شفولى حل مع غبور وحماية المستهلك

[Hisham.Elgazzar]

الدوكو الأبيض ده يا أستاز أحمد حاول تشيله بقطنة بكيروسين او ثنر مخفف
وياريت تغسل حوض الموتور تنضيف كيماوى عشان لو اى ترشيح زيت لا قدر الله يبان
بلف الفريون ده اتعمل فيه شغل لأن واضح ان عليه زيت
ضفيرة الكهربا ملفوف عليها شريط لحام هو فيه شغل اتعمل فيها ؟؟
ربنا يعوض عليك ويرزقك بأحسن منها إن شاء الله
لو حوض الموتور اتغسل كويس اى ترشيح ف الزيت بيظهر جدا

[Hisham.Elgazzar]

المشاركة الأصلية كتبت بواسطة tigerroad دة كويس انك رفعتهم انا هرفع عربيتى انهردة اشوف الدنيا تحت انا متوقع كل شىء الان وهصور العيوب الظاهرة

طبعا لازم تصور يا أستاز تيجرود عشان الناس تعرف وياريت تكشف على الحتت اللى فيها لحامات زى الأبواب والرفارف كمان طالما العربية ف الضمان لازم يصلحوها

صور ونزل الصور هنا عشان البغبغانات تحط لسانها فبقها وتسكت والجدع منهم يرد هنا واحنا منتظرين

[ahmedkolaly]

الاستاذ هشام واضح انك مازلت تشكك فيا دكو ابيض ايه يا استاذ وهيجى منين الحته دى كرمشه دكو وواضحه جدا وانت فكرك انى مسألتش فيها بتاع الدكو وبالنسبه لترشيح الزيت على الكرتيره التحتانية ده زيت باكم من مستر الدبرياج اللى منشع زيت وانت ما ذكرتهوش فى تعليقك يابشا ولا هوا مش واضح ده كمان وبالنسبه لشريط اللحام انا لم اقم بعمل اى شغل خارج التوكيل يا باشا لانى كده بديهم فرصه يخرجونى من الضمان وبالنسبه لبلف الفريون انا اشتكيت من ضعف التبريد والتكييف عموماً فقام الاستاذ كرلوس ولا مش عارف اسمه ايه الشاب الرفيع ده بتزويد الفريون وبعد كده اتضح لهم ان البلف والكمبروسور بايظيين وانا من اوائل الناس اللى اشتكت من التكييف حبيبى انا ما بفتيش وكل حاجه معموله عندهم انا مش عبيط عشان اديهم فرصه يمسكوها عليا دى حاجه والحاجه التانية انا نزلت بعض الصور ومش هنزل تانى عشان حرام ممكن حد يكون عنده العربية ومفيهاش حاجه يشيل منها عالفاضى عذراً استاذى سوف لا اقوم بالرد على تعليقاتك مرة اخرى ومجوبتنيش على سؤالى السابق هل لك صله بأدمن نادى سيارات مصر اذا امتنعت عن الاجابة يبقى الامور كده وضحت سلام

[Hisham.Elgazzar]

المشاركة الأصلية كتبت بواسطة ahmedkolaly الاستاذ هشام واضح انك مازلت تشكك فيا دكو ابيض ايه يا استاذ وهيجى منين الحته دى كرمشه دكو وواضحه جدا وانت فكرك انى مسألتش فيها بتاع الدكو وبالنسبه لترشيح الزيت على الكرتيره التحتانية ده زيت باكم من مستر الدبرياج اللى منشع زيت وانت ما ذكرتهوش فى تعليقك يابشا ولا هوا مش واضح ده كمان وبالنسبه لشريط اللحام انا لم اقم بعمل اى شغل خارج التوكيل يا باشا لانى كده بديهم فرصه يخرجونى من الضمان وبالنسبه لبلف الفريون انا اشتكيت من ضعف التبريد والتكييف عموماً فقام الاستاذ كرلوس ولا مش عارف اسمه ايه الشاب الرفيع ده بتزويد الفريون وبعد كده اتضح لهم ان البلف والكمبروسور بايظيين وانا من اوائل الناس اللى اشتكت من التكييف حبيبى انا ما بفتيش وكل حاجه معموله عندهم انا مش عبيط عشان اديهم فرصه يمسكوها عليا دى حاجه والحاجه التانية انا نزلت بعض الصور ومش هنزل تانى عشان حرام ممكن حد يكون عنده العربية ومفيهاش حاجه يشيل منها عالفاضى عذراً استاذى سوف لا اقوم بالرد على تعليقاتك مرة اخرى ومجوبتنيش على سؤالى السابق هل لك صله بأدمن نادى سيارات مصر اذا امتنعت عن الاجابة يبقى الامور كده وضحت سلام

