة المنحوس ده هو الى بيجب النحس لروحه, وهيجبهولك انتا كمان. خليك دايما مع الناس الذيذة ووشها حلو على الناس.

القانون الحادى عشر: اتعلم ازاى تخلى الناس تفضل معتمده عليك
علشان شخصيتك تفضل مستقلة لازم الناس الى حلوليك تفضل عاوزاك ومحتاجاك موش العكس. كل ما الناس يعتمودو عليك اكتر, كل ما تبقى حر اكتر. طول ماهم معتمدين عليك علشان ينبسطو ويقضو وقت حلو طول منتا مطمن وموش خايف. اوعى توعيهم للدرجة الى تخليهم موش محتاجينك تانى

القانون التانى العشر: من فترة للتانية خليك كريم وصريح علشان الناس تديك الامان
حركة واحدة فيها كرم ووضوح تدارى كتير على بلاوى سودة. لانها بتخلى حتى الناس الشكاكة موت تديك الامان. ولما يحصل ده هيبقى ضعفو من ناحيتك, وده هيديك الفرصة تضحك عليهم وتستغلهم. هدية غير متوقعة فى وقت موش محسوب بتعمل نفس التاثير.

القانون التالت عشر: لما تعوز مساعدة من الناس العب على وتر المنفعة الشخصية ليهم موش عطفهم او كرمهم

لما بتدور على حد يساعدك, متوجعش دماغه بالجمايل وحركات الجدعنة الى عملتها معاه زمان. هيلاقى الف طريقة ينفضلك بيها. بدل ما تعمل كده دور على حاجة فى طلبك منه هتنفعه وتفيده, وركز كلامك كله عليها وعيشه الوهم, اكيد هيوافق وش ويكون فرحان كمان علشان هو شايف انه هيستافاد






القانون الرابع عشر: بين نفسك ليهم كصديق لكن اشتغل معاهم كجاسوس

مهم اوى تكون عارف كل حاجة عن المنافسين بتوعك, خلى ليك عيون تجبلك قرارهم علشان تفضل متفوق عليهم. او جمع المعلومات بنفسك. لو تقابلهم بصفة رسمية, اعرف ازاى تجرجرهم فى الكلام, اسئل بطريقة غير مباشرة علشان تعرف نقط ضعفهم ودوافعهم. مفيش فرصة متنفعش تكون مناسبة للتطقيس.






القانون الخامس عشر: دمر اعدائك تماما

كل القادة العظام على مرمى التاريخ عرفو ان العدو الى انتا خايف منه لازم تدمره تماما "هما اتعلمو الدرس ده بعد ما خدو على دماغهم كذا مرة", لو جمرة واحدة صغيرة فضلت مولعة, هتلاقيها بقت حريقة بجد بعد فترة, الخسارة بتبقى كبيرة لما توقف عدوك فى نص مشواره عن تدميره كليا, لانه فى الحالة ديه هو هيقوم على رجليه تانى وينتقم منك. دمر ليه نفسيته موش صحته.





القانون السادس عشر: غيب عليهم من فترة للتانية علشان تعلى قيمتك وبرستيجك

اى حاجة تكون متوفرة اوى بتقل قيمتها, كل ما الناس بتشوفك وتكلمك كل ما تبان بنى ادم عادى بالنسبة ليهم, لما تكون عضو فى مجموعة, لو قعدت مختفى فترة الناس هتتكلم عليك وتوحشهم اكتر. اعرف امتا تختفى. على قمتك بعدم التواجد الدائم.





القانون السابع عشر: خلى الى حواليك فى حالة قلق دائم, خليك غير متوقع الى حد ما

احنا كبشر عادتنا بتحكمنا وبنحب اوى نشوف الناس الى حولينا بتتصرف زينا, لما تكون انتا متوقع فى تصرفاتك ده بيديهم احساس بالامان. اقلب الترابيزة عليهم, تصرف مطرقع ملوش هدف هيخليهم يهنجو منك, ويقعدو يجبو دماغهم يمين وشمال علشان يلاقو تفسير للانتا عملته ده, بس خلى بالك لو زودت فى الحركة ديه هيتنخنقو منك ويقلقو منك موت.





