حلقة نقاش حول الاستفتاء القادم عن التعديلات الدستورية

[د.كمال]

ياجماعه الناس مسابوش الدستور الحالى عايم ولذلك وضعوا فيه الماده 183 والتى تنص على الزام رئيس الجمهوريه واعضاء مجلس الشعب المنتخبين الشروع فى وضع دستور جديد للبلاد بعد 6 اشهر من انتخابهم .
ولذلك انا اقتنعت بالموافق على التعديلات الدستوريه الحاليه كحل مؤقت للخروج بالبلد الى بر الامان وسوف اقول نعم يوم 19 مارس.

[Ahmed Anwer]

المشكلة إن كل واحد راسم سيناريو في خياله ،، و شايف إنه الأفضل ،،

و المشكلة التانية ،،، الخوف و عدم الثقة في اي شئ ،،

طب لو عملنا بيان دستوري مؤقت ،، أيه الضامن إن الرئيس (( المنتخب )) و مجلس الشعب ((المنتخب ))

ميتحفوناش بدستور ديكتاتوري محترم ؟؟؟؟

في وجهة نظري إن الضامن هو عنصر الوقت السريع ،، قبل ما الثورة تفقد زخمها و الناس تهدي و تنسي

و الضامن التاني الديمقراطية السريعة

مفيش قوة دلوقتي تقدر تحصد الأغلبية

و الإختلاف و التنوع و تضارب المصالح و الأفكار هوا الضامن و ليس مجلس الشعب الملائكي المثقف الواعي الفاهم اللي أي حد بيحلم بيه

هما السيناتورات و لا مش عارف اسمهم ايه دوول بتوع أمريكا ،، ناس فاهمة و واعية و مثقفة و الشعب الأمريكي خبير سياسي بيختارهم بناء علي ذلك ؟؟

خلينا نتفق إن الحزب الوطني ،،،،، إستحالة ينتهي !!!!!

ممكن نحله ،،، بس هنبقي مجرد بنحل رمز صوري و بنطيب خاطر الناس مش أكتر

الحزب الوطني فكرة قائمة علي استغلال السياسة من أجل المصلحة الشخصية

و ده عمره ما هيخلص !!!!!!

للابد هيفضل الناس اللي عايزه تشتغل في السياسة منهم اللي بيدور علي الفلوس و منهم اللي بيدور علي السلطة و منهم اللي بيدور علي المجد الشخصي

و قلة منهم اللي هتكون بتدور علي خدمة الناس فعلا

أيه الحل ؟؟؟

إن إحنا ندور علي ما يقلل ذلك لأقصي درجة ،،

- انتخابات نزيهة بجد

- قانون يجرم الرشوة السياسية (( أعتقد موجود بالفعل ))

- أفكار فنية تانية زي الانتخاب بالقائمة للالتفاف حول القبلية

- إعلام شفاف (( اصبح متوفر الان عن طريق الإعلام الشعبي )

- جهات رقابية و قضائية لا تخضع لأي سلطة

ساعتها هيكون العمل السياسي عبء و تكليف أكثر منه مصلحة و سلطة

اتمني قوي الثورة تتخطي مرحلة الشكليات و السيناريهوات المملة سريعا و تنتقل للهدف السادس من أهداف ثورة يوليو

** إقامة ديموقراطيه سليمه **

مع إضافة كلمة من عندي بأسرع وقت ممكن و كفاية خووووووف

[sam ram]

المشاركة الأصلية كتبت بواسطة samirayad سيبك من الشعارات دى زهقنا من المصداقيه وخلافه فيه حاجه أسمها 1+ 1 = 2 ____________ ودعها حلقه فى أذنيك الرئيس المصرى لو مظبطوش .....يبقى وارد نرجع لقصة الفنكوش

ما هي دي المشكله يا بشمهندس
مفيش مصداقيه لاي حد دلوقتي !!! المصداقيه بالأفعال ... مش بالكلام و لسه لحد دلوقتي مفيش فعل ... كله كلام

