فلتر الهواء الرياضى, كمان وكمان.

[zoomaa&mizaa]

طيب يا باشا أنا عندى فى الأبيزا 2002 أثنين فلتر هواء واحد عادى وتوئمة بس علية زيت وهما موجودين داخل الوش البلاستيك اللى فوق الموتوروأنا لما نظفتهم حسيت بفرق كبيرجدا فى السحب وفى أداء العربية السؤال بقى أزاى أركب الفلتر الرياضى اللى هو المخروطى مع العلم أن الوش البلاستيك بتاع الموتور فية فتحة بتركب على بوابة الهواء يعنى لازم يكون موجود وكمان فى خراطيم هواء خارجة منة ورايحة للموتور يعنى من الاخر كدة الوش البلاستيك دة مش منظر وبس لئة دة مسئول عن دخول الهواء الى الموتور يبقى أركب الفلتر فين أنا مش عارف ؟
طيب هو ينفع أشيل الفلاتر الاصلية اللى هى جوة الوش وأركب الفلتر الرياضى من برة وأوصلة بفتحة الهواء اللى فى طرف الوش ؟
يارب تكون فهمتنى علشان أنا نفسى تهت وأنا بكتب بس مش عارف أشرح غير كدة .

[Injection]

المشاركة الأصلية كتبت بواسطة Diller موضوع فوق الممتاز واكيد من شخص متميز انا عندى عربيه جولف موديل 89 كاربرتير يا ترى اقدر اركب عليها ايه احسن ومين يفيدنى فعلا هل الميكانيكى يفهم فى الكلام ده وله هيقولى على اى حاجه يركبها وخلاص ؟

ربنا يخليك ياباشا معلش أتأخرت عليك, الكاربراتير بيركب عليه فلتر مدور مش مخروطى, بيبقى زى فلتر الكاربراتير الأصلى بالظبط بي بس بيحسن مرور الهواء وبيسهل دخوله للموتور, فبيدى زيادة بسيطة فى الأداء لكن مبيديش صوت مميز.

الفلتر ده موجود فى الحرفيين, بس مش كتيروغالبا بيبقى مضروب, وممكن لو عايز من الأخر تروح عند حد بتاع تعديل زى عادل وجدى أو tps وهتلاقى عندهم فلاتر k&n أصلية.

الميكانيكية للأسف أغلبهم حافظين مش فاهمين, وممكن يفتى فى أى حاجة ميعرفهاش, وأسأل الميكانيكى ياباشا ممكن يكون عارف معلومة من هنا ولا من هنا, ربنا يكرمك بميكانيكى فاهم.

المشاركة الأصلية كتبت بواسطة السيد العيسوى شكرا انجكشن0000

العفو ياباشا, شرفت الموضوع.

المشاركة الأصلية كتبت بواسطة zoomaa2007@maktoob.com طيب يا باشا أنا عندى فى الأبيزا 2002 أثنين فلتر هواء واحد عادى وتوئمة بس علية زيت وهما موجودين داخل الوش البلاستيك اللى فوق الموتوروأنا لما نظفتهم حسيت بفرق كبيرجدا فى السحب وفى أداء العربية السؤال بقى أزاى أركب الفلتر الرياضى اللى هو المخروطى مع العلم أن الوش البلاستيك بتاع الموتور فية فتحة بتركب على بوابة الهواء يعنى لازم يكون موجود وكمان فى خراطيم هواء خارجة منة ورايحة للموتور يعنى من الاخر كدة الوش البلاستيك دة مش منظر وبس لئة دة مسئول عن دخول الهواء الى الموتور يبقى أركب الفلتر فين أنا مش عارف ؟ طيب هو ينفع أشيل الفلاتر الاصلية اللى هى جوة الوش وأركب الفلتر الرياضى من برة وأوصلة بفتحة الهواء اللى فى طرف الوش ؟ يارب تكون فهمتنى علشان أنا نفسى تهت وأنا بكتب بس مش عارف أشرح غير كدة .

والله أنا كمان تهت ياباشا, بس مش مشكلة, أنا دورت على صورة موتور الأبيزا ال 2002 ولقيت دى



ودى

وكمان دى



دول اللى طلعت بيهم من النت, أنت ياباشا علشان تركب فلتر مخروطى فيه طرق كتير جدا, أشهرها وأبسطها أنك بتخلع صندوق الفلتر الأصلى وتركب الفلتر المخروطى على الموتور, زى الصورة اللى فيها الفلتر البمبى والأزرق (ده معدل فى المواسير كلها أصلا), المشكلة فى الطريقة دى أن فى عربيات بتبقى الحساسات فيها متركبة على علبة الفلتر مش الخرطوم بتاعه, ودى عقبة يمكن تجاوزها بأى أفتكاسة.

وطريقة الماسورة الحديد زى أول صورة, هو شال كل حاجة (علبة الفلتر بالفلتر بالخرطوم الأسود اللى واصل للموتور) وركب الفلتر الجديد بالماسورة الأستانلس, والماسورة فيها لخرطوم الفاكيوم اللى كان راكب على الماسورة السودة القديمة, والماسورة اللى بتلمع دى هو ماددها لتحت حوض الموتور علشان تدخل هواء ساقع للفلتر.

أنا حاولت أفيد حضرتك على قد ماقدر, لوحضرتك عندك صورة لحوض الموتور يبقى كويس قوى, ولو عندك أى أستفسار تانى أنا فى الخدمة.

[zoomaa&mizaa]

شكرا يا باشا على تعبك معايا والفكرة اللى فى الفلتر البمبى هى اللى كانت فى دماغى معلش يا أنجكشن باشا تعبينك معانا

[محمدصلاح الشبراوى]

متشكر جدا على المجهود الجامد ده بس كان عندى سؤال اناعربيتى ايبزا 1998 وعدل المتور الى 1800سىسى هاف انجكشن فهل من الممكن تركيب فلتر هواء واى نوع افل للعربيه؟؟؟؟؟؟؟

[محمدصلاح الشبراوى]

4BY44 BY4