|
#401
16-08-2010, 02:16 PM
|
||||
|
||||
رد: أدب الرحلات
يا خالد باشا بجد اجد اجد امتعتنا
والعرب او البدو عندهم حكايات وقصص وعبر وحاجات كتييييييييييييييييييييييي ييييييييير محتاجين نعرفها وانا كان نفسي اعرف حد منهم واروح عليه لكن للأسف معرفتش لكن الشيء المؤسف والذي سيظل مؤسفا إلى ان يشاء الله هو عدم اهتمام الدولة بطبقات او فئات من الشعب وهذا بالتبعيه أدي إلى مشكلات عدم الانتماء والانتهازية والاعتمادية ..... إلي أخر قائمة من المشكلات المجتمعية والامنية أما احد المواقف التي عرفتها منذ فترة عن العرب فكانت عن المتواجدين في محيط القاهرة عرفت ان شركة الكهرباء تفدع لبعض شيوخ البدو رابت شهري مقابل خدمات حراسة لأبراج الضغط العالي والكابلات ، وكانت رده الفعل يومها شديده ( أي مجنون ذاك الذي سيحاول الاقتراب ولو مسافة خمسة امتار من اي كابل ولكني صعقت بالخبر انهم في احدى المرات تأخر الراتب او كان هناك توجه لمنعه فكان الرد عليهم بسيط في قمة بساطته تم سرقة كابلات الضغط العالي لمسافة طويلة وبدونالعثور على اي أثر لهذه السرقة وعن سؤالي كيف كان ذلك ؟؟ الضغط العالي صعب الاقتراب منه حتى عند عمل الصيانة يتم فصل منطقة العمل او خفض الضغط فيها حتى يتمكن العاملون او مهندسي الصيانه من مزاولة عملهم الموضوع في غايه البساطة هم يعرفون اتجاه سير التيار الخطوة 1 تجهيز المعدات والافراد ( سيارة لجر الكابل بعيده وافراد التنفيذ ورشاش آلي ) الخطوة 2 اطلاق اعيرة نارية على بداية الجزء المطلوب ونهايته ، وبالطبع البداية هي النقطة في المسافة التي يراد سرقتها وفي اتجاه التيار الكهربي (عندهم افراد قناصة تصيب الهدف من على مسافات بعيده ) الخطوة 3 ربط الكابلات في سيارة قوية وجرها لمسافة بعيده بععض الشيء لتحميلها بعد ذلك ولكن بعيدا عن مكان الابراج السؤال هنا اين هيا الشبكة واين الشرطة واين الشعب واين واين واين ؟؟؟؟؟؟؟؟ اولا هذا يحدث في المناطق المنعزلة والتي تتواجد فيها خطوط الضغط العالي لنقل الكهرباء من محطات النتاج إلى شبكات التوزيع او الضغط المنخفض ثانيا عند حدوث عطل فني يكتشف في محطة الوصول وليش محطة الانتاج ويتم التبليغ هاتفيا ان هناك خلل ما حدث ، فيتم ارسال افراد للمعاينة ، الوقت المتوقع لوصول اي جهة او اي هئية او اي فرد تابع للشبكة لا يقل عن نصف ساعه يكون تم تحميل الكابلات او على الاقل سحبها من الموقع او على ادني تقدير تم تنفيذ العملية لتقع شبكة الكهرباء في مأزق انقطاع التيار عنها وتكاليف الصيانه واعادة التيار جهاز الشرطة لابد من ابلاغه، فاذا كان اكتشاف مكان العلط يأخذ وقتها لا يقل عن نصف ساعه او اكثر فما بالكم في حال التراسل بين الجهات ورفع الامر لمستويات اعلى حتى يتم التحرك سريعا كل هذا يأخذ وقت هذا احد المواقف التي اذكرها عنهم ولكنهناك مواقف اخري جيده بل ممتازه ولا شك ان ليهم خبرات كثيييييييييييرة جدا نحتاجها نحن في حياتنا مثل بعض العلاجات او الاساليب الطبيعية في الطعام او العلاج او الحياة ، ومن النماذج الشهيرة ( علاج ضربة الشمس ، علاج لسعات العقرب والثعابين ، تحديد الاتجاهات بالنجوم والشمس ......... إلخ نسيت اهم نقطة وهي تخص الصديق العزيز أحمد بدر وهي ان اغلب العرب او البدو ان يم يكن كلهم متزوجون باكثر من واحده 2 3 4
