طريقة تركيب أرضية جلد للسيارة و عوازل الصوت ( بنفسك ) بالصور

[bigheart35045]

المشاركة الأصلية كتبت بواسطة محمد اشرف اول حاجه الموضوع منقققققققققوووووووووووووو وووول للافاده ويا رب يفيد الجميع الكثير مننا يعاني من صعوبة تنظيف ارضية السيارة الموكيت و القليل قد يستطيع تنظيف الموكيت و لم يعاني من شيء بالنسبة لي أعاني من هذه المشكلة و كذلك اعاني من الصوت العالي سواء من الموتور أو من صوت الإحتكاك الناتج من الكاوتش بالأسفلت فقررت ان اغير ارضية السيارة بالجلد بدل الموكيت نزلت التوفيقية و عملت جولة لشراء مسلتزمات الأرضية الجلد و لم اتمكن من شراء ما ارغب فيه نظرا لسوء الخامات اللي شوفتها و كمان لعدم توافر الألوان و بعض المستلزمات الأخري المهم نزلت منطقة المناصرة في شارع محمد علي بالعتبة و لقيت محلات متخصصة في الحاجات دي فقمت بشراء الأتي مع العلم ان سيارتي فيورا 127 3 متر جلد أرضيات (العرض بيبقي 138 سم ) وش جلد و الضهر شبيه بالموكيت سعر المتر 25 جنيه 2 متر (عرض متر واحد) فوم مغطي بطبقة سيلفر سعر المتر 13 جنيه 1 متر (عرض 2 متر) لباد شبيه ببطاطين الجيش سعر المتر 15 جنيه متر و نص (عرض متر) جلد أو كاوتش إستعملته في عمل دواسات امام كل كرسي و الكنبة إللي ورا سعر المتر 65 جنيه هو غالي شوية لأن الخامة مستوردة متر (عرض 140 سم) جلد خفيف يستخدم أصلا في فرش الأبواب سعر المتر 14 جنيه نص كيلو كولا لأستعمالها في اللصق ب 12 جنيه و دي صور لما قمت بشراؤه دة الجلد بتاع الأرضيات [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. و دة الفوم المغطي بالسيلفر و أيضا اللباد اللي عامل زي بطاطين الجيش ههههههههههه [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. و دة الكاوتش أو الجلد إللي هيستخدم في دواسات أمام كل كرسي [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. و طبعا اول شيء عملته اني قصيت الجلد دة و عملت الدواسات بما ان دي أسهل عملية في الموضوع كله [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. ابتديت أولا بفك الكراسي و الكنبة و الموكيت القديم من السيارة و فك اللباد القديم و غسله في الغسالة و تنظيف الأرضية الصاج جيدا بالمكنسة الكهربائية لشفط الأتربة و الرمل الموجود في الأرضية بدأت بعد كدة بتقطيع الفوم العازل للحرارة علي شكل مستطيلات بمقاسات مختلفة كما في الصورة و طبعا موضوع التقطيع علي شكل مستطيلات دي حاجة شخصية مش أساسي انا عملت كدة لسهولة وضع الكولا عليها و سهولة لصقها في الزوايا و المنحنيات جنب بعضها [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. بعد كدة وضعت الكولا علي الفوم بفرشة دهان لتوزيع الكولا جيدا و تسيبها دقيقتان تنشف و تقوم لاصقها في مكانها كما في الصورة [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. طبعا هتسألوني و تقولولي إيه فائدة الفوم من خلال تجربتي الشخصية الفوم بيمنع دخول أي حرارة أو دخان أو صهد بجانب ان اي عربية بيكون فيها فتحات في الأرضية معرفش ليه و دي كل ما أغسل العربية من تحت في أي بنزينة لازم ألاقي الأرضية غرقانة مياه و بتاخد مدة عقبال ما تنشف و يا سلام لو الموضوع قلب بريحة عفانة أو غيره بعد كدة حطيت اللباد القديم بتاع السيارة أصلا بعد ما غسلته في الغسالة و سبته لغاية ما خد وقته و نشف و رجعت ركبته مكانه فوق الفوم مع العلم ان اللباد مش لازم يتلصق بالكولا زي الفوم و بدأت بعد كدة بتقطيع اللباد الجديد و اهم شيء في الموضوع كله طبقة الفوم و طبقة اللباد إللي بيبقي علي صدر العربية من الداخل عشان لما تكون قاعد و سايق ماتسمعش صوت الموتور و ماتحسش بصهد أو حرارة جاية من الموتور دي صورة لطبقة اللباد إللي حطيتها عند الصدر [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. اللباد يا جماعة بيمنع الصوت العالي و دة من خلال تجربتي الشخصية و دي صورة تانية للباد في الأرضية [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. و دي صورة كمان للباد [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. بعد الخطوات اللي فاتت دي إبدأ خد مقاساتك عشان لو خدتها قبل الخطوات دي هتلاقي الدنيا خربت و دة إللي حصل معايا ههههههه لأن طبعا طبقة الفوم و طبقتين إللباد بيفرقوا في 2 سم بعد كدة بدأت في تقطيع الجلد بمقاسات معينة و خد بالك لازم