احداث رياضية لاعوام 2008 2009 2010 2011

[aif]

المشاركة الأصلية كتبت بواسطة AboNoRa من غير ما ادافع عن عمرو اديب برضو المنتخب فشل ومينفعش نقارنة باسبانيا ياريت كنا لعبنا زى اسبانيا لاخر دقيقة مكانش هنزل والله يمكن كنا هنتصدم بش مش هنحزن ونتغم زى ما حصل منتخب امريكا لعب زى ما مصر كانت بتعلب اول الدورة ويكاد يكون ماتش اسبانيا وامريكا زى ماتش مصر وامريكا الناس بتعلب على المضمون وكورة من غير فزلكة مجهود وجدية واحترام للمنافس وتمركز دفاعى وبيلعبوا على المرتدات والانفرادات وعندهم رؤس حربة فعالة احنا بقى شغل فراعنة استهونا بيهم ولعبنا بخطة خزعبلية واتنين مهاجمين مكسحين ونازلين نجيب 5 اجوان حتى بعد الشوط الاول الغباء مستحكم وبرضو بنلعب بتشكيل هجومى يا جماعة محدش ينكر فى اخطاء حصلت من المنتخب بالجملة واسواء ما فى موضوع عمرو اديب انه غير اهتماممنا لخطىء شخص معروف عنة الخطاء اساساً ونسينا اخطاء جهاز ادارى ومنتخب اقل ما توصف بها انها كارثية ولازم الرياضة المصرية تنضج بقى مش معقول الناس كلها تتعلم من بعضها واحنا نفضل نفكر بعواطفنا بس

يا ابو نورا مهما كانت النتيجة والاداء ..... ما يصحش انه يتهمهم بهذه التهم البشعة .... تخيل ان اسرهم واولادهم بيسمعو الكلام ده ...
اللي عاوز ينتقدهم يقول اللي عاوزه .... لكن بدون اتهام في الاعراض بهذا الشكل

ولو رجعنا للكلام الرياضي ..... احنا قدراتنا البدنية لها حدود ....
واضح ان امريكا اكثر فرق الدورة لياقة
ببساطة مستواهم بيتقدم بمرور المبارايات ... مش بيتعبو ..... مواتير جنرال موتورز بتجري ف الملعب .... مباراتهم مع ايطاليا كان مطرود منهم واحد ....
ومع البرازيل اكيد خبرة البرازيل فرقت
وطبعا امام مصر كانو عاوزين يردو اعتبارهم .... واحنا عاوزين نكسب بذكريات المبرايات السابقة مع البرازيل وايطاليا

احنا عكسهم تماما .... مستوانا بدأ قوي و بعد كدة تعبنا ....
احنا زي العربية ال 128 لما تقارنها ب دودج او فورد .....
وبعدين تصنيف منتخب امريكا افضل مننا منذ عشر سنوات ...
لو كنا كسبنا كانت ح تكون مفاجأة .... زي مفاجأة ايطاليا كده
...
انا اتوقع فوز امريكا على البرازيل في النهائي ... العامل البدني ح يفرق كتير .... وقوة اجسام الامريكان ح تتفوق على مهارة البرازيلين
انا اتوقع كدة ...... لكن اتمنى خسارة امريكا طبعا في اي مجال واي منافسة سواء رياضة او غيرها .. .. ... ولاسيما امام البرزيل ptmnlo123per154

[د0تامر محمد]

كيف تصل مصر الى نهائيات كأس العالم؟
تحليل النتائج والارقام
--------------------------------------------
بعد ان أصبح رصيد الجزائر 7 نقاط من لعب 3 مباريات ورصيدنا نقطة من مبارتين تعقد الموقف وأصبح وصولنا صعبا خاصة وان الجزائر تمتلك فرق أهداف أعلى
دعونا نرصد ونتوقع ما سيحدث وكيف يمكن أن نصل لو أردنا بأقدامنا لا بأقدام الغير

المباريات
----------
1-الجزائر- مصر 3-1
2-راوندا- الجزائر 0-0
3- زامبيا- الجزائر 0-2
4-الجزائر -زامبيا 2-0
5-الجزائر -راوندا 3-0
6-مصر الجزائر 2-0
*اذن مجموع النقاط للجزائر =13
له اهداف=10
عليه=3
اذن فرق الاهداف=7
والنتائج السابقة اعتقد ان الجزائر لا تحلم بها لانها تعتبر نتائج ممتازة الا اذا حدثت مفاجآت


*نأتى لمصر
1-زامبيا-مصر 1-1
2- الجزائر-مصر 3-1
3-مصر -راوندا 5-0
4-راوندا -مصر 0-1
-زامبيا-مصر 0-1
6-مصر الجزائر 2-0

*اذن بهذه النتائج وهى فقط يصبح لنا 13 نقطة
*لنا أهداف=11
علينا=4
فرق أهداف=7
*يصبح هكذا فرق الاهداف مساويا بعد تساوى النقاط
يعود الصعود الى من أحرز أهدافا أكثر وهو نحن
وهكذا مبروك لمصر!!
*هل نستطيع تحقيق هذه المهمة المستحيلة ؟
من يدرى ربما وربما يلعب القدر لعبته ويتحرك الاخرون وينتفضوا بعد ان جعلوا من الجزائر عملاق ينتفض وصنعنا الوهم معهم

[AbOnOrA]

يا حج احمد انا معاك تماماً فى رفض اسلوب عمرو اديب عامة سواء فى انتقادة لمنتخب مصر او عامة لانى متابعة من زمان وعارف اسلوبة كويس

بس انا مش عايز الناس تفضل تتكلم عن عمرو اديب وتنسى وضع المنتخب

ومع احترامى الكامل لحضرتك مش شايف اى حجة للمنتخب المصرى فى هزيمتة الاخيرة المفروض كنا نلعب لعبنا باسلوبنا اللى متعودين عليه ومكانش صعب ابداً نخسر بفارق هدفين

[فادى]

احنا فى النهاية بطل أفريقيا, و أدائنا فى هذه الدورة لم يكن على المستوى المطلوب من بطل أفريقيا, القارة التى تحتوى على فرق مثل الكاميرون و كوت ديفوار و نيجيريا و السنغال.
أكثر ما يحزن اننا فرحنا بالخسارة من البرازيل بهدف واحد, و سعدنا بشكل مبالغ فيه بالانتصار على ايطاليا فى مباراة كانت الحظ فيها الى جانبنا بشدة,
هذا الفرح المبالغ فيه لمجرد حصد 3 نقاط لم ينفعونا فى النهاية يدل انو عندنا عقدة نقص مركبة و مزمنة من الأجانب, ليست مفاجأة أن تفوز مصر بطلة افريقيا على ايطاليا, و ليس من المشرف الهزيمة من البرازيل أيا كان الأداء, أما الهزيمة من فريق ضعيف مثل الولايات المتحدة فهى أم المصائب.
و كانت النتيجة النهائية و العبرة بالنتيجة, أننا رابع المجموعة, أى اننا أسوأ فريق فى المجموعة, فمعرفش الناس بتحتفل بالمنتخب على ايه بالضبط؟!

[Ahmed Anwer]

المهمة مش مستحيلة

و كمان انتا عامل الحساب علي أساس ان الجزائر مش هتتهزم غير من مصر في مصر

خلي بالك الجزائر فريق عربي

يعني عدم ثبات للمستوي

فمش بعيد خالص انها ممكن تتعثر في ماتشات تانية

المهم بس ميكونشي فيه تهاون بالنسبة لينا و ياخدوا كل الماتشات داخلية و خارجية علي انها ماتشات كؤوس