ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره

[walid831]

أولا أنا من الإسكندرية في أخر رمضان ألي فات كنت رايح مطار القاهرة أجيب صديق لي كأخي - بسيارة فورد فسيتا - وتحركت من الإسكندرية الساعة الواحده ليلا لأن الطائرة كانت الساعة 4 فجرا ، وبعد الريست كدا فجأه لقيت الأربي أم بقا علي 4 وأنا سايب رجلي ولمبة الدينامو نورت ، فركنت وكشفت فوجدت السير ألي ماسك البور وطرنمبة المياه والتكيف والدينامو قطع ، وشاء الله أن أجد كساه بعد حوالي ربع ساعه ، فقنا برفع السيارة علي الكساحة وتوكلنا علي الله علي الإسكندرية ، وثاني يوم قام الميكانيكي الخاص بنا بتركيب سير جديد ، ولم تحدث خسائر أخري ،وقدر الله وما شاء فعل

[طارق ابوذيد]

المشاركة الأصلية كتبت بواسطة walid831 أولا أنا من الإسكندرية في أخر رمضان ألي فات كنت رايح مطار القاهرة أجيب صديق لي كأخي - بسيارة فورد فسيتا - وتحركت من الإسكندرية الساعة الواحده ليلا لأن الطائرة كانت الساعة 4 فجرا ، وبعد الريست كدا فجأه لقيت الأربي أم بقا علي 4 وأنا سايب رجلي ولمبة الدينامو نورت ، فركنت وكشفت فوجدت السير ألي ماسك البور وطرنمبة المياه والتكيف والدينامو قطع ، وشاء الله أن أجد كساه بعد حوالي ربع ساعه ، فقنا برفع السيارة علي الكساحة وتوكلنا علي الله علي الإسكندرية ، وثاني يوم قام الميكانيكي الخاص بنا بتركيب سير جديد ، ولم تحدث خسائر أخري ،وقدر الله وما شاء فعل

الف حمدلله غلى السلامه وبارك الله فيك على مشاركتك الفيده فى الموضوع والمقصود منه ان نكون بمسابه تجارب سابقه للاعضاء للاستفاده منها فى هذه الظروف .

[mf]

حصلت معايا مره واحده بالعربيه الثانية في حياتي "شيفروليه لانوس"

علي طريق بلبيس _القاهره الصحراوي الفتيس مابياخدش غيارات الا الثالث والخامس بس بس مشيت بالعربيه لحد مافرمت الفتيس ووصلتها عند الشرطه العسكريه اللي في بلبيس وتاني يوم جبتها علي كساحه وبعتها من غير مااصلحها

[طارق ابوذيد]

المشاركة الأصلية كتبت بواسطة mf86 حصلت معايا مره واحده بالعربيه الثانية في حياتي "شيفروليه لانوس" علي طريق بلبيس _القاهره الصحراوي الفتيس مابياخدش غيارات الا الثالث والخامس بس بس مشيت بالعربيه لحد مافرمت الفتيس ووصلتها عند الشرطه العسكريه اللي في بلبيس وتاني يوم جبتها علي كساحه وبعتها من غير مااصلحها

الحمد لله المشكله كانت بسيطه ربنا قدر ولطف واشكرك على شرح تجربتك بارك الله فيك .

[wael nabil elsied]

أنا حصل معايه حاجه غريبه أوى جيت الصبح أدور العربه دارت ذى الفل.وسخنت وتمام التمام.وبعدين بطلت ونزلت أجيب حاجه من الشنطه ورجعت أدور تانى لقيت المارش خلاه داير حتى بعد ما خلعت المفتاح من الكونتكت ولقيت البطاريه بتجيب دخان من السالب جريت خلعت كابل البطاريه وجبت الكهربائى الله يسامحه قلى الحدافه مكسوره فى المارش وحنملى المارش وحور عليه ف75 جند قلت ماشى وربنا يسهل المهم كام يوم نفس الوضع حصل وجبت المعلم الكهربائى لقيته بيقلى الاوتوماتيك بتاع المارش حيتغير فى حدود50 جنيه .روحت معلقه من قفاه على باب الورشه وخدت بعضى ومشيت روحت جبتله مارش شاهين أستيراد 4 شربونه ب165 جند ورجعتلوا ركبه عندى وخليته عملى شويه شغل كمان فى العربيه وقلتله الى انتى عملته ده من حساب المره الى فاتت والحمد لله العربيه مشيت زى الفل والمارش الى جبته عليه ضمان سنتين من بوأ الراجل ولونوا شكله غلبا ن قفاه مش حيستحمل لو المارش ده باظ