#31
|
||||
|
||||
رد: انا نزلت التحرير النهاردة ..
امين يا رب....................... .....
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
#32
|
|||
|
|||
رد: انا نزلت التحرير النهاردة ..
بص يا باشا انت وهو ..
اولا شكرا للاسلوب الراقي في الحوار .. و ثانيا دي محاولة جادة و كويسة انه احنا نحاول نفهم اللي بيحصل حوالينا .. انا لسه جاي من التحرير من امبارح .. و الحمد لله الاصابات هديت شوية .. و معلومة قبل الكلام .. انا كنت بسأل اي مصاب ايه اللي بيوديك شارع الزفت اللي اسمه محمد محمود ده .. و الرد كان بسيط .. العملية كانت كر وفر .. لو موقفناش قدام الشرطة في محمد محمود .. هتدخل علينا في الميدان و تضربنا في وسط الميدان اللي مليان خيم و مستشفيات ميدانية و اطفال و ستات .. طب نفكر مع بعض شوية .. يمكن انا افهم ايه اللي وصل الموضوع لكده .. مؤامرة و خونة و عملاء مثلا ؟؟ انا من اكتر المؤمنين بنظرية المؤامرة .. و اكيد اكيد مصر دلوقتي مليانة عملاء و خونة من فصيلة شعللها و ولعها .. ده اكيد بيحصل .. التاريخ اثبت الكلام ده و انه بيحصل من 5000 سنة و مفيش اختلاف عليه .. بس مع كامل احترامي لخطورة العامل ده .. ده لغاية دلوقتي عامل ثانوي موش اساسي في القصة اللى احنا فيها دلوقتي .. يعني المليونية اللي قامت يوم الجمعة دي كان سببها العملاء و الخونة .. و لا المجلس العسكري و تلكؤه في تسليم السلطة .. و وثيقة السلمي اللي اصروا ينزلوها اسبوع قبل الانتخابات و مخلياهم فوق القانون .. بلاش الكلام على المليونية و السياسة و الكلام الكبير اللي لا انا و لا غيري كتير بيفهم فيه .. فيه 200 واحد قرروا يعتصموا في التحرير .. مصابين ثورة .. شباب صايع .. عملاء و مدفوع لهم .. اي حاجة .. ناس قعدت و اعتصمت .. زي ما ناس كتير في مصر كلها بتقرر تعتصم .. مين بقى اللى قفل دماغه الميري و قرر يمسح بالناس دي الارض و يخليها عبرة لمن يعتبر .. العملاء هم اللي ضربوا الداخلية على ايديها علشان تفتري على الناس دي .. الدول اللي بتخطط هي اللي وسوست للمجلس العسكري في ودانه انزل امسح الارض بالناس دي ؟؟؟ الناس جالها ذهول و غضب .. لسه في حد بيفتري على حد .. لسه - بعد الثورة - الناس اللي فوق فاكرينا هنمشي بالعصاية و الضرب على القفا .. و جت الناس .. تضامنا مع كرامة الناس اللي اتبهدلت في الميدان .. موش مهم الناس دي اتجاهم السياسي ايه و عملاء و لا لأ.. المهم السلطة اللي احنا وافقنا عليها لحمايتنا بعد الثورة اتصرفت ازاي مع الناس دي .. بالقانون و العقل و المنطق .. و لا بالخرطوش و المطاطي و الغاز المسيل للدموع ؟؟؟ بتقول يا مجلس يا عسكري دول عملاء و خونة .. ممكن جدا .. بس اثبت بقى يا افندم .. و هات دليلك على الناس دي و افضحهم في التليفزيون و على النت و في كل حتة .. انما علشان هم وقفوا في المكان اللي هو رمز الثورة .. و علشان انت باشا و عايز تلم الموضوع قبل ما يكبر .. تدي امر و انت حاطط رجل على رجل .. خلصوا على الصيع اللي في الميدان و الموضوع لسه صغير .. و خليهم عبرة .. الناس معجبهاش الكلام و نزلت تضامنا مع الناس دي .. و ال 200 بقوا الف و الالف بقوا عشرة و وصلت لمليونية تانية .. تعمل ايه انت بقى يا مجلس يا عسكري ؟؟؟ تعتذر مثلا .. حاشا لله تلم الموضوع و تحاول تهدي في الناس اللي المفروض هم اللي جايبينك و مديينك الشرعية... استغفر الله تتكلم مع الناس بالعقل .. عقل مين .. دول شوية بقر و بلطجية و قلة مندسة .. اكتر من 200 الف بني ادم في التحرير عملاء و خونة و اجندات خارجية .. طب تعمل ايه يا مجلس يا عسكري يا حامي حمى الوطن .. اه .. مفيش غير الحل الوحيد اللي الناس دي بتيجي عليه .. الضرب اديهم على دماغهم التحرير لازم يفضى و باي تمن .. اصابات .. وفيات .. عيون بتضيع .. مستقبل بيروح .. موش مهم .. و كأننا شوية بقر .. و كأنه لا قامت ثورة .. و لا بلد اتغيرت .. و لا نيلة .. و اروح انا الطبيب ..اللي لا ليا في السياسة و لا غيره .. و رايح بس اؤدي واجب انساني .. و الاقي اكتر من 1000 مصاب .. 1000 مصاب يا جدعان 1000 عميل و خاين و قلة مندسة .. الف بني ادم يا راجل .. من خيرة شباب مصر .. دكاترة مهندسين مدرسين محامين محاسبين بنات اطفال .. كله مصاب في عينيه او في ايديه او في جسمه .. طب ليه ؟؟؟؟ علشان بيقولوا لأ ... علشان موش موافقين علي المجلس العسكري.. طب هو ايه المجلس العسكري علشان لما اقوله لأ يكون جزائي الموت .. هو مين ؟؟؟؟؟ هو مؤسسة وظيفتها الاساسية انها تحميني ... موش تموتني علشان يقعدوا هم في كراسيهم .. شوفوا يا اخوانا .. بعد اللي حصل مع مبارك مفيش واحد هيسيب مكانه بالذوق .. الا لو كان نضيف و تاريخه مشرف .. زي عصام شرف كده .. عايزني امشي .. هامشي .. انما ده عارف انه لو مشي .. هتتفتحله الدفاتر القديمة هو و اللي معاه .. فهيمسك فيها بايديه و سنانه لغاية لما يجيب واحد يداري عليه .. و موش مهم ال 4500 مصاب .. و موش مهم ال 35 واحد اللي ماتوا .. و ان شاء الله يغور الشعب ده كله في داهية بس هو ماحدش يقرب منه .. الناس دي لو فعلا قلبها علينا اوي كده .. كانوا استقالوا من اول شهيد دمه راح بسببهم .. و سابوها للي فعلا هيعرفوا يحافظوا عليها .. انا كانسان ماليش اي اتجاهات سياسية .. بس عشت كام يوم صعب جدا وسط المصابين خيرة شباب مصر .. و باكرر خيرة شباب مصر .. بقولك هي دي دماغ اللي انت عايزه يفضل يحكمك .. تغور انت في داهية انت مالكش تمن عندي.. المهم افضل انا قاعد في الكرسي بتاعي .. موافق على كده طظ فيك .. موش موافق على كده طظ فيك برده .. نفس دماغ مبارك .. و نفس دماغ كل طاغية ميهموش الا مصلحته و بس .. و انا بقولها لكل عضو في المجلس العسكري .. دم اي بني ادم مات في ميدان التحرير يساوي مليون واحد زيك .. و عينين اي شاب راحت في الميدان تساوي كل اللي هيحصل فيك واكتر .. و لو انت مريحنا و معيشنا احلى 10 شهور عدوا على مصر ( و ده محصلش طبعا ) فكفاية عليك اللي انت عملته في الاسبوع اللي فات ده .. علشان تغور .. و تتحاكم .. و تدفع تمن دم الناس اللي ماتت دي .. و يجيي اللي فعلا المصري عنده .. دمه تمنه غالي اوي .. غالي اوي اوي اوي .. اللهم قد بلغت .. اللهم فاشهد ..
__________________
Dr.wael el7yran
|
#33
|
|||
|
|||
رد: انا نزلت التحرير النهاردة ..
ربنا يكرمك يا د.وائل ويجعل هذا العمل فى ميزان حسناتك
وجزاك الله خير |
#34
|
||||
|
||||
رد: انا نزلت التحرير النهاردة ..
جزاك الله خيرا
__________________
|
|
|