__________________
ولا نقول إلا ما يرضي ربنا إنا لله و إنا إليه راجعون
|
|
#402
16-08-2010, 02:24 PM
|
||||
|
||||
|
رد: أدب الرحلات
العرب
مثلهم مثل باقى البشر فيهم الغنى وفيهم الفقير يفضلون السيارات النصف النقل ماركة تويوتا فقط وفوجئت انهم يحترمون ويقدرون السيارة النيسان واعتقدت ان ذلك ارضاء لى لكن فوجئت انها حقيقة فعلا يعنى رقم 2 عندهم النيسان وعلى حد قولهم لانها لها مواتير قوية تاكل الصحراء اكل طبعا هم يقصدون الجيب والنصف نقل ولاشىء غيرها وهم يسمون السيارات باسماء غريبة مثل الاسد والنمر وليلى علوى والجنيطشة(القنيطشة) وزوجة الاسد (مشوها مرات الاسد علشان مش هعرف اكتب اسمها هنا ) وافضل نوع لديهم هو الجنيطشة وهو غالى جدا وهى سيارة نصف نقل ذات غرفة سائق مزدوجة( دوبل كابينة) ماركة تويوتا طبعا بها 2 فتيس احدهما فتيس غرز به 4 سرعات وقد ركبتها ومشت وسط الرمال بسرعة غريبة جدا تصل الى 140 كيلو متر وهى مجهزة باحدث الوسائل من تكييف وسنتر وغيره يعنى الحكومة بتطارده وبسلامته مشغل التكييف وبيجرى منها ولذلك ستجد هذه السيارة منتشرة بصورة كبيرة فى العجمى تحديدا لانهم كثيرا منهم مقيمون هناك واصحاب عمارات كبيرة هناك ولهم محلات تجارية كبيرة هناك مثل محلات السجاد واللحوم والمطاعم الكبيرة بالعجمى
|
|
#403
16-08-2010, 02:59 PM
|
||||
|
||||
رد: أدب الرحلات
من حوالي 15 سنة تقريبا والدي شغله كان في سيناء من ضمن المفارقات الطريفة في بدو سيناء لو انت ماشي كمل شوية تلاقي عشة ( عشة يعني بيت صغير دور واحد وله مكان واسع مش عشة فراخ ) القصد انه بيت شكله بسيط من بره وتلاقي تعريشة صغيره كده ( يعني 4 عروق خشب وعليهم حاجة تحجز الشمس ) وتلاقي البيت فوق منه دش والتعريشة فيها ما شاء الله ( مرسيدس عيون ، بي ام ، جيب شيروكي) اللي هو اصلا انت تقف وتتنح تيجي ازي دي مع دي يعني اللي راكب عربية ب نص مليون او اكتر ومركب دش ( وقتها الرسيفر كان يوصل 3 او 4 الاف ) من باب اولى يوضب بيته او يعمله فيلا مثلا لكن هما عايشين كده البساطة في كل حاجة لكن الحضارة في اللي محتاجه واكتشفت بعد كده الموضوع ده عندنا في عرب بلبيس ، عمي كان له ارض في اخر بلبيس جنب العرب وكان عاوز يبيعها وروحت معاه وقابلنا المشتري وقعدت معاه وكان المقابلة عند واحد قريبة قصاد الارض بتاعتنا ودخلت البيت ما شاااااااااااااااااااء الله هوووووووووووووووووووووووو ووووووووووووووووووووووووو وو وادخل من حته اطلع من حته مش تقلي 300 متر ده كان يجي 2000 متر مرتاح ( ونقول مصر فيها ازمة سكن مفتريين انتو قوي على البلد خصوصا الاحمدين اللي كل شوية يقولوا عاوزين نتجوز ههههه) واكتسفت ان