|
#396
16-08-2010, 12:14 PM
|
|||
|
|||
رد: أدب الرحلات
خلاص بقا كفايا عليك كدا وخلي الطابق مستور 
|
|
#397
16-08-2010, 12:16 PM
|
||||
|
||||
رد: أدب الرحلات
 P OLICEEPOLIC EE
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#398
16-08-2010, 12:17 PM
|
||||
|
||||
رد: أدب الرحلات
لما هيا عروستك مش اخدوك معاهم ليييييييييييييييييييييييي يييييه اكيد اكيد اكيد احمد ممدوح عاوز يتجوز ههههههههههههههههههههههههه ههههههه
__________________
ولا نقول إلا ما يرضي ربنا إنا لله و إنا إليه راجعون
|
|
#399
16-08-2010, 12:18 PM
|
|||
|
|||
التعديل الأخير تم بواسطة hazem_khidr ; 04-11-2010 الساعة 03:47 PM
|
|
#400
16-08-2010, 01:10 PM
|
||||
|
||||
|
رد: أدب الرحلات
ونرجع للعرب
وهؤلاء قوة معطلة فعلا عندنا الشاب طول النهار رايح الجيم جاى من الجيم ويدفع دم قلبه علشان تطلع له عضلة عبيطة يتمنظر بيها لكنهم هناك من معيشة الصحراء والجو النضيف تلا قى الواحد لو اتركن على الحيطة يهدها ماشاء الله لاقوة الا بالله صحة ربانى ونظرا للفقر والحاجة وضغوط الحياة لانهم ناس عايزين يعيشو فاشتغلو فى تهريب كل شىء وعلى رأس الاشياء المهربة المخدرات طبعا لان مكسبها عااااااااااااالى جدااااااا ويكفى ان واحد فيهم قال لى التويوتا الجيب (عربية قديمة كده لكنها فظيعة فى الصحراء كما يدعون ) تروح الجزائر وتيجى مشوارها بس ب6 مليون جنيه ياللهول (على راى يوسف وهبى ) 6 مليون ؟؟؟؟؟!!!!!! وحافظين جميع دروب ومسالك الصحراء وانا شخصيا عرفت بعض حاجات منهم وأذكر مثلا مرة جايين بالليل والطرق وعرة وشبه بعضها ومع ذلك ماشيين صح وفى الأول اعتقدت اننا تهنا لكن احساس المغامرة نفسه كان جميل والشعور بالخطر والاستعداد له مع الاستعداد للتعامل مع اى شىء ممكن يقابلك ده فى حد ذاته مغامرة لوحدها لكن مع مضى الوقت لمحت ترييللا ماشية اخيرا الاسفلت احمدك يارب وسالتهم مرة بتعرفو الطريق ازاى فقالو عن طريق النجوم ومجموعات النجوم وانا كنت متخيل انهم بيعرفو الطريق بطريقة تانية لانى كنت اتعلمت موضوع مجموعات النجوم فى الجوالة زمان ولما سألت ازاى فقال شايف النجمة اللى بتلمع دى أيوه لو خليتها على طرف عينك الشمال تبقى انت رايح على طريق الواحات ثم 6 اكتوبر بعد كده او الصعيد ولو خليتها على طرف عينك اليمين تبقى انت رايح على مدينة الحمام وانا هزرت وقلت لو خليتها بين عينيا ال2 ؟؟ فضحك وقال يبقى انت رايح فى داهية ههههههههههههههه لانك هتتوه وبهذه الطريقة تدخل جميع انواع البضاعة المهربة من كل دول افريقيا الى مصر ثم توزع فى اماكن بيعها سواء مخدرات او او اجهزة محمول او لابتو ب وهى اشهر انواع البضاعة لانه بكل بساطة يجب ان يتم تهريب ماخف حمله وغلا ثمنه لان اجرة المهربين عالية ولذلك دائما ماتجد افراد المخابرات العسكرية يطوفون الصحراء طول النهار ولكن فوجئت انهم يطوفون فيها احيانا بمساعدة العرب أنفسهم طب وايه