انا لو معايا دستور قوي وواضح و صريح يقلص صلاحيات الرئيس حتنخب بقلب ميت لأني عارف انه لو خرج عن الاطار حيتحاسب
لكن بالوضع الحالي احنا بنصطاد سمك في مياه
اللي جاي دلوقتي عارف انه جاي مؤقت و شويه وحيعاد انتخابه ... و طبيعي ووارد جدا الكرسي يعجبه و بالصلاحيات الحاليه خلال الكام شهر بتوع تشكيل اللجنه ووضع الدستور الجديد يكون ظبط اموره ونام لنا في الدره او يتمسكن لحد ما يتمكن
بالبلدي كده
انا دلوقتي لو مش رئيس و حشارك في وضع الدستور ححطه صح الصح علشان لو حد غيري مسك رئيس يتشكم
لكن لو مسكت رئيس وبعدين قالولي حنعمل دستور ... ممكن اوي بالصلاحيات اللي مديهالي الدستور الجميل الحالي اظبط الامور شويه بحجه ان قلبي على البلد و بناء على نصائح الافاقين و المنتفعين اللي حواليا

والاعلام المصري يرجع لدوره الطبيعي على مر العصور و ريما لعادتها القديمه و الطبل و الزمر ووالشعب الجميل المهاود و الزن على الودان امر من السحر و القله المندسه ونظريه المؤامره و الامن و الاستقرار ... وكأنك يا ابو زيت ما غزيت

والشرعيه الدستوريه ساعتها تشتغل
مش الشرعيه الثوريه الحاليه
لأنكم حنكونو بمنتهى البساطه و بمحض ارادتكم ابطلتم الشرعيه الثوريه و دستوا على زرار الدستور ... تقدروا تعترضوا ....... يا قله مندسه يا عملاء يا بتوع كنتاكي و الاجندات الخاصه ... من انتم ... ستندمون اشد الندم


السلطه مفسده
يبقى اخلع لك نابك الاول و انت مربوط
مش اجيبك و اقولك من فضلك اربط نفسك علشان اخلع لك ضرسك ... او لو تعرف تخلعه بنفسك و انت سايب اخلعه !!
ونفس الكلام عن البرلمان ... معتقدش انهم بعد ما يتم انتخابهم حيعملوا دستور يحلوا بيه نفسهم بعد كام شهر !!!


معلش اعذروني اللي اتلسع من الزبادي ينفخ في الايس كريم

انا نفسي اشوف مرشح يقول يا جماعه انا حرشح نفسي لمده سنه واحده اظبط فيها الدستور و اقوم الامور و اسيبهالكم مخضره !!!
‏(عشم ابليس في الجنه)
ما هو قال قبل كده مش حجدد و قعد في ارابيزنا 30 سنه !!!!!

للاسف احنا نفسنا قصير و عايزين غالبا الحلول السريعه و مش عايزين وجع دماغ كل شويه
ولو جيت بعد سنه و لا كام شهر وقلت تحرير تاني مش حتلاقي مواصلات !!!

قطييييييييييييييييييييييي يييييييييييعه

[سمارت وير]

طيب ... بعد كل ما سبق و بعد سماعي لكل من ساهم في تعديل الدستور من أول لجنة المستشار العظيم طارق البشري و أيضاً المعترضين على التعديلات و المؤيدين لها و الكل كليله خلصت للآتي :

مادة واحد :

بما أن الأعور أحسن من الأعمى ( و عذراً للتشبيه ) إذن أنا سأشارك يوم 19 و سأقول بأعلى صوتي نعممممم.

مادة إثنين :

سأدعو كل أقاربي و أحبابي للمشاركة و قول نعم ( طبعاً بعد شرح وجهة نظري ) و هم أحرار.

مادة ثلاثة :

أدعوكم جميعاً أحبابي رواد منتدى مصر موتورز للمشاركة و قول نعم

[samirayad]

مفيش مصداقيه لاي حد دلوقتي !!! المصداقيه بالأفعال ... مش بالكلام

بينى وبينك يا أستاذ sam ram

عندك حق

أنا لو أبويا إللى هيمسك البلد وقعد يقول أشعار

مش هصدقه

إلا أما أقيده بكل الشروط الازمه

لضمان عدم لعب شوشو بدماغه

__________________

النفس فعلا طماعه .....ويجب تعويدها على القناعه

فياما سمعنا قصص وأفلام من الرئيس المخلوع

ونظرا لأننا شعب طيب

وصدقناه ....وإخترناه

ورانا النجوم فى عز الضهر

________________

يبقى لازم نبطل بأه عبط

ونحط قيود شديده لأى واحد

يمسك دفة مصرولو ليوم واحد

وأظن قصة البرنس ( بأستراحة المنتدى )

تبين لنا مدى أستهتار الرؤساء لمحكوميهم