انا آسف واضح هنا ان فيه سوء تفاهم
وزى ما قلتلك انا والحمدلله خبرتى فى العربيات على قدى لكن مش واضح اى حاجة على ماستر الدبرياج
كل الموضوع بقول لحضرتك إغسل الحوض وحاول تدارى اى عيوب عشان تعرف تبيع العربية بيعه كويسة
لأن الترشيح اللى بتقول عليه ده مش تراكمى (وده من وجهة نظرى لأنى معلوماتى على قدى ف العربيات ) كل اللى واضح ان العربية عليها تراب فى الحوض وطينة من الأرض وده فى كل العربيات ماحدش بياخد العربية معاه ف البيت
كباس التكييف برضو ممكن يكون باظ بسبب انه مفيهوش زيت عشان كدا الصنيعيى حطله زيت (وبرضو بيتغير فى الضمان )

انا عرضت وجهة نظرى اما انك تغسل العربية وتعرضها للبيع او تكمل مشوارك مع التوكيل وترفع قضية وفى كلتا الحالتين انا متضامن معاك

ونزل الصور براحتك انا بقولك من فضلك نزل الصور واعمل البانر برضو لو تحب

انا مليش اى علاقة بجروب الامجرند ع الفيسبوك ولا أعرف اى حد منهم ولا من قريب ولا من بعيد


ومنتظر أى حد منهم هنا ع المنتدى بتاعى الأرض دى بتاعتى مصر موتورز بتاعتى وفيها كل الشغل بتاعى وطلعت خبرتى كلها هنا للناس ومش ببخل على اى حد واى حد بيتطاول سواء بالتهكم او التشكيك الحمدلله بعرف أرد عليه كويس جدا


ولما اتكلمت مع الأدمن بتوع جروب الفيس قالها علنا مش عاجبك الجروب انت متلزمناش هههههههههههههه قعدت اضحك عليه وقلتله سايبهالكوا مخضرة

ابقى خلى اى حد منهم يجى هنا ويشكك فيك ولا فى صاحب الموضوع وهتشوف اه اللى هيحصل فيه

انا زعلان منك انك شكيت فيا لكن عموما انا بقول النصيحة وخلاص مش مستنى من سعادتك ولا من اى حد اى مقابل الله الغنى والحمدلله

تقبل تحياتى انت وصاحب الموضوع

[ahmedkolaly]

حصل خير يا صحبى ومفيش حاجه انا بس كنت بستفهم الموضوع بالنسبه للكرتيرة دى مش طينه ولا حاجه ده الزيت اللى نازل من مستر الدبرياج وبعدين انت ما لاحظتش حاجه ان العربية عامله 6000كم فقط امال لو بستعملها كتير وعامل عداد كانت عملت ايه معايا وانا ماغسلتهاش عشان يكون ده دليل قاطع على التسريب و انا رايحلهم قريب اول ما اعرف اخد اجازة وربنا المستعان واللى قرفنى الوقتى موضوع البنزين عشان البنزين هيبقى مشكله كبيرة الايام الجايه ولو معملوش حاجه اقسم بالله ما هعديها على خير اطلاقاً