الفايدة قوانينهم هما ليهم قوانينهم الخاصة ولايجوز تجاوزها فلو ارشد واحد منهم الحكومة على شخص مهرب ستقوم عائلته ولن تقعد ابدا وهم لايلجأون الى الشرطة او المحاكم بل لهم قوانينهم الخاصة ومحاكمهم المتمثلة فى جلسات العرب (قعدة العرب كما نقول ) والشخص المرتكب لجريمة تمس امنهم الخاص او استقرارهم او تمثل اعتداء على حقوق الغير يجلس فى مجلس من حكماء القوم من الجانبين فان لم يتفقو يجلس فى مجلس اخر من حكماء عائلة محايدة ويقبل بما يحكمون به ولايستطيع الفرار منه او الهروب او التنصل والا قتلوه ثم بعد ذلك يقوم بعمل وليمة ضخمة على حسابه الشخصى لكبار العائلتين واهل المتضرر وغالبا ماتكون من لحم الماعز او الابقار فهذا اساسى عندهم والفتة والعرب لايسرقون بعضهم ولا ينصبون على بعضهم ولكن منهم خربى الذمم فيمكن ان ينصب على اى منا لاننا بالنسبة لهم ناس من دولة تانية ولذلك فى معاملاتى معهم لااذهب بطولى بل اخد ناس اثق فيهم حتى لاتضيع حقوقى وللامانة طالما عرف انك مع فلان انتهى الموضوع ولو قال كلمة لايعود فيها ابدا ولايغيرها(طبعا هناك شواذ لهذه القواعد) ولذلك الحكومة الرشيدة لدينا تركتهم يبيعون ويشترون فى الاراضى الصحراوية بل ويرثون فيها ويتوارثونها حتى تخفف عن نفسها عبء مطاردتهم فى الصحراء وتهريب المخدرات بل وتعترف بعقودهم حتى وان كنت مشتريا من الحكومة بعقود رسمية ومسجلة فان ذهبت لتستلم ارضك يأتى من يقول لك هذه ارضى فان لجأت للحكومة تجد ردا واحد / اتراضى معاهم احنا مش هنقدر نعمل لك حاجة لان الحكومة تعلم تماما ان لديهم سلاحا وعصبية ولاتستطيع مواجهتهم ويحضرنى هنا شخص ما ذات مرة اغلق مدينة الحمام ومنع الدخول والخروج منها لمدة ثلاثة ايام وتعجبت اين قسم شرطة الحمام واين مديرية أمن مطروح واين وزارة الداخليه حتى يأتى حتة عيل صايع ويحاصر بلد بأهلها وفهمت ان هناك قواعد للعبة بين الجانبين ولايتخطاها اى منهم بل وان تخطاها احدهم يذهب الضابط لشيخ القبيلة ويحكى له القصة فيؤتى له بالفاعل ويتم ترضية المتضرر حتى لايدخل الفاعل الى السجن اعلم ان بعضكم لن يصدق هذا الكلام ولكنى رأيته بعينى واذكر انى رايت احدهم يقول / هادى (هذه ) ارضى ورد عليه آخر / بل ارض عيال(اولاد) عمك أرضك لسه بدرى عليها من كثرة مايتقاسمون الاراضى هو لايعرفها ولكن تجارة وتهريب المخدرات فى تزايد وتعجبت لذلك لكن زالت دهشتى حين عرفت انه بالاتفاق مع الفاسد المسئول عن الحدود يتم دخول هذه الشحنات وعلى البديوى (البدوى/الاعرابى)التصرف مع جميع الكماين واللجان التى تقابله فى الطريق فهذا الفاسد مهمته التى يتقاضى عنها اتعابا خياليه هي غض الطرف (الطناش) عن دخول البضاعة المهربة فقط بيـــوتـهم وهم فى معيشتهم تعودو على الاتساع (الوسع / البراح) فتجده يسكن فى بيت لاتقل مساحته عن300 متر او اكثر ويجعل منها جزء بباب خارجى عن البيت لاستقبال الضيوف ويسمى المربوعة (اى المكان المربع) وهو فعلا عبارة عن غرفة طولها