البيت ده سايبينه فاضي يمكن حد يعوزة او للمناسبات او علشان العمال الي بتشتغل في الارض ( كان عندهم مزرعة ورا البيت والبيت ده المدخل ليها ) المهم وانا بتكلم مع المشتري بيقلي انا عندي 3 بيوت تانيين واحنا راجعين شوارلي عليهم انا / امال عاوز دي ليه هو / قالي علشان اتجوز فيها هو انت مش متجوز اه معايا 3 في كل بيت واحده طيب ليه مش تعمل عمارة وتقعد فيها كل واحده في شقتها لا ليه اولا الترخيص مقرف واحنا مش بنحب نوجع دماغنا في الاجراءات والقوانين ( لان الارض كانت في مجال الكلية الجوية فلازم تاخد تصريح من القوات المسلحة لو هتعمل اكتر من 3 ادوار علشان يقولوا ان مفيش مشكلة وانه مش هيتعارض مع مجال الطيران والرادار) طيب اخر بيت ده قريب من المدينة يعني ممكن يتعمل عمارة قالي احنا كده منبحبش نعمل بيوتناعاليه هو البيت دور واحد وبس طيب كل بيت قدامه ارض واسعة ليه مش تعمل البيوت جنب بعضها والا انت خايف الحريم يتخانقوا مع بعض قالي مفيش واحد فيهم تقدرتعمل حاجة وكلهم قرايب طيب ليه مش بتعمل البيوت جنب بعضها بدل التشتت ده قالي علشان بنحب الوسع ولا يكون في البيت مكان واسع الاولاد يلعبوا فيه ونعمل اي حاجة عاوزينها فيه الغريب في الموضوع لما روحنا روحنا من طريق القاهرة الصحراوي والارض خمس دقايق من طريق فرعي اسمه طريق غيته لما رجعنا بقى لف بينا لفة طويييييييييييييلة ويدخل من شوارع وحواري معرفش طلعت ازاي اصلا بعد 10 دقايق لقيت نفسي في بلبيس المسافة تاخد نص ساعه خلصت في 10دقايق ازاي معرفش رغم اننا مش في صحراء ولا في ماكن يتوه لكن في اماكن ميعفهاش غيرهم وقالي دي العزبة بتاعتنا وقالي على اسم العيلة اللي هما اصل العزبة دي بس نسيته بس بيني وبينكم كنت خايف وقتها لحسن نكون بنتخطف لان كان معانا عقود الارض لكن جوز بنت عمي صعيدي وكان قلبة جامد واكتشفت بعد كده انه كان شايل سلاح معاه بس كان مداريه علشان كده مطمن فيه كمان حاجة غريبة فيهم اللكنة بتاعتهم اكنو بيتكلموا معانا عربي لغة عامية عادية وبينهم وبين بعض بيتكلموا بلكنه او لغه تانية غيرنا خاااااااااااااااااااااااا ااااااالص حتى مش تعطيش الجيم او الهمزة قاف ولا حاجة لااااااااااااا اني اترجم او افهم كلمة مفيش والراجل الكبير ( عم اللي كان بيشتري ) كان بيبصلي ويبتسم كذا مرة وبعدين في الاخر قالي متشغلش بالك ده انا بقوله على حاجة في الارض بيعملها لكن هيا لغوتنا كده قلتله بش انا عاوز اتعلمها قالي صعبه عليك خصوصا انك مش هتتكلم بيها يبقى ملوش لازمة
__________________
ولا نقول إلا ما يرضي ربنا إنا لله و إنا إليه راجعون
|
|
#404
16-08-2010, 10:03 PM
|
||||
|
||||
|
رد: أدب الرحلات
ونكمل موضوع العرب
