أدب الرحلات

[خالدخليفة]

ورجعنا بالسلامة ورحلة كانت ممتعة لان طرفها التانى كان احمد كروزير
وهو شاب طيب ولذيذ لكن وزنه عايز ينقص حوالى 90 كيلو
ورغم انه كان راكب جنبى فى النيسان لكنه اثبت انها عربية متينة وجابت 170 كيلو/ساعة رغم انه كان جواها ههههههههههههههههههههههههه هههههه
واثناء الطريق هات ياكلام انا وهو لانى سايق 98 كيلو / ساعة علشان الرادارودخلنا بوابات اكتوبر واصر اننا ندخل من باب القوات المسلحة
يااحمد مش لازم
ابدا انا معايا كارنيه
ماشى ياعم يابخت من كان معاه كارنيه
والعسكرى فتح الطريق من غير اى حاجة ولاشاف حاجة
وطول السكة بنتكلم
وافتكرت 3 موضوعات علشان اكتبهم هنا وقلتله فكرنى بيهم لما نوصل اسكندرية علشان اكتبهم فى ورقة ولما نرجع بالسلامة اكتبهم فى المنتدى
ماشى عينى ياعم خالد
وببص فى الساعة لقيتها 6:10 وباقى على المغرب نص ساعة وباقى على اسكندرية82 كيلومتر وقلت مبدهاش بقى انا زهقت ياعم احمد
وفتحت السرعة
ودخلنا بوابات اسكندرية
ادخل على الشرطة
ياعم مش مهم
ابدا انا معايا كارنيه
يادى الكارنيه
مااااااااشى ياعم
وأصر العسكرى يشوف الكارنيه المرة دى
وفوجئت بالباشا طلع محفظة فيها لايقل عن ييجى40 كارنيه
ايه ده ياعم
والعسكرى راسه والف سيف لازم يشوف الكارنيه والتانى بيدور ومش لاقى
المهم يظهر صعبنا على العسكرى وقال دول ممعاهومش 2 جنيه تذكرة البوابة وراح معدينا
ومع ذلك 35 دقيقة بالظبط كنا عند كارفور
وركنت العربية وسالته
انا قلتلك فكرنى ب3 مواضيع ايه هما بقى
بص لى وقال / آه صحيح ايه هما فكرنى كده
انا اللى افكرك ؟؟؟؟؟؟؟!!!!!!!!!!!
حسبى الله ونعم الوكيل فيك ياشيخ

[احمد بدر1978]

المشاركة الأصلية كتبت بواسطة خالدخليفة ورجعنا بالسلامة ورحلة كانت ممتعة لان طرفها التانى كان احمد كروزير وهو شاب طيب ولذيذ لكن وزنه عايز ينقص حوالى 90 كيلو ورغم انه كان راكب جنبى فى النيسان لكنه اثبت انها عربية متينة وجابت 170 كيلو/ساعة رغم انه كان جواها ههههههههههههههههههههههههه هههههه واثناء الطريق هات ياكلام انا وهو لانى سايق 98 كيلو / ساعة علشان الرادارودخلنا بوابات اكتوبر واصر اننا ندخل من باب القوات المسلحة يااحمد مش لازم ابدا انا معايا كارنيه ماشى ياعم يابخت من كان معاه كارنيه والعسكرى فتح الطريق من غير اى حاجة ولاشاف حاجة وطول السكة بنتكلم وافتكرت 3 موضوعات علشان اكتبهم هنا وقلتله فكرنى بيهم لما نوصل اسكندرية علشان اكتبهم فى ورقة ولما نرجع بالسلامة اكتبهم فى المنتدى ماشى عينى ياعم خالد وببص فى الساعة لقيتها 6:10 وباقى على المغرب نص ساعة وباقى على اسكندرية82 كيلومتر وقلت مبدهاش بقى انا زهقت ياعم احمد وفتحت السرعة ودخلنا بوابات اسكندرية ادخل على الشرطة ياعم مش مهم ابدا انا معايا كارنيه يادى الكارنيه مااااااااشى ياعم وأصر العسكرى يشوف الكارنيه المرة دى وفوجئت بالباشا طلع محفظة فيها لايقل عن ييجى40 كارنيه ايه ده ياعم والعسكرى راسه والف سيف لازم يشوف الكارنيه والتانى بيدور ومش لاقى المهم يظهر صعبنا على العسكرى وقال دول ممعاهومش 2 جنيه تذكرة البوابة وراح معدينا ومع ذلك 35 دقيقة بالظبط كنا عند كارفور وركنت العربية وسالته انا قلتلك فكرنى ب3 مواضيع ايه هما بقى بص لى وقال / آه صحيح ايه هما فكرنى كده انا اللى افكرك ؟؟؟؟؟؟؟!!!!!!!!!!! حسبى الله ونعم الوكيل فيك ياشيخ

هههههههههههههههههههههه
ياعنى مش عارف تكتب الموااضيع قبل ماتنزل ومتلاقيش غير كورسير يفكرك دة نساى درجة اولى
حمد لله بالسلامة
انتوا كنتوا رايحين فين؟
هههههههههههه

[sad-bird]

ايه الموضوع
هو ميعاد امبارح باظ والا ايييييييييييييييييه

مينفعش كده
من امبارح في مشوار وناسي الناس اللي هنا

المشاركة الأصلية كتبت بواسطة خالدخليفة ورجعنا بالسلامة ورحلة كانت ممتعة لان طرفها التانى كان احمد كروزير وهو شاب طيب ولذيذ لكن وزنه عايز ينقص حوالى 90 كيلو و........................ ...

