ما هي الاضرار التي لحقت بك جراء هذه الثورة ..؟؟

[_amr.mostafa_]

المشاركة الأصلية كتبت بواسطة corsair اولا احنا في فرع من فروعنا في اركاديا مول ده اتنهب واتسرق واتحرق مع المول بالكامل وخسرانين فيه ما لا يقل عن 4 مليون جنيه ده غير شغل الديكورت اللي كان فيه واضطرينا اننا نفضي بقية فروعنا بالكامل وادينا قاعدين في البيت منتظرين الفرج

معلش بس سؤال فضولي جدا ...اصل انا مصري

هو انت شغال ايه وليه الفرع اتسرق منه 4 مليون كان فيه ايه ..؟؟

المشاركة الأصلية كتبت بواسطة cheetosmini خسارتنا المادية اقل من المعنوية غياب الامان والاستقرار ووجود الرعب والخوف

شكرا لحضرتك

[نبيل عبدالرحمن]

المشاركة الأصلية كتبت بواسطة حازم شاهين ما تزعلش يا باشمهندس مشاركتك هنا جزء من مشاركتك فى الثورة و الثورة مش تظاهر فقط لكن تظاهر و إعلام و حرب نفسية و تأمين و تموين و حاجات كتير هتلاقيك إشتركت فى حاجات كتير منها و إنت مش وخد بالك و دى مش دعوة ﻹنهاء التظاهر لكنها دعوة لتحفيز الهمم أى واحد شايف إنه يقدر يعمل حاجة فى المحيط الضيق بتاعه و حاسس إنها هتخدم الثورة يعملها أما بخصوص الخساير فأنا أكبر خسارة ليا هى الـ 315 شهيد إللى ماتوا بسبب طغيان و ظلم النظام اﻷيام إللى فاتت الشهداء دول شبه أخويا و شبه صاحبى يعنى أنا مات لى 315 أخ و صديق الشهر ده

الله عليك يا أستاذ حازم هى دى خسارتنا الحقيقية لكل واحد فينا والله أنا بكيت لما شفت صور الشهداء الشباب الذين خرجوا ليغيروا شيئاً لنا ولأجيالنا القادمة فلقوا حتفهم تغمدهم الله برحمته وإلهم أهلهم الصبر والسلوا ن

المشاركة الأصلية كتبت بواسطة _amr.mostafa_ معلش بس سؤال فضولي جدا ...اصل انا مصري هو انت شغال ايه وليه الفرع اتسرق منه 4 مليون كان فيه ايه ..؟؟

بص يا عموره انا شغال مسئول شبكات ومصمم معارض وانا مكاني في مدينة نصر في الادارة والشركة ليها فروع فرع منهم كان في اركاديا ولينا فرع كمان في جنينه مول ده الحمد لله سليم لحد دلوقتي وربنا يستر

المهم فرع اركاديا ده بيشتغل في ادوات المائدة من الدهب والفضة وفي اطقم عندنا رسمين فرنسيين رسمين عليها اسمها جيان واطقم ملاعق من الفضة من الاخر اغلب شغلنا في التحف والكريستال

البضاعه اللي كانت في المعرض تمنها يعدي ال 4 مليون اللي قولتلك عليهم

اقل طقم سفرة في الفرع بيعمل من 40 الي 50 الف وشوف الفرع فيه كام طقم ده غير الليموج والكريستالات

المشكلة في ان كل شغلنا مع الاتحاد الاوروبي من انجلترا لفرنسا لالمانيا للتشيك للبرتغال

ادعي بس ربنا ان الدولة تطلع عند كلمتها وتعوض الناس ديه

وديه صوره للفرع قبل ما يتحرق





وديه صوره للفرع بعد ما اتنهب وولع

[_amr.mostafa_]

المشاركة الأصلية كتبت بواسطة corsair بص يا عموره انا شغال مسئول شبكات ومصمم معارض وانا مكاني في مدينة نصر في الادارة والشركة ليها فروع فرع منهم كان في اركاديا ولينا فرع كمان في جنينه مول ده الحمد لله سليم لحد دلوقتي وربنا يستر المهم فرع اركاديا ده بيشتغل في ادوات المائدة من الدهب والفضة وفي اطقم عندنا رسمين فرنسيين رسمين عليها اسمها جيان واطقم ملاعق من الفضة من الاخر اغلب شغلنا في التحف والكريستال البضاعه اللي كانت في المعرض تمنها يعدي ال 4 مليون اللي قولتلك عليهم اقل طقم سفرة في الفرع بيعمل من 40 الي 50 الف وشوف الفرع فيه كام طقم ده غير الليموج والكريستالات المشكلة في ان كل شغلنا مع الاتحاد الاوروبي من انجلترا لفرنسا لالمانيا للتشيك للبرتغال ادعي بس ربنا ان الدولة تطلع عند كلمتها وتعوض الناس ديه وديه صوره للفرع قبل ما يتحرق وديه صوره للفرع بعد ما اتنهب وولع

يا لهوي ...الله يكون في عون صاحب الشركه ومصير اللي فيه ايه تسريح

ولا ايه ...ده السيراميك اتنهب ..

والله تلاقي اللي سرقو ما عارف قيمت الحاجات دي وهيبيعها ب 10جنيه

[samirsaid1]

انا عن نفسى الزجاج الامامى بتاع العربية اتشرخ وعادى كله فدا الوطن