استلمت فرنا 2011 من يومين وفية مشكلة بسيطة نرجو الرد لذوى الخبرة

[mesho70]

- اخى الفاضل
- اقدر ما انت فية وكان الله فى عونك
- ولكن كان اقتراحى ان تذهب هناك بأبوا رواش وتقابل مدير الضمان مباشرا ً للوصول لحل
- اما موضوع انهم " مبيفهموش فالصيانة "
- فأنا لى تجربة فى اكسنت 2001 وكنت ذاهب اليهم من مشوار يتجاوز 800 كم وقبل الدخول لهم لعمل الصيانة الدورية كل 5 الاف كم
- بدأت العربية تنتش قلت مش مشكلة وآهى فرصة انا عندهم
- والنتيجة :-
- اول يوم غيروا بوبينة الكهرباء بـ 400 جنية وانا فالطريق للقاهرة رجع العيب تانى
- رجعت ثانى يوم وفضل العربية عندهم 3 ايام
- وانا قاعد فى فندق وكل يوم اروح عندهم بتاكسى
- وبعدها غيروا طلمبة البنزين وضفيرة الاسبراتير ( وهى سلكين 1مم شعر طولة حوالى 30 سم )
- وكان كلة بالتجارب يعنى يركب الحاجة ويطلع برة الصنايعى يجربها وانا شايفة وانتظرة عالباب واركب معاة واحاول اعرف فين المشكلة يقولى " اصل دة عيب خبيث يا بية "
- الخلاصة دفعت بعد شوية حاجات اتغيرت فى الصيانة 3600 جنية
- طبعا ً ووقت ضائع ومصاريف فندق وموصلات ( لهم اتوبيس لميدان لبنان لم اركبة )
- وبعد ما بعت العربية طلبة البنزين اللى فيها عطلت - اشتراها جار لى - ولما قلى اديتة الطلمبة القديمة وشغالة دلوقتى بقالها اكثر من سنة ونص معاة !!

[drali]

كان عندى قصة تشبهها فى عربيتى لكن على سرعات اقل شوية على 40كم

اول لما اشيل رجلى من على البنزين سواء العربية واخدة غيار او ممورة واسيبها تمشى لوحدها تصفر من عند العجل المهم بعد اللف طلع تيل الفرامل نوعيته زباله و بيحك فى الطنبورة

ان كنت اول ما اريح رجلى بالراحة قوى على الفرامل الصوت يروح و اول ما اشيلها يرجع

جرب عندك كده يمكن يطلع زى عندى

[BASSEM BESO]

للأسف الفيرنا الأوتو مثبتتش كفاءه عاليه فى مصر

[screamseko]

ياتري وصلت لايه في الحوار ده ؟؟
وخصوصا اني ناوي علي فيرنا اوتو؟؟

[M.TONSY]

المشاركة الأصلية كتبت بواسطة screamseko ياتري وصلت لايه في الحوار ده ؟؟ وخصوصا اني ناوي علي فيرنا اوتو؟؟

لو مزنقة معاك نصيحة هات الاى تن اوتو بنفس السعر بس انظف فى التقفيل انا جربتها ممتازة انما لو تقدر تزود شوية خليك فى الصنى او لانسر بومة بعد اليبانى مش هيجى تاتى