دليل الاعطال و الاصلاحات للفيرنا

[abosamra]

رحت انهاردة و استلمت العربية بس الضمان طلع صح ماخدوش و لا مليم
الحمدلله

[doha_ss]

السلام عليكم ورحمة الله وبركاته
اولاً احب اشكركم علي الموضوع الجميل ده
انا عندي مشكلة ومشعارف هيا مشكلة ولا لا‘
انا معايا فيرنا 2010 عامل بيها 8250 كلم اول ما استلمت السيارة كانت بتحدف يمين وكان فيه رجه بعد ال 80 المهم وانا في صيانة ال 1000 قولت للمهندس علي الملاحظات ولكن قالي ان الجهاز عطلان اضبط زوايا ورصص بره
بعد كده ضبط زوايا ورصصت في بنزينة وطنيه الي عند مسجد السلام وكمان حطيت نيتروجين العربية بقت تمام لغاية من يومين بقت تحدف يمين بعد ال 100 وفيه رجه علي التسعين ممكن تكون الرصاصة وقعت اصل انا قلقان لان الراجل بتاع الزوايه او المجند بشكل صحيح قالي فردة الشاسية اليمين أقصر من الشمال ب 1 سم وده عيب دارج في خط الانتاج ودي مش أول عربية تجيلو ولما ضبطلي قالي هتحدف بعد فترة علي العموم انا رايح صيانة ال 10000 قريب وهقول لهم تاني يمكن يصلحو واسف اننا وجعت دمغكوا

[mfa100]

المشاركة الأصلية كتبت بواسطة doha_ss السلام عليكم ورحمة الله وبركاته اولاً احب اشكركم علي الموضوع الجميل ده انا عندي مشكلة ومشعارف هيا مشكلة ولا لا‘ انا معايا فيرنا 2010 عامل بيها 8250 كلم اول ما استلمت السيارة كانت بتحدف يمين وكان فيه رجه بعد ال 80 المهم وانا في صيانة ال 1000 قولت للمهندس علي الملاحظات ولكن قالي ان الجهاز عطلان اضبط زوايا ورصص بره بعد كده ضبط زوايا ورصصت في بنزينة وطنيه الي عند مسجد السلام وكمان حطيت نيتروجين العربية بقت تمام لغاية من يومين بقت تحدف يمين بعد ال 100 وفيه رجه علي التسعين ممكن تكون الرصاصة وقعت اصل انا قلقان لان الراجل بتاع الزوايه او المجند بشكل صحيح قالي فردة الشاسية اليمين أقصر من الشمال ب 1 سم وده عيب دارج في خط الانتاج ودي مش أول عربية تجيلو ولما ضبطلي قالي هتحدف بعد فترة علي العموم انا رايح صيانة ال 10000 قريب وهقول لهم تاني يمكن يصلحو واسف اننا وجعت دمغكوا

هو فعلا فى الفيرنا 2010 فى بعض السيارات بها عيوب فى الهيكل . انا الفروق فى الشنطة و الكبوت و قوايم الباب مش مظبوطة . انت عارف التقفيل المصرى لازم يبقى فية عيوب دى سنة . انا رأيى انك ما تعملش حاجة برة التوكيل علشان ما حدش يتلكك عليها و ارجع لقسم الهياكل فى ابو رواش و ما تستناش لصيانة ال10000 . و صر على موقفك معاهم ما تخليش حد يبرمجك . و يا ريت لو تروح مركز خدمة يكون كويس يأكدلك العيب اللى فى الشاسية علشان تتكلم فى التوكيل بناء على معلومات واضحة .

[monty1972]

السلام عليكم
كاسى العربية مش مريخانى خالص فيها حاجة غلط ممكن اغيرهم باية و هل جديد او مستعمل ؟؟ المهم ان الكرسى يكون مريح انا باسوق كتير و ظهرى تاعبنى جدا
وشكرا

[1000mabrook]

اسف يا استاذ مصراوى كلام سيادتك غلط الصوت دة فى الكبالن الداخلية زى الاستاذ احمد ما قال و ممكن تفكهم و انت تعرف بنفسك