القانون التامن عشر: اوعى تبنى قلعة بينك وبين الناس علشان تحمى نفسك, العزلة خطر جدا
الدنيا خطيرة والناس الى غاوية شر موجودة فى كل حته, كل واحد لازم يحمى نفسه, العزلة ممكن تبان فى الاول ائمن حاجة ليك بس بالعكس هيا بتاذيك اكتر ما بتحميك, انتا كده بتحرم نفسك من خبرات وتجاارب مهمة, وهتبقى غلبان وصيدة سهلة, احتك بالناس كون علاقات, هيحموك ويوعوك من الناس الشر.

القانون التاسع عشر: اعرف انتا بتتعامل مع مين, اوعى تهاجم الشخص الغلط
الناس اشكال والوان فى الدنيا ديه, اوعى تفكر ان كل الناس هتصرف بنفس الطريقة لما تتعامل معاهم. انصب او قرطس بعض الناس هيفضلو طول عمرهم يجرو وراك علشان يتنقمو منك. الناس ديه بتبقى ديابة لابسة فرو خروف. اختار ضحايك و اعداءك بحذر وحكمة, وبعد كده اوعى تعض او تخدع الشخص الغلط



القانون العشرين: اوعى تنحاز لحد
العبيط بس هو الى بيجرى وينحاز لحد ضد التانى. اوعى تنحاز لحد غير نفسك. طول منتا مستقل بذاتك, هيبقا ليك سيطرة على غيرك. وقع الناس فى بعضهم وهما يجرو وراك



القانون الواحد وعشرين: اعمل عبيط علشان توقع واحد عبيط, دايما بان للناس انك اغبى مقارنة بمستواك الى انتى بس عارفه
مفيش حد بيحب يبان اغبى من الناس التانية. الفكرة انك تخليهم يحسو انهم عباقرة وازكى منك بمراحل كمان. لما يقتنعو بكده عمرهم ما يشكو ان عندك دافع خفى من ورا ده كله



القانون الاتنين وعشرين: استخدم حيلة الاستسلام, حول ضعفك لقوة
لما تكون ضعيف اوعى تعمل عنتر, احسنلك تستلم فى الحالة ديه. الاستسلام هيديك الوقت علشان تجمع نفسك تانى, وقت علشان تعذب وتخنق الى هزمك, وقت لحد ما يبتدى يضعف. اوعى تسمح ليه يفرح بشابه علشان حاربك وعرف يهزمك, استسلم انتا الاول, حركة زى ديه هتحرقله دمه وموش هتخلى ناره تبرد. خلى الاستسلام وسيلة لكسب القوة



القانون التالت وعشرين: ركز قوتك وطاقتك
حافظ على قوتك وطاقتك عن طريق انك تخليها دايما متركزة عند اقوى نقطة فيها. انتى بتكسب اكتر لما بتلاقى منجم مليان دهب وتفضل تحفر فيه اكتر, بدل ما تفضل تنطط من منجم ضحل للتانى, التركيز بيكسب التعدد كل مرة. لما بتدور على مصدر قوة يعليك, دور على شخصية واحدة بس تكون جامدة موت, البقرة المربربه الى هتفضل تديك لبن لاطول فترة ممكنة



القانون الرابع وعشرين: عيش دور الشخصية اللبقة موت
الشخصية البقة موت بيلاقى نفسه فى العالم الى بيدور حولين القوة والشطارة. هو استاذ فى اللف والدوران, بيجامل ويقدر رؤسائه, بياكد على وجه نظره وسلطته بطريقة سلسه وغير مباشرة. اتعلم وطبق قوانين اللباقة وسعاتها موش هيبقى فى حد للمستوى الى ممكن توصل ليه فى القوة والسيطرة

[FONT='Arial', 'sans-serif']القانون خمسة وعشرين: عيد اكتشاف نفسك[/FONT]

[FONT='Arial', 'sans-serif']اوعى تقبل القوانين والاسطمبات الى بيحطك فيها المجتمع والناس الى حوليك, عيد اكتشاف نفسك, طور شخصية جديدة بتلفت الانتباه ومستحيل الناس تزهق منها. خليك مسيطر على الصورة بتاعتك الى بتظهر بيها قصاد الناس, اوعى تخلى الناس تحددها ليك وتحطك فى قالب معين, خلى فى شوية دراما فى وقفتك وتصرفاتك وانتا بره البيت, قوتك الشخصية هتتحسن كتير وشخصيتك هتبان جامدة اوى ومفيش حاجة فى الدنيا تعرف تكسرك.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون السادس والعشرين: دايما خلى اديك نضيفة[/FONT]

