الرد علي كل ما يخص السيارات الهيونداي

[alaa1968]

استاذ/ محمود ارجو الأفادة
بعد كام يوم يتم التسليم بعد الدفع كاش؟ اوبعد الحجز العادى فى غبور للألنترا المانيوال 2010
لانى بصراحة كان عندى موقف منكم عند شرائى سيارتى الفيرنا 2004 منذ 6 سنوات وبصراحة وبدون تحيز مواعيد غبور كانت غير دقيقة فى التسليم وعملت مشكلة علشان استلم بعد 20 يوم بعد مقابلة ****** عندما كان ******* بالرغم ان اللى اتقال انى كنت هاستلم بعد اسبوع
كمان ارجو توضيح ما هى الألوان المتوافرة منها - كذلك ارجو توضيح تفاصيل الكماليات للألنترا المانيوال اول فئة (اللى ب90 الف)
وهل توجد هناك فئة الأنترا مانيوال بها ايه بى اس ؟
ومشكور مقدما على مجهودك

[مودى1]

اية الفرق بين الفيرنا و ستار وكمان ستار دى شكلها ايةوقطع الغيار موجودة ولا لا ورخيصة ولا لا

[EGYCARS]

المشاركة الأصلية كتبت بواسطة Mr.Mamo الرد علي Egycars علي طريقة السؤال جـ) الاجابة اشكركم علي ثقتكم الغالية واتمني ان تكون الردود أفادتكم

أولا شكرا جدا علي اهتمامك و ردك الرائع
و احنا كمان بنشكرك علي تواصلك معانا ... واهتمامك بموضوع مهم جدا زي ده

[Mr.Mamo]

المشاركة الأصلية كتبت بواسطة alaa1968 استاذ/ محمود ارجو الأفادة بعد كام يوم يتم التسليم بعد الدفع كاش؟ اوبعد الحجز العادى فى غبور للألنترا المانيوال 2010 لانى بصراحة كان عندى موقف منكم عند شرائى سيارتى الفيرنا 2004 منذ 6 سنوات وبصراحة وبدون تحيز مواعيد غبور كانت مضروبة فى التسليم وعملت مشكلة علشان استلم بعد 20 يوم بعد مقابلة مصطفى بيه عندما كان مدير التخطيط بالرغم ان اللى اتقال انى كنت هاستلم بعد اسبوع كمان ارجو توضيح ما هى الألوان المتوافرة منها - كذلك ارجو توضيح تفاصيل الكماليات للألنترا المانيوال اول فئة (اللى ب90 الف) وهل توجد هناك فئة الأنترا مانيوال بها ايه بى اس ؟ ومشكور مقدما على مجهودك

مشاكل التسليم

لا يتم النظر الي الCASE لتسكين شاسيه أو موتور للعميل الا بعد سداد كامل قيمة السيارة
في حالة وجود سيارات يتم التسكين و ينتظر فقط دخول السيارة الPDI لتصبح جاهزة للتسليم
في حالة عدم وجود سيارة ينتظر حتي قدوم شاسيهات جديدة وتوفيق الالوان وهذا عمل منسق المبيعات ويتم التسكين حسب أولوية الحجز بمنتهي النزاهة و النظام وهو ليس بالامر السهل

النترا مانيوال

الالنترا المانيوال بعد فبراير سعرها 93000 مش 90الف .
لا يوجد النترا ملنيوال بها ABS

كماليات

4 سلندر- 1600 س س –121 حصان -(فتيس عادة) –16 صباب- 2 كامة- حقن الوقود إلكتروني (رشاشات) -4 زجاج كهربائي - تكييف-اريال مدمج بالزجاج – سنترلوك – ريموت كنترول –جهاز إنذار– راديو CD*usb*mp3-عداد (RPM) – فرش مخمل – مرايات كهرباء – 55 لترخزان الوقود-ساعة رقمية– فتح غطـاء التنك والشنطة من الداخل- عداد إلكتروني – باور إستيرنج - موديل 2010

