هتتصرف ازاى ؟؟؟؟؟ لو حد قفل عليك

[احمد بدر1978]

ه حصلت معايا مرة مع جيرانى اللى قصادى وبعيد عنك جيران قمة اللامبالاة بس على مين خبطت ما فتحوش اخدت عربيتهم لنص الشارع وسيبتهلهم ملطشة بعد ما الاكصدام بتاعى عمل الواجب مع الباب بتاع عربيتهم

[mm_champion]

هي بتحصل كتير يا جماعة وحصلت لكل واحد
بس انا مش مع الأفكار اللي فيها نوع من الأذى للعربية لأن دي برضه فلوس ناس والواحد هيتسأل عليها , وساعات الواحد بيتزنق ويركن صف تاني عشان مش لاقي مكان لكن في الحالة دي مبشدش فرامل اليد , ولو عايز اشدها ببقى معرف الناس اللي حوليا انها عربيتي عشان لو حد عايز يطلع انزله , ببساطة المسألة هتتحل من غير أذى لأي حد لأن كما تدين تدان

[momen_bondok]

المشاركة الأصلية كتبت بواسطة Ahmed Salah ahmed لو اضطريت لكده دي باسيب ورقه كبيره برقم التليفون علي قزاز العربيه ولو اتعرضت لنفس الموقف بافضل ادور علي صاحب العربيه لكن صعب اني اخبطهاله او انيمله الكاوتش او اي حاجه من دي خالص طبعا احنا مصريين جدعان:THE_PR~1 8:

حل حضرتك فى قمة الاحترام جزاك الله خيرا على المشاركة

المشاركة الأصلية كتبت بواسطة احمد بدر1978 ه حصلت معايا مرة مع جيرانى اللى قصادى وبعيد عنك جيران قمة اللامبالاة بس على مين خبطت ما فتحوش اخدت عربيتهم لنص الشارع وسيبتهلهم ملطشة بعد ما الاكصدام بتاعى عمل الواجب مع الباب بتاع عربيتهم

والمهم انة بيقفل عليك وبيطلع البيت ولا كان فية حاجة

المشاركة الأصلية كتبت بواسطة mm_champion هي بتحصل كتير يا جماعة وحصلت لكل واحد بس انا مش مع الأفكار اللي فيها نوع من الأذى للعربية لأن دي برضه فلوس ناس والواحد هيتسأل عليها , وساعات الواحد بيتزنق ويركن صف تاني عشان مش لاقي مكان لكن في الحالة دي مبشدش فرامل اليد , ولو عايز اشدها ببقى معرف الناس اللي حوليا انها عربيتي عشان لو حد عايز يطلع انزله , ببساطة المسألة هتتحل من غير أذى لأي حد لأن كما تدين تدان

نفس النظام اللى انا مُتبعة لانة فعلا ومش بيعرض حد للضرر وحسابهم عند الله
جزاك الله خيرا

[star2008]

انا بقى واحد ركن ورايا سد عليا بس كان معايا جيب جيت راجع علية ورجعت شوية وعديت اعمل اية منا مش لقية وقافل عالية وكنت رايح مشوار ضرورى وكنت حاتاخر لا فى ناس مخها قافل يعنى ركنت سيب مجال لجارك مش تقفل خالص وهو يقطع هدومة

[Dr. Mostafa El Nazer]

انا حصلتلي مرة واحده و كنت نازل من عند الدكتور و أنا تعبان خالص و الدنيا برد و اللي كان راكن ورايا تاكسي و الظاهر انه ركن و راح البيت لأني وقفت في الشارع حوالي ساعة و محدش ظهر .... المهم استعنت بالله و شديت نفسي و أنا ورا التاكسي لغاية ما حركته لمسافة مترين في حوالي ساعة تانية و كل ما اتعب اريح كام دقيقة و أرجع أكمل .... و بعد ما خرجت بالعربية فكرت و قلت ما أنا أكسرله حاجة في العربية و أخربله الكاوتش " إنتقاماً منه " .... و بعدين قلت اللهم اخزيك يا شيطان و المسامح كريم ...... بس في الحالات اللي زي كده ساعات بيكون المسامح " عبيط " لأن اللي بيقفل عليك مش بيفكر فيك لما يتربس عربيته و يمشي و ما يخليش مجال انك تتعامل معاها.
انا كتير باضطر أركن ورا ناس و اقفل عليهم لكن باخلي العربية سهلة الحركة مش باتربسها و بافضل شايل هم اللي انا قافل عليه لغاية ما أرجع .....