فى عرضها غالبا لايقل عن 5متر فى 5 مترلها حمام خاص بها بعيدا عن البيت ومفروشة بطريقة دائريه بفرش بسيط عبارة عن شلت (جمع شلته ) كبيرة ومتراصة بجوار بعضها حول الغرفة ومابينها مساند لكى يستند عليها الضيف ان اراد ثم يوضع وسطها الاكل والشرب وكل شىء ولاتستطيع ان تجلس الا متربعا او متكئا لانهم لايضعون فيها اى كراسى الـشـاى وهم يفضلون الشاى الأخضر وهو عبارة عن اوراق يتم غليها فى الماء ثم يأتون بأكواب صغيرة جدا مثل المخصصة للقهوة ويضعها امامك وانت تشرب ماشئت كل ماعليك ان تصب الشاى وتشرب مرة و 2 و3 حتى تنتهى او تشبع او تصل الى قمة مزاجك وهم لهم طريقة عجيبة فى صب الشاى فهو حين يصب الشاى يجب ان يرفع البراد الى فوووق بمسافة تزيد عن النص متر عن الكوب الصغير اثناء صب الشاى ثم يهبط بالبراد حتى يمتلىء الكوب وذلك حتى تتكون رغوة على وجه كوب الشاى وبالهنا والشفا وكم عانيت وعانو معى من هذاالشاى فانا لا احبه ولا احب اكوابهم الصغير ة جدا فأنا صعيدى واحب الشاى الليبتون الناعم بتاعنا (يسمونه الشاى الملوث) ولا احب اكوابهم الصغيرة فأنا اشرب الشاى فى كوب كبير وعليه معلقتين او 3 شاى ليبتون حسب حجم المعلقة ودائما ما كنت اسبب حرج لمضيفى لان الشاى الناعم لايستعملونه بل ويشترون الباكو بجنيه ونص ثم منهم من يرميه بعد ان امشى ومنهم من يعطيه لى وانا ماشى ولما عرفت هذا الحقيقة بطلت شرب الشاى عندهم ولكنهم دائما يكونون مستعدين حين يعلمون انى قادم لهم علاقتهم بالصعايدة وهم يحبون الصعايدة ويعتبرونهم عرب مثلهم والصعايدة فعلا جذورهم عربية (هذا حديث آخر / بس يارب م تزهقو منى) ويخشونهم ويتعاملون مع الصعايدة كالنـد للنـد وكانو يقولون الصعايدة دول مش مصريين وكنت اتعجب اومال هما ايه دول عرب واتعجب واسكت وانا شخصيا اصول عائلتنا من مدينة حلب بسوريا ولكن هذا من اكثر من 400 سنة نفسياتهم واهمال الحكومة لهم وكنت اعجب لهم واناقشهم انت مبتتعلمش ليه واتعلم ليه علشان تبقى انسان نافع للمجتمع وتعرف تشتغل وتلاقى شغل ومين قال انهم هيشغلونى الحكومة عايزة تمسحنا من على الخريطة مين قال كده احنا عارفين كده وعرفتو كده ازاى من معاملة الحكومة لينا اذا عملو مدرسة فلافيها كراسى كويسة ولاتعليم كويس ولا اى حاجة وبيوتنا زى م انت شايف نعتمد على نظام الطرنشات فى الصرف(مفيش مجارى) وميه زى الزفت انت نفسك بتشرب وبيبان على وشك طعم الميه واذا دخلت مدينة كمدينة الحمام او الضبعة او سيدى عبد الرحمن اوالعلمين تجد هذا الكلام واانا اتحدث عن غرب الطريق الساحلى وليس شرقه الملىء بالشاليهات المغلقة طول السنة ماعدا شهرين (والله عجيبة واحد يدفع شوية آلاف علشان شهرين كل سنة ) نعود لموضوعنا فلاخدمات كما قلنا ولا اهتما م ومطارادات ليل نهار ولاعمل ولا اى شىء هوينظر الى الناس التى تأتى كل صيف امامه على الجانب الاخر من الطريق على ان هؤلاء سارقى خيرات هذا البلد (بلدهم مطروح مش مصر كلها ) وهو حين ينظر الى