ايهما افضل فيرنا ولا اسبرنزا ولا byd فى التاكسى الابيض

[transporter]

المشاركة الأصلية كتبت بواسطة sayedelkomy الصينى اشترينى وبعد سنتين ارمينى

....إسمح لي أخي الكريم بالقول أن رأيك لا يتسم بالموضوعية ويعتمد علي التأثير بالسجع_فإذا كانت لك مؤاخذات حقيقية علي السيارة تصميما" أو أداء" أو إرتفاع أسعار قطع غيارها أو عدم توافرها_فأرجو منك التفضل بإيضاحها لنكون علي بينة ونتجنب تضيع أموالنا في منتج (رديء) بحسب وجهة نظرك_التي أحترمها من باب ثقافة الإختلاف......وأخيرا" لك تحية إعزاز وتقدير

[أبو زيزو المصري]

بصراحة يا جماعة كل الناس بتشكر في العربية دي, بس سمعت ناس بتقول إن فيها مشاكل في كهربتها هل ده صحيح؟ يعني بيقولو ان كهربة العربية فيها مشاكل ومش اي حد يقدر يشتغل فيها ولا حتى توكيل الأمل نفسه؟ ارجو الرد حتى يكتمل تقييم هذه السيارة التي عن نفسي احبها جدا وان شاء الله التغيير القادم لي سيكون بي واي دي.

[man22]

ياجماعة انصحوا الراجل . ابعد عن الصينى تكسب لو اشتريت عربية صينى النهاردة روح تانى يوم سعرها واسمع السعر وابقى ادعيلى . لان فى اصحابى جابوها برخص التراب زى اسبرنزا كدا . الصينى اخرة معاك سنتين دا لو كملت لانك هاتشغلها تاكسى يبقى يارحمان يارحيم عليها . لو قدامك فيرنا خش وقلبك جامد . اى نوع تانى احسن 10000000 مرة من الصينى . ربنا يوفقك

[المرجاوى22]

byd بلا منازع :THUM BS~220::THUMB S~220::THUMBS ~220::THUMBS~ 220::THUMBS~2 20::THUMBS~22 0::THUMBS~220 : : THUMBS~220::T HUMBS~220::TH UMBS~220:الباشا

[hal71]

المشاركة الأصلية كتبت بواسطة f3_byd مبروك مقدما.............. اختيار سيارة للتاكسي يختلف تمااااااااااما عن اختيار سيارة للملاكي اولا عشان تطمن لكلامي انا والدي و 2 من اعمامي سواقين تاكسي ابويا و عمي معاهم byd f3 و فيرنا و الاتنين سوقتهم طبعا عمي الثاني معاه لانوس سائق التاكسي يهمه في عربيته اولا انها متعطلش كتير و متوقفش حاله ثانيا يهمه عمر العربية نفسها و مدى تحملها للعمل فترات طويلة تصل ل 20 ساعة في اليوم ثالثا يهمه تكاليف الصيانة تكون قليلة الى حد ما و يهمه توافر قطع الغيار رابعا يهمه اداء السيارة لانه بيعيش فيها مش بيركبها بمعنى انه ممكن يقضي فيها فترة اكبر من الي بيقضيها في بيته فلازم يكون مستريح و اخر حاجة بيفكر فيها سائق التاكسي شكل العربية لانها عربية اكل عيش مش عربية منظرة تعالى بقا نقارن بين ال 3 عربيات الي انت كاتبهم اولا الفيرنا : صالون ضيق و ناس كتير مش بتحب توقفها تاكسي خصوصا زوي الاحجام الكبيرة الي زي حالاتي.......عفشة ضعيفة و فرامل الى حد ما مش في قوة فرامل ال byd ثبات سيئ بعد سرعة 120 الى 140 توكيل مفيش داعي اتكلم عليه من الاخر حرامية ( طبعا انت ممكن مترح التوكيل خصوصا ان صيانتها سهلة ) دي عيوب الفيرنا و مميزاتها موتور جبار يعتبر اقوى موتور في ال 3 عربيات تسارع هايل جدا عالطريق ( على حساب الثبات طبعا )..........دي الفيرنا ثانيا الاسبيرانزا : باختصار شديد كل الي شفته جبها تاكسي ندم ندم شديييد و قرفته في عشته و كرهته في العربيات.........باختصار مش عربية شقا و في سواق اعرفه عربيته جابت جوان وش سلندر بعد 40 الف كيلو كان مشغلها ورديتين في اليوم يعني حوالي 16 ل 18 ساعة يوميا .....عيوب السيارة : عفشة سيئة جدا و ارتفاع حرارتها مع تشغيل التكييف ( ليست مشكلة عامة لكن متواجدة بكثرة ) التوكيل برضه سيئ جدا جدا جدا ....الموتور تصنيعه ضعيف ( موتور صيني ) و كفاية اننا سمعنا عن ناس عملت جوان و وواحد عمل عمرة رغم ان العربية مكملتش 4 سنين في مصر غير الناس الي سقطت لانسر في عربياتها.........المميزات صالون واسع شكل مقبول كماليات عديدة و جميلة جدا جدا ثالثا التنين الصيني byd f3 نبتدي بالمميزات : اوسع صالون في ال 3 عربيات ( صالونها بالكامل بالكراسي و الطابلوه تويوتا كورولا ) ......موتور قوي جدا ( موتو ميتسوبيشي نفس موتور البومة ) العفشة تويوتا كورولا لغاية 2007 .........ده كله يوريك تعدد مصادر قطع الغيار يعني مفيش مشكلة في الصيانة لان العربية خليط بين الكورولا و اللانسر..........شكل جميل جدا بعتبره احلى شكل عربية في ال 3 ..........اداء العربية و تحملها حدث و لا حرج ........من واقع تجربة عملية من سيارة عمي بقالها حوالي سنة و بتشتغل برضه في حدود ال 18 ل 20 ساعة متواصل و شغالة غاز طبيعي مش بنزين مع تشغيل التكييف اغلب الاوقات في الصيف و من ساعة ما جابها معملش اي صيانات خااااااااااالص غير الصيانات الدورية العادية فقط و مرة واجدة سمكرة بسبب خبطة بسيطة..............نصيحتي ليك لو هتجيب تاكسي اوعى تتنازل عن ال byd و ده عن تجربة عمليه .....ميزة كمان نسيت اقولك عليها و هي اسعار قطع الغيار الاصلية في التوكيل رخيصة الى حد ما او تقدر تقول مفيهاش استغلال التوكيلات المعروفة و بالنسبة لاداء التوكيل شركة الامل فهو ليس جيد بالدرجة الكافية و لكنه في تطور و تحسن مستمر...... لو عند حضرتك اي سؤال عن استلام التاكسي الابيض من الساحة او التقديم او البنك و الاقساط و خلافه انا تحت امرك

: THUMBS~220: