استفسارات تقسيط عام 2011

[sad-bird]

والله تعالى اعلى واعلم
البنك هيخصم منك فوائد اول سنة لانها اتكسرت وهيخصم منك مصاريف ادارية والباقي هيحسبهولك انت دفعت كام من الثمن وتدفع الباقي

[wahd]

المشاركة الأصلية كتبت بواسطة sad-bird والله تعالى اعلى واعلم البنك هيخصم منك فوائد اول سنة لانها اتكسرت وهيخصم منك مصاريف ادارية والباقي هيحسبهولك انت دفعت كام من الثمن وتدفع الباقي

معقوله هيخصم فوائد السنه كامله وانا مدفعتش غير اول 4 شهور؟؟

[drali]

انا كنت عايز اعرف هل ممكن الاقى دلوقتى عربيات نيو اكسنت مانيوال فى المعارض موديل 2010 مش 2011 وتكون لسه زيرو ممشيتش على اساس تكون ارخص شوية من موديل 2011 ؟

ولو فيه هتبقى فى حدود كام ؟

ولو ممكن اقسطها مع العلم انى ممكن ادفع 50000 مقدم هيبقى القسط كام لو على 60 شهر ؟

انا بشتغل معيد فى كلية الصيدلة

وانا اسف لو كنت طولت فى الأسئلة

[sad-bird]

طالما الورق دخل البنك ولسه مدفعتش بتدفع المصاريف الادارية فقط
لو دفعت اول قسط بتدفع فايدة سنة بالاضافة للمصاريف الادارية

الموضوع ده عرفته لما روحت اعمل الغاز للبيت كاش
كنا علمنا الاشتراك على انه قسط وقلت لملا يبقبو يوصوله ابقى اروح ادفع
فعلا جم وصلو المواسير قلت لما يصلوا الغاز نفسه ويحولوا
ركنت لما اتوصل تاني يوم روحت اسدد
قالولي نظام البنك هتدفع 100 جنية
ليه يا اخوننا انا مفيش ولا قسط
قالو مصاريف ادارية
مصاريف ادارية تبقى 20 - 30 - 50 لكن 100 ليه امال الفوائد هتبقى ايه
ردت عليا الموظفة قالت لو دفعت اول قسط هيتخصم منك فوائد السنة الاولى بالاضافة للمصاريف الادارية

الكلام ده من سنتين
وكان على بنك الاسكان تقريبا
ممكن حضرتك تتصل بخدمة العملاء في البنك اللي انت تبعه وتسألهم

[xabi]

اولا: اهلا بيك يادكتور ومنور المنتدى
ثانيا: انت لو دورت هتلاقى موجود..او حتى لو ملقيتش هتلاقى كسر زيرو بس حاجه بسيطه..بس بتبقى حالتها ذى الزيرو.
ثالثا :طالما حضرتك تقدر تجيب عربيه 2011 هاتها احسن من موديل السنه اللى فاتت لان ممكن العربيه تبقى مركونه فى المعرض مده طويله وكمان هيروح عليك سنه فى الضمان انت اولى بيها وكمان ممكن تلاقى كماليات احسن فيه من موديل السنه اللى قبلها.
اما بالنسبه للمقدم هتلاقى معارض كتير بتقسط..مش هتبقى مشكله بإذن الله حكايه القسط ده بس المهم تشوف معرض كويس