تسيب زيادة واحد سنتيمتر عشان الخياطة [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. طبعا إحترت شوية أبدا التقطيع منين أو أبدأ الخياطة منين المهم بدأت بعمل حرف T إللي هو علبة الشاسية إللي تحت الكنبة و علبة الشاسية إللي فيها الفرامل اليد و الفتيس بما ان دة أصعب جزء و فيه منحنيات و تانيات كتير كما بالصورة و طبعا قعدت أفنن في قطعة الجلد الخفيف بتاع فرش الأبواب و عملت منها غطاء لفرامل اليد [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. و المشكلة اللي كانت مضايقاني و مكرهاني في عشتي هههههه ان للأسف ماكينة الخياطة صغيرة لكن كتر ألف خيرها (علي قد لحافك مد رجليك) صح برده و لا انا غلطان هههههههههه [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. بعد ما إنتهيت من حرف إلــ T عملت الجزء الشمال كما بالصورة [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. لاحظوا ان في أجزاء صعبة علي ماكينة الخياطة فقمت بخياطتها يدويا بخيط أبيض لأني ماكنتش لاقي لون رمادي بس عملت حركة صايعة بعدها و لونت الخيط الأبيض بقلم فلوماستر رمادي ههههههههههههههه بعد كدة عملت الجزء اليمين زي ما حضراتكوا شايفين طبعا و قصيت مكان دوران الكارتيرات أو الرفارف الأمامية [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. بعد كدة و دي كان اكتر حاجة صعبة بالنسبة لي و هي جزء الكارتيرات إني آخد مقاساتها صح و دورانها ودي خدت مني وقت طويل شوية بس الحمد لله جت معايا مضبوطة تماما و عملتها زي ما بالصورة [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. شوية و قعدت أتسلي و عملت غطاء لعصاية الفتيس و طبعا خدت مني شوية وقت عشان تطلع بالشكل الجميل دة زي إللي في الصورة [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. في النهاية بدأت تركيب الأرضية في العربية و الحد لله طلعت المقاسات مضبوطة بنسبة 99% و دة شي جميل [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. و طبعا تم تثبيت بعد كدة المجري بتاعت الكراسي و العتب بتاع الأبواب و عصاية الفتيس مع العلم إني كنت خالعها خالص [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. لاحظوا عند صدر العربية أو تحت التابلوه [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. لاحظوا أيضا خلف دواسات البنزين و الفرامل و الدبرياش بس ممكن ماتكونش الصورة باينة شوية عشان عصاية الفتيس لسة ما ثبتهاش من تحت كويس [IMG]http://www.**********.net/Nile/images/statusicon/wol_error.gif[/IMG] اضغط هنا لمشاهدة الصورة بالحجم الطبيعي. بحمد لله و بفضله أشكره علي إني قدرت أوصل للشكل دة معلش هطول عليكم شوية و أقولكوا نصائح و نتائج أولا النتائج بالنسبة للتنظيف لاحظت سهولة جامدة فيها بالنسبة لصوت الموتور اثناء السير لاحظت إنعدام صوت الموتور بنسبة 80 % من الصوت قبل تغيير الموكيت القديم بالنسبة للحرارة و الدخان و الصهد و الهواء لاحظت انعدامه تماما بنسبة 100% ثانيا النصائح لما تيجي تشتري الجلد بتاع الأرضية هات خامة طرية و بلاش الخامات الناشفة لصعوبة ثنيها أو إنحنائها و دة مع الأسف إللي وقعت فيه و عملت فيها ناصح علي البائع و اخترت الخامة الناشفة مع العلم انه قاللي خد الخامة الطرية الموضوع دة بصراحة يا جماعة متعب شوية و محتاج كام يوم متواصل ( مش هتصدقوني لو قولتلكوا ان الموضوع دة خد مني خمس أيام متواصل ) كنت بشتغل حوالي 8 ساعات في كل يوم لأني اول مرة اقعد علي ماكينة خياطة و اشتغل بإيدي و اقصفص و ألصق إللي ساعدني إني عندي جراج قي البيت قدرت إن افك براحتي و أركب براحتي بدون ما حد يكون كاشفني أو جارحني انا بحمد الله كل دة عملته لوحدي محدش ساعدني فيه ربنا يقويكوا و تقدروا تعملو بنفسكوا أفكار أحسن من كدة و نستفيد من بعضنا

انت ولد فنان 100 فى 100
ولا اجدع محترف.

[22 zico]

تسلم ايدك يافنان

[mahranahm]

بجد موضوع ممتع ومجهود رائع ومش عارف اوصفلك ازاى وانا مستمتع بطريقة الثرد والصور وبجد حاجة جميلة اوى انك تعمل حاجه بايدك من غير قرف الصنايعى الحيقولك عمل فيها كأنه بناها من اول وجديد
اخى الغالى انا لسة قارىء الموضوع انهاردة وبجد بشكرك جدا جدا جدا على المجهود فى نقل تجربتك وربنا يجعله فى ميزان حسناتك

[eng.moustafa nasr]

بصراحـــــــــــــة الله ينور
: THUMB_~112: