موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[ابوجهاد]

[QUOTE=spada2000;534700]السلام عليكم ورحمة الله وبركاته عندي 128 موديل 90 عندي مشكلة مغلاباني العربية مش بترضى تلقط كونتاكت مش عايزة تدور خالص وبتدور زق رحت للكهربائي قالي البطارية سليمة والدينامو عايز يتغير جبت واحد استيراد ب 130 جنية المهم العربية دارت من تكة ومشبت بيها وروحت البيت تاني يوم الصبح جيت ادور نفس المشكلة بردوا مش عايزة تدور ولا تلقط خالص مع العلم ان العربية بتسخن جامد والموتور خفيف وجوان وش السلندر عايز يتغير ارجو الحل لو سمحتوا[/

اخي العزيز عدم الدواره والعربيه بارده وبتكتك معاك عند الدواره
1\ الابلتين والكوندنسر عايزين يتغيرو وتشيك علي البوجيهات
2\ البطاريه فيها ربع بايظ طول ما العربيه ماشيه تدور معاك طول النهار ولما تركنها تيجي الصبح ما تدورش معاك
انما اذا كانت العربيه دايره وسخنه وبطلت معاك وتيجي تدور ما تدورش ده يبقي المارش عايز جلب وتقبل تحياتي وارجو الرد لمعرفه العطل وكيفيه اصلاحه للافاده

[القبانى]

فى البداية اشكر القائمين على الرد فى هذا الموضوع الذى يخص سيارة الشعب وعندى استفسار بسيط :
اشعر بأن موتور السيارة مخنوق وكتير التصقيف ياترى ده عيب كهربا ولا كربوراتير؟؟؟

تقبلوا جميعا تحاتى

[kamal_love20]

المشاركة الأصلية كتبت بواسطة القبانى فى البداية اشكر القائمين على الرد فى هذا الموضوع الذى يخص سيارة الشعب وعندى استفسار بسيط : اشعر بأن موتور السيارة مخنوق وكتير التصقيف ياترى ده عيب كهربا ولا كربوراتير؟؟؟ تقبلوا جميعا تحاتى

اولا بشكر القائمين علي الموضوع فعلا شجعتوني اقول رائي
بص يا اخي المشكلة دي قابلتني في الريتمو واعتقد الريتمو عفشة وموتور مثل ال 128
بالنسبة للخنقة بس ممكن تكون البك بتاع الكربوراتير او خرطوم الهواء اللي في العمة او نظافة وظبط وتغير فلتر الكربوراتير
لو تسقيف بس يبقي ظبط تكيهات
لو خنقة وتسقيف يبقي ظبط كهربة العربية فيها سنة كهرباء زيادة

[kamal_love20]

المشاركة الأصلية كتبت بواسطة Eng.Ahmed النهارده وانا سايق فجأه العربيه عطلت مني بدورها بتدور بس في صوت زقزقها في الماتور واجى ادوس دبرياج العربيه تبطل مني ياتري ايه السبب ؟؟؟

اعتقد اعتقد وانا لست خبير بس عاشق لل 128 دي سخونية بوبينة او كهربة العربيا مش مظبوطة

[kamal_love20]

المشاركة الأصلية كتبت بواسطة sayed2077 شوفت المنطقة بتاعت سير الكاتينة اللى متغطية ببلاستك جانبيها فيه سير كده طرمبة الميه هتلاقية متلعه بكره بيلفها السير ده معلش انا مش عارف اوضح يمكن علشان مفيش صوه لو فيه كونت علمتلك عليها وروح بس لميكانيكى يوم السبت وان شاء الله يظبطلك الدنيا بس يكون ميكانيكى نضيف اخوك فى الله سيد

بالضبط ال 128 فيها 2 سير واحد عريض ومدرج ودا سير التقسيمة وبيبقي محمي بغطاء اصفر
التاني بين طارة الدينمو وطارة طلمبة المياه اعلي يمين الموتور