انا كونت على وشك انى اشترى الكيا سبورتاج و تراجعت

[mohamed belal]

بس على فكرة سبورتاج فيها كل الكماليات دى

[ابو هيما]

المشاركة الأصلية كتبت بواسطة esafegypt خليك فى الالمانى لو لم تقدر خليك فى الاوروبى لو لم تقدر خليك فى اليابانى لو لم تقدر خليك فى الكورى لو لم تقدر خليك فى الماليزى لو لم تقدر خليك فى الصينى لو لم تقدر خليك فى بيتك وخليك فى حالك ......................... ......

ههههههههههههههههههه,,يا لذيذ يا رايق

[ابو هيما]

شوف يا باشا ,, أول حاجة صلى على النبى محمد
أنا هاقول لحضرتك حاجة تتطلعك من الحيرة دى خالص وهاتدعيللى والله أنت وكل اللى هايقرءوا تعلقى .
شوف أول حاجة أبعد عن وجع الدماغ زى الكورى والصينى والهندى واللى مش عارف أيه والحاجات دى ,, أنت بتقول أنك راجل بتركب ألمانى وشغال فى ألمانيا يعنى بلد تكنولوجيا السيارات ودقة العمل والأداء فى كل شىء ,,وأنت عمرك ماركبت الأ الألمانى ومش هترضى بأقل من كده جودة وأداء عالى ,, عارف ليه ؟!!
لأن الحاجات الكورى دى كولها منظر وبتعتمد على الأبهار وزغللة عين المشترى بشكل الصالون الفخم والتصميم الجذاب من الخارج والفرش وحاجات تانية كتير ماهى الأ للى عاوز يتمنظر وأن كل اللى يشوف عربيته يعجب بيها وفى نفس الوقت يقدر يبعها بسهولة يوم ما يفكر يبيع فعشان كده هتلأقى الناس هنا فى مصر كلها مركزة فى الكورى والصينى ,, من الأخر حاجة كده على أد لحافك وقطع غيار رخيصة وسعر بيع كويس , لكن جودة وأداء أنــســــــــــــــــــــ ـــى !!!!
تعرف العربية اللى هاتحس فعلأً معاها بالتغير ومش هاتحس بفرق كبير بينها وبين الألمانى وكمان هترضيك جداً فى أدائها ومش بس كده ,, لأ , كمان هتوفر فيها الفلوس الزيادة اللى كنت هاتدفعها فى الكيا !!!!!!!!!!!!!!!!!!!!!!!!!
العربية بأختصار هى رينــــــــــــــــــــــ و داســــــــــــــــــــــ ــــــتر
عارف داستر بالأنجليزى معناها أى ؟!!! يعنى لمو أخذة (( المنفضة أو حتة الكهنة اللى بنمسح بيها طربيزة المطبخ ))
وده معناه أن العربية دى مخصصة للمشقة والظروف الصعبة ,, وعلى فكرة العربية دى ناجحة جداً فى دول أوربا وحققت مبيعات خرافية وأصبح الطلب عليها عالى وقوائم الأنتظار طويلة ,, ولو أنت مش مصدقنى ,, أمشى فى شوارع ألمانيا وأنت تعرف بنفسك أن كلأمى صح .
أجملا ما فى الموضوع بقى أن العربية اللى بتروح ألمانيا هى هى نفسها اللى بتيجى مصر يعنى حاجة أوروبى أصلى مش يابانى ولأ كورى ولأ صينى ,, لأ ,, بقولك أوربى على أصله
وأفتح موقع يوتيوب وأكتب Dacia Duster وأنت تشوف بعينك اللى أنا ما قولتوش .
نيجى بقى للتوكيل ,,وهو يعد من أنظف وأحسن التوكيلات فى مصر وده بشهادة كل الناس اللى أتعملت معاه وبتكتب عنه هنا وفى منتديات أخرى , بس هو يمكن فى كتير مش بشكروا أوى فى توكيل المقطم زى ما الكتير اللى شكروا فى توكيل العبور .
وبعدين ما تخفش من أى حاجة ,, يعنى لو مش هايعجبك التوكيل فأن شاء الله هتلأقى بره ألأف من الورش المتخصصة فى صقر قريش والحرفين وأماكن أخرى متخصصة فى الرينو وأغلب صحاب هذه الورش بيبقى شغال أصلأً تبع التوكيل أو سابه وشغال لوحده , فهتلأقيهم بيفهموا كويس وعندهم أجهزة قياس وكل حاجة ,, يا
المشكلة بس الوحيدة وديه بالنسبة لى أنا شخصياً مش مشكلة بل ميزة ولكن بالنسبة لبعض الناس الأخرى مشكلة.!!!
وهو أن العربية دى بتنزل مانيوال بس
وهى نوعين
نوع 2x4 وده سعره 126
ونوع تانى وهو ده أحسنهم وهو ده اللى هايمشى معاك وخصوصاً أنك كاتب أنك بتحب سيارات الدفع الرباعى ,, وهو هنا 4x4 وده بيبقى سعره 135 ألف تبع التوكيل ومن الطارق وهو أيضاً موزع معتمد فبيعمل تخفيض ألف فيبقى كده ب 134000
خد عندك بقى المميزات
الطراز : دفع رباعي
سعة المحرك : 1.6 لتر
قوة المحرك : 105 حصان
عدد الاسطوانات : 4 اسطوانات
منظومة الدفع : امامى / رباعى
الفتيس : يدوى
عدد السرعات :6 سرعات فقط لنظام الدفع الرباعى

الطول :4315
العرض :1821
الارتفاع :1631
قاعدة العجلات :2672
سعة خزان الوقود : 50
عربية مصفحة بالكامل من تحت ,امكانية التحكم فى الابواب الخلفية لحماية الاطفال , نظام فرامل مانعة للأنغلاق ABS
نظام التحكم فى الثبات الالكترونى EPS , نظام التوزيع الالكترونى لقوة الفرملة EBD
نظام الدخول الامن بريموت كنترول , مساحات زجاج امامية بـسرعات مختلفة , كروز كنترول
وسادات هوائية للسائق والراكب الامامى , وسادات هوائية خلفية وعلوية وجانبية , باور سترينج
جيوب خلفية المقاعد الأمامية , نوافذ كهربائية امامية وخلفية , إمكانية تعديل ارتفاع عجلة القيادة
احزمة امان ثلاثية التثبيت مع شد للأكتاف , نظام تدفئة للزجاج الخلفي , قفل مركزى للأبواب
مرايات قابلة للطى والتدفئة كهربائيا ,مصابيح امامية اتوماتيكية , مصابيح امامية ضبابية
مساند رأس أمامية يمكن تعديل ارتفاعها , عجلة قيادة من الجلد ثلاثية الاضلاع متعددة الاستخدامات
إمكانية تعديل ارتفاع مقعد السائق , حاملات اكواب امامية وخلفية , دواسات ارضية امامية وخلفية

نظام العجلأت الخلفية مالتى لينك .
نيجى بقى للصور عشان نختم الموضوع ,, أنجوى يا مان أنت فى مصر ,, كل شىء موجود فلأ تقلق!!!! 4سماعات امامية وخلفية ومشغل AM/FM /CD/ MP3 , مدخل USB , تكييف هواء ,

[ابو هيما]

وشوف الصور دى كمان وأبقى قولى رأيك أيه ,,

[ابو هيما]

enjoy with Renault Duster