[FONT='Arial', 'sans-serif']لازم تبان قصاد الناس مثال يحتذى بيه فى التحضر والكفاءة, ايدك عمرها متوسخت بالغلطات والحركات الواطية. تقدر تحافظ على الصورة المثالية الى موش قيها نقطة سودة بانك تخلى الناس التانية كبش فدا تستخدمهم علشان يعملو الشغل القذر ده بدالك, وتفضل محافظ على صورتك قصاد الناس.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون السابع والعشرين: العب على وتر رغبة الناس انها تصدقك, هيفضلو طول عمرهم يمشو رواك[/FONT]

[FONT='Arial', 'sans-serif']الناس عندها رغبة ملحة انها تصدق وتعتقد فى حاجة معينة, استغل الرغبة القوية الى عندهم ديه, اديهم هدف جامد وطريق يمشو فيه علشان يحققو الهدف ده, خلى كلامك غامض بس مليان بالوعود, ركز على الحماس اكتر من المنطق والتفكير العقلانى. ادعى التابعين بتوعك طقوس يمارسوهاو خليهم يضحو بحجات علشان خاطرك. اعتقادهم الجامد فيك واقتناعهم بهدفك هيحط فى ايدك سيطرة موش ليها حدود.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون التامن والعشرين: خش على المعركة بجراءة[/FONT]

[FONT='Arial', 'sans-serif']لو انتا موش متاكد تصرفك هيوصلك لفين بالظبط, متقولش هاحول وخلاص, الشك والتردد هيضعفو عزيمتك لما تجى تنفز وتنجز. اهتزاز الشخصية خطر جدا عليك, الاحسن ليك فى الحالة ديه تخش بجراءة. اى غلطة هتعملها نتيجة الجراءة تقدر تصلحها بجراءة اكتر منها. الناس كلها بتحب الراجل الجرىء, محدش بيفتكر المهزوزين.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون التاسع والعشرين: خطط الطريق الى هتمشى فيه من اوله لاخره[/FONT]

[FONT='Arial', 'sans-serif']النهاية هى كل حاجة, خطط طريقك كله لغاية عندها, حط فى اعتبارك كل التوابع الممكنة لتصرفاتك, المشاكل, والتربات الى ممكن تحصل وتضيع مجهودك كله وتخلى الصيت كله يروح لغيرك. لما تخطط لحد النهاية, عمر ما الظروف الى حوليك هتلخمك وهتعرف انتا مفروض تقف امتا. براحة وجه الحظ ناحيتك وتوقع المستقبل كل ما انتا تفكر وتبص لقدام اكتر.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون التلاتين: دايما بين للناس ان انجزاتك ديه بتعملها من غير تعب خالص[/FONT]

[FONT='Arial', 'sans-serif']تصرفاتك لازم تبان طبيعية جدا وبتعملها بمنتهى السلاسة. كل التعب والتدريب الى انتا عملتهم, كل الحيل الذكية, كل ده لازم تخبيه عن عيون الناس. لما تتصرف, اتصرف بسلاسة وكانك ممكن تدى اكتر من كده, اوعى تقع فى فخ الفشخرة الكدابة وتعرف الى حوليك انتا بتتعب فى الشغل قد ايه, هتجيب شوشرة موش ليها لزمة لنفسك. متعلمش حد الحيل بتاعتك علشان وارد اوى انهم يعملوها فيك.[/FONT]