صــافــى وصافى ده شاب من شباب العرب صحة وقوة ووسامة وكان مهرب قديم يملك الان عربية نصف نقل تويوتا قديمة تعب من التهريب وزهق بالاضافة الى ان احد اخواننا اقنعه بترك التهريب والعمل باى شىء اخر واول يوم روحنا الصحراء انا وهو كاد ان يقسمنى نصفين يومها وصلنا الى منطقة اسمها البرقان قبل العلمين ب40 كيلو وانتظرته عند نقطة اسعاف الكيلو 40 واتصلت به على الموبايل صافى /انت فين فى البرقان غيرمصدق طب اوصف المكان نقطة اسعاف وكمين مرور ومعسكر جيش و5 دبابات واقفة جوه المعسكر ايه ده اومال لما كلمتنى من شوية كنت فين كنت فى اول الطريق الدولى يعنى مشيت 95 كيلو فى نص ساعة ايوه وخلص بقى علشان الشمس اكلت دماغى بعد حوالى ساعة مرحبا مرحبا بيك ياعم صافى ايه التاخير ده والله ياابن عمى(لغوة فى لسانهم تدل على تقربه منك) انا مكنتش مصدق انك هتيجى فى الوقت القصير ده وانا باجى من مدينة الحمام لهنا فى تلت ساعة يالا بينا عربيتك مش هتنفع تخش الصحرا هتتكسر او هتتعبنا فى مشيها وهتعطلنا لان الطريق وحش سيبها جنب بتوع الاسعاف وهنركب السد بتاعى ماشى وهذا الاسد عربية نص نقل تويوتا قديمة لكن لها فى الجبال علامات وطبعا لان معايا ضيف فركبته جنبه فى الكابينة وركبت انا فى الصندوق وطبعا كان مكشوف مش مغطى والصندوق مليان كراكيب واستبن وحاجات غريبة ووقفت من فوق بلا اى خبرة وطبعا تراب الصحرا دمر عينى فاضطريت انام على الارضية واركن ضهرى على الصندوق وطبعا مشينا حوالى 30 كيلو اسفلت ثم بدأت المعاناة دخلنا على طريق بيسموه مدق وده عبارة عن طريق غير ممهد وعملته شركات البترول لكن المطرفى الشتاء بيخلى الارض طرية والتريللات لما بتمشى عليها والطريق طرى بتخلى الطريق عجيب وملىء بالحفر (وانا شخصيا انكسر شكمان ومقص واكسدام عربيتى على هذا الطريق ) والعربية تمشى عليه ترقص واذا مشى الطريق ممهد عبارة عن رمل تمشى عليه بالسيارة فتجد شىء طالع فى نص العربية تضطر تمشى عليه بالعجل اليمين او الشمال فتمشى العربية مايلة وصافى اكمنه مهرب فسواقته لاتعترف بأى طريق لان الحكومة لن تنتظر المهرب حتى يهدىء السرعة ويركب المطب وينزل او يدخل على حفرة وينزلها ويطلع منها وطبعا انا مكنتش فاهم كده المهم صدييقى لاحظ وهو فى الكابينة ان شعرى الحرير بدأ يطير وعلى الخدود يهفهف ويرجع يطير وصعبت عليه لان منظرى اصبح شوارع وقال لصافى / خالد متبهدل ورا وراح مفرمل فجأة روحت انا لابس فى الكابينة ودماغى كانت هتتعور وجالى صداع ونزل وقال لا لما تركب عربية داخلة الصحراء تنام على الارضية انما تركن ضهرك وتقف على الصندوق مينفعش الكلام ده ورمى لى شال لفيت بيه دماغى وعينى وبقيت عامل زى بتوع فيلم عمر المختار ونمت على الصندوق وبدأت المعاناة صافى بيجرى ولا كأن الشرطة بتطارده ويدخل على الحفرة ويطيييرلفووووق ولا كأن فى بنى آدم نايم ورا وانا اطير لفووووووووق وانزل على ضهرى ترااااااااااااااااخ آآآآآآآآآآآآآآى ى ى ى ى ى يخرب عقلك ياصافى وآجى اكلمه يكون دخل فى حفرة غيرها أروح طاااااااير وداخل بدماغى فى الحديد اللى ورا الكابينة وهو ولاااااااااااا هنا ولا اللمبى فى اللى بالى بالك لما اخد ورد وراح يطلع على الشجرة لمراته ووقع كذا مرة الله يخرب بيتك ياروميو 250 كيلو بهذا المنظر حوالى 5 ساعات وطبعا