أخيرا رجاء هام
لا داعي لذكر اشخاص أو ذكر توكيل غبور خاصة أو أي توكيل عامة بصورة غير لائقة في ردود سيادتكم علي مواضيعي وهذا طلب اتمني من العضاء الاستجابه له



يا سادة
إن وجودي في المنتدي ليس فقط من أجل تصحيح مفاهيم معينة لكل من لديه سيارة
و إنما لفهم طبيعة شراء السيارات و التعامل مها بصورة صحيحة
وكيفية التعامل مع التوكيلات بشكل يتيح لسيادتكم الفرصة للتمتع بكامل حقوقكم كعملاء

وغير مسموح اطلاقا بذكر اشخاص أو ذكر هيئات أيا كانت بصورة غير لائقة علي الأقل في مواضيعي
وتفضلوا بقبول فائق الاحترام و التقدير

[Mr.Mamo]

المشاركة الأصلية كتبت بواسطة ابو هيما متشكر جدا لرد حضرتك -بس على فكرة الموضوع ده سبب لى حيرة جامدة جدا وخصوصا أن سؤالى كان موجه دائما لكلأ الطرفان أقصد الذين يمتلكون المانيول والأتوماتيك ومفيش حد منهم أدانيى رأى واضح وصريح وكانت الأجابة دائما الوسط بينهم أى الذين يمتلكون هذه السيارة من الفائتين كان جوابهم دائما (أعتقد كده !!!!-يعنى هما برده بيشكوا فى استهلأكها الزيادة شوية للبنزين ) وعلى فكرة ده اللى خلأنى أعدل وأغير تفكيرى عن شرائها وفكرت أجيب الفيفا الهندى 12 صباب وكامة واحدة ومحرك 1500 سى سى يتناسب مع حجم السيارة مش زى الفيرنا المصرى اللى موتورها شديد عليها ومش متناسق مع حجمها وعلى فكرة كل الناس اللى أمتلكت الفيفا متكلمش عليها كلمة واحدة وبيقولوا كمان أن أستهلأكها للبنزين كويس جدا وتفيلها أحسن من المصرى بكتير وقطع غيارها متوفرة ورخيصة -وطبعا أستاذنا فى الحوار ده وكبيرنا اللى دائما نجد عنده النصيحة والمشورة وله منى كل الأحترام والتقدير الأستاذ AHMED CAR مشرف القسم الكورى -وفى كمان معلومة بس انا بصراحة مش متأكد منها عشان مكنش بفتى بس أنا سمعتها وهى ان مكونات الفيفا هى هى فى الموتور نفس مكونات الأكسنت 1500 الشكل القديم يعنى قطع غيار فى كل مكان ومتوفرة أكتر(برده نتاكد من الموضوع ده من اهل الخبرة والمسؤلين عشان محدش يأخد كلأمى على أنه ثقة !!!!) . فياريت برده تفيدنا برأى حضرتك بالتفصيل وبالنتائج العملية فى هذا الموضوع وياريت وده المهم لو حضرتك كان لك تجربة قيادة الأتنين تقولنا أيه رأيك فيهم ( أقصد الفيفا الهندى والنيو أكسنت) وشكرا لحضرتك مرة اخرى .

ما تأكد حتي الان أن كل من ماتور الاكسنت القديم و الفيفا أنهما نفس التكنولوجيا تقريبا ولكن لا يوجد ما يؤكد اطلاقا ما تقول و سأتأكد وان كان في الموضوع غير ذلك سأقوم بتعديل المشاركة


ومش كل عربيتين ينفع يا جماعة نقارنهم ببعض خالص
دي سكة ودي سكة تانية يا جماعة
لا يصح المقارنة بين النيو اكسنت و الفيفا انتم حينئذ تظلمون الفيفا .