طيب كنت قووولي
كنت جيت معاك
ايه يعني هتشوف النيسان تشيل كمان 100 معاكو والا لا
ههههههههههههههههههههههههه ههههههه
حمد الله على السلامة
افكرك انا باول موضوع من التلاته


كنت هتتتكلم عن العرب
وعلى ما يبدو انك شوفت حاجة على الطريق فكرتك

المشاركة الأصلية كتبت بواسطة احمد بدر1978 هههههههههههههههههههههه ياعنى مش عارف تكتب الموااضيع قبل ماتنزل ومتلاقيش غير كورسير يفكرك دة نساى درجة اولى انتوا كنتوا رايحين فين؟ هههههههههههه

كانو رايحين اسكندرية ومتصولش بيك يبقى كانو رايحين يشوفوا عروسة لواحد فيهم
يا تري ميييييييييييييييييييييييي يييييييييييين

[احمد بدر1978]

المشاركة الأصلية كتبت بواسطة sad-bird كانو رايحين اسكندرية ومتصولش بيك يبقى كانو رايحين يشوفوا عروسة لواحد فيهم يا تري ميييييييييييييييييييييييي يييييييييييين

عروسسسسسسسستى

المشاركة الأصلية كتبت بواسطة خالدخليفة ونكمل واليوم يوم الأذاعة فى محطة مصر(القاهرة) وفى محطة القاهرة مذيع لذيذ ظريف اعتقد اسمه عم محمود وعم محمود راجل صوته فعلا ينفع مذيع اجدع من جلال معوض اللى كان بيذيع حفلات اضواء المدينة لأم كلثوم زماااااان وكان يعلن عن دخول وخروج القطارات بلحن مميز تحس انه مطرب بجد ويعيد الاعلان مرة و2 علشان الناس كلها تعرف القطار بتاعها واقف فين او جاى فين واحيانا يزود شوية ولما تروح تسأله عن قطار معين يقابلك بابتسامة ظريفة ويقول لك مجاليش خبر من البرج (برج الأشارات اللى قلنا عليه قبل كده ان المسئول عنه مايسترو ) القطار ده هييجى فين لكن كنت دايما الاحظ ان فى قطار معين كان دايما يعلن عنه كأنه يزف بشرى للجماهير وانا هكتب الكلام زى مكان بيقوله واكتبه بعد كده بطريقة صح وكان يقول ايييكـسـبرييييـــس محافظاااات اسكندريااااااااااا قطااااااااااار 157 الوارد يصل ل (2 لام) رصيف ف (2 فاء) عشرااا والترجمة اكسبريس محافظات اسكندريه قطار157 الوارد يصل رصيف 10 ويكررها فى القطار ده بالذات اكتر من 7 او 8 مرات والحقيقة هذا القطار كان من القطار المحبوبة لدى الناس فعلا سريع جدا بيقوم من القاهرة 7:15 بالليل ويصل سيدى جابر 9:45 وتذكرته ب10 جنيه حتى الآن الى اسكندرية وبيوسعو له السكك يعنى القطار اللى قبله قطار الساعة7 مباشر اسكندرية مبيقفش وهو عنده حق لان فعلا اثناء الاعلان عن القطار لو نظرت الى صحن (بهو /صالة) محطة مصر ستجد ناس كتييير جدا داخلة تجرى على رصيف 10 وتجد العساكر والمباحث بيوسعولهم لانهم عارفين اشكال ومناظر اللى بيسافرو كل يوم وفى يوم سألته انت بتدلع القطار ده فى الأعلان عنه فضحك فقال اصل ده السريع بتاع الغلابة يابيه ومفيش سريع بعده طبعا فى عهد منصور هذا القطار كان يصل متأخرا جدا وكان معاده 7:15 مساءا وكنت اخرج من بيتنا 8 بالليل واوصل المحطة8ونص والاقيه لسه جاى وطبعا جاى من الاقصر فلازم الجرار يستريح شوية وكان بيقو م 9 بالليل الشىء الجميل ان هذا الرجل كان يقوم بعمله بهمة ونشاط رغم كثرة القطارات الداخلة والخارجة ولكن كـكـل شىء جميل فى بلدنا لايستمر واختفى عمك محمود وسمعت صوت نسائى غليظ يعلن عن القطار مرة واحدة او 2 بالكتير بطريقة غير مفهومة وفهمت فهمت مفهمتش ان شا الله عنك م فهمت وللحقيقة اخترعت سؤال للدخول للمكتب والاطمئنان على عم محمود ووجدت هذه السيدة قابلتنى بوجه عبوس(مكشرة ف وشى) نعم قطار كذا على رصيف كام هتسمع دلوقت مهو صوت المكروفون مش واضح (مرضيتش اقول ان هيا اللى بتذيع بطريقة مش كويسة ) ابقى اسأل فى كشك الاستعلامات بره وخلص بقى علشان متعطلنيش ولم اجد فرصة للسؤال عن عم محمود والحقيقة ان مفروض ينقو الناس اللى مسئولة عن الاذاعة فى السكة الحديد زى التلفزيون والمطارات وغيره من حيث الصوت والالقاء ومعاملة الناس لكن تقول ايه لنا الله من قبل ومن بعد

ههههههههههههههههههههههههه هههههههه

ديه عايزه واحد من عندكو من البلد زي اللي كان مش طايق مسرحية ممدوح وافي

كان زمانه موتها جوه الكهف اللي بتعلن منه عن موعد القطارات