وصلنا وبكل غباء سألنى /مالك حصل ايه فقلت / لا ابدا اصلى جاى فى الميكروباس فضحك وقال تانى مرة متركبوش ووصلنا قطعة الارض اللى عليها العين والنية منظر الكون اللانهائى جميييييييييل وولع نار من شوية خشب كانو موجودين وجاب حلة كان لونها ابيض زمان ومن كتــر الطبخ فيها على النار بقت سودااااااااااااااااا وحط عليها لحمة وبصل قلت آآآآ آه هناكل بكرة وفوجئت بعد ربع ساعة اللحمة استوت وراح طابخ مكرونة وبعد عمل دمعة المكرونة رمى فيها اللحمة المستوية وانتظر شوية وجاب الاكل وانا توقعت انه هيكون أسوا اكل فى العالم لكن فوجئت بان اللحمة من اجمل اللحوم اللى اكلتها فى حياتى والمكرونة طعمها غريب لكنه الذ طعم مكرونة اكلته لدرجة انى اكلت لما تعبت وانا من عادتى مش بملا بطنى لكن الاكل كان ملوش حل وفوجئت بيه جايب جوز حمام وحاططهم فى قفص ومغطيهم واستغربت لاننا اكلنا وشربنا الشاى الاخضر كالمعتاد والحمام ده هناكله امتى فبص وضحك وقال / من الصبح وانت مراقبهم دول فعلا هيتاكلو بس مش احنا اللى هناكلهم اومال مين قال احنا بنسيبهم كده ومربوطين فى القفص لو شافهم صقر هينزل ياكلهم وبعد م ياكلهم نقبض عليه ونربط منقاره لان بيموت نفسه بمجرد اصطياده وبعد م تقبضو عليه؟؟؟ نبيعه باستهزاء / هيجيب كام يعنى بص لى وقال /اقل صقر بنصطاده ونبيعه ب 60 الف جنيه وبدهشة قلت /60 الف اومال انت فاكر ايه وفوجئت ان الصقور اسعارها غالية جداااااااااااااااا وان اسعار بعضها مثل الشاهين (المرسوم على علامة العربية الشاهين ) يصل سعره الى 300 الف جنيه ياللهول (يوسف وهبى مرة تانية) وملئت فمى ونطقتها مرة تانية 300 الف جنيه!!!!!!!!!! ياجاه النبى(عليه الصلاة والسلام ) وفضل مستنى جنب جوز الحمام اكتر من 3 ساعات كنا تجولنا فى الاراضى واخدنا فكرة عنها وعن الحدود والنظام وغيره ثم عدنا وهو لايزال منتظر ايه ياصافى مفيش نصيب الصقور واخدة اجازة النهاردة ههههههههههههه ياشيخ يعنى النهاردة يوم الجمعه بتاعهم يظهر كده وراجعين وركبت الضيف فى الكابينة وركبت جنبه فى الكابينة زحمة كده قلت/ انا اكلت علقة واحنا جايين وجسمى كله بيوجعنى ومش هقدر ارجع بنفس الطريقة فضحك وقال ماشى علشان انت حبيبى بس وفوجئت ان اقصى سرعة على هذا الطريق لاتزيد عن 40 او 50 وتعجبت كل المرمطة اللى انا شفتها دى والسرعة كانت 50 وهذا يدل على مدى قسوة الطريق وغباؤه فى الدخول على المطبات لكنها فى الاول والاخر سواقة مهرب يعنى هيمشى يطبطب على العربية
|
|
#405
17-08-2010, 03:46 AM
|
||||
|
||||
|
رد: أدب الرحلات
ولازلنا مع صافى
خلصت فى الارض واتصلت بجماعة قرايبى فى اسيوط استشيرهم لانهم خبراء فى الزراعة واستصلاح الأراضى وقالو/ عايزين عينات من الارض علشان نحللها فى معامل كلية الزراعة عندنا علشان نقوللك تزرعها ايه بالظبط واتفقت مع صافى عايزين نروح الارض عينى ياعم خالد خير ان شاء الله هناخد عينات من الارض الارض زى الفل م اناعارف بس العينات دى بتروح كلية الزراعة علشان يقولو لنا تتزرع ايه خلاص بكرة 6 الصبح نتقابل عند قرية الاسد على طريق اسكندرية الصحراوى(يعنى قبل اسكندرية ب48 كيلو) ايه ده ياعم طب انت ساكن جنبها لكن انا همشى 170 كيلو لحد عندها خلاص خليها 9 ماشى عايز جاروف كبير وفاس متخافش هجيبلك جاروف عندى محترم يحفر بير بترول بير بترول مرة واحدة و رد بحماس / ايوه اومال انت فاكر ايه ماشى ياعم يابتاع البترول 9 ونص كنت عنده لانى يومها ممسوك رادار مرتين (مرة السرعة160 / ومرة 150) ومعاه شنطة صغيرة اسمها جربندية (واللى مش فى الجوالة او ميعرفوهاش دى شنطة معمولة من قماش سميك غالبا خيش ولها جيوب كتيرة واحزمة كتيرة و دى بتتشال على الضهر ويمكن شفتو بعض الاجانب شايلينها) ايه ده ياعم فين الجاروف اللى هيحفر بير البترول موجود موجود فين هوريهولك هناك بس هنفوت على مدينة الحمام نجيب واحد معانا يساعدنا ماشى وانا اعتقدت ان الواحد ده هو اللى معاه الجاروف البترولى ودخلنا مدينة الحمام وقابلنا الراجل اللى جاى وجاى بايده فاضية صافى بلغة عرباوى / هووو شخبارك تعا (اخبارك ايه تعالى ) شريف (ده اسمه) / هوووووو كيف الحال (مش محتاجة ترجمة ) وين لكريك ( فين الكوريك / الجاروف) كريك ايش ماجلت البارحة شى (كوريك ايه مقلتليش حاجة امبارح ) وانا قلت ف عقلى يابن اللذينة دى اشتغالة يامعلم صافى / عموما انا عملت حسابى خفت تنسى انا / ياعم انت هتشتغلنى مفيش اصلا كوريك فضحك قال/ والله م تخاف هحفر لك بير بترول بعون الله ماااااااااشى ياعم ودخلنا من دهاليز مدينة الحمام وفوجئت بنفسى على الطريق الدولى (اسكندرية الصحراوى / العلمين ) وامام الكمين ووحدة اسعاف الكيلو 40 اللى بنركن عندها العربية لكنه ولانه مهرب قديم ومعروف تاريخه قال / هندخل من الصحراء ونلف حوالين الكمين ونرجع الاسفلت تانى يابنى طيب م هما شايفيننا ولا هيسألو وقد كان مشينا بعيد لحد م وصلنا عند محطة مياه العلمين ودى قبل بوابات العلمين بحوالى 25 كيلو ورجعنا تانى وجينا قبل الكمين بحوالى 5 كيلو انزل من هنا يااستاذ خالد حاضر ونزلت طريق رملى لكن معقول بس تنتبه للحجارة اللى عليه ولحد م خرجنا على الاسفلت تانى ولقيتهم بدأو يرطنو باللهجة العرباوى ولقيت نص الكلام مش مفهوم لانها بتعتمد على السرعة فى الكلام وقررت أأدبهم ورفعت السرعة حتى وصلت 215 وهنا واحد فيهم لاحظ ان تفاصيل الطريق بتمر بسرعة جدا وبيضرب عينه على عداد السرعة وتوقف تماما عن التنفس صافى / ايش فيه (فى ايه) شريف / العداد عامل 215 صافى /اهدى يااستاذ خالد فقلت / اصل انا قاعد لوحدى عايزيننى اعمل ايه صافى / ليش وحدك احنا معاك مين قال انتو بترطنو بلهجتكو دى وانا مش فاهم حاجة يبقو بتقولو حاجة مش عايزيننى اعرفها (رغم انهم من ترجمة نصف الكلام بيحكو فى موضوع ملوش قيمة بالنسبة لى لكن حبيت افهمهم ان كده عيب) صافى / طب نزل السرعة واحنا هنبطل كلام ماشى والله تنفع مهرب يااستاذ خالد هههههههههه اشمعنى قلبك ميت وممكن تجرى بسرعات عالية ده انا ايام التهريب