[FONT='Arial', 'sans-serif']القانون الواحد وتلاتين: اتحكم فى الاختيارت المتاحة للناس, خليهم يلعبو بالكروت الى انتا مديها ليهم بس[/FONT]
[FONT='Arial', 'sans-serif']احسن انواع الخداع الى بتبان فيها انك بتدى الطرف التانى حرية الاختيار, الضحايا بتوعك هيحسو انهم متحكمين فى الموقف, بس فى الواقع هما عرايس بتلعبها بايدك. اديهم الاختيرات الى كلها هتبقى فى صالحك مهما نقوا اى حد فيهم. اجبرهم على انهم يختارو الاخف من تربين, الاتنين بيكونو فى صالحك. حطهم على مفترق طرق وكل طريق فيهم العن من التانى. فى الحالتين هما الى خسرانين.[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون التانى وتلاتين: العب باحلام الناس[/FONT]
[FONT='Arial', 'sans-serif']الناس بتهرب من الحقيقة علشان مرة وبتوجع القلب. اوعى تجبر الناس على مواجهة الحقيقة والواقع لو عملت كده توقع منهم القرف والكره لسيادتك علشان فوقتهم من الحلم الجميل الى كانو عايشين فيه. الدنيا قاسية وكلها ضغوط علشان كده الناس الى بتخلق الرومانسية والاحلام الوردية بتبقى زى الواحة الى فى قلب الصحرا, كل الناس بتجرى عليها. فى قوة وسيطرة جامدة اوى فى اللعب باحلام الناس.[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون التالت وتلاتين: اعرف الصمولة الى فاكة فى الشخص الى قصادك[/FONT]
[FONT='Arial', 'sans-serif']كل واحد عنده نقطة ضعف, شق فى جدار قلعته. نقطة الضعف ديه بتبقى شعور بالنقص, مشاعر موش بيعرف يتحكم فيها او احتياج لحاجة معينة, ممكن تكون حاجة معينة بتبسطه بس خايف الناس تعرفها عنه. فى جميع الاحوال اول ما تكتشفها, هتيقى صمولة فاكة فيه ممكن تلعبلو فيها لمصلحتك الشخصية.[/FONT]

[FONT='Arial', 'sans-serif']القانون الرابع وتلاتين: خليك برنس فى الستيل بتاعك, اتصرف زى الملوك علشان تتعامل زيهم[/FONT]
[FONT='Arial', 'sans-serif']الصورة الى بتبين نفسك بيها للناس غالبا بتحدد الطريقة الى هيعاملوك بيها, على المدى الطويل لو انتا كان الستيل بتاعك مستفز او عادى زى بقية الناس الكلام ده هيخلى الناس موش تحترمك. الملك بيحترم نفسه وده بيشجع الناس ويوحى ليهم بنفس الشئ ناحيته. لو كنت برنس فى تصرفاتك وواثق من امكانياتك. هتخلى نفسك تبان للناس كانك برنس مستنى يلبس التاج بتاعه.[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون الخامس وتلاتين: احترف استخدام فن التوقيت الصح[/FONT]
[FONT='Arial', 'sans-serif']اوعى تبان انك مستعجل, الاستعجال بيبين للناس قد ايه انتا موش عارف تتحكم فى نفسك او فى الوقت بتاعك. دايما خليك صبور كانك متوقع ان كل حاجة هتجيى لغاية عندك. عود نفسك على اكتشاف اللحظة المناسبة, خليك واعى ومدرك للى بيحصل حواليك وايه المواقف الى هتجبلك قوة وسيطرة. اتعلم تتقل لما يكون الوقت موش مناسب ولما تيجى اللحظة الحاسمة اهجم بكل قوتك.[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون السادس وتلاتين: احتقر الحجات الى موش تعرف تطولها, الطناش ليهم بيبقى احسن انتقام[/FONT]
[FONT='Arial', 'sans-serif']لما بتهتم بمشكلة صغيرة بتديها قيمة ولزمة. كل متهتم بعدوك اكتر, كل ما تخليه اقوى, والغلطة الصغيرة بتكبر وتبان اكتر لما بتحاول انتا تلصحها. سعات بيقى احسن حاجة انك تسيب كل حاجة فى حالها. لما تكون حاجة نفسك فيها وموش هتطولها, بين احتقارك ليها كل متقلل اهتامك بيها, كل ما هتبان برنس اكتر[/FONT]
[FONT='Arial', 'sans-serif'][/FONT]

[FONT='Arial', 'sans-serif']

[FONT='Arial', 'sans-serif']القانون سبع وتلاتين: اخلق مشاهد جذابة[/FONT]

[FONT='Arial', 'sans-serif']اللوحات الجذابة والحركات الكلاس اوى بتدى هالة من القوة, كل الناس بتنبهر بيهم. اخلق مشاهد للناس الى حوليك مليانة بحجات مبهرة ورموز قوية علشان تعلى الحضور بتاعك عندهم, من كتر ما هما مبهورين بالمشهد ده صعب يخدو بالهم انتا بتعمل ايه بجد – من وجه نظرى ده السبب الى بيخلينا نحب نجوم السينما رغم البلاوى السودة الى بيعملوها.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون تمنية وتلاتين: فكر بالطريقة الى تعجبك لكن اتصرف زى غيرك[/FONT]