هذه المدن وهيا يسكنها البوم شتاء ويلفها الظلام الدامس تماما شتاءا يتعجب بقى انا مش لاقى اكل ودول بيدفعو الفلوس دى كلها علشان شهرين فى السنة وانا اتحدث عن نفسياتهم ونظراتهم للناس طبيعى جدا ان يكون منهم الناقم على الناس والحامد لربه على الصحة وهذا عيب دولة وموجود لدينا فى المدن وهى الطبقية التى كرسها(شدة وفتحة على الراء وفتحة على السين (يعنى دعمها وثبتها) عهد مبارك (واللى خايف يروح بيتهم ) وانا شخصيا مرة دخلت فى معركة فى الميكروباس فى طنطا لمجرد انى قلت فداك 100 شلن (فاكرين) (للاسف طبقية ممقوتة ) وهم فى داخلهم اناس طيبين جدا ولديهم الشهامة والكرم أكلـهــــم الطعام الاساسى لديهم هو اللحم الطازج (الفريش علشان بعض الناس تفهم م احنا بقينا خواجات وخايف احسن حد يبعت يقول ترجم سطرين العربية الفصحى اللى كتبتهم دول وبنكتب باللغة العربية الكارو اهو علشان نطرى القعدة شوية) و من ألذ ماأكلت لديهم لحم ضأن مربى على الرعى فى الصحراء ومقطع قطع كبيرة ومطبوخ بعد تسويته مع مكرونة حتى تشر ب المكرونة مرق اللحم ونفس الشىء مع الارز وأما أسوأ اكلة اكلتها فهى ارز باللبن واللحمة الضانى وهى اكله عجيبة وغريبة فلا انت فاهم انت بتاكل رز بلبن والا لحمة ضانى وهناك مطعم على الطريق الصحراوى يقدم اكلاتهم ونفس طريقة جلستهم على الارض وهو اسمه بيت العرب وستجد للقادم من اسكندرية الى القاهرة بعد مدينة السادات بحوالى 10 او 15 كيلو متر على اليمين طبعا وهم يبيعون لك الارض لكى يقفون خفرا (غفر) عليها بمرتب شهرى تصورو هم يبحثون عن الامان والدخل الثابت ولذلك هم دائما فى حالة تحفزوترقب ومن يترك التهريب لانه كبر فى السن او لانه تعب من مطاردة الحكومة وهم غالبا لاتتعبهم مطاردات الحكومة فيفتح محل صغير بمدينة الحمام او العامرية باسكندرية او الناصرية باسكندرية امام العامرية من الجهة المقابلة من الطريق الصحراوى واهو اللى ييجى رزق العيال مجرد احساسه بالدونية رغم اعتزازه بنفسه ونزعة الكبر(بكسر الكاف) والعظمة داخله جعلت ولاؤه لليبيا والقذافى وهو لن يقولها لك صراحة ولكن قالوها لى بعد ان وثقو فيا واعتبرونى منهم وكلامى هذا ليس خيانة لهم بل حزنا عليهم وهذا مايحزننى فان ولاؤنا يجب ان يكون لاسلامنا ثم لبلدنا لا لليبيا ولا للقذافى وهم لديهم نزعة دينية كبيرة فساعة الصلاة تجد الجميع بلا اسثناء يتوجه للمسجد حتى المجرم منهم لانه يخشى ان لايذهب للمسجد فيقال عليه انه فاسد فاشل وتبقى سمعة مش تمام طبعا هذا فيمن يعيشون فى مراكز ومدن مطروح اما المنخرطين فى المدينة فهم اخذو كثيرا من حياة المدينة ملابــســهم زيهم الأساسى الجلابية البيضاء وفوقها جاكت بدلة (مثل بتوع المراجيح عندنا فى القاهرة) ولكنه قمة الشياكة عندهم ثم تجده يلبس شالا فوق راسه او الغطرة او العمامة اطلت عليكم جدا وهكملها بعدين لانى نسيت نفسى فى الكتابة التعديل الأخير تم بواسطة خالدخليفة ; 16-08-2010 الساعة 01:34 PM
|
 |
|
|