عمرى ممشيت 200 ههههههههههههههههه ياراجل والله ياشيخ جاى من كام شهر ومعايا 300 لاب توب ودخلت بيهم على السلوم ودخلت الصحرا والظابط شافنى وجرى ورايا وبعدين وصلت 150 ومطلعتش عنها بس دخلت الصحرا توهته او هو خاف يتوه (خلو بالكو ان صافى ده كداب شويتين ) ورجع وسابنى وال300 لاب توب راحو لواحد فى اسكندرية واداك كام ملاليم طب والملاليم دى مش كنت جبت منها عربية احسن من التعبانة بتاعتك فقال دى تويوتا وايه يعنى يعنى الحاجة تويوتا والا تويوتا أوليا ء الله فضحك وقال هنا العرب لو جبت له طيارة ومعليهاش علامة تويوتا ميركبهاش ثم انت جرجرتنى فى الكلام رغم ان شكلك طيب وغلبان لكن دوجرم (ضوئرم /دوقرم) برضه طيبي يعنى بتاع اللاب توبات عشاك كويس فضحك اه والله عشانى كويس بس انت عارف يوم بنشتغل و10 لا وشايلهم فين ليه علشان اسرقهم ياعم خدهم من دلوقت وديتهم البنك ايه ده هو بيتكو بقى اسمه بنك دلوقت فضحك انا مش عارف الف عليك مهو انت متعرفش يعنى ايه بنك اصلا ضحك وقلت له متلفش وخلينا هنا وكنا خلاص داخلين على بداية الطريق الطويل الصعب وهو عبارة عن 80 كيلو مدق وعر جدا ولايصلح معاه الا العربيات الجيب ثم 60 كيلو اسفلت طريق اسمه طريق مدينة بدروهى خلف مدينة العلمين ثم 100 كيلو مدق وسرعة السيارة مهما كانت لن تزيد عن 50 كيلو فى الساعة على المدق اذا كان معقول و اول 10 كيلو فى الطريق لم استطع ان ارفع السرعة عن 20 كيلو لان الطريق سىء جدا وكانك ماشى 10 كيلو فوق عيون القط اللى بتنور على الاسفلت بالليل دى ومشينا فعلا ال80 كيلو ولان الاسفلت اسمه طريق البترول فممنوع الدخول لغير شركات البترول العاملة هناك وسيارات المهندسين والعاملين والغفر هنعمل ايه ياصافى خش بس على البوابة ميقدروش يوقفونى ليه بشخيط / ليه ده ايه هو انت فاكر نفسك راكب مع اى حد طيب ياعم متتنفخش علينا اوى كده ودخلت على الطريق طبعا الامن وقفنا رايحين فين صافى / بريمة 10 ممنوع ليش ممنوع من غير ليه والجو هيتكهرب واحنا فى الصحرا والعرب مخهم ضيق يعنى الحبه هتبقى قبة فى ثوانى فقلت خلاص نرجع ورجعنا 2 كيلو ل ورا وانا بتريق عليه طبعا لانه فهمنى انه رئيس جمهورية الصحراء وقال انزل من هنا هتعرف ؟؟والا اسوق انا ؟؟ قلت اسوق ابوها ونطيت بالعربية فى الصحرا ولفينا حوالين كشك الأمن من بعيد ودخلت على الاسفلت ودوست بنزين ونقيت حتة عدلة شوية ونزلت الاسفلت بص لى باعجاب كده وقال/ والله خسارتك ياعم فى التجارة والكلام الفارغ ده وعايزنى اشتغل ايه مهرب انا ضاحكا /لا ياشيخ فقال / ياعم بلاش المخدرات طالما زعلان منها اوى كده لكن الاجهزة مفيهاش حاجة هنتصرف لك فى جنيطشة (نص نقل تويوتا دوبل كابينة 2 فتيس تصل سرعتها فى الرمال الغزيرة الى 150 كيلو او اكتروبها كل الكماليات وثمنها حوالى ربع مليون جنيه ) وتشتغل بيها وهنجيبهالك ب120 الف بس ازاى ياعم متقطعة متقطعة يعنى ايه يعنى بتدخل هنا نصفـيـن على انها قطع غيارونلحم النصين هنا والرخص ؟؟ انت عايز تهرب اجهزة او مخدرات او اى حاجة بعربية ليها ملف فى المرور ؟؟؟ ده جنان ياعم احنا هنحط عليا رقم اونطة هنشتريه بالف جنيه وبعدين بغيظ / وبعدين ايه يعنى انا عمال الف وابرم عليك من الصبح مش عارف ودلوقت المخ الصعيدى حضر هههههههههههههههههههههه لا طبعا انا عايز افهم بس كل دهاليز الموضوع تصدج (تصدق) انا ابتديت اخاف منك ههههههههههه متخافش انا مبحبش ابقى ترس بيلف فى ماكينة وخلاص لكن لازم افهم كل حاجة بتدور حواليا ماشية ازاى ( وده سر انى فاهم حاجات كتير فى السكة الحديد) طبعا الحكومة لما بتطاردك لو هربت بيلقطو الرقم ويدورو عليه يلاقوه اونطة عاملين حساب كل شىء طبعا وهتدونى كام فى الشغلة دى مخدرات والا اجهزة ال2 وعينيه لمعت بعد كلمة ال2 المخدرات مشوارالعربية من الجزائر لحد الجيزة 6 مليون ومن كينيا 8 مليون ولو اتمسكت بيها محدش يعرفك ايه ده مفيش اخلاق فضحك انت عايز اخلاق من تجار المخدرات طيب والاجهزة قال على حسب يعنى الموبايلات لو صينى بتمن ولو نوكيا بتمن تانى واللابتوب بتمن كل حاجة ليها تمنها اااااااه ه ه ه ه كويس والله ايه يااستاذ لو نافوخك هيشتغل صح (؟؟؟؟!!!!) نرجع وسيبك من الزراعة هههههههههههههه هو كل اللى فات ده صح ؟؟؟؟؟؟ وهو ذكى جدا وفهم انى بتريق فقال خلاص اهو طج حنك وخلاص (يعنى رغى فارغ ملوش لزمة) قلت هفكر وبذكاؤه المعهود قال / انت مش هتفكر انت بتاخدنى على اد عقلى مخدرات ايه ياعم صافى صحيح قلبى ميت واقدر العب باى عربية بفضل الله لكن مش لدرجة المخدرات وهنا كنا وصلنا لمدخل الارض فقال ادخل من هنا بس دوس بنزين لانها عالية وانا زودت السرعة وانا طالع صرخت وقلت يابركة بسم الله فضحك وقال مهرب وهتقول يابركة بسم الله طبعا هما المهربين مش بيصلو؟؟؟ فبص باستغراب وقال بطريقة فيها تريقة/ طبعا بيصلو وفى المسجد كمان المهم دخلنا الطريق طريق وعر جدااااااااا ولم تزد فيه السرعة عن 40 ابدا وفوجئت بيه بعد شوية بيقول اييــه ياشيخ (كلمة ياشيخ دى تقال لاى حد معدى سن ال 40 )انت متعبتش من السواقة لا ازاى انت من 7 صباحا على الدركسيون ودلوقت 1 الضهر ايه المشكلة المشكلة عندى انا ليه؟؟ هو انت بتسوق قال انا تعبت وجعان ماشى ياعم ووقفنا فى الصحرا وفرشنا على الارض ملاية كان جايبها وقعدنا ناكل وكل تريللا معديه يحيينا ونعزم عليه ياكل معانا وبعد م ضيعنا ييجى ساعة مشينا وكملنا مسافة ال100 كيلو واخيراااااااااااا وصلنا الارض هات الكوريك اللى هتحفر بيه بير البترول طيب نصلى العصر الاول مااااااااااشى بعد الصلاة فين الكوريك بتاع البترول وفتح الجربندية الصغيرة اصلا ومد ايدده جواها وطلع جاروف طوله لايزيد عن 50 سم ايه ده ياصافى هو ده بتاع البترول ؟؟؟؟ اومال انت فاكر البترول زمان كانو بيطلعوه بالبريمة والا ايه ؟؟؟؟ انا / لا طبعا كانو بيحفرو بايديهم لحد م يطلعو بترول الله يخرب عقلك ياصافى اما ماحدث فى الارض والعودة فهذه قصة اخرى التعديل الأخير تم بواسطة خالدخليفة ; 17-08-2010 الساعة 04:36 AM
|
 |
|
|