[FONT='Arial', 'sans-serif']لو مثلت فيلم انك ماشى ضد التيار, وعمال تتفشخر بافكارك الغريبة وطرقك الى موش متعارف عليها, الناس هتفتكرك عاوز تلفت انتباهم بس و تحسسهم انك احسن منهم. هيلاقو طريقة يعاقبوك بيها علشان حسستهم بالنقص. خليك فى الامان اندمج مع الناس وركز معاهم فى التجاارب المشتركة بينكم. شارك تميزك عن غيرك ده مع اصحابك الى دماغهم كبيرة والناس الى اكيد هيعرفو قيمة كلامك الجديد ده – موش اى حد من معارفك تقولو على الموقع ده مثلا, هتلاقى الف واحد دماغهم صغيرة وموش عارفين هدف الموقع بجد.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون تسعة وتلاتين: حرك الميه علشان تصاد السمك[/FONT]

[FONT='Arial', 'sans-serif']الانفعال والمشاعر المبالغ فيها دايما بيقو ضدك. لازم تفضل دايما هادى ولك هدف. لكن لو خليت اعدائك ينفعلو وانتا اعصابك بارده, انتا كده كسبت الموقف. خل توازن اعدائك, دور على الشرخ الى فى كبريائهم اللى ممكن تهزهم بيهم, كده يبقا انتا كده كسبت الموقف وبقو زى الشخشيخة فى ايدك.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون اربعين: احتقرالغدوة الى ببلاش[/FONT]

[FONT='Arial', 'sans-serif']الحاجة الى بتتقدملك ببلاش ممكن تكون خطر ليك, غالبا بيكون ورها خدعة اوى جميل هيطلب منك قدام. الحاجة اللى ليها قيمة تستاهل يدفع فيها. لما بتصرف على نفسك بتبعد نفسك من الشعور بالجميل لحد والاحساس بالذنب والخديعة. من الحكمة برده تدفع تمن الحاجة كله, مفيش حمرقة مع النجاح والتفوق. خليك كريم بفلوسك وعلطول جيبك عمران, الكرم دليل على القوة والسيطرة – معظم الناس الناجحه ابتدت من الصفر وكونت نفسها بنفسها.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون واحد واربعين: اوعى تحاول تملى مكان شخصية مهمة[/FONT]

[FONT='Arial', 'sans-serif']الحاجة اللى بتحصل الاول دايما بتبان احسن وفريدة من نوعها اكتر من اى حاجة بتيجى بعديها. لو جيت ورا مكان شخص جامد او ابن حد مشهور, لازم مجهودك يبقى مضاعف عشان تبان احسن منهم. اوعى تتوه فى ضلهم, او تددفن فى ماضى هما الى عملوه, ميز نفسك وشخصيتك, اتبع اسلوب وطريقة جديدة. قلل من شأن اللى قبليك واكسب القوة والسلطة عن طريق التميز والتجديد فى الطريقة بتاعتك انتا.[/FONT]

[FONT='Arial', 'sans-serif'][/FONT]

[FONT='Arial', 'sans-serif']القانون اتنين واربعين: اضرب الراعى والغنم الى حوليه هيتفرق[/FONT]

[FONT='Arial', 'sans-serif']اى مشكلة لما يتمشى وراها بتوصل لشخص واحد قوى بيكون هو السبب فيها, بيكون مثير للبلبلة او واحد كحيان بس مغرور او سفير للنوايا الحسنة. لو سبت النوعية ديه من الناس تتعامل, هيجذبو ليهم ناس كتير, اوعى تستنى لما المشكلة تكبر او تحاول تتفاوض معاهم, موش هتعرف تتشريهم. اتخلص من تاثيرهم فى الناس عن طريق عزلهم او نفيهم. اضرب مصدر المشكلة والغنم هيتفرقو[/FONT]

[FONT='Arial', 'sans-serif'][/FONT]
[FONT='Arial', 'sans-serif']القانون تلاتة واربعين: اشتغل على قلوب وعقول الناس[/FONT]
[FONT='Arial', 'sans-serif']لما بتجبر الناس على حاجة بالقوة هتعمل رد فعل فى الاخر هينفخك انتا, اجذب الناس وخليهم هما الى يعوزو يمشو فى سكتك. الشخص الى بتجذبه ليك هيبقى خادم مخلص ليك. علشان تجذب الناس ليك اشتغل على نفسيتهم ونقط ضعفهم. اضعف مقاومتهم ليك, العب على مشاعرهم والحاجت الى تهمهم والحجات الى بيخافو منها. تجاهل قلوب وعقول الناس يبقى اكيد هيكرهوك جدا.[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون اربعة واربعين: جرد الاسلحة واحرق الدم, خليك مراية[/FONT]
[FONT='Arial', 'sans-serif']المراية بتعكس الواقع, بس هيا احسن طريقة للخداع برده, لما بتقلد اعدائك, وبتعمل زى ما هما بيعملو بالظبط, موش هيعرفو خطتك. اسلوب المراية ده هيئلس عليهم ويحرق دمهم, هيخليهم يخرجو عن شعورهم. لما بتبقى مراية تعكس نفسيتهم, هتغويهم بوهم انك بتشاركهم فى مبدائهم, ولما بتبقى مراية بتعكس افعلاهم, بتعلمهم درس, نادرة اوى الناس الى بتعرف تقاوم اسلوب المراية ده.[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون خمسة واربعين: اقنع الناس بالتغير, بس اوعى تحاول تغير فيهم كتير فى وقت قليل[/FONT]
[FONT='Arial', 'sans-serif']كل الناس فاهمة اهمية التغيير والتجديد فى حياتهم, بس لو بصيت عليهم يوم ورا التانى هتلاقيهم عبيد للعادات بتاعتهم. لو زودت عيار التجديد عليهم هتخلق مصيبة سودة, وفى الاخر هيتفرعنو عليك. لو انتى لسا واخد وضع قوة جديد, او دخيل عاوز تعمل جماهرية ليك, اعمل نفسك بتحترم الطرق القديمة الى كانو ماشين عليها, لو التغير ضرورىو خليهم يحسو انه تطور طبيعى للحورات القديمة.[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون ستة واربعين: اوعى تبان مفكش غلطة[/FONT]
[FONT='Arial', 'sans-serif']لو بنت احسن من الناس بتحط نفسك فى خطر كبير, والاخطر من كده انك تبان من غير غلطات او نقط ضعف. الحقد بيخلقلك اعداء بس مسكرتين عليك. من الذكاء ان من كل فترة للتانية تبين بعض العيوب وتتعرف ببعض العادت الى دمها تقيل شوية فيك, علشان تشيل الحقد من قلوب الناس وتبان بنى ادم طبيعى زيهم وتشجعهم يقربو منك. الكمال لله وحده[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون سبعة واربعين: اوعى تكمل فى سكة توصلك للهدف بتاعك بعد ما تحققه, لما تنتصر اعرف ازاى تفرمل نفسك[/FONT]
[FONT='Arial', 'sans-serif']لحظة الانتصار غالبا لحظة حرجة جدا. فى غمرة الفرحة بالنصر الغرور والثقة المبالغ فيها بنفسك ممكن تدفعك بعيد عن الهدف بتاعك, لانك لما تزودها, بتخلق ليك اعداء اكتر من اللى انتا هزمتهم دلوقتى. متخليش النجاح يلعبلك فى دماغك. مفيش بديل للتخطيط وحساب الخطوات. حط هدف لنفسك ولما توصل ليه فرمل نفسك.[/FONT]
[FONT='Arial', 'sans-serif'][/FONT]
[FONT='Arial', 'sans-serif']القانون تمنية واربعين: متخليش لنفسك شكل محدد[/FONT]
[FONT='Arial', 'sans-serif']لما بتعمل لنفسك شكل معين, وعامل خطة واضحة لغيرك, بتبقى معرض للهجوم. بدل ما تخد تيمة معينة ممكن اعدائك يفهموها, خليك مرن وعلطول فى تجديد. تقبل الحقيقة ان مفيش حاجة اكيدة مية فى المية ومفيش قانون ثابت. احسن طريقة تحمى بيها نفسك انك تبقى مرن جد وملكش شكل محدد زى المية, اوعى تعتمد على الاستقرار او الروتين الثابت. دوام الحال من المحال وكل حاجة بتتغير.[/FONT]

[/FONT]

[Romeeoo]

برو مادا
الموضوع ده انا عامله ليك
http://www.masrmotors.com/vb/showthr...552#post106552