ارشيف الاستراحة 2010

[sad-bird]

السلام عليكم

انا شاب مصري
زيي زي اي شاب مصري
غني فقير
اسرتي كبيرة او صغيرة
متعلم عالي او متوسط او بدون تعليم
انا في الاول والاخر

مصري

ودي المواصفات اللي أنا عاوزها

1. تتقي الله فيا وتعيني على طاعه الله
2. تساعدني في حياتي اني اطلع درجات السلم خطوة خطوة مش توقفني او تكسر مجاديفي او تسيبني في نص الطريق
3. تهتم بيا وبمشاعري وافكاري زي ما عاوزاني اهتم بيها وبمشاعرها وافكارها
4. تعملي في البيت كل اللي نفسي فيه من الانثي علشان لما اخرج برة البيت واشوف البلاوي اللي برة كتير عيني متروحش وراها وارجع الوم نفسي واحس بتأنيب الضمير او احس اني بعمل حاجة غلط
5. تهتم بيا وباولادي زي ما بتهتم بالتليفون واصحابها وامها واختها وجارتها
6. اهلها يراعو ظروفي وانا رايح اتقدم لها ويراعو اني مصري مش جنسية تانية واني مش قاعد على بنك او بير بترول ويحسسوني انهم عاوزين يستروني ويسترو بنتهم قبلي زي اهل امي ما عملوا مع ابويا
7. هيا نفسها تراعي ظروفي وتراعي اني مطحون في الشغل وبرجع تعبان وان اليوم الي هروح فيه ليهم بيكون جاي على اعصابي واني بروح علشان انا بحبها وبرتاح لما بكون معاها ولما نتجوز تعرف اني لما برجع من لاشغل تعبان وهلكان مش محتاك اسمع مشاكل الاولاد والجيران وفلانه عملت وفلانه جوزها ضربها وفلانه حصل كذا وعلانه ععملت كذا محتاج هدوء وسكون وراحة والفة ومودة ورحمة لما اشيل هموم الشغل من على اكتافي وبعدين ابقى اشوف هموم البيت مش من الدار للنار من غير ريست
8. تراعي ظروفي المالية ولا تحملني بما لا اطيق وفي الاخر ابقي انا المقصر
9. تسترني وتستر بيتي متبقاش كل كلمة او موقف في البيت تاني يوم الاقي امها وخالتها وعمتها وامه لا اله الا الله كلها عارفه
10. تتقي الله فيا ومتخونيش مع صاحبي والا ابن خالتها اللي كان نفسه ياخدها قبلي بس رفضته علشاني ( انا اسف اني بقول حاجة زي دي بس للأسف انا شوفت 4 نماذج حصلوا بالطريقة دي)
11. تربي ولادي كويس وتعرف كويس اني لو قادر اقعد في البيت وقت اطول معاهم كنت هبقى جنبها وايدي في ايدها ونربي ولادنا سوا وان غصب عني انا بشتغل شغلة واتنين وتلاته علشان اقدر اوفي اقل القليل ليهم علشان نقدر نعيش
12. تتقي الله في اهلي وتساعدني اني اصل رحمي ومتكونش سبب في التفرقة بيني وبين اهلي




تقريبا ده اللي في ذهني دلوقتي والبقية تأتي
ومستني ردود الرجالة اللي في المنتدي ويقولوا عاوزين ايه كمان وبنات المنتدي تقول هل ده موجود وممكن والا صعب ومستحيل
ومحدش يتريق ويقلي انت عاوز ملاك من السماء لان الملايكة مخلوقات نوارنية خلقها ربنا لعبادته وتنفيذ اوامره وطاعتها وخلقنا احنا في الارض علشان نرث الارض وما عليها وننتشر ونعمر في الارض

[sad-bird]

وعلشان خاطر انجكشن ادي توبك جديد اسمه عاوز اتجوز
يلا بقى نشطوه وقولوا الافكار علشان يبقى كتاب
http://www.masrmotors.com/vb/showthr...455#post234455

[فاطومه المصريه]

لا مش هنشطه خلى الرجاله بعيد عن هنا وخليهم ف موضوعك

[noura_taman]

أحجز اول مكان للرد أنا اول واحدة بس استنوا لما اخلص اللي في ايدي

[Injection]

ده على مارحت كتبت كومنت فى موضوع تانى, الموضوع هنا نزله شاى وكيك وكومنتات قد كده ومحدش قالى, ماشى, طب على العموم أنا جايب الجاتوه بتاعى معايا وجبت اللبن علشان نعمل شاى بلبن لأحمد.

أم أحمد(هههههههه) تعليق حضرتك جميل وواقعى جدا,وحالة البلد كلها برجالتها وسيداتها فى النازل, ربنا يخليلك أحمد ويفرحك بيه طول عمرك.

شفت يادوك, شكلك أنت عايش فى يوتوبيا ومش عايش فى مصر, خد تذكرة وتعالى بسرعة.

أمال كورسير فين مالهوش حس من الصبح, وأحمد باشا بدر ممتنع عن الكلام علشان ميبوظش صيامه.

وخالد باشا أمتنع عن التعليق خالص ولا أيه, فين أكابرة المنتدى, فين التجارب ياجدعان؟.

أيه كلكم بتنقسموا ميتوزيا ولا أيه, محدش أتجوز, ماشى برضه متابع.