لكي لا ننسى: موقعة الجمل - شكرا للمجلس العسكري

[mohamed selem]

الفيصل في اختلاف الرآى والرآي الاخر هي النطق بالحكم في محاكمه مبارك واعوانه

[alymonir]

متابع ......

[attef1]

يا اخ ممفور
انت عمال تجيب فيديوهات وبراحتك والاداره سايباك
ولما انا جبت فيديوهات للرأى الاخر ولا اهاجم فيها المؤسسة الوحيده اللى فاضلة للشعب الاداره ادتنى كارت اصفر لاثارة البلبله " انها الدقروماطيه " وحقيقة تقبلتها بصدر رحب لان مش هدفى وقوع فتنة بين الناس
لكن زى ما فيه الفيديوهات اللى انت بتجيبها
فيه فيديوهات تانيه عن 6 ابريل وغيرها بيعترفوا بانهم ضربوا الشرطه بالمولتوف وبعض افراد الشرطه مات محروق بالفعل وناويين يضربوا تانى وحجتهم انه دفاع عن النفس تجاه الرصاص المطاطى
ده غير بعض مدرعات الجيش اللى اتدمرت فى الميدان مع بداية نزول الجيش
فيه كلام كتيييييييييييير جدا بس مسكوت عنه لحينه
النت مليان بلاوى بس دور انت كويس
مع خالص تحياتى للجميع اعضاء وادارة

[ahmad2]

المشاركة الأصلية كتبت بواسطة mmffor برضه مغالطة اني بكره الجيش مرة تانية عموما لتوضيح موقفي زي ما الزميل ما قال انا واحدة عارفة ان جوزها بيخونها بس عايزة تربي العيال انا مش بطالب بانهيار المجلس العسكري او كما يتهمني البعض بانهيار الجيش نفسه!!! لكن انا اطالب بان يكون عندنا وعي باللي بيحصل و منديش الامان على طول الخط او نقدس اشخاص و لو ثبت صدق كلامي و حدث التفاف على الثورة و رجعنا زي الاول و اوحش نتحرك ومنتفاجئش و نتصدم و نخلي الصدمة تشل حركتنا

استاذ ممفور اسمح لي بأن اوجة لحضرتك هذ الحديث مع العلم بأنني كنت قد عاهدت نفسي بألا اعاود الحديث معك وكذا مع الاستاذ ابو نورا لما لمست في حديثكما في مواضيع سابقة من اصرار على اهانة القوات المسلحة وأفرادها.
انا معك بضرورة زيادة الوعي ولكن أي وعي نتحدث عنة ؟؟؟ بالتاكيد نحن لا نتحدث عن وعي الكاتب العالمي الاسطورة علاء الأسواني ولا عن وعي الاعلامي النابهه يسري فودة ومثلهم كثير فيكفي أن تستمع لأمثال هؤلاء الا وتتملكك اعراض غريبة
1- شك وريبة في كل شيء
2- اعلاء نظرية المؤامرة
3- ستلاحظ أن كل من حولك لهم أهداف غير معلنة وخبيثة
4- ستتأكد انة لا يوجد رجل شريف على وجة الارض غيرك أنت فقط
والأصح أن تسألهم عن مرتباتهم وكم ارتفعت في الفترة الأخيرة لتعلم من المستفيد مما يحدث حاليا .
اعلم بأن اليهود لم يسيطروا على أمريكا والغرب وجميع الدول الا بالاعلام فالاعلام فاسد فاسد الا من رحم ربي فأرجوك لا تجعل أمثال هؤلاء يتحكمون بأفكارك .
استاذي الفاضل نظرية توقع الأسوأ (فاذا تحقق ما حذرت منة فانك الفائز ونحن المخطئون لاننا لم نستمع لتحذيراتك واذا لم يتحقق فكلنا فائزون) لن تجدي في هذة الظروف لأن العواقب خطيرة فالضحية شيء وحيد (مصر)
اعلم بأني لم أوجة رسالتي لحضرتك الا بعد أن أعدت قراءة العديد من ردودك السابقة ولاحظت مدى تدينك وثقافتك فتقبلها مني بصدر رحب فوالله لم أكتب لك الا لوجه الله سبحانة وتعالى .
كل عام وانت وأسرتك وكل من تحب بخير وسعادة أعاد الله هذة الأيام على كل المسلمين بالصحة والعافية ورحم موتى المسلمين ... رمضان كريم

[محمد عبد النور]

انا هقول رايى واجرى على الله

الجيش زى الشعب المصرى بالظبط فيه مؤيد للرئيس السابق وفيه معارض وبشدة وفيه اللى مش فارقه معاه خالص والادلة على كده كتير فى التحرير كان فيه ضباط وعساكر لما نسلملهم بلطجى يهروه ضرب ويقوموا معاه بالواجب وكان ضباط تانيين يكتفوا انهم يقولوا لو شفتك هنا تانى هضربك بالنار يلا مشى .... فى المحلة اتكلمنا مع ضابط عن الاوضاع بعد التنحى وكده قالنا تنحى مبارك ده اكبر غلط والبلد هتخرب بعده وال 70 مليار دول مش فلوس بالنسبة لرئيس جمهورية بصرحة سبته ومشيت ومقدرتش امسك نفسى من الضحك ........ من رايى علاقة الشعب المصرى بالجيش زى علاقة الرضيع بامه ميقدرش يستغنى عنها ابدا ولا هيا متقدرش ترضعه بس الرضعه بحساب مش على العمال والبطال...... ربنا يحفظ بلدنا