استطلاع : مطلوب تسليم السلطه لواحد من الاربعه دول

[nktis]

متابع.........: CHUBBY~36:

[THE EGYPTIAN]

المشاركة الأصلية كتبت بواسطة تامر ديزل بصراحه كده المجلس العسكري احسن له ولنا وللكل انه يسلم السلطه النهارده قبل بكره ويرجع لوضعه الطبيعي لان دي مش شغلانته اساسا ادارة شئون البلاد ..... ووجوده غلط وفعلا هما اساءوا ادارة المرحلة الانتقالية تماما وكمان وجودهم مخلي ده يتكلم وده يتهجم واللي يعتصم واللي بيصرخ واللي بيزعق وكمان اللي بيهدد ......... يبقى مفروض يسلم السلطه للمدنيين في اقرب وقت من متابعتي على الفيس قدرت اجمع اربع وجهات نظر مختلفه عن موضوع تعجيل تسليم السلطه فيه راي بيقول السلطه تتسلم لرئيس مجلس الشعب واللي يسلمها بدوره للرئيس المنتخب رأي تاني بيقول يتعمل مجلس رئاسي مدني وتتنقل له السلطه رأي تالت نستنى لحد ماتتعمل الانتخابات الرئاسيه وتتسلم السلطه للرئيس المنتخب رأي رابع بيقول لاكده ولا كده .....ثورة لاسقاط النظام وتسليم السلطه للثوار لانهم هما اللي عملواالثورة يبقى هما اللي يستلموا البلد ايه رايك ؟ يعني انت ميال لأي رأي من الاربعه ؟ وعلى فكره كلها اراء ليها وزنها وممكن تبقى مقبوله من البعض ومرفوضه من البعض .... انما المرفوض تماما ان حد يدخل الموضوع ده علشان يقلبه خناقه ... او يهين رأي واحد تاني ... هوا احنا لا سمح الله هيجرالنا حاجه لو قولنا رأينا من سكات ؟ من غير غلط ؟

الأخ الفاضل / تامر

جزاك الله خيراً

أوافقك الرأى بتسليم السلطة لرئيس مجلس الشعب المنتخب

و الأسباب كثيرة كما سبق للأعضاء الأفاضل بطرحها .

[تامر ديزل]

المشاركة الأصلية كتبت بواسطة walidelwahsh :fun_36 _3_1[1]:

على فكره ... مش عشان مختلفين المرده دي يبقى ده انقلاب او تغير في افكاري ... انا على قديمه .... ههههههههههه بس والله انا عاوز المجلس يمشي علشان كفايه كده بهدله وقلة قيمه وف نفس الوقت هما مكانوش موفقين في الادارة ...

[تامر ديزل]

المشاركة الأصلية كتبت بواسطة nktis انا مع تسليم السلطه لرئيس المحكمه الدستوريه العليا لان لو استمر الوضع كما هو عليه ....من فينا يضمن عدم خروج مظاهرات.؟؟؟؟

الفكره مش في المظاهرات يا دكتور ... الفكره اننا عاوزين استقرار سريع وحل له صفه شرعيه

[تامر ديزل]

المشاركة الأصلية كتبت بواسطة dr.wael7yran اولا شكرا جدا على الموضوع الجميل ده .. و ايوة كده عايزين نفكر في حل بدل ما احنا عاملين ناكل في بعض .. و ثانيا اسمحلي اقولك رأيي الشخصي .. انا مع الاختيار الاول لأنه المجلس العسكري فشل تماما في ادارة البلاد .. و كفاية انه ولد شرارة بين افراد الجيش و الشعب بغباءه الادراي .. و ممكن بالمنظر ده يجرنا لحرب اهلية لا قدر الله .. و انا رأيي مع استاذ الدملاوي انه رئيس مجلس الشعب هيبقى معاه كل صلاحيات رئيس الجمهورية لمدة 60 يوم هيعملنا فيها انتخابات رئاسية و نخلص بقى من القصة دي .. استاذ تامر احنا في 3 شهور مات مننا فوق ال 100 بني ادم .. و اتقسمنا لفريقين .. فريق وهب كل امكانياته و طاقته للمطالبة بالقصاص و المحاكمة و الجري وراء القتلة .. و نسي انه الشهيد ده مات علشان الثورة تكمل و مات علشان البلد تعدي لبر الامان .. و فريق كره الثوار .. و كره الانفلات الامني .. و الاقتصاد المضروب .. و قاعد في بيتهم يرمي الاتهامات جزافا و موش فارق معاه الناس اللي بتموت- و فيهم الطبيب و الشيخ و طالب الاعلام و المهندس - و كأنهم كلاب مالهمش تمن ..و لا الناس اللي بتضرب و لا الناس اللي بتسحل .. و رغم اني مع الثورة قلبا و قالبا .. و دمي بيغلي بس بمجرد لما باشوف واحد من اعضاء مجلس قتالين القتلة دول .. انما - و على عكس المتوقع - انا معجب بموقف الاخوان جدا .. مستنين لما يبقى معاهم شرعية .. قبل ما يتحركوا .. و ده في رأيي الصح اللي لازم يحصل .. يبقى في مجلس شعب منتخب بارادة الشعب معاه السلطة التشريعية .. و بسرعة نسلم السلطة لمجلس الشعب اللي هيسلم السلطة بسرعة لرئيس منتخب اي كان مين .. و يبقى معانا سلطة تشريعية منتخبة ممثلة في مجلس الشعب .. و معانا سلطة تنفيذية منتخبة ممثلة في رئيس جه بارادة الشعب .. و وقتها بقى .. نفوق لقتالين القتلة و الحرامية و البلطجية و نجيبهم من قفاهم واحد واحد و ناخد بتار الناس اللي ماتت دي .. و كده بجد .. يبقى دمهم ماراحش هدر .. بس يا ترى المجلس العسكري هيسيبنا نعمل كده .. الله اعلم .. و الف شكر على الموضوع الجميل .. و بجد انا يشرفني انه ارد عليك في اي موضوع من موضوعاتك ..

:CONGRA ~238: