أساسيات القيادة الرياضية .

[sad-bird]

المشاركة الأصلية كتبت بواسطة SMSM RACE انا متشكر جدا لرد حضرتك عليا ولافادتك ليا بس معلش انا مش عارف اجيب 4200 دى ازاى اكيد مش هاعرف اجيبها بالظبط فانا جبت لحضرتك صوره العدادات اهى ممكن حضرتك تاخد الصور وتعلملى فين 4200 وحاجه كمان حضرتك قولت تنقل الاول على 4200 وكل نقلة ترفع عدد اللفات شوية لغاية ماتنقل النقلة الأخيرة عند 6300 ده معناه ان الاول 4200 التانى 5200 التالت 6200؟؟؟؟؟؟؟؟؟؟؟؟ طب فين الرابع وانا عندى بينقل على 6 بالظبط مابيعديهاش ازاى 6300 اكون شاكر لحضرتك لو حددتهالى بالظبط على الصوره وكنت عايز اخد راى حضرتك فى حاجه لو حضرتك ليك فى التعديلات على الموتور . ياريت حضرتك تقولى اعلى الهورس باور بتاعها ازاى من غير تعديلات خرافيه زى التيربو مثلا والحجات دى انا عايز ارفها 30 حصان على الاقل فياريت حضرتك تفيدنى لو عندك معلومات وشكرا

يا انجكشن ركز
الراجل بيسأله فين 4200 على العداد وانت دخلت في التعديل على طول
يا سمسم باشا
4200 في العداد الشمال رقم 4 يعني 4000 ورقم 5 يعني 5000 يبقى 4200 بين رقم 4 وبين الشرطة الصغيرة اللي في النص اللي هيا 4500

اما عن الغيارات فكده عندك الأول على 4200 والتاني على 4200 برضة والتالت على 5200 والرابع على 6000 زي ما بتيجي عنك او 6300 زي ما الكتالوج قالك

[SMSM RACE]

المشاركة الأصلية كتبت بواسطة Injection الموضوع مش صعب ودقيق للدرجة دى, حضرتك بتحاول تنقل عند أقصى نقطة بيطلع عندها العزم أو القوة, علشان تستفيد من أقصى تسارع للعربية, ويفضل النقل بعد النقطة المذكورة مثلا4500 لفة. يعنى أنا ممكن أنقل عند 2000 الى التالت, وممكن أنقل عند 5000, فى الحالة الأولى العربية هتاخد وقت طويل على ما لموتور يجمع عدد لفات, ووقت أطول علشان تسحب وهتبقى عاملة زى البطة لأن الموتور موصلش لعدد لفات مناسب يطلع عنده قدرته (أنظر منحنى العزم والقوة والفرق بين النقطة 2000 و 5000 مثلا), وعلشان كده يفضل النقل عند عدد اللفات المناسب للنقلة اللى هتروحلها, والنقلات العالية زى الرابع والخامس بتحتاج هورس باور, علشان كده قلت مع كل نقلة زود عن 4300 شوية, لأن منحنى الهورس باور أعلى نقطة ليه 6200. وزى ماقلت الموضوع مش كبير للدرجة دى, وعند حضرتك المنحنى بتاع العزم والقوة للموتور, والفرق بين المشى العادى والنقل ده, أن فى المشى العادى بتبقى ماشى براحتك ومش فارق معاك السحب والشد وبتنقل على 3000, أما الجرى بتحتاج تجمع فيه بسرعة عن طريق رفع عدد اللفات للحصول على أعلى عزم وهورس باور الموتور بيقدمه. أما موضوع التعديلات, اللى أنصح بيه هو فلتر هواء k&n مخروطى, وده هيزود السحب وهيخلى الموتور يتنفس أحسن وتمنه بيبدأ من400 بس تمنه فيه وبيدى صوت العربية رياضى وبيحسن من أدائها,وبوجيهات 2 أو 3 شمعة سواء أسبليت فاير أو ngk, مع سلوك بوجيهات سبليت فاير لتقوية الشرارة, والبوجيهات الأربعة هيكونوا فى حدود 100, والسلوك فى حدود 350, والفلتر أحسن منهم كقيمة فى مقابل الأداء. وممكن تركب شكمان كامل أوسع من الموجود, بس منصحش بكده لأنك مش هتحتاجه فى حاجة والعربية لسه جديدة (ربنا يباركلك فيها). وفيه تعديلات تانية فى الموتور نفسه زى كامات رياضية, أو ترس كامة adjustable وكتير تانى, بس ديه حاجات متقدمة شوية (بس موجودة فى الحرفيين وعند المتخصصين). بس الفلتر والبوجيهات والسلوك تعديلات أساسية, وهتحس بالفرق فى سحب الموتور, وقسم تعديلات الأداء فيه مواضيع كتير هتفيد حضرتك. ولو حضرتك ناوى تشترى, دول جروبين لمحلين أكسسوارات وأضافات, شوف الصور والعنوان منهم. جروب أنزو لأكسسوارات السيارات على الفيس http://www.facebook.com/group.php?gid=7862269562 والتانى جو go وده زى أنزو ونفس الحكاية أتفرج على الصور وخد العنوان من الجروب وأدى الجروب http://www.facebook.com/pages/Cairo-Egypt/GO-for-car-accessories/248198282760 وأنا موجود لأى أستفسار أخر.

متشكر جدا لرد حضرتك
بس ليا سؤال ليه ماتنصحنيش بالشكمان الكامل مع ان الى انا اعرفه انا العربيه طالما ركبلها فيلتر اسبور هتاخد هواء اكتر من الاول فالازم يكون مواسير الشكمان اكبر عشان تطلع نفس الهواء الكتير الى داخل.

[SMSM RACE]

المشاركة الأصلية كتبت بواسطة sad-bird يا انجكشن ركز الراجل بيسأله فين 4200 على العداد وانت دخلت في التعديل على طول يا سمسم باشا 4200 في العداد الشمال رقم 4 يعني 4000 ورقم 5 يعني 5000 يبقى 4200 بين رقم 4 وبين الشرطة الصغيرة اللي في النص اللي هيا 4500 اما عن الغيارات فكده عندك الأول على 4200 والتاني على 4200 برضة والتالت على 5200 والرابع على 6000 زي ما بتيجي عنك او 6300 زي ما الكتالوج قالك

شكرا sad-bird لردك بس انا عارف الكلام ده كويس
وعارف ان 4 يعنى 4000 والكلام ده بس انا كنت عايزه يبقى اكتر دقه معايا.
عموما انا هبقى اظبطها الاول على 4500 والتانى 5000 والتالت 5500 والرابع 6000 اظن ده اسلم حل ولا انت رايك ايه يا Injection

[Injection]

المشاركة الأصلية كتبت بواسطة SMSM RACE شكرا sad-bird لردك بس انا عارف الكلام ده كويس وعارف ان 4 يعنى 4000 والكلام ده بس انا كنت عايزه يبقى اكتر دقه معايا. عموما انا هبقى اظبطها الاول على 4500 والتانى 5000 والتالت 5500 والرابع 6000 اظن ده اسلم حل ولا انت رايك ايه يا Injection

تمام كده ياباشا, بس حاول متقرصش عليها كتير الا فى الجرى وكده علشان العربيات الكورى عامة بتحتاج حنية شوية.

ومتنساش تشيك على العربية وتربط الحزام قبل ماتنطلق, وأبقى قولى النقل كده فيه فرق ولا لأ؟
وربنا يباركلك فيها ومتحتاجش ميكانيكى أبدا.

[MOTOR HEAD]

و الله العظيم فنان